Aprobación das bases e convocatoria da praza de oficial 1ª albanel, por promoción interna da ope 2025
Quedan 27 días · ESO / Graduado escolar
Ayuntamiento de Ponteareas · Galicia
Podo presentarme?
- Titulación Requisito: Título de Graduado en Educación Secundaria Obrigatoria (ESO), Educación Xeral Básica (EXB)…Nivel mínimo: ESO / Graduado escolar
Cos teus estudos () podes presentarte. Comproba que o teu título é o que piden.
Pide ESO / Graduado escolar: cos teus estudos () non chegas.
Requisito non confirmado: piden un título de FP de grao medio concreto, que o Bacharelato non dá. Compróbao nas bases.
Requisito non confirmado: polo seu grupo adoita bastar con ESO / Graduado escolar, así que cos teus estudos () probablemente si. Compróbao nas bases.
Requisito non confirmado: polo seu grupo adoita pedir ESO / Graduado escolar, máis que os teus estudos (). Compróbao nas bases.
Requisito non confirmado: non puidemos ler a titulación. Mírala nas bases.
- Quen pode presentarse Quenda libre: calquera persoa que cumpra os requisitos.
- Prazo de solicitudes Quedan 27 días (ata o 15/12/2026).
- Como presentarse A solicitude preséntase na sede electrónica ou no rexistro do organismo convocante; os pasos exactos veñen na publicación oficial ↗.
- Prazas
- Non se indica
- Grupo
- C2 (estimado polo posto)
- Sistema
- Concurso-oposición
- Persoal
- Laboral
En resumo
Ayuntamiento de Ponteareas convoca un proceso selectivo para «Aprobación das bases e convocatoria da praza de oficial 1ª albanel, por promoción interna da ope 2025». O posto está en Ponteareas (Pontevedra). Publicouse o 16/11/2026 en Boletín Oficial de la Provincia de Pontevedra. Selecciónase por concurso-oposición. Quenda libre: calquera persoa que cumpra os requisitos. O prazo de presentación de solicitudes remata o 15/12/2026. Titulación esixida: Título de Graduado en Educación Secundaria Obrigatoria (ESO), Educación Xeral Básica (EXB)… A solicitude preséntase na sede electrónica ou no rexistro do organismo convocante, seguindo os pasos da publicación oficial. Publicación oficial: boppo.depo.gal ↗
Estado do proceso
- Convocada: feito
- Solicitudes: fase actual
- Listaxes
- Exame
- Aprobados
- Nomeamentos
Fase 2 de 6 · Solicitudes
- Convocada
- Prazo de solicitudes
- Seguinte: listaxes de admitidos
Última novidade: convocatoria (16/11/2026). Datas orientativas: confírmaas no boletín.
Alerta de semellantes
Avisámoste por correo ou Telegram das convocatorias novas en Pontevedra. De balde.
- Tipo
- Convocatoria
- Título oficial
- APROBACIÓN DAS BASES E CONVOCATORIA DA PRAZA DE OFICIAL 1ª ALBANEL, POR PROMOCIÓN INTERNA DA OPE 2025
- Convoca
- Ayuntamiento de Ponteareas
- Ámbito
- Concellos e deputacións
- Concello
- Ponteareas
- Acceso
- Quenda libre
- Titulación
- Título de Graduado en Educación Secundaria Obrigatoria (ESO), Educación Xeral Básica (EXB)…
- Publicada
- 16/11/2026 en Boletín Oficial de la Provincia de Pontevedra
- Fonte
- Baseado en datos de Boletín Oficial de la Provincia de Pontevedra ↗. Última comprobación: 16/11/2026.
Sábelo?Ley 39/2015 · Art. 87
El acuerdo de realización de actuaciones complementarias se notificará a los interesados, concediéndoseles un plazo de para formular las alegaciones que tengan por pertinentes tras la finalización de las mismas.
Ben! É das que caen no exame. Que non se che esqueza: uns minutos de repaso ao día e chegas con ela fresca. Ver o artigo
Normal: é das que máis caen e das que máis se esquecen. Con uns minutos de repaso ao día chegarás ao exame sabéndoa. Ver o artigo
A túa rocha de hoxe: repasa as leis desta convocatoriaLeis desta convocatoria: Ley 39/2015ConstituciónEstatuto de Autonomía de GaliciaLey 2/2015Ley 29/1998Ley 40/2015 e 2 máis
20 temas segundo a publicación.
Ver o temario completo
Copiado da publicación oficial. Se hai diferenzas, manda o boletín.
Ver o texto completoOcultar o texto completo
As prazas de persoal laboral estará dotada cas retribucións básicas correspondentes ao grupo e subgrupo de clasificación profesional establecidas no II Convenio Colectivo do Persoal Laboral ao servizo do Concello de Ponteareas. As prazas de persoal funcionario estarán dotadas coas retribucións básicas correspondentes ao grupo e subgrupo da clasificación profesional, e as complementarias fixadas na RPT do Concello de Ponteareas. 2. PUBLICIDADE As bases reguladoras publicaranse no Boletín Oficial da Provincia de Pontevedra (BOPPO), no Taboleiro de Edictos, apartado de emprego público https://ponteareas.sedelectronica.gal/board/9753e838-f59b-11de-b600-00237da12c6a/ (sede electrónica Concello de Ponteareas), e de forma complementaria na páxina web municipal https://ponteareas.gal/ . Publicarase o anuncio da convocatoria no Diario Oficial de Galicia e no Boletín Oficial do Estado, sendo a data de publicación no BOE a que servirá para o cómputo do prazo de presentación de instancias. 3. RÉXIME XURÍDICO APLICABLE A devandita convocatoria e o proceso selectivo rexeranse polo disposto nas presentes bases, e en todo o non previsto por elas, pola seguinte normativa: • Real Decreto Lexislativo 2/2015, do 23 de outubro, polo que se aproba o texto refundido da Lei do Estatuto dos Traballadores. • Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do Empregado Público. • Lei 2/2015, do 9 de abril, do Emprego Público de Galicia. • Texto refundido das disposicións legais vixentes en materia de réxime Local, aprobado por Real Decreto 781/1996, do 18 de abril. • Real Decreto 896/1991, do 7 de xuño, polo que se aproban as regras básicas e programas mínimos aos que se debe axustar o procedemento de selección de funcionarios de Administración local. • Lei 7/ 1985, do 2 de abril, reguladora das bases do réxime local. • Lei 39/2015, de 1 de outubro, do Procedemento Administrativo Común das Administracións Públicas • Lei 40/2015, de 1 de outubro, do Réxime Xurídico do Sector Público 4. REQUISITOS DOS/AS ASPIRANTES Para poder participar neste proceso as/os aspirantes deberán reunir, antes do remate do prazo de presentación de solicitudes de participación, os requisitos que de seguido se relacionan: a) Estar en posesión da titulación do Título de Graduado en Educación Secundaria Obrigatoria (ESO), Educación Xeral Básica (EXB), Certificado profesional nivel 2 da familia profesional edificación e Obra Civil ou acreditacións equivalentes na data da finalización do prazo de presentación de instancias ou en condicións de obtela. Poderán participar o persoal municipal que, dentro do grupo III e IV, carecendo da titulación esixida, acredite unha antigüidade mínima de dez anos no subgrupo de pertenza ou ben teña unha antigüidade mínima de cinco anos e supere os cursos de formación que se determinen polos órganos da corporación. b) Ter a condición de persoal laboral fixo do Concello de Ponteareas con praza en propiedade do grupo 3 ou 4 do Convenio Colectivo do Concello de Ponteareas. c) Contar cunha antigüidade de polo menos dou (2) anos de servizo efectivo como persoal laboral fixo no grupo 3 ou 4 do Convenio Colectivo do Concello de Ponteareas (este requisito será comprobado pola administración municipal de oficio). d) Xustificante de ter aboada a cantidade a taxa polos dereitos de participación no proceso selectivo . 5. INSTANCIAS 1) As persoas que desexen tomar parte no proceso selectivo convocado deberán facelo constar mediante unha instancia dirixida á Sra. Alcaldesa do Concello de Ponteareas segundo do modelo establecido no Anexo I das presentes Bases, debidamente cumprimentado e asinado. Este modelo está dispoñible na sede electrónica do Concello de Ponteareas. A instancia conterá, polo menos, os datos identificativos e persoais do/a solicitante co seu enderezo, teléfono de contacto, correo electrónico, a denominación do posto convocado á que opta e a titulación esixida no punto 2. e) das presentes bases. Ademais na solicitude deberase elixir a lingua (galego ou castelán) en que queren que se lle expoñan os exercicios. Se non se sinala nada entenderase que a lingua elixida é a galega. Por motivos de operatividade, unha vez escollido un idioma non se permite a súa modificación. Para ser admitido no proceso correspondente os aspirantes deberán manifestar nas súas solicitudes de participación segundo no modelo do Anexo I que reúnen todas e cada unha das condicións esixidas na data en que expire o prazo de presentación. 2) O prazo para presentar as solicitudes será de 20 días hábiles, contados a partir do día seguinte ao da publicación da convocatoria no BOE. Estas bases publicaranse íntegras no taboleiro electrónico do Concello e na páxina Web www.ponteareas.gal , apartado de Oferta de Emprego Público, así como na Sede Electrónica do Concello e Boletín Oficial da Provincia de Pontevedra (BOPPO). 3) As solicitudes presentaranse preferentemente por medios electrónicos a través do formulario normalizado “Solicitude proceso selectivo emprego público Concello de Ponteareas” dispoñible na Sede electrónica do Concello de Ponteareas ( https://ponteareas.sedelectronica.gal/dossier.1 ). Para a presentación das solicitudes a través do rexistro electrónico, a Sede electrónica do Concello de Ponteareas admite os certificados electrónicos do sistema Cl@ve, que contempla a utilización de sistemas de identificación baseados en claves concertadas (sistemas de usuario e contrasinal, Cl@ve móbil) e certificados electrónicos (incluído DNIe). Opcionalmente, a presentación de solicitudes poderá facerse ben no rexistro xeral do Concello de Ponteareas emprazado en rúa A Xiralda s/n, 36860-Ponteareas, ou mediante calquera das formas establecidas na Lei 39/2015, de 1 de outubro, do Procedemento Administrativo Común das Administracións Públicas, utilizando o formulario normalizado (Anexo I. “Solicitude proceso selectivo emprego público Concello de Ponteareas”), dispoñible nas presentes bases. As solicitudes que se presenten a través da oficina de Correos deberán entregarse en sobre aberto para ser seladas e datadas polo funcionario de Correos antes de seren certificadas. Se o/a solicitante non opta pola presentación da solicitude de xeito electrónico deberá achegarse copia do documento nacional de identidade ou tarxeta acreditativa da súa identidade, expedida polas autoridades competentes no caso de cidadáns comunitarios. Así mesmo, para as solicitudes que se presenten a través da oficina de Correos ou nun rexistro diferente ao do Concello de Ponteareas será necesario remitir unha copia da solicitude rexistrada ao correo recursoshumanos@ponteareas.es , nun prazo máximo de 3 días hábiles posteriores ao remate do prazo de presentación de instancias. 4) Os aspirantes con algunha discapacidade deberán indicalo na súa solicitude, neste senso, as persoas con discapacidade recoñecida que, como consecuencia da mesma, presente especiais dificultades para a realización das probas selectivas reguladas nas presentes bases, poderán formular petición concreta na solicitude de participación, na cal deben reflectir as necesidades específicas que teñan para acceder ao proceso de selección. En tal caso, e para efectos de que o órgano de selección poida valorar a procedencia ou non da concesión do solicitado, o candidato xuntará o ditame técnico facultativo emitido polo órgano técnico de cualificación do grao de minusvalía competente, acreditando de forma que faga fe, a deficiencia ou deficiencias permanentes que deron orixe ao grao de minusvalía recoñecido, nos termos que resultan da ORDE PJC/804/2025, de 23 de xullo, pola que se establecen criterios xerais para a adaptación de medios e tempos e a realización doutros axustes razoables nos procesos selectivos para o acceso ao emprego público de persoas con discapacidade. 5) Os aspirantes quedan vinculados aos datos que consten na súa solicitude, se ben os erros de feito que poidan advertirse poderán emendarse ou repararse en calquera momento, ben de oficio, ben a instancia de parte. 6) A documentación acreditativa tanto dos requisitos como dos méritos que aleguen posuír para a súa valoración na fase de concurso deberá presentarse a través de fotocopias. Para acreditar a experiencia laboral, deberase facer a través de certificado de servizos prestados expedido por administración pública ou contrato de traballo acompañado de vida laboral. 6. DEREITOS DE EXAME Taxa de participación: - Grupo C1 ou laboral fixo equivalente (grupo 2): 30,00 € Ter aboada a taxa correspondente por dereitos de exame ou certificado de discapacidade igual ou superior ao 33% segundo o certificado emitido o cal deberase achegar á instancia de solicitude, ou inscrición no servizo público de emprego como demandantes de emprego, non subsidiarios, segundo o certificado emitido polo SEPE o cal deberá achegarse á instancia de solicitude ou de ser o caso, recoñecemento da condición de familia numerosa para gozar da bonificación do 50% na taxa por dereitos do exame, segundo a ordenanza fiscal reguladora da taxa por dereitos de exame do Concello de Ponteareas. A taxa de dereitos de exame esixirase en réxime de autoliquidación no modelo facilitado polo Departamento de Rendas do Concello. En ningún caso a mera presentación e o pagamento dos dereitos de exame suporá substituír o trámite de presentación en tempo e en forma da solicitude, a falta de pago da devandita taxa suporá a exclusión definitiva do/a aspirante das probas selectivas. 7. ADMISIÓN DE ASPIRANTES Unha vez rematado o prazo de 20 días hábiles fixado para presentar as solicitudes, a Alcaldía ditará unha resolución, no prazo máximo dun mes, na que declarará aprobada a lista de persoas admitidas e excluídas e especificará, no seu caso, os motivos da exclusión, que se publicará na páxina web e no taboleiro de anuncios do Concello da sede electrónica de conformidade co establecido no artigo 45 da LPACAP. As persoas excluídas disporán dun prazo de 10 días hábiles, contados a partir do día seguinte ao da publicación da resolución no taboleiro de anuncios da sede electrónica , para poder emendar, no seu caso, o defecto que motivase a exclusión. No suposto de producirse reclamacións deberá ditarse unha nova resolución estimándoas ou desestimándoas coa publicación da lista definitiva na páxina web, no taboleiro de anuncios e sede electrónica do Concello e determinarase ademais a composición do Tribunal con indicación das causas de abstención e recusación. Contra a resolución, na que se aproba a lista definitiva, poderase interpoñer un recurso potestativo de reposición ante o mesmo órgano que a ditou, no prazo dun mes a partir do día seguinte ao desta notificación (artigos 112 e 123 da LPACAP), ou ben un recurso contencioso-administrativo ante o Xulgado do Contencioso-Administrativo no prazo de dous meses, segundo o artigo 46 da Lei 29/1998, de 13 de xullo, reguladora da xurisdición contencioso-administrativa. Os erros de feito poderán emendarse en calquera intre, de oficio ou a petición do/a interesado/a, de conformidade co disposto no artigo 109.2 da Lei de Procedemento Administrativo Común das Administracións Públicas. 8. PROCEDEMENTO SELECTIVO: O procedemento selectivo será a través de concurso-oposición, e a nota final será a resultante da suma das dúas fases. Os aspirantes deberán presentarse para a realización do/s exercicio/s provistos do DNI ou documento fidedigno que acredite a súa identidade, ao xuízo do tribunal, e que poderá ser esixido polo órgano de selección en calquera momento durante o desenvolvemento de cada proba. Soamente accederán a fase de concurso, no seu caso, aqueles que houbesen superado a fase de oposición. Na realización e corrección dos exercicios escritos garantirase o anonimato, para o que o tribunal poderá empregar os medios que considere oportunos, e quedarán automaticamente anulados os exames asinados e os que conteñan datos que identifiquen o persoal asinante, sinais ou marcas que puidesen romper o anonimato, así como aquel que resulte ilexible. Non se pode facer uso durante os exames de dispositivos móbiles e similares (tales como reloxos intelixentes, smarwatches, gafas intelixentes con IA, aneis intelixentes, etc.), e as persoas que sexan sorprendidas usándoos nunha proba serán eliminadas. A tal fin advertirase deste circunstancia ao comezo dos exercicios FASE DE OPOSICIÓN Consistirá en dous exercicios, un exercicio práctico, obrigatorio e eliminatorio que se realizará nun prazo máximo de quince (15) días hábiles desde a constitución do tribunal que xulgue as probas, e un da proba de galego obrigatorio, no caso de non posuír o CELGA correspondente e non será eliminatorio. O programa que rexerá as probas selectivas para cada categoría profesional é o que figura como Anexo II. Soamente accederán a fase de concurso, aqueles que houbesen superado a fase de oposición. 1º Exercicio obrigatorio e eliminatorio de carácter práctico: consistirá en realizar unha proba, que poderá ser tipo test, un ou varios exercicios prácticos ou realizar a tarefa ou tarefas que propoña o tribunal, relacionadas coas materias obxecto do temario establecido no anexo II, e con respecto as tarefas propias da praza convocada, no prazo de tempo que estableza o tribunal en función da natureza da proba. Este exercicio cualificarase de 0 a 56 puntos, sendo necesario para aprobar obter un mínimo de 28 puntos. Na constitución do tribunal este determinará o tipo de proba a realizar indicando o mesmo no anuncio da convocatoria do exame. Se o tribunal decántase que o exercicio práctico sexa tipo test, este consistirá en contestar por escrito un cuestionario con catro respostas alternativas, no tempo que estime o órgano de selección, sendo soamente unha a correcta, de 40 preguntas máis 5 de reserva. No suposto que o exercicio práctico, se realizase tipo test, o tribunal, no prazo de corenta e oito (48) horas hábiles seguintes á celebración do exame, publicará o contido do exercicio co cadro de respostas correctas no taboleiro electrónico do Concello sen prexuízo de que, de forma complementaria, se publique na páxina web do Concello. 2º Exercicio, obrigatorio e non eliminatorio, só para aqueles que non acrediten estar en posesión do nivel CELGA correspondente en función do grupo de acceso, xunto coa solicitude de participación. Consistirá na tradución directa ao idioma galego, sen axuda do dicionario, dun texto en castelán elixido polo tribunal. Cualificarase de cero (0) a catro (4) puntos. Quedan exentas de esta probas as persoas aspirantes que acrediten ter o CELGA 4, outorgándoselles a puntuación máxima de catr (4) puntos. DESENVOLVEMENTO DOS EXERCICIOS. As persoas aspirantes deberán presentarse aos exercicios provistas de NIF, NIE, pasaporte, permiso de condución ou outro documento fidedigno que a xuízo do tribunal acredite a súa identidade. Os exercicios realizaranse a porta pechada sen outra asistencia que a das persoas aspirantes, os membros do tribunal e as persoas designadas pola Concellería de Persoal como colaboradoras. Está prohibido o uso de aparatos o medios electrónicos que permitan a comunicación co exterior (teléfonos móbiles, auriculares, reloxos intelixentes, gafas intelixentes, etc.), debendo estar apagados durante as probas. O uso dos mesmos determinará de forma inmediata a exclusión da proba correspondente. En calquera momento as persoas aspirantes poderán ser requiridas polo tribunal coa finalidade de acreditar a súa identidade. O chamamento para o exercicio será único, de xeito que as persoas aspirantes que non comparezan serán excluídas. O anuncio de realización dos exercicios publicarase no taboleiro electrónicos de anuncios do Concello de Ponteareas, así como na páxina web www.ponteareas.gal , con corenta e oito (48) horas, polo menos, de anticipación á sinalada para o seu inicio. As puntuacións obtidas polas persoas aspirantes publicaranse taboeiro electrónico de anuncios do Concello de Ponteareas, así como no portal web corporativo, www.ponteareas.gal . As persoas aspirantes terán un prazo de 3 días hábiles, contados a partir do día seguinte ao da publicación das respostas, para presentar as alegacións que consideren oportunas, nos exercicios tipo test, e dende a publicación da puntuación na fase de concurso. En calquera momento do proceso selectivo, se o tribunal ten coñecemento ou dúbidas fundadas de que algunha persoa aspirante non cumpre algún dos requisitos exixidos nesta convocatoria, comunicarallo ao Departamento de RRHH para que esta lle requira os documentos acreditativos do seu cumprimento. No caso de que a persoa aspirante non acredite o cumprimento dos requisitos, o Departamento de RRHH proporá a súa exclusión do proceso selectivo ao órgano convocante, que publicará a resolución que corresponda. Na realización e corrección dos exercicios escritos garantirase o anonimato, para o que o tribunal poderá utilizar os medios que considere oportunos, e quedarán automaticamente anulados os exames asinados e os que conteñan datos que identifiquen o persoal asinante, sinais ou marcas que puidesen romper o anonimato, así como aquel que resulte ilexible. O tribunal poderá declarar en calquera momento, a exclusión dos aspirantes que realicen calquera actuación fraudulenta, así como solicitar as aclaracións complementarias que considere precisas. Se algunha das aspirantes non puidera completar a fase de oposición a causa do embarazo de risco ou parto debidamente acreditados, a súa situación quedará condicionada á finalización deste e á superación das fases que quedasen aprazadas, que non poderán demorarse tanto que se menoscabe o dereito do resto das e dos aspirantes a unha resolución do proceso axustada a tempos razoables, o que deberá ser valorado polo tribunal, e en todo caso a realización das probas terá lugar antes da publicación da lista de aspirantes que tiveran superado o proceso selectivo. FASE DE CONCURSO DE MÉRITOS Valorarase con un máximo de 40 puntos, nos seguintes termos: a) Formación na praza obxecto da convocatoria, cun máximo de 15 puntos, nos seguintes termos: Por cursos relacionados coas funcións propias da praza a que aspira e impartidos por administracións públicas, colexios profesionais, universidades, Fundación Estatal para a Formación e o Emprego (Fundación Tripartita), ou por outras entidades ou empresas, sempre que neste último caso veñan homologados por administracións públicas, segundo o baremo seguinte: — Cursos de 20 horas a 39 horas: 1 punto — Cursos de 40 horas a 59 horas: 2 punto. — Cursos de 60 horas a 99 horas: 4 puntos. — Cursos de 100 horas a 149 horas: 6 puntos. — Cursos de máis de 150 horas: 10 puntos. Para os grupos de este apartado, consideraranse cursos relacionados coas funcións propias da praza, os cursos de formación e prevención de riscos laborais e os de primeiros auxilios. b) Experiencia: A puntuación máxima neste apartado será de 25 puntos valorándose a experiencia na praza obxecto da convocatoria de similar ou igual categoría, entendéndose por tal aquela que desenvolva as mesmas funcións as do posto convocado, nos seguintes termos: a. 0,50 puntos por cada mes de experiencia acreditado na administración pública, en praza igual ou similar categoría á da convocatoria. b. 0,25 puntos por cada mes de experiencia acreditado na empresa privada, en praza igual ou similar categoría á da convocatoria. 9. DESEMPATE De existir empate entre as puntuacións dos candidatos, este resolverase a favor de aquel que teña a primeira maior puntuación seguindo a orde de puntuación do procedemento selectivo comezando pola fase de oposición. Se este continuase, desfarase seguindo a orde alfabética, comezando pola letra establecida na Resolución da Consellería de Facenda e Administración Pública de 22 de xaneiro do 2026 pola que se fai público para o ano 2026 o resultado do sorteo ao que se refire o Regulamento de selección de persoal da administración da comunidade autónoma de Galicia, (DOGA núm. 16 de data 26 de xaneiro do 2026), polo que os desempates que deriven desta selección empezarán por aqueles cuxo primeiro apelido comece pola letra “M”. 10. COMPOSICIÓN DO TRIBUNAL 1. Os membros dos tribunais cualificadores serán designados polo Sr./a Alcalde/sa, segundo o disposto no texto refundido da Lei do estatuto básico do empregado público (TREBEP), tendo en conta a paridade entre mulleres e homes. 2. O tribunal cualificador estará integrado por cinco membros titulares e cinco suplentes:-Presidente/a, 3 Vogais e Secretario/a. A pertenza aos órganos de selección será sempre a título individual, sen que poida exercerse en representación nin por conta de ninguén. 3. A composición do tribunal axustarase aos principios de imparcialidade e profesionalidade dos seus membros, que deben pertencer a un corpo, escala ou categoría profesional para o que se requira unha titulación de nivel igual ou superior ao esixido para acceder á praza convocada. 4. Non poderán formar parte do tribunal as persoas de elección ou designación política, o funcionariado interino nin o persoal eventual. 5. O tribunal poderá dispoñer a incorporación aos seus traballos de asesores especialistas, con voz e sen voto, cando a natureza ou as circunstancias dalgunha das probas así o aconsellen; as mencionadas asesoras e asesores limitaranse a prestaren colaboración nas súas especialidades técnicas. Os asesores proporanse por parte do tribunal a Alcaldía, e será esta a que, de aprobalo, acorde o nomeamento. 6. Os membros concorrentes ás sesións do tribunal, e para os efectos de percepcións de asistencias, se clasificarán consonte o disposto no Real Decreto 462/2002 sobre indemnizacións por razóns de servizo (e demais normativa concordante e/ ou substitutiva). En todo o non previsto nas presentes bases, o procedemento de actuación do tribunal axustarase ao establecido na normativa aplicable á formación da vontade dos órganos colexiados. 11. FINALIZACIÓN DO PROCESO SELECTIVO Finalizado o proceso selectivo, o Tribunal fará pública (mediante anuncio no taboleiro da sede electrónica e páxina web municipal) a puntuación final total dos/ as candidatos/as que teñan superado o proceso selectivo, cunha relación dos/as finalmente seleccionados/as para a ocupación das vacantes convocadas, propoñendo á Alcaldía, asemande, o nomeamento como funcionarios/as de carreira ou persoal laboral fixo, segundo as características das prazas convocadas. Os/As aspirantes propostos/as acreditarán ante a Administración, dentro do prazo de 10 días hábiles desde que se publican na sede electrónica deste Concello, os documentos xustificativos das condicións de capacidade e requisitos esixidos na convocatoria. Quen dentro do prazo indicado, e salvo os casos de forza maior, non presentasen a documentación ou da mesma deducísese que carecen dalgún dos requisitos esixidos, non poderán ser nomeados persoal funcionario ou persoal laboral fixo, quedando anuladas todas as súas actuacións, sen prexuízo da responsabilidade en que puidesen incorrer por falsidade nas súas solicitudes de participación. A Alcaldesa deberá de nomear funcionario/a ou persoal laboral fixo ao/a aspirante proposto/a, no prazo máximo de 10 días hábiles a contar desde a terminación dos 10 días hábiles anteriores. O nomeamento mencionado publicarase no Boletín Oficial da Provincia e na sede electrónica deste Concello, para as prazas de funcionarios, e na sede electrónica para as prazas de laboral fixo. Unha vez publicado o nomeamento de funcionario/a, ou contratación de persoal laboral este deberá tomar posesión ou incorporarse no prazo máximo de 10 días hábiles. 12. RÉXIME DE IMPUGNACIÓN Contra este acto de aprobación de bases, que esgota a vía administrativa, poderase interpoñer recurso potestativo de reposición ante o mesmo órgano que o ditou, no prazo dun mes, ou ben directamente recurso Contencioso-Administrativo ante o Xulgado do Contencioso -Administrativo de Pontevedra, no prazo de 2 meses. Contra a resolución do/a Alcalde/sa-Presidente/a, aprobatoria da lista definitiva, poderase interpoñer recurso potestativo de reposición ante o mesmo órgano que o ditou no prazo dun mes, artigos 112 e 124 Lei 39/2015, de 1 de outubro, do Procedemento Administrativo Común das Administracións Públicas ou ben recurso Contencioso-Administrativo perante o Xulgado do Contencioso-Administrativo de Pontevedra no prazo de dous meses, segundo o artigo 46 da Lei 29/98, do 13 de xullo, reguladora da xurisdición Contencioso-Administrativa. Contra o acordo do tribunal de lista definitiva de puntuacións que dea remate ao proceso selectivo, poderase interpoñer recurso de alzada ante o/a Sr/a. Alcalde/sa no prazo dun mes, a partir do día seguinte a súa publicación no taboleiro de anuncios do Concello, de acordo co establecido no artigo 121 Lei 39/2015, de 1 de outubro, do Procedemento Administrativo Común das Administracións Públicas. Contra os actos de trámite do tribunal que non decidan directa o indirectamente no fondo do asunto, poderán ser alegados polos interesados para a súa consideración na resolución que poña fin o procedemento do proceso selectivo. Os actos administrativos que deriven destas bases e as actuacións dos tribunais, poderán ser impugnados nos casos e na forma establecidos pola Lei 39/2015, de 1 de outubro, do Procedemento Administrativo Común das Administracións Públicas. A Administración local tamén poderá, no seu caso, revisar as resolucións dos tribunais segundo o previsto na citada Lei 39/2015, de 1 de outubro. O Tribunal queda facultado para resolver as dúbidas que se presenten e adoptar as decisións precisas para o normal desenvolvemento do proceso ao amparo da lexislación vixente. 13. CARÁCTER VINCULANTE DAS BASES Estas bases vinculan ao Concello de Ponteareas, os tribunais cualificadores, as persoas aspirantes. ANEXO II: TEMARIO Os textos legais serán os vixentes na data de publicación na páxina web e no taboleiro de anuncios do Concello de Ponteareas o resolución de Alcaldía pola cal se procede ao nomeamento do tribunal do proceso selectivo. OFICIOS VARIOS OFICIAL 1ª ALBANEL 1. A Constitución de 1978: Principios xerais, estrutura e contido esencial. 2. O Estatuto de Autonomía de Galicia: estrutura e contido. 3. Convenio colectivo e acordo regulador do persoal do Concello de Ponteareas. 4. O persoal ao servizo das entidades locais: concepto e clase. Dereitos, deberes e incompatibilidades. 5. Prevención de riscos laborais. Procedementos e medios de seguridade e saúde no traballo. Seguridade e saúde no traballo. Normas e medidas protectoras individuais e colectivas. A utilización de equipos de protección individual 6. Coñecemento e interpretación básicos dun proxecto de obras e dos documentos que o compoñen 7. Tipos de maquinaria e ferramenta en albanelería. Maquinaria pesada e maquinaria manual. 8. Ferramentas e máquinas que se empregan normalmente na construción. Formas de usalas e precaucións para a súa correcta conservación. Medidas preventivas para a súa utilización. 9. Mantemento básico da maquinaria e ferramenta. Planificación e organización do traballo e das necesidades de materiais. 10. Ferramentas manuais. Características e usos. Materiais auxiliares empregados na albanelería. Mallas, cantoneiras, perfís auxiliares, selantes, etc 11. Elementos de construción e obra. Muros: Muros de bloque, cachotería e outros. Paredes: Paredes de ladrillo e outras. Ladrillo tipo e medidas 12. Elementos de construción e obra. Cubertas e revestimentos. Tella e lousa. Pavimentos e baldosas. Revestimentos de paredes e chans. Eliminación de goteiras e humidades. Impermeabilización. 13. Elementos de construción e obra. Encofrados. Preparación das superficies de soporte. Pinturas: Aplicación de Pinturas ao temple e plásticas. Pinturas para exteriores. 14. Materiais e medios de construción e obra. Morteiros. Clases. Composición. Usos/utilidades. Preparacións. Aditivos. 15. Outros materiais e medios de construción e obra. Metais, madeira e outros medios/materiais auxiliares 16. Redes públicas/urbanas de abastecemento e saneamento de auga. Coñecementos e actuacións básicos de mantemento. Elementos que as compoñen. Arquetas. Sumidoiros. Pozos de Rexistro. Tubaxes; diámetros e materiais máis habituais. Incidencias/problemas máis frecuentes. 17. Redes e equipamentos públicos/urbanos de alumeado público/electricidade. Coñecementos e actuacións básicos de mantemento. Elementos que as compoñen. Arquetas. Incidencias/problemas máis frecuentes. 18. Pavimentación de vías e estradas. Tipoloxía. Materiais de uso básico e habitual. Mantemento e reparacións. Acerados. Subbases. Soleiras. 19. Sinalización e validación da ocupación por obras de espazos, vías e estradas públicas. Actuacións e materiais básicos. Desvío do tráfico. 20. Operacións básicas de mantemento e conservación das instalacións públicas; fontanería, albanelería, carpintería, electricidade e cerraxería. Actuacións e nocións básicas. Ferramenta/útiles e materiais básicos e/ou de utilización habitual. Incidencias/problemas máis frecuentesProcesos parecidos
Do mesmo organismo
Bolsa de emprego e oposicións do Ayuntamiento de Ponteareas (2 abertas) →
Máis oposicións
Preguntas frecuentes
- Ata cando podo presentar a solicitude?
- O prazo de presentación de solicitudes remata o 15/12/2026.
- Onde se presenta a solicitude?
- A solicitude preséntase na sede electrónica ou no rexistro do organismo convocante, seguindo os pasos da publicación oficial.
- Que titulación se necesita?
- Titulación esixida: Título de Graduado en Educación Secundaria Obrigatoria (ESO), Educación Xeral Básica (EXB)…
- Como se accede?
- Quenda libre: calquera persoa que cumpra os requisitos. Selecciónase por concurso-oposición. Tipo de persoal: Laboral.