Escala da administración especial

Anuncio A concelleira delegada da área de Facenda e Recursos Humanos, con data 10.09.2026, ditou unha resolución na que se aproba a convocatoria e máis as bases para a selección por quenda libre dunha praza de Enxeñeiro/a Técnico/a de Obras Públicas incluida na oferta de emprego público do ano 2026. As bases aprobadas son as que de seguido se transcriben: “BASES ESPECIFICAS QUE REXERÁN O PROCESO SELECTIVO PARA A COBERTURA DUNHA PRAZA DE ENXEÑEIRO/A TÉCNICO/A DE OBRAS PÚBLICAS POR QUENDA LIBRE, ENCADRADA NA ESCALA DA ADMINISTRACIÓN ESPECIAL, SUBESCALA TÉCNICA, CLASE TÉCNICO/A MEDIO/A, GRUPO A, SUBGRUPO A2, INCLUIDA NA OFERTA DE EMPREGO PUBLICO DO ANO 2026, PUBLICADA NO BOLETÍN OFICIAL DA PROVINCIA DA CORUÑA N.º 51, DO 17.03.2026. 1.-NÚMERO, DENOMINACIÓN E CARACTERÍSTICAS. É obxecto da presente convocatoria a cobertura en propiedade, polo sistema de oposición, dunha praza de persoal funcionario de carreira, Enxeñeiro/a Técnico/a de Obras Públicas, encadrada na Escala da Administración Especial, Subescala Técnica, Clase Técnico/a Medio/a, grupo de clasificación A, Subgrupo A2, incluida na Oferta de Emprego Público do Concello de Ferrol do ano 2026. As presentes bases dítanse en desenvolvemento das bases xerais aprobadas mediante resolución da concelleira delegada de Facenda, Patrimonio, Recursos Humanos e Estatística do 09.05.2024, que teñen por obxecto regular os procesos selectivos para o ingreso como persoal funcionario de carreira nos corpos e escalas do Concello de Ferrol, así como os aspectos comúns aos procesos selectivos para prover as prazas de persoal funcionario que estean reservadas á promoción interna (BOP núm. 104 do 30.05.2024). As retribucións básicas serán as correspondentes ao grupo de clasificación de funcionarios, grupo A, subgrupo A2 , e as retribucións complementarias serán as previstas na relación de postos de traballo deste Concello (Boletín Oficial da Provincia da Coruña nº 248, do 29.12.2025) para o posto de adscrición. 2.- SISTEMA SELECTIVO. De conformidade co previsto nas bases xerais aprobadas polo Concello de Ferrol e publicadas no Boletín Oficial da Provincia da Coruña n.º 104 do 30 de maio de 2024, o sistema selectivo será o de oposición. 3.- FUNCIÓNS DA PRAZA As previstas na relación de postos de traballo deste Concello para o posto de Enxeñeiro/a Técnico/a de Obras Públicas. 4- REQUISITOS DOS ASPIRANTES. Para tomar parte neste proceso selectivo os/as aspirantes deberán reunir, ademais dos requisitos establecidos na base 6ª das bases xerais, os seguintes requisitos: a) Titulación: Posuír ou estar en condicións de obter ao finalizar o prazo de presentación de instancias a titulación de grao de enxeñería de obras públicas ou equivalente que habilite para a profesión de enxeñeiro/a técnico/a de obras públicas. A efectos desta convocatoria, o termo equivalente entenderase referido exclusivamente ás titulacións que, como consecuencia da implantación de novos estudos adaptados ás sucesivas reformas educativas, viñeron substituír ás titulacións extinguidas. No caso de titulacións obtidas no estranxeiro deberase estar en posesión da correspondente validación ou da credencial que acredite, no seu caso, a homologación. Este requisito non será de aplicación ás persoas aspirantes que obtivesen o recoñecemento da súa cualificación profesional, no ámbito das profesións reguladas, ao amparo das disposicións de dereito da Unión Europea. b) Requisitos lingüísticos: Posuír un título acreditativo do nivel de coñecemento da lingua galega Celga IV, equivalente ou superior. Os/as aspirantes que non o acrediten deberán superar unha proba de coñecemento da lingua galega. Tódolos requisitos esixidos nesta Base deberanse cumprir polos/as aspirantes na data en que remate o prazo de presentación de instancias e mantelos ata a data do seu nomeamento como persoal funcionario. 5.- PRESENTACIÓN DE SOLICITUDES. De conformidade co previsto na base 7ª das bases xerais, as solicitudes presentaranse preferentemente por vía electrónica a través da sede electrónica do Concello de Ferrol. Poderán tamén presentarse en calquera das formas que determina o artigo 16.4 da Lei 39/2015, do 1 de outubro, do procedemento administrativo común das Administracións Públicas. Neste caso, poderase descargar o modelo oficial de instancia na sede electrónica. O prazo de presentación de solicitudes será de 20 días hábiles, contados a partir do seguinte ao da publicación do anuncio do extracto da convocatoria no BOE. O réxime de publicidade da convocatoria e de seguimento do proceso selectivo será o establecido na base 3ª das bases xerais. As solicitudes para tomar parte na convocatoria deberán cumprimentarse segundo o modelo oficial que se anexa a estas bases (anexo I). As persoas participantes farán constar os seus datos persoais e deberán manifestar, expresamente, que reúnen todas e cada unha das condicións esixidas na base 6ª na data de remate do prazo de presentación de instancias. As persoas aspirantes deberán indicar na súa solicitude, no apartado de idioma do exame, o idioma no que quere que lle sexan entregados os textos dos exercicios da oposición: galego ou castelán. Unha vez realizada a opción e presentada a solicitude, os/as aspirantes non poderán modificar a súa opción. As persoas con discapacidade deberán facelo constar na solicitude, indicando se precisan adaptacións para realizar as probas. Os/As aspirantes que teñan a condición legal de discapacitados, con grao igual ou superior ao 33 por cento, terán que presentar certificación dos órganos competentes que acrediten tal condición e acredite a compatibilidade co desempeño das tarefas e funcións correspondentes. Achegarase á solicitude: - Copia do DNI, pasaporte ou documento que o substitúa noutros estados membros da Unión Europea. - Copia da da titulación esixida para o ingreso ou xustificación acreditativa de tela solicitado, e abonadas as taxas correspondentes para a súa expedición, xunto coa certificación académica comprensiva das materias cursadas onde conste, expresamente, que finalizou os estudos conducentes á obtención do título No caso de titulacións obtidas no estranxeiro deberase estar en posesión da correspondente validación ou da credencial que acredite, no seu caso, a homologación. Este requisito non será de aplicación ás persoas aspirantes que obtivesen o recoñecemento da súa cualificación profesional, no ámbito das profesións reguladas, ao amparo das disposicións de dereito da Unión Europea. - Copia do certificado de galego Celga IV, título de perfeccionamento ou titulación equivalente, aos efectos de exención de realización da proba de galego. - Xustificante de pago da taxa por dereito de exame ou, no seu caso, documento xustificativo expedido pola oficina de emprego correspondente que acredite a situación de desemprego durante, polo menos, os 6 meses anteriores á data da publicación da convocatoria no BOP. Coa presentación da instancia para tomar parte no proceso selectivo entenderase que as persoas interesadas aceptan e acatan todas e cada unha das bases da convocatoria. A non presentación da solicitude en tempo e forma suporá a exclusión da persoa aspirante. 6.- TAXA POR DEREITOS DE EXAME As persoas aspirantes deberán ingresar a cantidade de 40,33 €, para as prazas de Administración Especial, Técnico Medio, subgrupo A2, consonte a Ordenanza fiscal núm. 28, reguladora da taxa pola solicitude de participación en probas de selección do persoal. A carta de pagamento pode obterse ou ben no departamento de Xestión Tributaria do Concello de Ferrol ou de forma telemática na páxina web do concello: www.ferrol.gal coa seguinte ruta: (sede electrónica / oficina virtual tributaria/ acceso á oficina virtual tributaria / trámites sen certificado / autoliquidacións / taxas / concepto a liquidar: selección de persoal / subconcepto: grupo A2). Quedan exonerados do seu aboamento aqueles/as aspirantes que figuren como demandantes de emprego durante, polo menos, 6 meses antes da data da publicación da convocatoria no BOP das probas selectivas nas que solicite a participación. A estes efectos, deberá achegarse documento xustificativo expedido pola oficina de emprego correspondente. As taxas só serán devoltas no caso de que o/a aspirante non sexa admitido/a ao proceso selectivo por causas non imputables a él/ela. A falta de pagamento das taxas de participación, dentro do prazo de presentación de instancias, determinará a exclusión do/a aspirante e non poderá ser obxecto de emenda. En ningún caso a presentación e pago da taxa suporá a substitución do trámite de presentación da instancia. 7.- DESENVOLVEMENTO DO PROCESO SELECTIVO. O lugar, data e hora do comenzo da celebración do primeiro exercicio das probas selectivas, así como a a composición do órgano de selección, darase a coñecer xunto coa publicación da resolución pola que se aprobe a listas definitivas de persoas admitidas e excluídas. Esta resolución publicarse no BOP e na sede electrónica do Concello de Ferrol. As persoas aspirantes serán convocadas para cada exercicio en chamamento único, sendo excluídas da oposición as que non compareceran, salvo casos de forza maior debidamente xustificados e libremente apreciados polo tribunal, de conformidade co establecido nas bases xerais. A orde de actuación das persoas aspirantes será por orde alfabética e iniciarase por aqueles cuxo primeiro apelido comece pola letra M, de conformidade co establecido na Resolución da Consellería de Facenda e Administración Pública do 22 de xaneiro de 2026 (DOG núm. 16, do 26 de xaneiro), pola que se publica o resultado do sorteo realizado, en cumprimento do establecido na Resolución da mesma consellería do 12 de xaneiro de 2026 (DOG núm. 13, do 21 de xaneiro de 2026). 8.- SISTEMA DE SELECCIÓN. O sistema de selección será o de oposición. Constará dos seguintes exercicios: - Primeiro exercicio : De carácter obrigatorio e eliminatorio para todas as persoas aspirantes que consistirá na resolución por escrito, durante un tempo máximo de 2 horas (120 minutos), dun cuestionario tipo test de, como máximo, 100 preguntas (máis 10 de reserva) con catro alternativas de resposta, sendo só unha delas correcta, en relación ao contido total do temario (materias comúns e específicas). O exercicio será cualificado de 0 a 15 puntos, sendo preciso acadar 7,5 puntos para superar a proba. Cada resposta correcta será puntuada con 0,15 puntos. As respostas incorrectas descontarán 0,05 puntos. As respostas en branco non descontarán. Todas as preguntas terán a mesma puntuación. No prazo máximo de 3 días hábiles desde a finalización da proba, o tribunal publicará na páxina web e na sede electrónica do Concello de Ferrol a relación de respostas correctas ás preguntas formuladas. Os interesados poderán presentar reclamacións no prazo de 5 días hábiles contados desde o día seguinte ao da súa publicación. - Segundo exercicio: De carácter obrigatorio e eliminatorio, consistente en desenvolver por escrito, durante un tempo máximo de 2 horas (120 minutos), dous temas, a elixir entre catro, da parte específica do temario. Os dous temas serán escollidos mediante sorteo realizado polo tribunal xusto antes de iniciar a realización do exercicio. A proba será cualificada de 0 a 15 puntos, sendo preciso acadar 7,5 puntos para a súa superación. Para a realización deste exercicio non se poderá utilizar ningún documento de consulta nin medios dixitais ou telemáticos. Neste exercicio, valorarase o volume e comprensión dos coñecementos, a claridade de ideas e a capacidade de expresión escrita. - Terceiro exercicio: De carácter obrigatorio e eliminatorio, que consistirá en resolver por escrito, durante un tempo máximo de 2 horas (120 minutos), un ou varios supostos prácticos de carácter técnico, a elixir entre dúas propostas do tribunal, relativo aos contidos das materias comprendidas na parte específica do temario. Os ditos supostos prácticos a elixir, serán formulados polo tribunal inmediatamente antes do comezo do exercicio correspondente. Neste exercicio, valorarase a capacidade de análise e a aplicación razoada dos coñecementos teóricos á resolución dos problemas prácticos obxecto do suposto. Estimarase especialmente a sistemática na proposta realizada polos/as aspirantes, a formulación de conclusións, coñecemento e axeitada aplicación da normativa vixente e pragmatismo na resolución dos supostos. O exercicio será cualificada de 0 a 15 puntos, sendo preciso acadar 7,5 puntos para a súa superación. - Cuarto exercicio : proba de coñecemento da lingua galega. De carácter obrigatorio salvo para aquelas persoas aspirantes que acrediten dentro do prazo de presentación de solicitudes o Celga IV ou título equivalente debidamente homologado de acordo coa disposición adicional segunda da Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega (DOG núm. 146, do 30 de xullo), modificada pola Orde do 10 de febreiro de 2014 (DOG núm. 34, do 19 de febreiro). Nesta proba os/as aspirantes deberán traducir ao galego, durante un tempo máximo de corenta e cinco minutos, un documento en castelán no que se recollerá un texto propio das funcións da praza que se convoca. Valoraranse os aspectos lingüísticos e ortográficos, así como a adaptación aos criterios de modernización da linguaxe administrativa. O tribunal poderá contar co asesoramento do departamento de Normalización Lingüística do Concello para a elaboración desta proba. Este exercicio será cualificado como apto ou non apto. 9- CUALIFICACIÓN FINAL, RELACIÓN DE APROBADOS E PROPOSTA DE NOMEAMENTO. A cualificación final do proceso virá determinada pola suma das puntuacións obtidas nos exercicios da oposición. En caso de empate, este dirimirase a favor do/a aspirante que obteña a maior puntuación no primeiro exercicio da fase de oposición; de persistir, dirimirase a favor do/a aspirante que obteña a maior puntuación no segundo exercicio da fase de oposición, e, de persistir, dirimirase a favor do/a aspirante que obteña a maior puntuación no terceiro exercicio da fase de oposición. Como seguinte criterio de desempate, seguirase a orde alfabética tomando como referencia que o primeiro apelido comece pola letra “M”, de conformidade co establecido na Resolución da Consellería de Facenda e Administración Pública do 22 de xaneiro de 2026 pola que se fai público o resultado do sorteo ao que se refire o Regulamento de selección do persoal da Administración da Comunidade Autónoma de Galicia (DOG núm. 16, do 26 de xaneiro), pola que se publica o resultado do sorteo realizado, en cumprimento do establecido na Resolución da mesma Consellería do 12 de xaneiro de 2026 (DOG núm. 13, do 21 de xaneiro). En último lugar, o empate dirimirase por sorteo. Finalizado o proceso selectivo, o órgano de selección fará pública a relación de aspirantes que o superasen pola orde de puntuación alcanzada na sede electrónica do Concello de Ferrol. Esta relación elevarase á autoridade convocante que a publicará no BOP. As persoas aspirantes disporán dun prazo de 20 días hábiles, desde o día seguinte ao desta publicación, para a presentación da documentación acreditativa do cumprimento dos requisitos esixidos na convocatoria e procederase como se indica na base 10ª das bases xerais. 10.- LISTAXE DE AGARDA Os/As aspirantes que superasen como mínimo un dos exercicios da fase de oposición pasarán a formar parte dunha listaxe de agarda para a cobertura temporal de prazas como persoal funcionario interino nos supostos previstos no artigo 10.1 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público, segundo se indica na base 11ª das bases xerais. 11.- NORMAS FINAIS. Para todo o non previsto nestas Bases será de aplicación supletoria o establecido na Lei 39/2015 do 1 de outubro de procedemento administrativo común das Administracións Públicas, na Lei 40/2015 do 1 de outubro, de réxime xurídico do Sector Público, na Lei 7/1985, de 2 de abril, Reguladora das Bases do Réxime Local, no Real Decreto Lexislativo 781/1986 do 18 de abril polo que se aproba o texto refundido das disposicións legais vixentes en materia de réxime local, na Lei 5/1997 do 22 de xullo, de Administración Local de Galicia, no Real Decreto 896/1991 do 7 de xuño, polo que se establecen as regras básicas e os programas mínimos aos que debe axustarse o procedemento de selección de funcionarios ao servizo das Entidades Locais e no Real Decreto 364/1995 do 10 de marzo, polo que se aproba o Regulamento Xeral de Ingreso do Persoal ao Servizo da Administración Xeral do Estado e de Provisión de postos de traballo e Promoción Profesional dos Funcionarios Civís da Administración Xeral do Estado e demais lexislación vixente de aplicación. Todos os actos administrativos derivados desta convocatoria e da actuación do Tribunal, poderán ser impugnados polos interesados nos casos e na forma establecidos pola Lei 39/2015 de Procedemento Administrativo Común e normas vixentes concordantes. A resolución pola que se aproba a convocatoria e as bases específicas pon fin á vía administrativa e contra ela poderá interpoñerse o recurso potestativo de reposición perante o órgano que a ditou dentro do prazo dun mes contado a partir do día seguinte ao da súa publicación, de conformidade co disposto nos artigos 30, 123 e 124 da Lei 39/2015, do 1 de outubro, de procedemento administrativo común das Administracións Públicas. Todo isto, sen prexuízo da posibilidade de interpoñer directamente recurso contencioso administrativo ante o Xulgado do contencioso administrativo, dentro do prazo de dous meses contados a partir do día seguinte ao da publicación da resolución, de conformidade co disposto no artigo 46 da Lei 29/1998, do 13 de xullo, reguladora da Xurisdición contencioso administrativa. ANEXO I.- MODELO DE SOLICITUDE Dna DNI Enderezo Concello Provincia C.P. Teléfono Correo electrónico SOLICITO: 1 Participar no proceso para a selección de unha praza de Enxeñeiro/a Técnico de Obras Públicas, pertencente á Escala da Administración Especial, Subescala técnico medio, subgrupo A2, do Concello de Ferrol, bases e convocatoria publicadas no BOP nº______ do ______________________ 2 Declaro responsablemente que: 2.1 Que acepto e acato todas e cada unha das bases da convocatoria 2.2 Que reúno as condicións esixidas na base 6 ª na data de remate do prazo de presentación de instancias. 2.3 Que os datos contidos na documentación aportada son veraces 3 Achego a seguinte documentación: 3.1 Copia do DNI /Pasaporte 3.2 Copia da titulación requirida 3.3 Copia do Celga IV 3.4 Xustificante do pago da taxa ou xustificante da exención da mesma. 4 Lingua na que realizará os exercicios Galego Castelán 5 Acredito discapacidade e solicito a adaptación de tempos e medios adicionais nos procesos selectivos para o acceso ó emprego público das persoas con discapacidade nos termos previstos na Orden PJC/804/2025, do 23 de xullo (BOE nº 178, do 25.07.2025). Tempos Medios En Ferrol, a ______ de _______ de 2026 Sinatura: ANEXO II.- TEMARIO TEMARIO PARTE COMÚN TEMA 1. A Constitución Española. Estrutura. Os principios constitucionais: o estado social e democrático de Dereito. Os valores superiores na Constitución española. Título preliminar. Os dereitos e deberes fundamentais, as súas garantías e suspensión. As Cortes Xerais. A reforma constitucional. TEMA 2. O Goberno: Composición e funcións. Relacións entre o Goberno e as Cortes Xerais. A organización territorial do Estado. Réxime de competencias: sistema de distribución de competencias entre o Estado e as Comunidades Autónomas: competencias exclusivas, compartidas, concorrentes, de desenvolvemento e de execución. O Estado das Autonomías. Os Estatutos de Autonomía. Relación entre o Estado e as Comunidades Autónomas. TEMA 3. O Estatuto de autonomía de Galicia. Título preliminar. O poder galego: o Parlamento. A Xunta e o seu presiden te. As competencias de Galicia. O Valedor do Pobo. O Consello de Contas de Galicia. TEMA 4. Lei 39/2015, do 1 de outubro, do procedemento administrativo común das Administracións Públicas. Dos interesados no procedemento. Da actividade das Administracións Públicas. Dos actos administrativos. A revisión de actos en vía administrativa: revisión de oficio. Recursos administrativos. TEMA 5. Lei 39/2015, do 1 de outubro, do procedemento administrativo común das Administracións Públicas. Das disposicións sobre o procedemento administrativo común: Garantías do procedemento. Iniciación do procedemento. Orde nación do procedemento. Instrución do procedemento. Execución. Finalización do procedemento. A tramitación simplificada do procedemento administrativo común. TEMA 6. O réxime local. Regulación xurídica. O municipio: concepto e elementos: Territorio e poboación. Organización. Competencias. O réxime de organización dos municipios de gran poboación: ámbito de aplicación. Organización e funciona mento dos órganos municipais necesarios. TEMA 7. O persoal ao servizo das Administracións Públicas: Clases de persoal. Adquisición e perda da relación de servizo. Dereitos individuais. Deberes e código de conducta. Xornada de traballo permisos, licenzas e vacacións. Dereitos retributivos. TEMA 8. Real Decreto Lexislativo 2/2004, do 5 de marzo, polo que se aproba o Texto refundido da Lei reguladora das Facendas locais. Recursos das facendas locais: Enumeración. Imposición e ordenación dos tributos locais. Taxas. Prezos Públicos. Contribucións especiais. Ingresos patrimoniais de carácter público non tributario. Impostos locais: enumeración, natureza e feito impoñible. Os orzamentos: Contido e aprobación. TEMA 9. Lei 40/2015, do 1 de outubro, do Réxime xurídico do sector público. Disposicións xerais. Dos órganos das Administracións Públicas: órganos administrativos, competencias, órganos colexiados, abstención e recusación. Os conve nios. Principios da potestade sancionadora. Da responsabilidade patrimonial das Administracións Públicas. TEMA 10. Lei 19/2013, do 9 de decembro, de transparencia, acceso á información pública e bo goberno. Transparencia da actividade pública. TEMA 11. Lei orgánica 3/2018, do 5 de decembro, de protección de datos persoais e garantía dos dereitos dixitais. Disposicións xerais. Principios da protección de datos. Dereitos das persoas. Responsable e encargado do tratamento de datos. Réxime sancionador. TEMA 12. Lei Orgánica 3/2007, do 22 de marzo, para a igualdade efectiva de mulleres e homes: Obxecto e ámbito da lei. O principio de igualdade e a tutela contra a discriminación. Políticas públicas para a igualdade. Lei 7/2023, de 30 de novembro, para a igualdade efectiva de mulleres e homes de Galicia: As condicións de emprego en igualdade na administración xeral da Comunidade Autónoma de Galicia e no sector público autonómico. TEMARIO PARTE ESPECÍFICA TEMA 1. Contratos do sector público. Delimitación dos tipos contractuais. Prazo de duración do contrato e execución da prestación. Contido mínimo dos contratos. Acreditación da aptitude para contratar. TEMA 2. Contratos do sector público. Obxecto, orzamento base de licitación, valor estimado, prezo do contrato e a súa revisión. Garantías esixibles na contratación do sector público. TEMA 3. Da preparación dos contratos das Administracións públicas: expediente de contratación, prego de cláusulas administrativas e de prescricións técnicas. Elaboración e contidos dos pregos de prescricións técnicas particulares. Competencias en materia de contratación e normas específicas de contratación pública nas entidades locais. TEMA 4. Adxudicación dos contratos das Administracións públicas: normas xerais e procedementos de adxudicación. TEMA 5. Efectos dos contratos. Prerrogativas da Administración pública nos contratos administrativos. Execución dos contratos. Modificación dos contratos. Suspensión e extinción dos contratos. Cesión dos contratos e subcontratación. TEMA 6. O contrato de obras: actuacións preparatorias, execución, modificación, cumprimento e resolución do contrato de obras. Medicións, orzamentos e certificacións de obra pública. TEMA 7. O contrato de servizos: disposicións xerais, execución e resolución dos contratos de servizos. Emenda de erros, indemnizacións e responsabilidades no contrato de elaboración de proxectos de obras. TEMA 8. Cambio climático e transición enerxética. A Lei 7/2021, do 20 de maio, con especial referencia a súa implantación e aplicación no ámbito municipal. TEMA 9. Lei 2/2016, do 10 de febreiro, do solo de Galicia. TEMA 10. Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia. TEMA 11. PXOM de Ferrol. Aplicación conforme á disposición transitoria primeira da Lei do solo de Galicia. Ordenación de sistemas, con especial referencia ao sistema viario. Normas de urbanización. Condicións particulares dos sistemas. TEMA 12. PEPR da Magdalena. Conservación do medio ambiente urbano. Condicións da urbanización. TEMA 13. Ordenanza municipal reguladora dos títulos habilitantes urbanísticos e das actividades. TEMA 14. Estrutura xeral de Ferrol, rueiro e barrios. TEMA 15. Afeccións sectoriais de augas, costas, estradas, vías férreas, aeroportos, patrimonio cultural, patrimonio natural, defensa, rede eléctrica, telecomunicacións. Zonas de protección, distancias de afección, actividades que requiren autorización. TEMA 16. Lei 5/2016, do de maio, do patrimonio cultural de Galicia. Clasificación dos bens do patrimonio cultural de Galicia. Réxime xurídico das intervencións nos bens de interese cultural e catalogados. TEMA 17. Lei de ordenación e xestión integrada do litoral de Galicia. TEMA 18. Plan de ordenación do litoral de Galicia. TEMA 19. Magnitudes fotométricas: Fluxo luminoso ( Φ ), intensidade luminosa (I), iluminancia (E), luminancia (L). Curvas fotométricas e diagramas isolux. Eficacia luminosa e rendemento. TEMA 20. Sistemas de instalación de iluminación pública e a súa aplicación: disposicións básicas. Factores a considerar. Sistemas de control e regulación en iluminación pública. Obra civil e eléctrica. TEMA 21. O Real Decreto 1890/2008. Regulamento de Eficiencia Enerxética en instalacións de Iluminación Exterior. TEMA 22. A ITC-BT-09 (Instalacións de iluminación exterior) no Regulamento Electrotécnico para Baixa Tensión (REBT). TEMA 23. Redes de abastecemento de auga: Estrutura xeral das redes de abastecemento urbano. Elementos e características. Criterios de deseño e dimensionado. TEMA 24. Regulamento do servizo de auga potable do Concello de Ferrol. TEMA 25. Redes de saneamento urbano: Tipoloxías, características e compoñentes. Deseño e cálculo de redes de saneamento. TEMA 26. Regulamento do servizo de sumidoiros e desaugue de augas residuais do Concello de Ferrol. TEMA 27. Decreto 141/2012, de 21 de xuño, polo que se aproba o Regulamento marco do Servizo Público de Saneamento e Depuración de Augas Residuais de Galicia. TEMA 28. Orde TMA/851/2021, do 23 de xullo, pola que se desenvolve o documento técnico de condicións básicas de accesibilidade e non discriminación para o acceso e a utilización dos espazos públicos urbanizados. TEMA 29. Código Técnico da Edificación CTE DB SUA: Seguridade de utilización e accesibilidade. TEMA 30. Lei 10/2014, de 3 de decembro, de accesibilidade. TEMA 31. Decreto 35/2000, de 28 de xaneiro, polo que se aproba o regulamento de desenvolvemento e execución da Lei de Accesibilidade e supresión de barreiras arquitectónicas na comunidade autónoma de Galicia. TEMA 32. Lei 8/2013, de 28 de xuño, de estradas de Galicia e Decreto 66/2016, de 26 de maio, polo que se aproba o Regulamento xeral de estradas de Galicia. Clases de estradas, competencias das Administracións Públicas. Clases de estudos e proxectos. Planificación, construción, financiamento e explotación. Réxime do dominio público e das franxas de protección nas estradas. TEMA 33. Firmes: factores fundamentais de dimensionamento; tráfico pesado e tipo de explanada. Firmes flexibles: xeneralidades, capas e misión de cada un deles. Firmes ríxidos: xeneralidades. Posta en obra e disposicións construtivas. Operacións de asfaltado e mantemento da rede viaria. Dimensionamento de firmes de lastro: execución dos pavimentos de lastro. Tratamentos superficiais asfálticos en obra: control e execución. Criterios de aplicación e de proxecto.Firmes e bases de macadam: xeneralidades, materiais, ensaios e posta en obra. Análise comparativa das bases de macadam. Reforzo e rehabilitación de firmes. TEMA 34. Norma 6.1 IC Seccións de firme. Criterios de proxecto. Materiais utilizados. Normas de especificacións dos materiais. Construción. TEMA 35. Rehabilitación de firmes: Norma 6.3 IC de rehabilitación de Firmes 2003. Concepto de rehabilitación. Deterioracións dos firmes. Factores de dimensionamento. Problemas construtivos. Rehabilitación estrutural. Accións preventivas. TEMA 36. Sinalización horizontal. Tipos. Factor de desgaste. Produtos. Marcas lonxitudinais e transversais. Símbolos. Premarcado. Control de calidade. TEMA 37. Sinalización vertical. Conceptos e principios básicos. Clasificación. Características dos diferentes elementos. Criterios de implantación. TEMA 38. Semáforos: Elementos que constitúen un semáforo. Ciclo, fase e reparto. Detectores e reguladores. Coordinación e progresión, ondas verdes. Sistemas centralizados de regulación por semáforos. TEMA 39. Cruces: tipos, coordinación e capacidade. Demoras. Regulación do tráfico en travesías urbanas. Protección do peón. TEMA 40. Drenaxe superficial: xeneralidades. A auga e os seus efectos sobre as instalacións, rúas e estradas. Obxecto da drenaxe superficial. A previsión de avenidas: cálculo e normativa. Drenaxe do terreo e obras de paso. TEMA 41. Ordenanza de protección contra a contaminación acústica do Concello de Ferrol. TEMA 42. Ordenanza de protección da atmosfera fronte á contaminación por formas da materia no Concello de Ferrol. TEMA 43. Real Decreto 105/2008, do 1 de febreiro, polo que se regula a produción e xestión dos residuos de construción e demolición. Lei 7/2022 de residuos e decisión 2014/955/UE. TEMA 44. Ordenanza Municipal de Limpeza e recollida de residuos. TEMA 45. Mantemento: xestión de mantemento. Tipos e modelo de mantemento. Plan de mantemento. Elaboración e execución. Contratos de mantemento. Mantemento correctivo, preventivo e preditivo. TEMA 46. Mantemento técnico-legal. Ferramentas GMAO. Ferramentas de comunicación de incidencias. A subrogación de persoal. Os convenios colectivos. O estudo económico. O persoal directo e indirecto. TEMA 47. Control de execución de obras. Control de calidade. Laboratorios de control de obras. A calidade na recepción. Control de calidade en obras viarias. Tipos de ensaios, lotes. Plan de control de calidade. TEMA 48. Real Decreto 1627/97. A seguridade e saúde nas obras de construción. Normativa. A figura do coordinador na redacción do proxecto e na execución da obra. Estudios e plans de seguridade e saúde. ANEXO III.- CALENDARIO ESTIMADO DE DESENVOLVEMENTO DO PROCESO SELECTIVO Primeiro exercicio : outubro de 2026 Segundo exercicio : decembro 2026.“ O que se fai público para xeral coñecemento. Ferrol, 10 de setembro de 2026. En uso da delegación conferida polo acordo da Xunta de Goberno Local do 11.12.2023 (BOP nº 241 do 20.12.2023), a concelleira delegada titular da área de Facenda e Recursos Humanos. [nombre omitido]. 2026/5940