Escala administración xeral
Quedan 28 días · ESO / Graduado escolar · 1 praza
Ayuntamiento de Bueu · Galicia
Podo presentarme?
- Titulación Requisito: Graduado en educación secundaria obrigatoria ou equivalenteNivel mínimo: ESO / Graduado escolar
Cos teus estudos () podes presentarte. Comproba que o teu título é o que piden.
Pide ESO / Graduado escolar: cos teus estudos () non chegas.
Requisito non confirmado: piden un título de FP de grao medio concreto, que o Bacharelato non dá. Compróbao nas bases.
Requisito non confirmado: polo seu grupo adoita bastar con ESO / Graduado escolar, así que cos teus estudos () probablemente si. Compróbao nas bases.
Requisito non confirmado: polo seu grupo adoita pedir ESO / Graduado escolar, máis que os teus estudos (). Compróbao nas bases.
Requisito non confirmado: non puidemos ler a titulación. Mírala nas bases.
- Quen pode presentarse Estabilización: adoita valorar moito a experiencia previa no posto.
- Prazo de solicitudes Quedan 28 días (ata o 16/12/2026).
- Como presentarse A solicitude preséntase na sede electrónica ou no rexistro do organismo convocante; os pasos exactos veñen na publicación oficial ↗.
- Prazas
- 1
- Grupo
- C2
- Sistema
- Concurso de méritos
- Persoal
- Laboral
En resumo
Ayuntamiento de Bueu convoca un proceso selectivo para «Escala administración xeral». O posto está en Bueu (Pontevedra). Publicouse o 17/11/2026 en Boletín Oficial de la Provincia de Pontevedra. Ofrécese 1 praza. Selecciónase por concurso de méritos. Grupo profesional: C2. Estabilización: adoita valorar moito a experiencia previa no posto. O prazo de presentación de solicitudes remata o 16/12/2026. Titulación esixida: Graduado en educación secundaria obrigatoria ou equivalente. A solicitude preséntase na sede electrónica ou no rexistro do organismo convocante, seguindo os pasos da publicación oficial. Publicación oficial: boppo.depo.gal ↗
Estado do proceso
- Convocada: feito
- Solicitudes: fase actual
- Listaxes
- Exame
- Aprobados
- Nomeamentos
Fase 2 de 6 · Solicitudes
- Convocada
- Prazo de solicitudes
- Seguinte: listaxes de admitidos
Última novidade: convocatoria (17/11/2026). Datas orientativas: confírmaas no boletín.
Alerta de semellantes
Avisámoste por correo ou Telegram das convocatorias novas en Pontevedra. De balde.
- Tipo
- Convocatoria
- Título oficial
- BASES E CONVOCATORIA DO PROCESO SELECTIVO PARA A COBERTURA, EN QUENDA LIBRE E MEDIANTE PERSOAL LABORAL FIXO, DUNHA PRAZA VACANTE DE AUXILIAR ADMINISTRATIVO/A
- Convoca
- Ayuntamiento de Bueu
- Ámbito
- Concellos e deputacións
- Concello
- Bueu
- Acceso
- Estabilización
- Titulación
- Graduado en educación secundaria obrigatoria ou equivalente
- Publicada
- 17/11/2026 en Boletín Oficial de la Provincia de Pontevedra
- Fonte
- Baseado en datos de Boletín Oficial de la Provincia de Pontevedra ↗. Última comprobación: 17/11/2026.
Sábelo?Ley 39/2015 · Art. 107.3
Transcurrido el plazo de desde la iniciación del procedimiento sin que se hubiera declarado la lesividad, se producirá la caducidad del mismo.
Ben! É das que caen no exame. Que non se che esqueza: uns minutos de repaso ao día e chegas con ela fresca. Ver o artigo
Normal: é das que máis caen e das que máis se esquecen. Con uns minutos de repaso ao día chegarás ao exame sabéndoa. Ver o artigo
A túa rocha de hoxe: repasa as leis desta convocatoriaLeis desta convocatoria: Ley 39/2015Ley 40/2015Ley 2/2015
Ver o texto completoOcultar o texto completo
Os restantes e sucesivos anuncios inseriranse no taboleiro de anuncios electrónico agás: as resolucións de aprobación da lista provisional e a definitiva de admitidos (que incluirá o nomeamento e convocatoria do Tribunal), con publicación tamén no BOP; e a resolución de finalización do proceso e contratación da persoa aspirante seleccionada, que tamén se publicará no BOP e DOG. TERCEIRA. REQUISITOS DAS PERSOAS ASPIRANTES. Para poder participar no proceso de selección, será necesario reunir os requisitos establecidos no artigo 56 do Real Decreto Lexislativo 5/2015, de 5 de outubro, polo que se aproba o texto refundido da Lei do Estatuto Básico do empregado público, na data en que finalice o prazo da presentación das instancias: a) Ter nacionalidade española ou algunha outra que, conforme o disposto no artigo 52 da Lei 2/2015, do 29 de abril, do emprego público de Galicia, permita o acceso ao emprego público. Poden acceder ao emprego público en condicións de igualdade coas persoas de nacionalidade española: - As persoas que posúan a nacionalidade doutros estados membros da Unión Europea. - As persoas, calquera que sexa a súa nacionalidade, que sexan cónxuxes de persoas que posúan a nacionalidade española ou doutros estados membros da Unión Europea, sempre que non estean separadas de dereito. - As persoas, calquera que sexa a súa nacionalidade, descendentes de persoas que posúan a nacionalidade española ou doutros estados membros da Unión Europea, sempre que sexan menores de vinte e un anos ou maiores da devandita idade dependentes. - As persoas, calquera que sexa a súa nacionalidade, descendentes do cónxuxe non separado de dereito de persoas que posúan a nacionalidade española ou doutros estados membros da Unión Europea, sempre que sexan menores de vinte e un anos ou maiores da devandita idade dependentes. - As persoas incluídas no ámbito de aplicación dos tratados internacionais subscritos pola Unión Europea e ratificados por España nos cales sexa aplicable a libre circulación de persoas traballadoras. b) Posuír a capacidade funcional para o desempeño das tarefas. c) Ter cumpridos dezaseis anos e non exceder da idade máxima de xubilación forzosa. Só por lei poderá establecerse outra idade máxima, distinta da idade de xubilación forzosa, para o acceso ao emprego público. d) Non ser separado/a mediante un expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en situación de inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario/a ou para exercer funcións similares ás que desempeñaban no caso do persoal laboral, no que fose separado ou inhabilitado ou en situación equivalente, nin ser sometido a sanción disciplinaria ou equivalente que impida o acceso ao emprego público no seu estado nos mesmos termos. e) Estar en posesión da titulación de graduado en educación secundaria obrigatoria ou equivalente. No suposto de estar en posesión dunha titulación equivalente a esixida na convocatoria, deberá acompañarse dun certificado expedido polo órgano competente que acredite a citada equivalencia. As persoas aspirantes con titulacións obtidas no estranxeiro deberán acreditar que están en posesión da correspondente validación ou da credencial que acredite, de ser o caso, a homologación do titulo. Este requisito non lles será de aplicación ás persoas aspirantes que obtivesen o recoñecemento da súa cualificación profesional no ámbito das profesións reguladas ao amparo das disposicións de dereito da Unión Europea. f) Aboar os dereitos de exame segundo as cantidades establecidas na Ordenanza Municipal de expedición de documentos administrativos. CUARTA. FORMA E PRAZO DE PRESENTACIÓN DE SOLICITUDES. TAXAS. 1. As persoas que participen no procesos selectivo convocado deberán facelo mediante unha instancia dirixida ao Alcalde-Presidente do concello de BUEU. A instancia conterá, polo menos, os datos persoais da persoa solicitante, o seu enderezo e a denominación da praza convocada á que opta. Farase constar expresamente que se reúnen todas e cada unha das condicións esixidas na base terceira, para o que será preciso achegar copia simple da seguinte documentación: a)Fotocopia do documento nacional de identidade. b)Fotocopia do titulo esixido ou documento acreditativo do abono das taxas para a expedición do mesmo. c)Copia dos títulos ou cursos que acrediten os méritos alegados para o Concurso de Méritos. d)Resgardo acreditativo de ter abonado a taxa dos dereitos de exame. 2. O prazo para a presentación de solicitudes será de 20 días naturais, contados a partir do seguinte en que apareza a publicación do anuncio da convocatoria no Boletín Oficial do Estado. A presentación de solicitudes poderá facerse no Rexistro Xeral do concello, a través da Sede Electrónica do concello de Bueu: https://Bueu.sedelectronica.gal ou por calquera dos procedementos que prevé o artigo 16 da Lei 39/2015, do Procedemento Administrativo Común das Administracións Públicas. As solicitudes que se presenten a través da oficina de correos deberán entregarse en sobre aberto para seren seladas e datadas antes de seren certificadas. As solicitudes subscritas por españois no estranxeiro poderán cursarse, no prazo sinalado, a través das representacións diplomáticas ou consulares españolas correspondentes, que a remitirán seguidamente ao organismo competente. Para seren admitidas nas probas selectivas correspondentes as persoas aspirantes deberán manifestar nas súas solicitudes de participación que reúnen todas e cada unha das condicións esixidas na data en que remate o prazo de presentación. 3. As persoas aspirantes quedan vencelladas aos datos que fixeron constar na súa solicitude, aínda que os erros de feito que se puideren advertir poderán emendarse ou repararse en calquera momento, ben de oficio, ben a petición dunha parte. 4. Taxas. Para a admisión no proceso selectivo será obrigatorio o pagamento das taxas de inscrición. O pagamento da taxa realizarase dentro do prazo de presentación das solicitudes. O importe da taxa fixada como dereitos de exame, na ordenanza municipal publicada no BOP nº 12 de 18 de xaneiro de 2017: Grupo C ou asimilado..............................................15€ O pagamento da taxa efectuarase en réxime de autoliquidación, a través da Oficina Virtual tributaria do Concello de Bueu, ou mediante solicitude do documento de pago no Departamento de Rendas do Concello. Non se lles esixirá o pagamento polos conceptos “dereito de exame” ás persoas desempregadas que figuren como demandantes de emprego e que non estean percibindo a prestación por desemprego, sempre que acrediten esa condición por medio de certificación emitida polo Servicio Público de Empleo Estatal. QUINTA- ADMISIÓN DE ASPIRANTES. Rematado o prazo de presentación de instancias, o órgano competente ditará resolución, no prazo máximo de un mes, declarando aprobada a lista provisional de persoas aspirantes admitidas e/ou excluídas que darase publicidade no Taboleiro de Edictos da sede electrónica municipal. As persoas aspirantes excluídas ou omitidas, que tiveran presentado solicitude, disporán dun prazo de 10 días hábiles, contados a partires do día seguinte a publicación da resolución no Taboleiro de Edictos e na páxina sede electrónica municipal, para subsanar o defecto que causou a súa exclusión ou a súa omisión. Os erros materiais ou de feito que puideran advertirse na lista poderán subsanarse en calquera momento, de oficio ou a petición da parte interesada. Expirado o prazo de resolución das reclamacións presentadas, o órgano municipal competente ditará unha nova resolución coa lista definitiva de persoas aspirantes admitidas e excluídas publicitarase no Taboleiro de Edictos da sede electrónica do concello, no prazo máximo de 15 días naturais, na que se determinará o lugar, data e hora de comezo da valoración de méritos e se publicará a composición do Tribunal Cualificador da mesma. Contra a resolución que faga pública a relación definitiva de persoas aspirantes excluídas, poderá interpoñerse recurso de reposición no prazo de un mes, contado a partires do día seguinte da súa publicación no Taboleiro de Edictos e na sede electrónica municipal, ou recurso Contencioso-Administrativo no prazo de dous meses, a partires do día seguinte da súa publicación nos medios anteriormente referenciados. No caso de non existir persoas excluídas na lista provisional de persoas aspirantes, a lista será considerada como definitiva. SEXTA.- APLICACIÓN DAS QUENDAS DE PERSOAS CON DISCAPACIDADE. Nos casos dos proceso e dado que este deriva da disposición sexta da Lei 20/2021, ao tratarse de procesos por concurso como proceso excepcional, a convocatoria do concurso realizarase con carácter xeral para igual valoración dos méritos obxectivos fixados nas presentes bases para todas as persoas aspirantes. SÉTIMA.-TRIBUNAIS CUALIFICADORES. Os órganos de selección serán colexiados e a súa composición deberá axustarse aos principios de imparcialidade e profesionalidade dos seus membros, e tenderase, así mesmo, á paridade entre mulleres e homes na súa composición. O persoal de elección ou de designación política, o persoal funcionario interino, o persoal laboral temporal e o persoal eventual non poderán formar parte dos órganos de selección. A pertenza aos órganos de selección será sempre a titulo individual, polo que non se poderá realizar en representación ou por conta de ninguén. Os Tribunais cualificadores serán designados polo Alcalde-Presidente da Corporación Municipal e estarán constituídos por un número impar de membros, debendo designarse o mesmo número de suplentes, sendo a súa composición a seguinte: - Presidencia: Funcionario de carreira con igual ou superior categoría profesional da praza convocada.. - Vogais: 3 vogais designados entre funcionarios de carreira con igual ou superior categoría profesional da praza convocada. - Secretaría: a secretaria municipal ou persoa que legalmente a substitúa. Todos os membros do tribunal actuarán con voz e voto. A Presidencia do tribunal coordinará a realización do proceso selectivo e dirimirá os posibles empates nas votacións co seu voto de calidade. Os membros do tribunal e o persoal asesor e colaborador que asistan ás sesións percibirán as axudas de custo segundo a contía legalmente establecida. Para que un Tribunal se considere validamente constituído, aos efectos de celebración das súas sesións, deliberacións e toma de acordos, requirirase a presencia de tres dos seus membros (titulares ou suplentes, indistintamente) e, en todo caso, coa asistencia do /a presidente/a e do/a secretario/a do Tribunal. Unha vez constituído o Tribunal tamén se poderán incorporar as outras persoas vogais titulares que non concorresen á sesión constitutiva e, de ser o caso, as suplentes. As dúbidas ou incidencias que xurdan sobre a aplicación das normas das bases da convocatoria, serán resoltas polo Tribunal por maioría de votos das persoas asistentes á sesión, decidindo en caso de empate o voto da Presidencia. Así mesmo, o Tribunal determinará a actuación procedente no suposto de casuística non prevista nas bases da convocatoria. As persoas membros dos Tribunais deberanse abster de intervir cando concorreren nelas algunhas das circunstancias previstas no artigo 23 da Lei 40/2015, do 1 de outubro, do réxime xurídico do sector público. Este feito deberanllo comunicar ao Alcalde. Tampouco poderán intervir se realizaron tarefas de preparación de aspirantes para o mesmo corpo e especialidade durante os cinco anos anteriores á publicación da convocatoria do proceso selectivo. Así mesmo, as persoas aspirantes poderán recusar as persoas membros do Tribunal cando nelas concorra algunha das circunstancias previstas para a abstención e de conformidade co establecido no artigo 24 da Lei 40/2015, de 1 de outubro, de Réxime Xurídico do Sector Público. A categoría de cada órgano de selección, e os conseguintes dereitos económicos pola asistencia ás distintas sesións, regularanse polo disposto no Real decreto 462/2002, do 24 de maio, sobre indemnizacións por razón do servizo. Os dereitos económicos dos asistentes aos órganos de selección, técnicos especialistas e administrativos, rexeranse tamén polo dito Real decreto, e percibirán a mesma cantidade cá correspondente a un vogal, sempre que a súa asistencia fose requirida polo presidente/a do citado órgano e así conste expresamente na acta. As asistencias devengaranse por cada sesión realizada, con independencia de se esta se estende a máis dun día. No caso de que nun mesmo día se realice máis dunha sesión, devengarase unicamente unha asistencia. OITAVA.- ESIXENCIA DE TITULACIÓN ACADÉMICA E REQUISITOS LINGÜÍSTICOS. Nas convocatorias de prazas en proceso de estabilización resulta de aplicación a normativa sobre titulación académica esixida para acceder aos distintos corpos de funcionarios, en función do seu subgrupo de pertenza, ou as distintas categorías profesionais, salvo aqueles supostos nos que a normativa convencional aplicable ao ámbito permita opoñer excepción a esta esixencia. No caso da praza convocada será esixible o titulo de Educación secundaria obrigatoria ou equivalente O desempeñar previamente a praza convocada non exime deste requisito, salvo aqueles supostos en que a normativa convencional para o persoal laboral aplicable ao ámbito, estableza a posibilidade de acceder con outras titulacións académicas ou profesionais similares ou equivalentes. Con relación aos requisitos lingüísticos, no caso de non poder acreditar o coñecemento do galego de conformidade coa normativa vixente, poderá facerse mediante unha proba de carácter oral que acredite a capacidade de comunicación en galego coa cidadanía, sendo calificada de apto ou non apto. NOVENA.- SISTEMA SELECTIVO A UTILIZAR NO PROCESO SELECTIVO O sistema de provisión será o de Concurso de valoración de Méritos. O Tribunal Supremo, en sentenzas do 24/06/2019 e 5/07/2019 fallou que non se considera arbitrario atribuír distinta puntuación á experiencia previa segundo se acadase na Administración convocante ou noutra, dado que non existe o mesmo contexto organizativo e funcional e que non hai unha coincidencia de competencias e funcións a desenvolver e a normativa a aplicar. A experiencia profesional avaliable é aquela que pode ter a consideración de traballo efectivo na situación de servizo activo, pero tamén en períodos de excedencia por coidado de familiares, violencia de xénero, servizos especiais e/ou excedencia forzosa. Non se limitarán no tempo os méritos de servizos prestados, xa que se trata dun proceso extraordinario, no que non se valorará a experiencia no sector privado comparable. • Méritos Profesionais: 90 puntos - Servizos prestados no corpo, escala, categoría profesional da entidade local convocante da praza, coa condición de funcionario interino ou mediante contratación laboral temporal (*)(***): 0,90 puntos por mes completo. - Servizos prestados noutros corpos, escalas, categorías profesionais da entidade local convocante da praza, coa condición de funcionario interino ou mediante contratación laboral temporal (*): 0,30 puntos por mes completo. - Servizos prestados en corpos, escalas, categorías profesionais doutras Administracións Públicas, distintas da entidade local convocante, coa condición de funcionario interino ou mediante contratación laboral temporal (*): 0,40 puntos por mes completo. - Servizos prestados nos restantes organismos do sector público, coa condición de funcionario interino ou mediante contratación laboral temporal (*): 0,06 puntos por mes completo. (*) Inclúese ao persoal indefinido non fixo. (**) Non se discriminará entre xornada parcial e completa. (***) No caso de postos que cambiasen a súa denominación coa nova RPT, como son o caso da Axente local de emprego, a Responsable da OMIC e a técnica responsable do CIM (Actualmente técnico medio, auxiliar de información á cidadanía e asesor/a xurídico de servizos sociais ) computarase o tempo traballado coa anterior denominación, así como os méritos relacionados co posto anterior. • Outros Méritos: 10 puntos. a)Formación e capacitación profesional. Valoraranse os cursos homologados realizados polas diferentes Administracións Públicas, ou outras entidades do sector público, ou os realizados no ámbito da formación para o emprego ou os acordos de formación continua cuxo contido estea directamente relacionado coas funcións propias da praza obxecto da convocatoria, e os considerados transversais. Por grupos e subgrupos de titulación, a táboa de horas requiridas para acadar a puntuación máxima sería: Grupo C2: 20 horas (0,50 puntos hora). b) Titulación superior á requirida para o acceso e relacionada coa praza: 0,1 puntos. O Tribunal cualificador só valorará os méritos que se posúan na data de finalización do prazo de presentación de solicitudes do proceso selectivo, non tomándose en consideración os alegados con posterioridade. As persoas aspirantes que estean desempeñando unha das prazas obxecto de estabilización, poderán substituír a xustificación documental de todos ou parte dos méritos alegados coa remisión expresa á información contida nos seus expedientes persoais. Puntuación final: Á puntuación obtida na fase de Concurso, de cada persoa aspirante e o número de persoas aprobadas. No suposto de que se produza empate na puntuación final, seguiranse os seguintes criterios de resolución, por orde de preferencia: 1º. Estar ocupando a praza/as obxecto de convocatoria na Administración convocante. 2º.- Estar ocupando unha praza de distinta categoría na Administración convocante. 3º.- Antigüidade total acumulada en calquera das Administracións Públicas. 4º.- A de maior idade. 5º.- De persistir o empate, efectuarase un sorteo público entre as persoas aspirantes que están empatadas. Os aspirantes que queden sen praza pasarán a formar parte dunha lista de agarda. DÉCIMA.- NOVACIÓN DO CONTRATO DO PERSOAL TEMPORAL Dado que neste proceso selectivo a vinculación temporal é exclusivamente coa praza desempeñada debe de procederse á novación do contrato de traballo transformando o mesmo en fixo, sen prexuízo de que aquelas persoas que non superen o proceso selectivo poidan ser incluídas en listas de agarda de persoal laboral temporal específicas ou a súa integración en listas xa existentes. No suposto de non cubrirse a praza cos aspirantes seleccionados, tomarase en consideración a lista de aprobados/as suplentes por orde de puntuación para cubrir a mesma como consecuencia da renuncia de aspirantes con dereito a praza. DÉCIMO PRIMEIRA.- DATOS DE CARÁCTER PERSOAL. A participación no proceso selectivo implica o consentimento dos aspirantes para que os datos persoais aportados sexan obxecto de publicación no Boletín Oficial da Provincia, no Taboleiro de Edictos do concello e na páxina web municipal, cando así o requira a tramitación do procedemento selectivo. Por aplicación do principio de especialidade, os datos persoais que poderán ser obxecto de publicación son: o nome, apelidos e número de documento nacional de identidade ou documento equivalente debidamente anonimizado. DÉCIMO SEGUNDA.- CARÁCTER VINCULANTE DAS BASES DOS PROCESOS SELECTIVOS. Estas bases vinculan ao Concello, ao Tribunal Cualificador e as persoas aspirantes que participen no proceso selectivo. DÉCIMO TERCEIRA.- ELABORACIÓN DE LISTAXES DE RESERVA OU DE AGARDA 1. Normas xerais: obxecto, elaboración, aprobación e publicidade Incluiranse na listaxe de reserva segundo a mesma orde de puntuación que obtivesen no proceso selectivo, as persoas opositoras que non obteñan praza e cumpran os seguintes requisitos: Obter unha puntuación superior a 40 puntos na fase de concurso. Esta listaxe de reserva ou de agarda utilizarase para cubrir necesidades de emprego de carácter temporal e cubrir prazas do mesmo grupo e categoría profesional e que as funcións sexan as mesmas. No caso de que a documentación da solicitude foxe presentada con copia simple, as persoas aprobadas terán que traer os documentos orixinais para cotexar que coinciden coa documentación achegada. O Tribunal examinará que a documentación coincida coa presentada e se deducise que existe algunha anomalía ou carece dalgún requisito corrixirá a baremación ou eliminará á persoa da listaxe de reserva segundo proceda. A elaboración da dita listaxe de reserva ou de agarda realizarase de oficio polo Tribunal cualificador na forma que se establece nos parágrafos seguintes e será aprobada polo órgano competente xunto cos resultados definitivos do proceso selectivo. A listaxe de reserva será pública e as persoas candidatas que a integren serán contratadas temporalmente segundo a orde de prelación que figura nesta e que resulta da puntuación obtida no proceso selectivo. 2. Vixencia e xestión administrativa da listaxe de reserva ou de agarda Terán prioridade sobre esta listaxe de reserva, as listaxes existentes anteriores a esta convocatoria e xeradas a partir de calquera proceso selectivo ordinario. Estas listaxes de reserva estarán en vigor ata que se realice un novo proceso selectivo para cada unha das categorías das prazas convocadas. A xestión administrativa da listaxe de reserva realizarase polo persoal do Concello de Bueu que en cada momento estea adscrito á unidade de recursos humanos. DÉCIMO CUARTA. FUNCIONAMENTO DA LISTAXE DE RESERVA E RENUNCIAS 1. Chamamento para a incorporación dunha persoa aspirante. Cando as necesidades do servizo debidamente xustificadas así o requiran, procederase sempre ao chamamento da persoa da listaxe de reserva con maior cualificación nesta e por estrita orde. Neste senso, a orde de prelación das persoas integrantes da listaxe será a establecida en base ás puntuacións acadadas no proceso selectivo, sen prexuízo das modificacións na orde da listaxe por renuncias, suspensión de chamamentos ou outras circunstancias que se poidan dar durante a vixencia desta, de acordo co procedemento establecido nestas bases. Sen prexuízo do establecido para o procedemento de urxencia, na comunicación da oferta de traballo temporal utilizarase calquera procedemento que garanta a constancia escrita ou electrónica da súa recepción, tendo en conta as formas de comunicación cuxa preferencia fora determinada polas persoas candidatas como preferentes. A persoa aspirante chamada disporá, como regra xeral, de tres días hábiles dende a súa recepción para aceptar ou rexeita-la oferta. Cando o chamamento sexa efectuado por medios electrónicos, será de aplicación o disposto na LPAC, respecto á práctica da notificación por medios electrónicos e a presunción do rexeitamento desta transcorridos dez días naturais sen que se acceda ó seu contido. Nos procedementos de urxencia o chamamento para a comunicación das ofertas de traballo farase telefonicamente. A persoa funcionaria que as realice fará constar nun libro de rexistros todas as chamadas realizadas. No libro de rexistro de chamadas anotarase o día e hora da chamada, a persoa destinataria, se houbo ou non resposta, resumo da conversación mantida e se acepta ou non o chamamento. Realizaranse ata tres chamamentos telefónicos en horario de mañá, espazados por un tempo mínimo dunha hora, durante dous días consecutivos, ao teléfono de contacto que cada un indique na súa solicitude. En casos de extrema urxencia da contratación realizaranse os tres intentos no mesmo día. Cando non sexa posible contactar coa persoa candidata esta manterase no mesmo posto da lista e chamarase ao seguinte. 2. Rematada a causa que orixinou o chamamento e extinguida a relación funcionarial ou laboral, as persoas candidatas reincorporaranse á listaxe no mesmo posto que ocupaban. 3. As persoas integrantes das listaxes manterán o mesmo posto cando renuncien ao traballo ofertado sempre que no prazo de 5 días hábiles acheguen a documentación que acredite algunha das seguintes situacións: a) Por enfermidade, sempre que achegue certificado médico. b) Por estar traballando noutra empresa ou administración, sempre que achegue copia do contrato ou da toma de posesión. 4. Serán eliminadas das listaxes aquelas persoas que: c)Unha vez que sexan contratadas renuncien ou extingan voluntariamente o seu contrato por calquera causa. d)Non superen o período de proba estipulado no seu contrato, previa rescisión deste. e)Renuncien ao posto ofertado. 5. A persoa aspirante proposta deberá achegar no prazo máximo de tres (3) días hábiles dende a proposta de nomeamento interino ou contratación a documentación requirida polo departamento de Persoal. Nos procedementos de urxencia disporá de un (1) día hábil. As persoas aspirantes que no prazo anterior non presenten a documentación entenderase que rexeitan a oferta e procederase ao chamamento da seguinte persoa da listaxe. DÉCIMO QUINTA.- IMPUGNACIÓN Contra as presentes bases, que poñen fin á vía administrativa, poderá interporse recurso potestativo de reposición ante a Alcaldía deste Concello de Bueu, no prazo de un mes que se contará a partires do día seguinte á súa publicación, de conformidade co establecido nos artigos 112.1 , 114.1.c) , 123 e 124 da Lei 39/2015, de 1 de outubro, do procedemento administrativo común das administracións públicas - LPACAP-. Tamén poderá interpor alternativamente recurso contencioso - administrativo ante o Xulgado do Contencioso - Administrativo, no prazo de dous meses, de conformidade co establecido nos artigos 30 , 123 e 124 da Lei 39/2015, do 1 de outubro, do procedemento administrativo común das administracións públicas -LPACAP- e 8 , 10 e 46 da Lei reguladora da xurisdicción Contencioso - Administrativa. Si se optase por interpor o recurso de reposición potestativo, non poderá interpor recurso contencioso -administrativo ata que aquel sexa resolto expresamente ou se produza a súa desestimación por silencio. Todo iso sen prexuízo de que se poida exercitar calquera outro recurso que estime pertinente.Máis oposicións
Preguntas frecuentes
- Ata cando podo presentar a solicitude?
- O prazo de presentación de solicitudes remata o 16/12/2026.
- Onde se presenta a solicitude?
- A solicitude preséntase na sede electrónica ou no rexistro do organismo convocante, seguindo os pasos da publicación oficial.
- Que titulación se necesita?
- Titulación esixida: Graduado en educación secundaria obrigatoria ou equivalente.
- Cantas prazas hai e como se accede?
- Ofrécese 1 praza. Estabilización: adoita valorar moito a experiencia previa no posto. Selecciónase por concurso de méritos. Tipo de persoal: Laboral.
