Convocatoria de bolsas de traballo, de carácter temporal, de secretario/a xeral e de técnicos/as de orientación-prospección laboral

ANUNCIO DA CONVOCATORIA DE BOLSAS DE TRABALLO, DE CARÁCTER TEMPORAL, DE SECRETARIO/A XERAL E DE TÉCNICOS/AS DE ORIENTACIÓN-PROSPECCIÓN LABORAL NO CONCELLO DE REDONDELA A alcaldesa ditou as Resolucións núm.: 2026-3748 e núm.: 2026-3754, con data de 15/10/2026, respectivamente, polas que aprobou as bases que rexerán as bolsas de traballo, de carácter temporal, para a provisión do posto de SECRETARÍA XERAL (Persoal Funcionario Interino, Grupo A, Subgrupo A1), mediante concurso-oposición libre e de TÉCNICOS/AS DE ORIENTACIÓN-PROSPECCIÓN LABORAL (Persoal Funcionario Interino, Grupo A, Subgrupo A2), mediante concurso-oposición libre. As persoas que desexen participar nestes procesos selectivos deberán presentar unha instancia cuxo modelo se facilitará no rexistro xeral, na sede electrónica ou páxina web do concello ( www.redondela.gal ) e será dirixida á Alcaldía, con independencia de que se admitirá calquera outro modelo no que consten os datos da persoa solicitante, DNI, domicilio, teléfono/s de contacto e correo electrónico. A presentación de solicitudes poderá facerse no rexistro xeral ou na sede electrónica do Concello de Redondela ou en calquera das formas establecidas no artigo 16.4, da Lei 39/2015, do 1 de outubro, do procedemento administrativo común das Administracións Públicas. O prazo de presentación de instancias será de 10 días hábiles, contados dende o día seguinte á publicación do extracto da convocatoria no Boletín Oficial da Provincia de Pontevedra. As bases publicaranse integramente na sede electrónica, na páxina web, no apartado de Emprego Público, persoal temporal ( https://redondela.gal/categoria/empleo-publico/persoal-temporal/ ) e no taboleiro de anuncios do Concello de Redondela. Redondela, 15 de outubro de 2026. A alcaldesa, [nombre omitido]