Convocatoria e bases para a selección de 1 psicólogo/a-director/a como persoal laboral temporal e creación de bolsa de eemprego para o cim

MONDOÑEDO Anuncio A Alcaldía do Concello de Mondoñedo, ditou a Resolución núm. 2026-0348, o día 23 de setembro de 2026, que literalmente di: “CONVOCATORIA E BASES REGULADORAS DO PROCESO DE SELECCIÓN PARA A CONTRATACIÓN DUNHA/DUN PSICÓLOGA/O-DIRECTORA, COMO PERSOAL LABORAL TEMPORAL, PARA CUBRIR UNHA BAIXA DE INCAPACIDADE TEMPORAL, ASÍ COMO A CREACIÓN DUNHA BOLSA DE EMPREGO PARA ESTE POSTO DE TRABALLO, PARA O CENTRO DE INFORMACIÓN ÁS MULLERES DE XESTIÓN COMPARTIDA DOS CONCELLOS DE MONDOÑEDO, ABADÍN, LOURENZÁ, PASTORIZA, RIOTORTO E MEIRA (CIM) Logo de ver a Orde do 3 de xaneiro de 2025, pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (DOG nº 25, do 6 de febreiro de 2025). Posteriormente a Xunta de Galicia publicou a Resolución do 21 de maio de 2025, da Dirección Xeral de Promoción da Igualdade, pola que se publica a Resolución do 20 de maio de 2025 que pon fin ao procedemento de concesión das subvencións convocadas mediante a Orde do 3 de xaneiro de 2025, pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede a súa convocatoria. O 7 de xullo de 2026 solicitouse dende o Concello de Mondoñedo a subvención para este exercicio, a través da Orde do 3 de xuño de 2026, pola que se establecen as bases reguladoras das subvencións ás entidades locais da Comunidade Autónoma de Galicia para o apoio aos centros de información á muller (CIM), de forma individual e mediante o sistema de xestión compartida, e se convocan para o ano 2026 (DOG nº 109, do 12 de xuño de 2026). Esta convocatoria está pendente de resolución. Despois de que a persoa que está no posto de psicóloga-directora do Centro de Información ás mulleres de xestión compartida dos Concellos de Mondoñedo, Abadín, Lourenzá, Pastoriza, Riotorto e Meira, causara baixa por incapacidade temporal. Neste caso, proponse a contratación a tempo completo dunha persoa ata que se reincorpore de forma expresa a actual titular da praza. Polo tanto, proponse a constitución dunha bolsa de emprego na categoría de PSICÓLOGA, dentro do Centro de Información ás Mulleres (CIM) coa fin de cubrir de forma temporal, as necesidades puntuais, xa sexan baixas, substitucións ou outras necesidades circunstanciais do actual plantel da figura de Psicóloga/o-Directora dentro do Centro de Información ás Mulleres da Delegación de Servizos Sociais do Concello de Mondoñedo, quedando establecida a vixencia da presente bolsa por un prazo de tres anos desde o día seguinte ao da publicación do anuncio da convocatoria e bases no Boletín Oficial da Provincia de Lugo. Considerando a Lexislación en materia de selección de persoas comprendida na Lei 7/1985, do 2 de abril, Reguladora das Bases de Réxime Local, Real decreto lexislativo 781/1986, do 18 de abril, Texto Refundido das Disposicións Legais vixentes en materia de Réxime Local, Lei 5/1997, do 22 de xuño, de Administración Local de Galicia, Real decreto 5/2015, do 30 de outubro, polo que se aproba o Texto Refundido do Estatuto Básico do empregado público, e demais disposicións aplicables, e tendo en conta que se considera servizo prioritario, en virtude de acordo plenario de data 13 de maio de 2016, e debido a motivos de interese público e a que o inicio desta contratación e desta bolsa, debe ser inminente, ante a imposibilidade de convocar unha Xunta de Goberno Local, o Alcalde en virtude das facultades conferidas pola lexislación vixente, RESOLVE: Primeiro.- Avogar a competencia precisa, de xeito puntual, co único obxecto de realizar unha convocatoria para selección e posterior contratación dun/ha Psicóloga/o-Directora, como persoal laboral temporal, a xornada completa, para a substitución da actual directora, persoal laboral fixo do Concello de Mondoñedo, que causou baixa por Incapacidade Temporal, ata a súa reincorporación expresa, así como a creación dunha bolsa de emprego para este posto de traballo, para o mantemento do servizo do Centro de Información ás Mulleres, de xestión compartida nos concellos de Mondoñedo, Abadín, Lourenzá, Pastoriza, Riotorto e Meira (CIM). A titulación requirida será a de Licenciatura ou grao en Psicoloxía. A bolsa terá unha duración de tres anos, a contar dende o día seguinte á publicación desta convocatoria e bases no Boletín Oficial da Provincia de Lugo. Segundo.- Aprobar as bases que rexerán esta convocatoria que se xuntan como anexo ao expediente. Terceiro.- Darlle publicidade a esta convocatoria a través de anuncio no Boletín Oficial da Provincia de Lugo e no taboleiro de anuncios da sede electrónica do Concello de Mondoñedo (https://mondonedo.sedelectronica.gal). Cuarto.- Dar conta da presente resolución á Xunta de Goberno Local e ao Pleno, na vindeira sesión que se celebre. Mondoñedo, na data de sinatura O alcalde-presidente, [nombre omitido] Legide. A secretaria-interventora, Ruth López-Mosquera García. BASES REGULADORAS DO PROCESO DE SELECCIÓN PARA A CONTRATACIÓN DUNHA/DUN PSICÓLOGA/O- DIRECTORA, COMO PERSOAL LABORAL TEMPORAL, PARA CUBRIR UNHA BAIXA DE INCAPACIDADE TEMPORAL, ASÍ COMO A CREACIÓN DUNHA BOLSA DE EMPREGO PARA ESTE POSTO DE TRABALLO PARA O MANTEMENTO DO SERVIZO DO CENTRO DE INFORMACIÓN AS MULLERES, DE XESTIÓN COMPARTIDA NOS CONCELLOS DE MONDOÑEDO, ABADIN, LOURENZÁ, PASTORIZA, RIOTORTO E MEIRA (CIM) PRIMEIRA.—OBXECTO Esta convocatoria e bases reguladoras, teñen por obxecto a selección e posterior contratación de carácter laboral temporal a xornada completa, para a prestación de servizos no Centro de Información ás Mulleres de xestión compartida, nos Concellos de Mondoñedo, Abadín, Lourenzá, Pastoriza, Riotorto e Meira, ao abeiro da Orde do 3 de xaneiro de 2025, pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021- 2027, e se procede á súa convocatoria para o ano 2025 (DOG nº 25, do 6 de febreiro de 2025), e ao abeiro tamén da Resolución do 21 de maio de 2025, da Dirección Xeral de Promoción da Igualdade, pola que se publica a Resolución do 20 de maio de 2025 que pon fin ao procedemento de concesión das subvencións convocadas mediante a Orde do 3 de xaneiro de 2025, pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, e forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede a súa convocatoria, na que se concede subvención para a contratación do obxecto desta convocatoria, que neste caso é para a contratación de: - Un emprego de PSICÓLOGA-O/DIRECTORA e creación dunha bolsa de emprego para este posto de traballo Debe aclararse que o 7 de xullo de 2026, solicitouse dende o Concello de Mondoñedo a subvención para este exercicio, a través da Orde do 3 de xuño de 2026, pola que se establecen as bases reguladoras das subvencións ás entidades locais da Comunidade Autónoma de Galicia para o apoio aos centros de información á muller (CIM), de forma individual e mediante o sistema de xestión compartida, e se convocan para o ano 2026 (DOG nº 109, do 12 de xuño de 2026) e estase pendente da súa resolución. Neste caso, a contratación será a tempo completo polo tempo que dure a situación de incapacidade temporal e ata a reincorporación expresa da súa titular. A bolsa terá unha duración de tres anos dende o día seguinte á publicación desta convocatoria e bases no Boletín Oficial da Provincia de Lugo. Este proceso selectivo realízase mediante o sistema de CONCURSO – OPOSICIÓN. As funcións a realizar son as propias do posto de dirección e asesoramento psicolóxico do Centro de Información ás Mulleres, as que encomende o Alcalde-Presidente ou concelleiro/a en quen delegue, e entre outras as seguintes, que están recollidas nos artigos 11 e 12 do Decreto 130/2016, do 15 de setembro, polo que se establecen os requisitos e o procedemento para o recoñecemento e acreditación dos centros de información á muller de titularidade das entidades locais de Galicia, así como para a modificación e extinción do seu recoñecemento : As funcións de dirección serán entre outras:  Coordinación da atención específica ás mulleres vítimas de violencia de xénero, poñendo a súa disposición os recursos existentes na Comunidade Autónoma a través da xestión urxente dos servizos policiais, sanitarios, xudiciais e sociais que foran oportunos.  Coordinación da atención específica a mulleres en situación de especial vulnerabilidade.  Información sobre os recursos dispoñibles no seu ámbito territorial.  Organización, xestión e seguimento de conferencias, encontros, xornadas, exposicións ou cursos.  Divulgación e sensibilización da problemática das mulleres impartindo charlas, conferencias, participando en medios de comunicación, etc.  Información e asesoramento ao colectivo LGTBI encamiñada á integración e a igualdade de oportunidades das persoas que o integran en tódolos ámbitos.  Información sobre cursos, estudos e xornadas que se programen no seu ámbito territorial, así como sobre as actividades e servizos desenvolvidos polo órgano competente en materia de igualdade da Administración xeral da Comunidade Autónoma de Galicia.  Organización de exposicións e xestión de programas.  Fomento do asociacionismo e a participación cidadá das mulleres e do colectivo LGTBI. As función de asesoramento psicolóxico serán entre outras:  Atención psicolóxica.  Realización de valoracións e orientacións psicolóxicas, así como a emisión dos informes que se consideren pertinentes.  Intervención individual.  Realización de informes psicolóxicos en aqueles supostos nos que sexan solicitados por organismos públicos.  Realización de prácticas de grupo e talleres de autoestima.  Participación nas actividades do CIM.  Colaboración na elaboración de memorias e documentos. Os desprazamentos realizaranse no vehículo propio con resarcimento da quilometraxe realizada. SEGUNDA.- NORMATIVA APLICABLE A este proceso selectivo de CONCURSO-OPOSICIÓN, seralle de aplicación o previsto na Lei 2/2015, do 29 de abril do Emprego Público de Galicia, así como o disposto no artigo 61 do Real decreto lexislativo 5/2015, do 30 de outubro, polo que se aproba o texto refundido do Estatuto Básico do Empregado Público (en adiante TREBEP). No non previsto nas presentes bases, tamén será de aplicación: - Lei 30/1984, do 2 de agosto, de Medidas de Reforma para a Función Pública. - Lei 53/1984, do 26 de decembro, de Incompatibilidades do persoal ao Servizo das Administracións Públicas. - Lei 7/1985, do 2 de abril, reguladora das Bases de Réxime Local. - Real Decreto Lexislativo 781/1986, do 18 de abril, polo que se aproba o Texto Refundido das disposicións legais vixentes en materia de Réxime Local. - Decreto 364/1995, do 10 de marzo, que aproba o Regulamento Xeral de Ingreso de Persoal ao Servizo da Administración Xeral do Estado e de provisión de Postos de Traballo e Promoción Profesional dos Funcionarios Civís da Administración Xeral do Estado. - Lei 5/1997, do 22 de xullo, reguladora da Administración Local de Galicia. - Decreto Lexislativo 1/2008, do 13 de marzo, polo que se aproba o Texto Refundido da Lei de Función Pública. - Real decreto lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público. - Lei 2/2015, do 29 de abril, do Emprego Público de Galicia. - Lei 39/2015, do 1 de outubro, do Procedemento Administrativo Común das Administracións Públicas. - Decreto 130/2016, de 15 de setembro, polo que se establecen os requisitos e o procedemento para o recoñecemento e acreditación dos centros de información á muller de titularidade das entidades locais de Galicia, así como para a modificación e extinción do seu recoñecemento. - Lei 7/2023, de 30 de novembro, para a igualdade efectiva de mulleres e homes de Galicia. - Orde do 3 de xaneiro de 2025, pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021- 2027, e se procede á súa convocatoria para o ano 2025 (DOG nº 25, do 6 de febreiro de 2025). - Orde do 3 de xuño de 2026, pola que se establecen as bases reguladoras das subvencións ás entidades locais da Comunidade Autónoma de Galicia para o apoio aos centros de información á muller (CIM), de forma individual e mediante o sistema de xestión compartida, e se convocan para o ano 2026 (DOG nº 109, do 12 de xuño de 2026). - Demais disposicións aplicables. TERCEIRA.- MODALIDADE E DURACIÓN DA RELACIÓN LABORAL 1.-MODALIDADE E DURACIÓN: Neste caso, a contratación será polo tempo que dure a baixa por incapacidade temporal e ata a reincorporación expresa da titular da praza. A bolsa terá unha duración de tres anos dende o día seguinte á publicación desta convocatoria e bases no Boletín Oficial da Provincia de Lugo. 2.-XORNADA DE TRABALLO, será a tempo completo, de luns a venres, cos descansos establecidos legalmente. Traballarase no Concello de Mondoñedo ou en calquera dos concellos que forman esta agrupación, en función das necesidades do servizo e en calquera caso, nos días e horarios que designe o Alcalde-Presidente, podendo realizar xornada intensiva ou partida. 3.-RETRIBUCIÓNS: Salario bruto mensual que inclúe a parte proporcional da paga extraordinaria: 1 Psicólogo/a-Directora a tempo completo 1.316,99 €/mes Polo tanto, no parágrafo anterior reflíctese a retribución bruta mensual, incluída a Parte Proporcional da Paga Extraordinaria, aínda que o soldo aboarase mensualmente, e a parte proporcional da paga extraordinaria, en relación ao tempo traballado, de ser o caso, no mes de xuño e/ou decembro e/ou á finalización do contrato. Por outra banda, a/o traballadora percibirá un plus en 12 mensualidades, cunha contía de 312,68 €/mensuais (plus bruto mensual), que se aboara mensualmente. CUARTA.- REQUISITOS DOS ASPIRANTES Con carácter xeral, os aspirantes deberán reunir os seguintes requisitos, na data en que remate o prazo de presentación de instancias para poder tomar parte nas probas de selección: a) Ser español ou nacional doutros estados nos termos do artigo 57 do Real decreto lexislativo 5/2015 do 30 de outubro polo que se aproba o Texto Refundido da Lei do Estatuto Básico do Empregado Público. b) Posuír capacidade funcional para o desempeño das tarefas. c) Ter cumpridos dezaseis anos. d) Non estar separado mediante expediente disciplinario do servizo de calquera das Administracións Públicas ou dos órganos constitucionais ou estatutarios das Comunidades Autónomas, nin atoparse en inhabilitación absoluta ou especial para empregos ou cargos públicos por resolución xudicial, para exercer funcións similares ás que desempeñaban, no que fora separado ou inhabilitado. No caso de ser nacional doutro estado, non atoparse inhabilitado ou en situación equivalente nin ter sido sometido a sanción disciplinaria ou equivalente que impida, no seu estado, nos mesmos termos o acceso ao emprego público. e) Non padecer enfermidade ou limitación física ou psíquica que impida o desempeño das correspondentes funcións. f) Non atoparse en situación de incapacidade ou incompatibilidade con arranxo á lexislación vixente. g) Carecer de antecedentes no Rexistro Central de delincuentes sexuais. h) Titulación académica: Estar en posesión da Licenciatura ou Grado en Psicoloxía. No caso de titulacións obtidas no estranxeiro deberase estar en posesión da credencial que acredite a súa homologación. i) Deberá contar con formación e experiencia en temas relacionados coa igualdade de oportunidades por razón do xénero. A formación acreditarase mediante a xustificación de ter realizado polo menos 200 horas de actividades formativas relacionadas coa igualdade de oportunidades, e a experiencia coa acreditación de ter traballado en entidades públicas ou privadas, ou de ter realizado voluntariado nalgunha das entidades inscritas no Rexistro de Acción Voluntaria de Galicia na sección I (entidades de acción voluntaria). Cando neste artigo se fai referencia á formación en materia de igualdade por razón de xénero, experiencia en igualdade de oportunidades por razón do xénero ou formación e experiencia en temas relacionados coa igualdade de oportunidades por razón do xénero, débese entender incluída a formación e/ou a experiencia en materia de violencia de xénero. j) Estar en posesión do certificado de lingua galega (CELGA 4) OU EQUIVALENTE. No caso de que non se posúa haberá que superar unha proba de coñecemento da lingua galega. k) Dispor de permiso de conducir B e dispor de vehículo para desprazarse, ou ben declaración responsable de dispoñer de medio de transporte para desprazarse aos concellos da agrupación, así como aos domicilios, por entender que garda relación obxectiva e proporcionada coas funcións asumidas e as tarefas a desempeñar segundo a natureza do posto de traballo (art. 56.3 TREBEP). QUINTA.- FORMA E PRAZO DE PRESENTACIÓN DE SOLICITUDES 1.— As persoas que desexen tomar parte no proceso selectivo convocado, deberano facer constar mediante unha instancia, modelo Anexo I, dirixida ao Sr. Alcalde-Presidente do Concello, na que manifestarán, ademais dos datos persoais co enderezo e que reúnen todos e cada un dos requisitos da presente convocatoria, así como a aceptación expresa das bases de convocatoria. 2.— O prazo de presentación de instancias será de cinco días hábiles, que comezará a contar a partir do día seguinte ao da publicación do anuncio, desta convocatoria e bases, no Boletín Oficial da Provincia de Lugo. 3.— As instancias deberán presentarse no Rexistro Xeral do Concello de Mondoñedo, a través da sede electrónica (https://mondonedo.sedelectronica.gal) ou mediante algunha das formas previstas na Lei 39/2015, do 1 de outubro, do Procedemento Administrativo Común das Administracións Públicas. Cómpre que o Concello teña constancia da presentación desta documentación no prazo en que remata o día de presentación de instancias. Se conforme a este precepto se presenta a instancia a través das oficinas de correos, deberá aparecer o selo na propia solicitude. Doutro modo, a data de anotación no Rexistro Xeral será a que se teña en conta a tódolos efectos. Co obxecto de coñecer a presentación das instancias noutros rexistros ou en correos e poder realizar o seu seguimento, nestes supostos, as persoas solicitantes deberán comunicalo durante o mesmo prazo de presentación de instancias, remitindo copia da solicitude presentada e rexistrada, mediante correo electrónico dirixido a: concellomondonedo@gmail.com , indicando como asunto: CONVOCATORIA PARA A CONTRATACIÓN DUNHA PSICÓLOGA/O-DIRECTORA PARA O CENTRO DE INFORMACIÓN ÁS MULLERES E CREACIÓN DUNHA BOLSA DE EMPREGO PARA ESTE POSTO e achegarán copia escaneada da solicitude rexistrada, DNI, permiso de conducir, titulación esixida, deberá contar con formación e experiencia en temas relacionados coa igualdade de oportunidades por razón do xénero, tal e como establece a base cuarta apartado i). Así como a acreditación oporturna de coñecementos da lingua galega. As persoas aspirantes farán constar na instancia que reúnen tódolos requisitos sinalados na Base 4ª, e achegarán inescusablemente os seguintes documentos:  Fotocopia cotexada do DNI ou documento identificativo.  Fotocopia cotexada do permiso de conducir.  Fotocopia cotexada da titulación esixida.  Fotocopia cotexada do certificado de lingua galega “CELGA 4”, ou a súa validación, se é o caso, aos efectos de exención do exercicio de coñecemento da lingua galega (Base 8ª).  Fotocopia cotexada da formación e experiencia en temas relacionados coa igualdade de oportunidades por razón do xénero, tal e como establece a base cuarta apartado i).  Fotocopia cotexada dos documentos acreditativos dos méritos alegados para a súa valoración neste concurso-oposición convocado (esta documentación non será excluínte para a confección da lista provisional de admitidos e excluídos). A presentación da instancia para tomar parte no proceso selectivo supón a aceptación e acatamento de todas e cada unha das bases deste convocatoria. SEXTA.- ADMISIÓN DE SOLICITUDES 1.- Rematado o prazo para presentar as instancias o Alcalde ditará resolución comprensiva que conterá: - a lista provisional de admitidas/os e excluídas/os coa especificación do motivo de exclusión. - a designación do Tribunal cualificador e a data da súa constitución. - a data, hora e lugar en que se realizará a fase de oposición e a valoración de méritos, realizándose primeiro a fase de oposición, debendo transcorrer cando menos 24 horas entre a publicación e a data de realización das probas. Esta resolución publicarase de xeito íntegro na sede electrónica (https://mondonedo.sedelectronica.gal) e no taboleiro de anuncios do Concello. 2.- Durante dous (2) días hábiles seguinte á publicación da lista provisional de admitidos e excluídos, unicamente os/as excluídos/as poderán solicitar a subsanación de erros e presentar reclamacións á lista provisional. Quen non presentara a reclamación no prazo indicado, decaerá do seu dereito sendo excluído definitivamente da lista de aspirantes. No caso de non haber excluídos, a lista provisional elevarase a definitiva automaticamente. 3.- Transcorrido o prazo de subsanación, as reclamacións, se as houbera, serán aceptadas ou rexeitadas mediante Resolución pública de Alcaldía, na sede electrónica (https://mondonedo.sedelectronica.gal) e no taboleiro de anuncios, aprobando a lista definitiva de admitidos e excluídos. 4.- Porén, se en calquera momento posterior á aprobación da lista definitiva, se advertise nas solicitudes inexactitude ou falsidade que fora causa de exclusión, esta considerarase defecto insubsanable e a alcaldía resolverá a dita exclusión. SÉTIMA.—TRIBUNAL CUALIFICADOR Os membros do Tribunal Cualificador e suplentes serán designados polo Sr. Alcalde – Presidente mediante Resolución. O tribunal estará integrado polos seguintes membros: - Presidente: Un empregado público, con voz e voto. - Secretario: O da Corporación ou empregado público en quen delegue, con voz e voto. - Vogais: tres empregados públicos, con voz e voto. O Tribunal Cualificador deberá constituírse na data que designe o Sr. Alcalde, entendéndose validamente constituído cando asista a maioría absoluta dos membros titulares ou suplentes e sempre coa presenza do Presidente e o Secretario. Os membros do Tribunal, posuirán titulación ou especialización de grao igual ou superior ao esixido para acceder ao emprego. Na sesión constitutiva adoptaranse as decisións pertinentes para o correcto desenvolvemento do proceso. Os seus acordos serán impugnables nos supostos e na forma establecida pola Lei 39/2015, de 1 de outubro. Os acordos serán adoptados pola maioría simple dos asistentes con voz e voto, dirimindo os empates o voto de calidade do presidente. Cada tribunal poderá dispoñela incorporación aos seus traballos de asesores especialistas, con voz e sen voto, limitándose os asesores a prestar a súa colaboración nas súas especialidades técnicas. Os membros dos tribunais deberán absterse de intervir, comunicándolle á Alcaldía cando concorra neles algunha das circunstancias previstas no artigo 23 da Lei 40/2015, de 1 de outubro, de Réxime Xurídico do Sector Público, así como cando realizasen tarefas de preparación de aspirantes a probas selectivas de acceso nos cinco anos inmediatamente anteriores á publicación desta convocatoria, consonte o disposto no artigo 13.2º do Real Decreto 634/1995, de 10 de marzo, do regulamente xeral de ingreso. Así mesmo, os interesados poderán recusar aos membros do tribunal cando, ao seu xuízo, concorra neles algunha das circunstancias previstas no parágrafo anterior, conforme ao artigo 24 da Lei 40/2015, do 1 de outubro, de Réxime Xurídico do Sector Público. A efectos de percepción de asistencias, de ser o caso, o Tribunal terá a categoría segunda (2ª) das sinaladas do Real Decreto 462/2002, de 24 de maio, sobre indemnizacións por razón de servicio. OITAVA.-SISTEMA DE SELECCION E CUALIFICACION O sistema de selección será o de CONCURSO – OPOSICIÓN. A puntuación máxima para as fases de concurso e oposición será de 20 puntos. FASE DE CONCURSO: A puntuación máxima para a fase de concurso será de 8 puntos. Consistirá na valoración dos méritos alegados e debidamente acreditados polas persoas aspirantes segundo o seguinte baremo 1.1.-EXPERIENCIA PROFESIONAL: Por servizos efectivamente prestados en empregos de similares características e funcións ao emprego que se opta, ata un máximo de 5 puntos: a) Por servizos prestados en calquera administración pública con menores e/ou familias con menores: 0,06 puntos/mes. b) Por servizos prestados en empresas privadas con menores e/ou familias con menores 0,03 puntos/mes. Non se computarán fraccións inferiores a meses completos. A xustificación deste apartado farase: - no caso de traballador por conta allea: coa presentación de copia cotexada de contratos de traballo e do Informe de Vida Laboral, proporcionado pola Tesourería Xeral da Seguridade Social, así como por calquera outro medio que permita ter constancia fidedigna da dita experiencia profesional na categoría profesional esixida nas presentes bases. Estes documentos poderán ser substituídos por un Certificado de Servizos, no caso de Administración, ou Certificado de Empresa, no caso de empresa privada, sempre que queden acreditados de forma clara e expresa, a ocupación, período traballado, e número de horas. - no caso de traballadores autónomos: mediante o Informe de Vida Laboral, expedida pola Tesourería Xeral da Seguridade Social na que conste o epígrafe de cotización e Certificado de Epígrafes do IAE. De ser o caso, contrato de arrendamento de servizos ou calquera outro documento que acredite de forma clara e expresa a natureza da actividade. - no caso de traballos realizados no estranxeiro: mediante certificación oficial na que conste a ocupación ou profesión exercida e coa categoría profesional esixida nas presentes bases e os seus períodos de tempo. 1.2. ACCIÓNS FORMATIVAS A puntuación máxima que se pode acadar no apartado de accións formativas será de 3,00 puntos. Accións formativas específicas relacionadas co emprego a desenvolver. a) Cursos de máis de 300 horas 0,60 puntos por curso. b) Cursos de 101 horas a 300 horas 0,50 puntos por curso. c) Cursos de 51 a 100 horas, 0,25 puntos por curso d) Cursos de 5 a 50 horas, 0,15 puntos por curso Neste apartado presentarase o diploma orixinal (ou fotocopia compulsada) ou certificado (ou fotocopia compulsada) expedido pola organización da actividade. NOTA: Os cursos, xornadas, seminarios, etc. directamente relacionado coas funcións propias do emprego a que se opta deben estar realizados nas Administracións Públicas, Escolas de Administración Pública, Universidades, SEPE (antigo Inem), organizacións sindicais, colexios oficiais de profesionais e outros cursos homologados pola administración pública. FASE DE OPOSICIÓN: A puntuación máxima para a fase de oposición será de 12 puntos. As persoas aspirantes concorrerán provistos do seu DNI ou documento fidedigno acreditativo da súa identidade a xuízo do tribunal e dos medios materiais necesarios para a práctica das probas, e serán convocados en chamamento único, quedando excluídos da oposición os que non comparezan, agás casos de forza maior debidamente xustificados e apreciados libremente polo Tribunal. Os exercicios celebraranse a porta pechada sen outra asistencia que a dos opositores, membros do órgano de selección e os colaboradores designados por este. O procedemento selectivo consistirá na realización dun único exercicio que terá carácter obrigatorio e eliminatorio: -Consistirá en contestar un cuestionario tipo test de corenta (40) preguntas e catro (4) de reserva, con varias respostas alternativas das que só unha será válida, relacionadas cos temas indicados no anexo II destas bases. Este exercicio terá carácter obrigatorio e eliminatorio. -Puntuarase de 0 a 12 puntos, sendo necesario acadar un mínimo de seis (6) puntos para a súa superación. Cada resposta correcta puntuará 0,30 puntos. As respostas erróneas e as preguntas non contestadas, non se contabilizarán. O exercicio terá unha duración de 80 minutos. PROBA DE GALEGO: Será obrigatorio a superación dun segundo exercicio, proba de galego para aqueles candidatos que non teñan acreditado xunto coa instancia de solicitude estar en posesión do certificado de Celga 4, equivalente ou superior. Quedarán exentos da realización deste exercicio os aspirantes que coa instancia de solicitude presenten o certificado do Celga 4, equivalente ou superior, debidamente homologado polo órgano competente na materia de política lingüística da Xunta de Galicia, de conformidade co artigo 35 do Decreto lexislativo 1/2008 do 13 de marzo, polo que se aproba o texto refundido da Lei da Función Pública de Galicia, modificado pola Lei 2/2009, do 23 de xuño. Coa finalidade de cumprir co previsto no artigo 35 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, este exercicio consistirá na tradución, sen dicionario, dun texto de castelán ao galego e/ou de galego a castelán, nun tempo máximo de 30 minutos. Este exercicio valorarase como apto ou non apto, sendo necesario para superalo obter o resultado de apto, correspondéndolle ao tribunal determinar o nivel de coñecementos esixido para acadar o resultado de apto. NOVENA.—PUBLICACIÓN DE RESULTADOS A cualificación final das probas virá determinada pola suma das puntuacións obtidas na fase de concurso e oposición, establecendo a orde definitiva de aspirantes aprobados, publicando no taboleiro de anuncios e na sede electrónica (https://mondonedo.sedelectronica.gal) a dita puntuación do proceso selectivo. En caso de empate o desempate realizarase en primeiro lugar, a favor da persoa que obtivera unha maior puntuación na fase de oposición. No caso de persistir o empate, este dirimirase a favor daquela persoa que posúa maior experiencia profesional relacionada co emprego a desenvolver. De persistir o empate, este dirimirase con base nas Accións Formativas. Por último, se fose necesario, en base á orde alfabética dos apelidos, polo que se sorteará o día da proba da fase de oposición, a primeira letra a partir da que se realizará o citado desempate. O Tribunal realizará unha proposta de resolución para o seu nomeamento aos candidatos/as que máis puntuación obtivesen, non podendo declarar que superaron a selección un número de aspirantes superior ao número de empregos convocados. Os restantes candidatos, pola orde de puntuación obtida, poderán ser contratados no caso de que os/as seleccionados/as non asinen o contrato no prazo que se lle sinale ou ben renuncien ao emprego. DECIMA.- ACHEGA DE DOCUMENTOS Os/As aspirantes propostos/-as presentarán na Secretaría do Concello, nos tres (3) días hábiles seguintes ao da publicación da lista de aprobados, os seguintes documentos: a) Copia autenticada do DNI. b) Certificado médico oficial acreditativo de non padecer enfermidade ou limitación física ou psíquica que impida o normal desenvolvemento das súas funcións. Se o aspirante proposto tivese a condición de discapacitado acreditaraa mediante certificado correspondente, que reúne as condicións necesarias para desempeñar as funcións do emprego. c) Declaración xurada de non ter sido separado, mediante expediente disciplinario, do servizo de calquera das Administracións Públicas, nin atoparse inhabilitado para o exercicio de funcións públicas. d) Declaración xurada de non atoparse incurso en ningunha das causas de incapacidade ou incompatibilidade que determine a lexislación vixente. e) Certificado ou declaración baixo xuramento de non estar condenado mediante sentencia firme por delitos de índole sexual. f) Tarxeta sanitaria da Seguridade Social e documento acreditativo do número de conta bancaria. Se no prazo sinalado, salvo os casos de forza maior, os aspirantes non presentasen a documentación esixida, non se poderá formalizar o contrato, quedando anuladas tódalas actuacións sen prexuízo das responsabilidades en que se puidera incorrer por falsidade. Neste caso formularase proposta de nomeamento a favor do seguinte da lista. DÉCIMO PRIMEIRA.- FORMALIZACIÓN DO CONTRATO Presentada a documentación sinalada no apartado anterior, o Presidente da Corporación, ditará resolución e formalizará o contrato laboral a favor das persoas propostas polo Tribunal no prazo máximo de dez (10) días hábiles a contar dende a data en que remate o prazo de presentación dos documentos citados na base anterior. DÉCIMO SEGUNDA.- FORMACIÓN DE BOLSA DE TRABALLO POR UN PERÍODO DE TRES ANOS 1.- Confeccionarase unha bolsa de traballo coa relación dos aspirantes admitidos no proceso selectivo e pola orde decrecente de puntuación obtida no mesmo, co obxecto de cubrir posibles vacantes que se produzan ou as ausencias por desfrute de licenzas regulamentaria, necesidade do servizo, etc..., ou as baixas ou renuncias do persoal seleccionado ou persoal do actual servizo de Psicóloga/o-Directora do Centro de Información as Mulleres de xestión compartida dos Concellos de Mondoñedo, Abadín, Lourenzá, Pastoriza, Riotorto e Meira. 2.- A renuncia ou a non finalización dun contrato no prazo establecido por causas imputables ao traballador suporá o paso ao último lugar da bolsa de emprego. 3.- Os períodos de proba serán acordes coa lexislación vixente. Se un traballador non superase o período de proba suporá a exclusión definitiva da bolsa. 4.- A primeira contratación será para a sustitución da traballadora que causou baixa por incapacidade temporal e ata a súa reincorporación expresa, e unha vez finalizada a relación laboral, as sucesivas contratacións con cargo a esta bolsa, poderán ser a xornada completa ou parcial, en función das necesidades do servizo e do seu financiamento dispoñible. 5.- A bolsa de emprego poderase abrir, por un prazo de 5 días hábiles, no momento no que o servizo municipal correspondente o considere oportuno, por non quedar efectivos na mesma en número suficiente para atender as necesidades que se presenten, ou non se atopen dispoñibles para o emprego, admitíndose novas solicitudes e novos méritos aportados polos aspirantes xa incluídos na bolsa. 6.- A vixencia da bolsa terá unha duración de tres anos dende o día seguinte á publicación desta convocatoria e bases no Boletín Oficial da Provincia de Lugo. 7.- Cos candidatos formarase unha lista pola orde de puntuación total obtida neste proceso selectivo, que será empregada para o chamamento de candidato/as e para a realización doutras contratacións laborais temporais previstas no artigo 15.1 do Estatuto dos Traballadores, aprobado por RDL 1/1995, de 24 de marzo, sempre que correspondan á categoría profesional para as que se crea a bolsa de emprego. O funcionamento desta bolsa de emprego rexerase polas seguintes regras: 1ª.- A comunicación da selección do candidato realizarase mediante un sistema de dobre chamada telefónica, na cal si o/a aspirante non responde, realizarase un segundo intento deixando transcorrer un tempo de quince minutos. Si efectuado o segundo intento non responde á chamada, o/a aspirante perde o dereito a ese contrato e pasará a ocupar o último lugar da bolsa de emprego. Neste suposto, o funcionario que o realice fará constar mediante dilixencia a súa realización, e se tiveron unha resposta. 2ª.- A orde de chamamento dos aspirantes será polo orde de puntuación obtida e terá carácter rotatorio. 3ª.- A renuncia a un posto ofertado suporá o pase do aspirante ao último lugar da bolsa de emprego, salvo que concorra algunha das seguintes circunstancias:  Parto, baixa por maternidade ou situacións asimiladas.  Enfermidade grave que impida a asistencia ao traballo, sempre que se acredite debidamente.  Exercicio de cargo público representativo que imposibilite a asistencia ao traballo. O aspirante que se atope nalgunha destas circunstancias causará baixa na bolsa de emprego ata que a causa desapareza, volvendo deste xeito a causar alta na bolsa de emprego no mesmo posto que se atopaba en base á súa puntuación obtida, dende o momento que comunique que a causa desapareceu. 4ª.- Cando se produza unha renuncia a un posto ofertado, o aspirante deberá personarse neste Concello dentro do prazo de 2 días hábiles desde o día seguinte á notificación, para firmar a renuncia ou ben presentar unha acreditación correspondente de atoparse nalgún dos supostos mencionados na regra 3ª, e de non ser así, será expulsado/a da bolsa. 5ª.- As persoas da bolsa que xa estean traballando como Psicóloga/o-Directora no Centro de Información ás Mulleres no Concello de Mondoñedo non serán chamadas para as novas substitucións. Cando rematen o seu contrato, incorporaranse á bolsa no mesmo posto que tiñan inicialmente, para vindeiros chamamentos. DÉCIMO TERCEIRA.- PUBLICIDADE DO PROCEDEMENTO. A publicidade do presente procedemento selectivo realizarase mediante a publicación da convocatoria e bases no Boletín Oficial da Provincial de Lugo e na sede electrónica do concello (https://mondonedo.sedelectronica.gal). O resto de actos do procedemento publicaranse na sede electrónica (https://mondonedo.sedelectronica.gal) e no taboleiro de anuncios da Casa do Concello. DÉCIMO CUARTA.— RECURSOS Contra a presente convocatoria, as súas bases e os actos de aplicación desta, poderá interpoñerse optativamente un dos seguintes recursos: - Recurso de reposición ante o mesmo órgano autor do acto, no prazo de un mes, a partir do día seguinte ao da súa notificación ou publicación do acto ou acordo. - Recurso Contencioso-Administrativo ante os órganos da orde xurisdicional contencioso-administrativo que correspondan, consonte ao disposto nos artigos 8, 10 e 13 da Lei 29/1998, do 13 de xullo, reguladora da xurisdición contencioso-administrativa, no prazo de DOUS (2) MESES contados dende o día seguinte ao da recepción da presente notificación, en harmonía co establecido no artigo 46 da devandita Lei. DÉCIMO QUINTA.—NORMA FINAL O Tribunal queda facultado para interpretar as Bases da Convocatoria, así como para resolver cantas dúbidas e incidencias presente a súa aplicación, e poderá adoptar os acordos necesarios procurando a boa orde e desenvolvemento do proceso selectivo. DÉCIMO SEXTA.—PROTECCIÓN DE DATOS PERSOAIS 1.- Os datos persoais proporcionados polas persoas interesadas para a solicitude de participación no proceso, así como aqueloutros que se recollan ou elaboren con motivo do desenvolvemento deste, serán tratados polo Concello de Mondoñedo na súa condición de responsable do tratamento, coa finalidade de levar a cabo a tramitación e xestión do procedemento de selección e as actuacións que se deriven deste. 2.- A lexitimación para o tratamento dos datos é o cumprimento dunha misión realizada en interese público conforme o disposto no artigo 6.1.e) do Regulamento xeral de protección de datos (RXPD), con base no disposto na Lei 7/1985, do 2 de abril, Reguladora das Bases do Réxime Local, e fundamentada nun interese público esencial (artigo 9.2.g) do RXPD). Os datos identificativos das persoas excluídas e admitidas serán publicados conforme o detallado na base sexta desta resolución. 3.- As persoas interesadas poderán solicitar ante o responsable do tratamento o acceso, rectificación, limitación e supresión dos seus datos, así como opoñerse ao seu tratamento por motivos relacionados coa súa situación particular, a través do rexistro municipal na sede electrónica (https://mondonedo.sedelectronica.gal) e/ou a través do correo electrónico concellomondonedo@gmail.com. 4.- Información adicional a) Prazo de conservación: Os datos serán conservados durante o tempo necesario para poder cumprir coas obrigacións legais que encomenda a normativa administrativa, e sempre, cumprindo polo menos co tempo mínimo de conservación da información. De conformidade co regulado no artigo 26 da LOPDGDD será lícito o tratamento por esta Entidade dos datos con fins de arquivo en interese público, sempre cumprindo coa normativa vixente de arquivos e documentación. b) Inexistencia de decisións automatizadas: Neste tratamento non se tomarán decisións automatizadas. c) Dereitos en relación cos datos facilitados • As persoas interesadas teñen dereito a acceder aos seus datos persoais, ao prazo de conservación dos seus datos, mesmo a obter una copia dos datos obxecto do tratamento. • Así mesmo, ten dereito de rectificación dos datos se son inexactos. • Os interesados teñen dereito á limitación do tratamento, para iso deberán de solicitalo ao responsable, o cal deberá de suspender o tratamento dos datos cando os cidadáns soliciten a rectificación ou supresión dos seus datos, ata que se resolva a súa solicitude. • Os interesados poderán exercer o dereito de supresión (dereito ao esquecemento) sempre que se dean as circunstancias enumeradas no RGPD e segundo o regulado no artigo 15 da LOPDGDD. • O afectado pode exercer o dereito de oposición ao tratamento, sempre por motivos relacionados coa súa situación persoal, coa excepción do que se acredite un interese lexítimo, ou sexa necesario para o exercicio ou defensa de reclamacións. Igualmente, cando o tratamento teña por obxecto a mercadotecnia directa. • O interesado terá dereito á portabilidade a obter os datos nun formato estruturado, de uso común e de lectura mecánica, e a transmitilos a outro responsable do tratamento cando o tratamento estea baseado no consentimento ou se efectúe por medios automatizados Os interesados poderán exercer os dereitos enumerados nos parágrafos anteriores, a través do rexistro municipal na sede electrónica (https://mondonedo.sedelectronica.gal) e/ou a través do correo electrónico concellomondonedo@gmail.com. d) Reclamación ante a autoridade de control Poderá presentar reclamación ante a Autoridade de Control en materia de Protección de Datos competente mediante escrito dirixido á Axencia Española de Protección de Datos, C/Jorge Juan núm. 6, 28001 Madrid ou ben accedendo á súa sede electrónica: https://sedeagpd.gob.es/sede-electronica-web/. ANEXO I (modelo de instancia) D./D.ª..................................................................................................................................................................., con DNI ...................................................................., nado/-a .................................................. (data nacemento), veciño/-a de ........................................................, con enderezo en ....................................................................... .............................................................................................................. CP .......................................................... Concello.............................................................. teléfono..................................................................................... e correo electrónico............................................................................................................................................. EXPÓN: Que desexa ser admitido/-a ás probas selectivas de acceso para a cobertura dun emprego DE PSICÓLOGA/O- DIRECTORA CREACIÓN DUNHA BOLSA DE EMPREGO PARA ESTE POSTO PARA O MANTEMENTO DO SERVIZO DO CENTRO DE INFORMACIÓN ÁS MULLERES, de conformidade coa convocatoria aprobada na Resolución da Alcaldía do 23 de setembro de 2026. Que coñece e acepta as bases que rexerán para a dita convocatoria, e declara que reúne todos e cada un dos requisitos esixidos nestas. Que non estou incurso/a en ningunha causa de incapacidade ou incompatibilidade, nin padezo enfermidade ou defecto físico/psíquico que me impida o desempeño deste emprego. Así mesmo, declaro que non estou separado/a do servizo de ningunha Administración Pública por expediente disciplinario, nin inhabilitado/a por sentenza firme para o exercicio de funcións públicas. Que achega coa solicitude a seguinte documentación ou xustificantes esixidos polas bases que rexen a convocatoria así como os xustificantes dos méritos alegados:(relación de documentación esixida e de méritos alegados): Por tanto SOLICITA: Que se teña por presentada a correspondente solicitude no prazo establecido e se lle admita a tomar parte nas probas selectivas para o emprego anteriormente indicado INFORMACIÓN SOBRE PROTECCIÓN DE DATOS Responsable Concello de Mondoñedo Finalidade do tratamento Tramitación da solicitude de participación no proceso selectivo, avaliación da documentación presentada, xestión do proceso e realización dos trámites derivados del Lexitimación Cumprimento dunha misión realizada en interese público conforme o disposto no artigo 6.1.e) do Regulamento xeral de protección de datos (RXPD), con base no disposto na Lei 7/1985, do 2 de abril, Reguladora das Bases do Réxime Local, e fundamentada nun interese público esencial (artigo 9.2.g) do RXPD) Comunicación de Datos Os datos identificativos das persoas excluídas e admitidas serán publicados no Taboleiro de anuncios e na sede electrónica do Concello Dereitos Ten dereito a acceder, rectificar e suprimir os datos, así como calquera outro dereito que Ile correspondan dirixindo a súa solicitude a través do rexistro municipal na sede electrónica (https://mondonedo.sedelectronica.gal) e/ou a través do correo electrónico concellomondonedo@gmail.com. Información adicional Pode consultar máis información na cláusula décimo quinta das bases de convocatoria Mondoñedo,....... de ................... de 2026 (sinatura) SR. ALCALDE – PRESIDENTE DO CONCELLO DE MONDOÑEDO (LUGO) ANEXO II (TEMARIO) MATERIAS COMÚNS: 1. Constitución española. Estrutura. Principios xerais. 2. A Constitución. A Corona, o Rei e o Referendo. 3. A Constitución. A organización territorial do Estado. 4. Cámaras lexislativas. Competencias e réxime de funcionamento 5. A Constitución. Dereitos e deberes dos cidadáns. 6. Lei Orgánica 1/1981, de 6 de abril, do Estatuto de Autonomía de Galicia 7. Lei 39/2015, de 1 de outubro, do Procedemento Administrativo Común das Administracións Públicas. Principios xerais. 8. Lei 39/2015. O Acto administrativo, elementos constitutivos, requisitos e eficacia do acto. 9. Lei 39/2015. A revisión de oficio. A nulidade e anualidade do acto administrativo. 10. Lei 39/2015: iniciación, instrución e finalización do procedemento administrativo. 11. Lei 39/2015, de 1 de outubro: recursos administrativos. 12. Lei 40/2015, de 1 de outubro, de Réxime Xurídico do Sector Público: órganos administrativos e órganos consultivos das distintas Administracións públicas 13. Lei 7/1985, de 2 de abril, reguladora das Bases de Réxime Local 14. Real Decreto Lexislativo 781/1986, de 18 de abril, polo que se aproba o texto refundido das disposicións legais vixentes en materia de Réxime Local. 15. Lei 27/2013 de 27 de decembro de Racionalización e sostebilidade da Administración Local, de modificación da Lei de Bases 16. Competencias da Alcaldía-Presidencia 17. Competencias e réxime de sesión do Pleno nas entidades locais. 18. A delegación competencial e a avocación. 19. Competencias da Xunta de Goberno local e dos demais órganos colexiados nas entidades locais. 20. Estrutura do Orzamento municipal 21. Procedemento de aprobación e modificación do Orzamento municipal. 22. Real Decreto Lexislativo 5/2015, de 30 de outubro, do texto refundido da Lei do Estatuto Básico do Empregado Público . 23. Tipoloxía de persoal público. Réxime retributivo 24. Dereitos e deberes do persoal público. 25. Lei 2/2015, de 29 de abril, do Emprego público de Galicia: estrutura, principios xerais 26. Situacións administrativas, permisos e licenzas do persoal público segundo a Lei 2/2015 27. Lei 53/1984, de 26 de decembro, de Incompatibilidades do Persoal ao Servizo das Administracións Públicas. 28. A Lei 9/2017 de 8 de novembro de Contratos do Sector Público: delimitación dos tipos contractuais 29. A Lei 9/2017 de 8 de novembro de Contratos do Sector Público: aptitude para contratar co sector público. 30. A Lei 9/2017 de 8 de novembro de Contratos do Sector Público: da preparación dos contratos nas Administracións públicas 31. A Lei Orgánica 3/2018, do 5 de decembro, de protección de datos persoais e garantías dos dereitos dixitais. Marco legal e principios xerais da Protección de Datos de Carácter Persoal na Administración pública. 32. A prevención de riscos laborais: marco legal na Lei 31/1995 de Prevención de Riscos Laborais e desenvolvemento normativo da devandita lei de prevención. Dereitos e obrigas dos traballadores. MATERIAS ESPECIFICAS: 33. Lei Orgánica 3/2007, de 22 de marzo, para a igualdade efectiva de mulleres e homes. Políticas públicas para a igualdade. O dereito ao traballo en igualdade de oportunidades. O principio de igualdade no emprego público 34. Decreto 157/2012, do 5 de xullo de 2012, polo que se desenvolve a Lei 11/2007, do 27 de xullo, galega para a prevención e o tratamento integral da violencia de xénero no relativo aos órganos consultivos e de participación 35. Lei 2/2014 do 14 de abril pola igualdade de trato e non discriminación de lesbianas, gais, transexuais, bisexuais e intersexuais en Galicia. 36. Lei 12/2016 de 22 de xullo, de modificación da Lei 11/2007 do 27 de xullo, para a prevención e o tratamento integral da violencia de xénero. 37. Organización do sistema de protección e asistencia integral especializada fronte á violencia de xénero en Galicia. 38. Lei 13/2008, de 3 de decembro, de servizos sociais de Galicia: Titulares do dereito de acceso aos servizos sociais. Dereitos e Deberes das persoas usuarias. 39. Lei 13/2008, de 3 de decembro, de servizos sociais de Galicia. O sistema galego de servizos sociais: Estrutura do sistema. 40. A abordaxe da situación de emerxencia desde a atención primaria municipal: Definición. Ámbito de aplicación. Persoas beneficiarias. 41. Lei Orgánica 1/2004, de 28 de decembro, de Medidas de Protección Integral contra a Violencia de Xénero. Obxecto da lei. Medidas de sensibilización, prevención e detención. 42. Lei Orgánica 1/2004, de 28 de decembro, de Medidas de Protección Integral contra a Violencia de Xénero. Dereitos das vítimas de violencia de xénero e tutela penal. 43. Real decreto lexislativo 2/2015, de 23 de outubro, polo que se aproba o texto refundido da Lei do Estatuto dos traballadores. Dereitos laborais das mulleres vítimas de violencia de xénero. 44. DECRETO 130/2016, do 15 de setembro, polo que se establecen os requisitos e o procedemento para o recoñecemento e acreditación dos centros de información á muller de titularidade das entidades locais de Galicia, así como para a modificación e extinción do seu recoñecemento. 45. Síndrome da muller maltratada: Teoría do ciclo da violencia. Consecuencias físicas e psicopatolóxicas do maltrato na muller. 46. As consecuencias da violencia de xénero no desenvolvemento afectivo da vítima. 47. Mulleres vítimas de violencia de xénero con enfermidade mental grave: detección e intervención. 48. Procedementos de actuación con mulleres no ámbito sanitario: condicións da interrupción voluntaria do embarazo. 49. Servizo telefónico de Atención e Protección para vítimas da violencia de xénero, (ATENPRO): Descrición. Obxectivos. Requisitos de aceso. 50. Intervención psicolóxica sobre a violencia: promoción da resiliencia. 51. Intervención social con vítimas de violencia de xénero: Actuación dos/as profesionais nos Servizos Sociais para a atención de mulleres que sofren violencia de xénero. 52. Indicadores para a detección dos malos tratos dende a perspectiva da Intervención social con vítimas de violencia de xénero. 53. Lei Orgánica 8/2021, de 4 de xuño, de protección integral á infancia e a adolescencia fronte á violencia. Dereitos dos nenos, nenas e adolescentes fronte á violencia. Sensibilización, prevención e detección precoz. 54. Pacto de Estado contra la Violencia de Xénero. Medidas a aplicar en el ámbito municipal. 55. Orde de protección europea. Directiva 2011/99/ do Parlamento europeo e do consello, de 13 de decembro de 2011, sobre a orde europea de protección 56. Lei Orgánica 1/1996, do 15 de xaneiro, de Protección Xurídica do Menor. 57. A protección de menores no dereito civil de Galicia: o desamparo e a tutela administrativa. A garda administrativa 58. Decreto-lei 6/2019, de 1 de marzo, de medidas urxentes para garantía da igualdade de trato e de oportunidades entre mulleres e homes no emprego e a ocupación. Dereitos de conciliación. 59. Decreto 96/2014, do 3 de xullo, polo que se regulan os puntos de encontro familiar en Galicia. Puntos de encontro familiar en Galicia. 60. Lei 4/2023, de 28 de febreiro, para a igualdade real e efectiva das persoas trans e para a garantía dos dereitos das persoas LGBTI: obxecto e ámbito de aplicación. 61. O uso da linguaxe inclusiva e non sexista. 62. Entrevista motivacional: Principios xerais. 63. Técnicas de terapia: As preguntas de escala. O eloxio. 64. A posición do/a profesional na intervención con familias: variantes segundo o modelo estrutural. As preguntas como instrumentos de intervención. 65. A Lei Orgánica 10/2022, de 6 de setembro, de garantía integral da liberdade sexual: Título II. 62. Construción de narrativas alternativas na terapia: Obxectivos. Proceso de externalización.. 63. A psicoloxía Comunitaria: Características. Metodoloxía. 64. Funcións do/a psicólogo/a comunitario. 65. A psicoloxía Comunitaria I: Obxectivos. Ámbitos de actuación. 66. Actitudes iniciais das familias ante os servizos sociais: Tipos. Directrices xerais para os/as profesionais. 67. Abordaxes de intervención ante conflitos familiares e maritais: intervención familiar, orientación e consello psicolóxico. 68. Desenvolvemento evolutivo do neno/a na primeira infancia: Desenvolvemento emocional, e social nos dous primeiros anos. 69. Desenvolvemento evolutivo do neno/a na segunda infancia: Desenvolvemento persoal e social na idade preescolar. 70. Desenvolvemento afectivo, emocional e social na adolescencia: Relacións coa familia. 71. Desenvolvemento evolutivo na adolescencia: Relacións sociais co grupo de iguais e amigos. 72. Intervencións sistémicas na infancia: Obxectivos. Actitude terapéutica. 73. A influencia do apego e estilos educativos familiares no desenvolvemento social na infancia. 74. Dimensións da alianza de traballo con familias segundo o modelo SOATIF (Sistema de observación da alianza terapéutica en intervención familiar) 75. Construción de metas e obxectivos na intervención familiar: Como definir os obxectivos coa familia. 76. O traballo co alcohol desde a terapia breve de familia: A personalización da tarefa na intervención. 77. A fobia escolar: Definición e tratamento. 78. Prevención da conduta aditiva: Definición. Obxectivos. Tipos de prevención. 79. Prevención da conduta aditiva I: Estratexias. 80. A terceira idade: O proceso de envellecemento 81. Terceira idade I: Necesidades sociais e humanas no envellecemento. 82. Trastornos da alimentación: Patrón comportamental característico. Tratamento psicoterapeútico. Os coidados primarios no dolo: Obxectivos e técnicas. 83. As emocións no dolo: Estratexias de intervención para a rabia e a tristura. 84. As consecuencias do coidado informal sobre a persoa coidadora. 85. Programas de intervención para aliviar a carga da persoa coidadora. 86. Síndrome da persoa coidadora ou Burnout: Causas e consecuencias. Fases. 87. Plan integral de apoio ás familias galegas. Directrices estratéxicas. Areas. Obxectivos de cada área. 88. Suicidio na poboación adulta. Factores de risco. 89. Trastornos da conducta alimentaria. Tipos. Características. Indicadores. 90. Planificación, programación e avaliación de programas /proxectos de servizos sociais.” Mondoñedo, 23 de setembro de 2026.- O alcalde-presidente, [nombre omitido] Legide.