Sobre Sísifo

No mito, Sísifo empurra cada día unha rocha costa arriba. Quen oposita sabe de que vai: temas, repasos, simulacros… e volta a empezar.

Ese esforzo é teu e ninguén cho pode quitar. Pero hai outra rocha que non debería ser túa: vixiar decenas de boletíns, calcular prazos, decatarte de que saíron as listaxes ou de que cambiou a data do exame. Esa empurrámola nós.

«Hai que imaxinar a Sísifo feliz», escribiu Camus. Nós preferimos imaxinalo aprobado.

Que facemos

• Lemos cada día o BOE, os boletíns autonómicos e os portais de universidades e empresas públicas.
• Amosámosche cada convocatoria co importante á vista: prazas, requisitos e cantos días quedan.
• Seguimos o proceso por ti: listaxes, tribunal, exame e resultados. E avisámoste, se queres, por Telegram.

O que non somos

Sísifo non é un servizo oficial nin está vinculado a ningunha administración. Todo o que amosamos sae de publicacións oficiais, que sempre ligamos: o prazo e os requisitos válidos son os do boletín. Os prazos que calculamos son orientativos. Non publicamos listaxes de persoas (admitidos, aprobados…): ligamos á publicación oficial.

Baseado en datos da Axencia Estatal Boletín Oficial do Estado e dos boletíns e portais de cada administración, reutilizados conforme a Lei 37/2007. Ver todas as fontes.

Desenvolvida con ❤️ por El Marqués.

Buscar convocatorias sisifo.app