Escala da administración especial

ANUNCIO A concelleira delegada da área de Facenda e Recursos Humanos, con data 24.09.2026, ditou unha resolución na que se aproba a convocatoria e máis as bases do procedemento selectivo, pola quenda de promoción interna, para a cobertura de 4 prazas de cabo de bombeiro condutor, encadradas na escala da administración especial, subescala de servizos especiais, clase extinción de incendios, pertencentes ao grupo C/ subgrupo C1, promoción dende o subgrupo C2. As bases aprobadas son as que de seguido se transcriben: “ BASES QUE REXERÁN O PROCESO SELECTIVO PARA A COBERTURA , POLA QUENDA DE PROMOCIÓN INTERNA, PROCEDEMENTO DE CONCURSO OPOSICIÓN, DE 4 PRAZAS DE CABO DE BOMBEIROS, ENCADRADOS NA ESCALA DA ADMINISTRACIÓN ESPECIAL, SUBESCALA DE SERVIZOS ESPECIAIS, CLASE SERVIZO DE EXTINCIÓN DE INCENDIOS E SALVAMENTO, GRUPO C, SUBGRUPO C1. Primeira.- Número, denominación e características. 1.1.- É obxecto da presente convocatoria a cobertura en propiedade de 4 prazas de cabo de bombeiros, encadradas na escala da administración especial, subescala de servizos especiais, clase servizo de extinción de incendios e salvamento, pertencentes ao grupo C/ subgrupo C1, incluídas na Oferta de Emprego Público correspondente ao exercicio 2026, pola quenda de promoción interna consonte o artigo 61.6 do Real Decreto Lexislativo 5/2015, do 30 de outubro, que aproba o texto refundido da Lei do Estatuto Básico do Empregado Público, o artigo 56.1 da Lei 2/2015 do 29 de abril, do Emprego público de Galicia; o artigo 4 do Real Decreto 364/1995, do 10 de marzo polo que se aproba o Regulamento Xeral de Ingreso do persoal ao servizo da administración xeral do estado e de provisión de postos de traballo e promoción profesional dos funcionarios civís da administración xeral do Estado, e restante normativa de aplicación. As retribucións básicas serán as correspondentes ao grupo de clasificación de funcionarios, grupo C, subgrupo C1, e as retribucións complementarias serán as previstas para o posto de cabo de bombeiros na Relación de Postos de Traballo deste Concello publicada no Boletín Oficial da Provincia da Coruña nº 248, do 29.12.2025, coas actualización establecidas na Lei de Orzamentos Xerais do Estado de cada exercicio e normativa análoga. Segunda.- Requisitos dos aspirantes. Para participar no procedemento cómpre acreditar os seguintes requisitos: · Ser funcionario de carreira do Concello de Ferrol da Escala da administración especial, subescala servizos especiais, clase de extinción de incendios e salvamento, categoría de cabo de bombeiros, grupo C, subgrupo C2, cunha antigüidade mínima de 2 anos dende a data de toma de posesión da citada praza. · Non exceder da idade máxima de xubilación forzosa. · Posuír a capacidade funcional para o desempeño das tarefas habituais da praza á que se aspira. Para estes efectos, a existencia de limitacións físicas ou psicofísicas para o desempeño de funcións operativas de intervención non determinará por si soa a falta de aptitude cando a persoa aspirante conserve capacidade funcional suficiente para o desempeño das funcións propias da categoría en postos de segunda actividade ou noutros postos compatibles previstos na Relación de Postos de Traballo ou na normativa reguladora aplicable. · Non ter sido separado do servizo con anterioridade mediante expediente disciplinario, nin atoparse incurso en inhabilitación absoluta ou especial para empregos ou cargos públicos por resolución xudicial. · Estar en posesión do título de bacharel ou equivalente. A efectos desta convocatoria, o termo equivalente entenderase referido exclusivamente ás titulacións que, como consecuencia da implantación de novos estudos adaptados ás sucesivas reformas educativas, viñeron substituír ás titulacións extinguidas. De conformidade coa disposición adicional vixésimo segunda da Ley 30/1984, do 2 de agosto, de medidas para a reforma da Función Pública, quedará eximido do requisito de posuír o título de bacharel ou equivalente o persoal funcionario de carreira da Escala da Administración Especial, subescala Servizos Especiais, clase de Extinción de Incendios e Salvamento, grupo C, subgrupo C2, do Concello de Ferrol, cunha antigüidade de 10 anos no citado subgrupo, ou de 5 anos e a superación dun curso específico de formación ao que se accederá por criterios obxectivos. · Estar en posesión do Celga IV, equivalente ou superior. Os/as aspirantes que non acrediten este requisito deberán superar unha proba de coñecemento da lingua galega. Todos os requisitos esixidos para participar no proceso selectivo deberán de cumprirse na data en que remate o prazo de presentación de instancias. Terceira.- Presentación de solicitudes. 3.1.- As solicitudes para tomar parte na convocatoria presentaranse de xeito electrónico, no modelo específico de inscrición en proceso selectivo, que se atopa na seguinte ruta (ferrol.gal/portal do cidadán/nova solicitude electrónica/ Recursos Humanos/ Inscrición en Procesos Selectivos). 3.2.- As instancias presentaranse dentro do prazo de vinte días hábiles contados a partir do seguinte da publicación do anuncio da convocatoria no Boletín Oficial do Estado. O réxime de publicidade da convocatoria e de seguimento do proceso selectivo será o establecido na base 3ª das bases xerais publicadas no Boletín Oficial da Provincia nº 104, do 30.05.2024. As persoas participantes farán constar os seus datos persoais e deberán manifestar, expresamente, que reúnen todas e cada unha das condicións esixidas na base 6ª na data de remate do prazo de presentación de instancias. As persoas aspirantes deberán indicar na súa solicitude, no apartado de idioma do exame, o idioma no que quere que lle sexan entregados os textos dos exercicios da oposición: galego ou castelán. Unha vez realizada a opción e presentada a solicitude, os/as aspirantes non poderán modificar a súa opción. Achegarase á solicitude: 1 Copia da da titulación esixida para o ingreso, ou xustificación acreditativa de tela solicitado e abonadas as taxas correspondentes para a súa expedición, xunto coa certificación académica comprensiva das materias cursadas onde conste, expresamente, que finalizou os estudos conducentes á obtención do título. No caso de titulacións obtidas no estranxeiro deberase estar en posesión da correspondente validación ou da credencial que acredite, no seu caso, a homologación. Este requisito non será de aplicación ás persoas aspirantes que obtivesen o recoñecemento da súa cualificación profesional, no ámbito das profesións reguladas, ao amparo das disposicións de dereito da Unión Europea. No caso de exención do requisito de titulación, deberá achegarse certificado de servizos prestados no concello de Ferrol ou ben autorización expresa ao Concello de Ferrol para a consulta dos datos que permitan acreditar o cumprimento do requisito de antigüidade. 2 Copia do certificado de galego Celga IV, título de perfeccionamento ou titulación equivalente, aos efectos de exención de realización da proba de galego. 3 Xustificante de pago da taxa por dereito de exame. Coa presentación da instancia para tomar parte no proceso selectivo entenderase que as persoas interesadas aceptan e acatan todas e cada unha das bases da convocatoria. A non presentación da solicitude en tempo e forma suporá a exclusión da persoa aspirante. Cuarta . - Dereitos de exame Os/as aspirantes deberán ingresar a cantidade de 34,54 € consonte a Ordenanza Fiscal número 28 reguladora da taxa pola solicitude de participación en probas de selección do persoal. A carta de pagamento pode obterse ou ben no departamento de Xestión Tributaria do Concello de Ferrol ou telemáticamente na páxina web do concello coa seguinte ruta: (sede electrónica / oficina virtual tributaria/ acceso á oficina virtual tributaria / trámites sen certificado / autoliquidacións / taxas / concepto a liquidar: selección de persoal / subconcepto: grupo C1). As taxas só serán devoltas no caso de que o/a aspirante non sexa admitido/a ao proceso selectivo por causas non imputables a él/ela. A falta de pagamento das taxas de participación, dentro do prazo de presentación de instancias, determinará a exclusión do/a aspirante e non poderá ser obxecto de emenda. En ningún caso a a presentación e pago da taxa suporá a substitución do trámite de presentación da instancia. Quinta.- Admisión das persoas aspirantes Rematado o prazo de presentación de instancias, a concelleira delegada de Recursos Humanos ditará resolución que se publicará no Boletín Oficial da Provincia, taboleiro de edictos electrónico do Concello e na páxina web municipal declarando aprobada a listaxe provisional de persoas admitidas e excluídas, con indicación, se é o caso, das causas de exclusión e o prazo de subsanación dos defectos advertidos, para presentar as reclamacións oportunas ou emenda de defectos, nos termos do art. 68 da Lei 39/2015. De non existir persoas excluídas, aprobarase con carácter definitivo a lista de admitidos. Transcorrido o prazo de emenda de defectos, a concelleira delegada de Recursos Humanos elevará a definitiva a listaxe provisional, resolvendo as reclamacións e declarará aprobada a listaxe definitiva de persoas admitidas e excluídas, que se publicará no Boletín Oficial da Provincia, taboleiro de edictos electrónico do Concello e na páxina web municipal. No listado definitivo de persoas admitidas sinalarase o lugar, data e hora de inicio das probas. Sexta.-Tribunal cualificador A designación dos membros do Tribunal farase na resolución da Alcaldía ou concelleiro/a delegado/a pola que se aprobe a lista definitiva de admitid as e excluídas, que fixará tamén a data e a hora na que deberá constituírse o tribunal e dar comezo as probas selectivas. A composición do tribunal cualificador deberá axustarse aos principios de imparcialidade e profesionalidade dos seus membros e terase presente a paridade entre muller e home, procurando que a diferenza entre os membros de ambos os sexos non exceda de un. O Tribunal cualificador estará composto por un/unha Presidente/a, un/unha Secretario/a – con voz pero sen voto- e tres vogais. Os seus membros deberán pertencer a un corpo, escala ou categoría profesional para o ingreso no cal se requira unha titulación de igual nivel ou superior á esixida para o acceso ás prazas obxecto de convocatoria e ser funcionarios de carreira. Dous dos seus mebros deberán pertencer a outra Administración Pública. Poderán asistir como observadores as sesións do Tribunal (sen voz e sen voto) un membro por cada organización sindical con representación no Concello de Ferrol (asistencia a título individual), salvo no que respecta as deliberacións do Tribunal, preparación, elaboración e corrección de probas. Para a válida constitución do tribunal a efectos da celebración de sesións, deliberacións e toma de acordos requirirase a asistencia, presencial ou a distancia, do presidente ou presidenta e do secretario ou secretaria, ou se fora o caso, das persoas que os/as substitúan, e a da metade, a lo menos, dos seus membros. Os acordos do tribunal só poderán ser impugnados polas persoas interesadas nos supostos e na forma establecida na Lei 39/2015, do 1 de outubro, do procedemento administrativo común das administracións públicas. O tribunal continuará constituído ata que se resolvan as reclamacións suscitadas ou as dúbidas que poida suscitar o procedemento selectivo. O tribunal actuará con plena autonomía no exercicio da súa discrecionalidade técnica e os seus membros son responsables da transparencia e obxectividade do procedemento, da confidencialidade das probas e do estrito cumprimento das bases da convocatoria e dos prazos establecidos para o desenvolvemento do proceso selectivo. Os membros do tribunal deberán absterse de intervir, comunicándollo á autoridade competente, cando concorran neles circunstancias das previstas no artigo 23 da Lei 40/2015, do 1 de outubro, de Réxime xurídico do sector público. Os aspirantes poderán recusar aos membros do tribunal cando concorran as ditas circunstancias, consonte ao artigo 24 da mesma lei. Non poderán formar parte dos órganos de selección aqueles funcionarios que realizasen tarefas de preparación de aspirantes a probas selectivas nos cinco anos anteriores á publicación da correspondente convocatoria. As actuacións do órgano de selección haberán de axustarse estritamente ás bases da convocatoria. No entanto, o órgano de selección está facultado para resolver as dúbidas que xurdan durante a realización do correspondente proceso selectivo, para adoptar os acordos necesarios que garantan o seu adecuado desenvolvemento, en todo o non previsto nestas bases, e para resolver as dúbidas que puidesen xurdir en aplicación delas. O réxime xurídico aplicable aos tribunais axustarase ao disposto para os órganos colexiados na Lei 40/2015, do 1 de outubro, de réxime xurídico do sector público. O tribunal poderá dispoñer a incorporación aos seus traballos de asesores especialistas, con voz e sen voto, cando a natureza ou as circunstancias dalgunha das probas así o aconsellen; as mencionadas asesoras e asesores limitaranse a prestaren colaboración nas súas especialidades técnicas. Así mesmo, o órgano de selección poderá valerse de persoal colaborador durante o desenvolvemento material dos exercicios. En calquera momento do proceso selectivo, o órgano de selección poderá requirir as persoas aspirantes que acrediten a veracidade dos documentos que acheguen para a súa participación neste. O órgano de selección poderá excluír as e os opositores en cuxas follas de exame figuren nomes, marcas ou signos que permitan coñecer a identidade dos autores ou leven a cabo calquera tipo de actuación fraudulenta durante a realización dos exercicios. As resolucións dos órganos de selección vinculan ao Concello de Ferrol, sen prexuízo de que, no seu caso, o órgano competente do Concello poida revisalas conforme ao establecido na normativa reguladora do procedemento administrativo. Os órganos de selección, así como o persoal colaborador e asesores, quedarán incluídos na categoría que corresponda ao grupo de titulación ao que pertenzan as prazas convocadas, para os efectos de percepción de asistencias, conforme ao Real decreto 462/2002, do 24 de maio, sobre indemnizacións por razón do servizo. Sétima.- Desenvolvemento do proceso selectivo O lugar, data e hora do comenzo da celebración do primeiro exercicio das probas selectivas darase a coñecer xunto coa publicación da lista de persoas admitidas e excluídas, no boletín oficial da provincia, no taboleiro de anuncios electrónico e na páxina web municipal. As persoas aspirantes serán convocadas para cada exercicio en chamamento único, sendo excluídas da oposición as que non compareceran, salvo casos de forza maior debidamente xustificados e libremente apreciados polo tribunal. A orde de actuación das persoas aspirantes será por orde alfabética e iniciarase por aqueles cuxo primeiro apelido comece pola letra “M”, de conformidade co establecido na Resolución de 22 de xaneiro de 2026 pola que se fai público o resultado do sorteo a que se refire o Regulamento de selección do persoal da Administración da Comunidad Autónoma de Galicia, publicado no DOG nº 16 do 26 de xaneiro. Os aspirantes terán que presentarse para a realización de cada exercicio provistas/os do orixinal do DNI, pasaporte ou documento que o substitúa noutros estados membros da Unión Europea, así como dos medios materiais esixidos para a práctica dos exercicios na convocatoria ou polo tribunal. En calquera momento o tribunal poderá requirirlle aos aspirantes que acrediten a súa identidade. Oitava.- Proceso selectivo I.- FASE DE CONCURSO: Esta fase non terá carácter eliminatorio nin poderá ser tida en conta para superar as probas da fase de oposición e consistirá na avaliación por parte do Tribunal dos méritos alegados polas persoas aspirantes nas súas solicitudes. Os méritos alegados deberán acreditarse documentalmente no prazo de presentación de solicitudes e valoraranse con referencia á data do peche do prazo de presentación de solicitudes. Esta fase alcanzará como máximo corenta (40) puntos e valorará os seguintes extremos: 1.- Experiencia profesional, os servizos prestados en calquera Administración Pública en prazas da Escala da Administración Especial, subescala Servizos Especiais, clase de Extinción de Incendios e Salvamento, grupo C, subgrupo C2 a razón de 0,08 puntos por mes completo. Non se terán en conta os períodos inferiores ao mes. Tampouco se sumarán os remanentes derivados de distintos nomeamentos. Neste apartado, en cumprimento do artigo 51 do Decreto lexislativo 2/2015, do 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade, establecerase a favor dos candidatos e candidatas, homes e mulleres, por estar utilizando ou ter utilizado, nos últimos 5 anos anteriores á publicación da convocatoria dereitos de conciliación familiar, un máximo de 0,5 puntos, nos seguintes termos: 1. Permiso por parto, adopción ou acollemento: 0,2 puntos/permiso. 2. Permiso do outro proxenitor por nacemento, acollemento ou adopción dun/dunha fillo/a: 0,2 puntos/permiso. 3. Redución de xornada por motivos familiares: 0,02 puntos/mes. 4. Excedencia por coidado de familiares: 0,02 puntos/mes. A estes efectos, solo se computará unha redución por ano e se tomará como data de referencia a data do seu inicio. No suposto de que o seu desfrute se estendera na anualidade seguinte á de inicio, computarase como unha soa redución. Os méritos relativos aos servizos prestados no Concello da Ferrol deberán alegarse coa solicitude, con indicación dos períodos de servizos prestados e serán comprobados polo Servizo de Recursos Humanos. Os servizos prestados noutras Administracións Públicas acreditaranse mediante un certificado expedido polo órgano correspondente. O certificado deberá facer constar os servizos prestados que se pretendan facer valer como experiencia profesional na fase de concurso, expresará para este efecto as funcións desenvolvidas, debendo ademais, achegarse copia do contrato ou nomeamento con indicación da praza, corpo, escala, subescala ou clase de adscrición. O certificado deberá así mesmo acompañarse de certificación da vida laboral, expedido pola Tesourería Xeral da Seguridade Social, na que consten expresamente os períodos e grupo de cotización correspondentes a esa categoría. A puntuación máxima neste apartado será de 20 puntos. 2.- Formación : valorarase a realización de cursos de formación expedidos ou homologados por organismos públicos, colexios profesionais, sindicatos e similares acreditados oficialmente, relacionados coa praza obxecto desta convocatoria e coas materias incluídas no temario anexo. Non se valorará a asistencia a asembleas, xornadas, congresos, conferencias, seminarios, as materias que formen parte dunha titulación académica, os módulos ou partes integrantes dun curso, simposios ou similares, nin os cursos nos que non quede acreditada a súa duración. Valoraranse os cursos relativos a materias transversais na Administración; réxime xurídico, procedemento administrativo, prevención de riscos laborais, informática, violencia de xénero, contratación, linguaxe de signos, etc. Os méritos por cursos de formación e especialización realizados acreditaranse mediante a presentación de copia do correspondente diploma ou título. Non se valorarán aqueles cursos non que non consten as horas nin o contido do programa. Baremo: 0,03 puntos por hora. A puntuación máxima neste apartado será de 15 puntos. 3) Coñecemento da lingua galega: 1.- Linguaxe administrativa galega nivel superior ou Celga 5: 5 puntos. 2.- Linguaxe administrativa galega nivel medio: 2,5 puntos. A puntuación máxima neste apartado será de 5 puntos. II.- FASE DE OPOSICIÓN Esta fase alcanzará como máximo corenta (60) puntos. Consistirá na realización dunha proba de carácter eliminatorio e dunha proba para acreditar o coñecemento da lingua galega. Desenvolvemento da oposición: Primeiro exercicio : consistirá na resolución dun cuestionario tipo test, nun tempo máximo de 75 minutos, de 50 preguntas, máis 5 preguntas de reserva, con catro alternativas por resposta, das que só unha delas é a correcta, que versarán sobre o contido total do temario que se anexa á convocatoria. Este cuestionario será elaborado polo tribunal no mesmo día e inmediatamente antes do comenzo da proba. O exercicio será cualificado de 0 a 60 puntos, sendo preciso alcanzar un mínimo de 30 puntos para superalo. As persoas aspirantes que non acaden a devandita puntuación mínima serán eliminadas do proceso. As respostas acertadas puntuarán 1,2 puntos, as incorrectas descontarán 0,3 puntos e as respostas en branco non descontarán. Ao finalizar o exercicio as persoas aspirantes poderán levar unha copia da súa folla de respostas. Terminada a proba, os aspirantes poderán solicitar copia do exercicio. En caso de empate nas puntuacións, resolverase atendendo á orde alfabética tomando como referencia que o primeiro apelido comence pola letra “M” de conformidade co establecido na Resolución de 22 de xaneiro de 2026 pola que se fai público o resultado do sorteo a que se refire o Regulamento de selección do persoal da Administración da Comunidad Autónoma de Galicia, publicado no DOG nº 16 do 26 de xaneiro. De persistir o empate acudirase ao sorteo. O tribunal publicará no taboleiro de anuncios e na web do Concello a plantilla de respostas da proba. Os/as aspirantes disporán dun prazo de 5 días hábiles para realizar impugnacións das preguntas ou respostas obxecto da proba. O tribunal publicará no taboleiro de anuncios electrónico e na páxina web do Concello o anuncio dos/as aspirantes que superaron a proba e a convocatoria do segundo exercicio. Segundo exercicio: coñecemento da lingua galega. De carácter obrigatorio e eliminatorio para as persoas que non posúan a titulacion do CELGA IV. As persoas os/as aspirantes deberán redactar en galego durante un tempo máximo de corenta e cinco minutos un documento propio das funcións da praza que se convoca; valoraranse os aspectos lingüísticos e adaptación aos criterios de modernización de linguaxe administrativa. Na segunda parte, de carácter oral, consistirá en manter unha conversa en galego cunha duración máxima de dez minutos cos membros do tribunal, en que se falará do documento obxecto da primeira parte deste exercicio, só se valorarán os aspectos citados e admitiranse as variantes dialectais. O tribunal publicará no taboleiro de anuncios electrónico e na páxina web do Concello o anuncio dos/as aspirantes que superaron a proba. Noveno.- Resultado do proceso selectivo A puntuación final do proceso selectivo será o resultado da suma das puntuacións obtidas tanto na fase de oposición coma na de concurso. Esta última só se terá en conta para aquelas persoas aspirantes que tiveran superado a fase de oposición. No caso de producirse un empate na puntuación final do proceso selectivo o nomeamento recaerá no/na aspirante que obtivese maior puntuación na fase de concurso. Finalizado o proceso selectivo, o órgano de selección fará pública a relación de aspirantes que o superasen pola orde de puntuación alcanzada na sede electrónica do Concello de Ferrol. Esta relación elevarase á autoridade convocante que a publicará no Boletín Oficial da Provincia. As persoas aspirantes disporán dun prazo de 20 días hábiles, desde o día seguinte ao desta publicación, para a presentación da documentación acreditativa do cumprimento dos requisitos esixidos na convocatoria e procederase como se indica na base 10ª das bases xerais. Décima.- Normas finais. Para todo o non previsto nestas Bases será de aplicación supletoria o establecido nas bases xerais publicadas no Boletín Oficial da Provincia nº 104, do 30.05.2024; no Real Decreto Lexislativo 5/2015, do 30 de outubro, que aproba o texto refundido da Lei do Estatuto Básico do Empregado Público; na Lei 2/2015, do 29 de abril, do Emprego público de Galicia; na Lei 39/2015, do 1 de outubro, do procedemento administrativo común das Administracións Públicas; na Lei 40/2015, do 1 de outubro, de réxime xurídico do Sector Público, na Lei 7/1985, de 2 de abril, Reguladora das Bases do Réxime Local; no Real Decreto Lexislativo 781/1986 do 18 de abril polo que se aproba o texto refundido das disposicións legais vixentes en materia de réxime local; na Lei 5/1997, do 22 de xullo, de Administración Local de Galicia; no Real Decreto 896/1991, do 7 de xuño, polo que se establecen as regras básicas e os programas mínimos aos que debe axustarse o procedemento de selección de funcionarios ao servizo das Entidades Locais, e no Real Decreto 364/1995 do 10 de marzo, polo que se aproba o Regulamento Xeral de Ingreso do Persoal ao Servizo da Administración Xeral do Estado e de Provisión de postos de traballo e Promoción Profesional dos Funcionarios Civís da Administración Xeral do Estado, e demais lexislación vixente de aplicación. Todos os actos administrativos derivados desta convocatoria e da actuación do Tribunal, poderán ser impugnados polos interesados nos casos e na forma establecidos pola Lei 39/2015 de Procedemento Administrativo Común e normas vixentes concordantes. A resolución pola que se aproba a convocatoria e as bases específicas pon fin á vía administrativa e contra ela poderá interpoñerse o recurso potestativo de reposición perante o órgano que a ditou dentro do prazo dun mes contado a partir do día seguinte ao da súa publicación, de conformidade co disposto nos artigos 30, 123 e 124 da Lei 39/2015, do 1 de outubro, de procedemento administrativo común das Administracións Públicas. Todo isto, sen prexuízo da posibilidade de interpoñer directamente recurso contencioso administrativo ante o Xulgado do contencioso administrativo, dentro do prazo de dous meses contados a partir do día seguinte ao da publicación da resolución, de conformidade co disposto no artigo 46 da Lei 29/1998, do 13 de xullo, reguladora da Xurisdición contencioso administrativa. ANEXO I.- TEMARIO TEMA 1.- Teoría do lume. Fundamentos sobre o lume. Como se produce o lume. O comburente. A calor. Temperatura. Fontes de calor. TEMA 2.- Os combustibles. Produtos da combustión. Transferencia de calor. Fume e gases da combustión. TEMA 3.- Teoría da extinción e axentes extintores. Teoría da extinción do lume. Extinción por redución da temperatura, por separación do combustible, por desprazamento ou dilución do osíxeno e por inhibición da reacción en cadea. A auga como axente extintor. TEMA 4.- Escumas extintoras. Po químico seco. Anhídrido carbónico. Outros axentes extintores gaseosos. Idoneidade dos axentes extintores. Extintores portátiles. TEMA 5.- Física mecánica. Máquinas simples. Levantamento de cargas. Poleas. Pancas. TEMA 6.-Electricidade básica. Intervencións con presenza de riscos eléctricos. Efectos da electricidade no corpo humano. TEMA 7.- Protección respiratoria para bombeiros. Riscos respiratorios para os bombeiros. Tipos de equipos de protección respiratoria. Compoñentes dos equipos de protección respiratoria. TEMA 8.- Limitacións e consideracións de seguridade. Control persoal dos equipos respiratorios. Mantemento dos equipos respiratorios. Sistemas de alarma persoal por detección de movemento. TEMA 9.- Equipos de protección persoal: casco, verdugo, chaquetón e cubrepantalón, botas, luvas, equipos especiais para protección do bombeiro. Niveis de protección. TEMA 10.- Extinción de incendios no interior de edificios. Consideracións xerais no ataque a incendios en edificios. Riscos de flashover e backdraft. TEMA 11.- Métodos de aplicación de auga con mangueiras. Incendios en pisos altos e sotos. Técnicas de mergullo en fume. TEMA 12.- Incidentes con materiais perigosos. Identificación de materias perigosas. Clasificación. Etiquetas de perigo. Paneis. Números de identificación. TEMA 13.- Incidentes con gases. Depósitos. Identificación. Fugas. Explosións leves. TEMA 14.- Rescates en accidentes de tráfico. Ferramentas hidráulicas e pneumáticas de rescate. Outros equipos utilizables en accidentes de tráfico. TEMA 15.- Técnicas básicas de desencarcelación. Material de rescate e salvamento: cabuiería, cordas, nós, descensores e outros elementos. TEMA 16.- Apeos e apontoamentos. Definicións. Ferramentas e materiais. Tipos de apontoamentos. Organización dos traballos. TEMA 17.- Ventilación. Ventilación aplicada á loita contra o lume. Consideracións que afectan á decisión de ventilar. Técnicas de ventilación. TEMA 18.- Ventilación en edificios altos, sotos e edificios sen ventás. TEMA 19.- Lei de Emerxencias de Galicia. Plans territoriais. PLATERGA. PEMU. Plans especiais. TEMA 20.- Primeiros auxilios. Anatomía básica. Funcionamento do corpo humano (fisioloxía). Atención a feridos: síntomas, tratamento, traslados. Apósitos e vendaxes. Métodos de respiración artificial. Transporte de accidentados. Queimaduras. TEMA 21.- Soporte Vital Básico (SVB). RPC básica. Coñecemento teórico do DESA. Desobstrución da vía aérea. Posición Lateral de Seguridade (PLS). Hemorraxias. TEMA 22- Prevención de riscos laborais. Reacción humana ante as emerxencias. Comportamento durante a fase de alarma e evacuación. ANEXO II.- MODELO DE SOLICITUDE Don/Dna DNI Enderezo Concello Provincia C.P. Teléfono Correo electrónico SOLICITO: 1 Participar no proceso selectivo para a categoría de: convocado polo Concello de Ferrol mediante quenda Libre P. Interna No Boletín Oficial do Estado de data 2 Achego a seguinte documentación: 2.1 Copia do DNI 2.2 Copia da titulación esixida 2.3 Copia Celga IV 2.4 Certificado pago taxa 2.5 Relación de méritos alegados acompañada de documentación acreditativa/xustificativa dos mesmos (1) (2) : 3 Linguaxe das probas Galego Castelán 4 Adaptación de tempo e condicións segundo a Orden PJC/804/2025, do 23 de xullo (BOE do 25.07.2025) SI NON Méritos alegados cuxa documentación obra en poder do Concello de Ferrol: Autorizo ao servizo de recursos humanos a comprobar os meus datos SI NON En Ferrol, a de de 20 Sinatura: Notas: (1) A relación de méritos será de presentación preceptiva para que estes sexan obxecto de valoración e será necesario achegala, tanto no caso de que a documentación acreditativa/xustificativa dos mesmos obre en poder do Concello de Ferrol, coma no caso de que a documentación acreditativa/xustificativa NON obre en poder do Concello de Ferrol. En ningún caso se valorarán os méritos que NON consten expresamente relacionados na mesma. (2) Se necesita máis espazo, achegue un anexo a esta solicitude. (3) Para que poidan ser obxecto de valoración os méritos relacionados, con respecto dos que a documentación acreditativa/xustificativa obre en poder do Concello de Ferrol, o/a aspirante deberá autorizar ao servizo de recursos humanos do Concello marcando a casa SI do Anexo II e indicar en qué momento a documentación relativa a súa acreditación foi presentada e ante que órgano administrativo/área/servizo/unidade, indicando o procedemento no que a mesma foi achegada. Con todo, de xeito excepcional, no caso de que o Concello de Ferrol non puidera recabar os documentos acreditativos dos méritos alegados poderá solicitar novamente ao concursante a súa achega. No suposto de marcar a casa NON do Anexo II, o/a concursante deberá acompañar cada mérito relacionado da documentación acreditativa/xustificativa do mesmo, non sendo obxecto de valoración en ningún caso, os méritos que, aínda estando relacionados, non vaian acompañados da documentación acreditativa/xustificativa correspondente.” O que se fai público para xeral coñecemento. Ferrol, 24 de setembro de 2026. En uso da delegación conferida polo acordo da Xunta de Goberno Local do 11.12.2023 (BOP nº 241 do 20.12.2023), a concelleira delegada titular da área de Facenda e Recursos Humanos. [nombre omitido]. 2026/6257