Aprobación das bases do Programa FOIO0B/2026
Epea zehaztu gabe
Diputación Provincial de A Coruña · Galicia
Aurkez naiteke?
- Titulazioa Ezin izan dugu irakurri: deialdiaren oinarrietan dago.
Zure ikasketekin () aurkez zaitezke.
eskatzen du: zure ikasketekin () ez zara iristen.
Baldintza baieztatu gabe: erdi-mailako LH titulu jakin bat eskatzen dute, eta Batxilergoak ez du ematen. Egiaztatu oinarrietan.
Baldintza baieztatu gabe: bere taldeagatik nahikoa izan ohi da; beraz, zure ikasketekin () ziurrenik bai. Egiaztatu oinarrietan.
Baldintza baieztatu gabe: bere taldeagatik eskatu ohi du, zure ikasketak () baino gehiago. Egiaztatu oinarrietan.
Baldintza baieztatu gabe: ezin izan dugu titulazioa irakurri. Begiratu oinarrietan.
- Nor aurkez daiteke Ez da sarbide mota adierazten: begiratu oinarriak.
- Eskabideak aurkezteko epea Epea zehaztu gabe.
- Nola aurkeztu Eskabidea erakunde deitzailearen egoitza elektronikoan edo erregistroan aurkezten da; urrats zehatzak argitalpen ofizialean ↗ daude.
- Plazak
- Ez da adierazten
- Taldea
- Ez da adierazten
- Sistema
- Ez da adierazten
- Langileak
- Funtzionarioa
Laburbilduz
Diputación Provincial de A Coruña erakundeak hautaketa-prozesu bat deitzen du: «Aprobación das bases do Programa FOIO0B/2026». 2026/11/11 egunean argitaratu zen (iturria: Boletín Oficial de la Provincia de A Coruña). Ezin izan dugu eskabideak aurkezteko epea kalkulatu: begiratu argitalpen ofiziala. Eskabidea erakunde deitzailearen egoitza elektronikoan edo erregistroan aurkezten da, argitalpen ofizialeko urratsei jarraituz. Argitalpen ofiziala: bop.dacoruna.gal ↗
Antzekoen alerta
A Coruña: deialdi berriak posta elektronikoz edo Telegramez abisatzen dizkizugu. Doan.
- Mota
- Deialdia
- Titulu ofiziala
- Aprobación das bases do Programa FOIO0B/2026
- Deitzailea
- Diputación Provincial de A Coruña
- Eremua
- Udalak eta aldundiak
- Argitaratua
- 2026/11/11 (Boletín Oficial de la Provincia de A Coruña)
- Iturria
- Datu-iturria: Boletín Oficial de la Provincia de A Coruña ↗. Azken egiaztapena: 2026/11/11.
Badakizu?Ley 15/2022 · Art. 41.4
En el caso de que la propuesta fuera rechazada, el Gobierno presentará a la Cámara un nuevo candidato en el plazo de .
Ondo! Azterketan ateratzen direnetako bat da. Ez ahaztu: egunean minutu batzuk errepasatuta, fresko iritsiko zara. Ikusi artikulua
Normala da: gehien ateratzen direnetako bat da, eta gehien ahazten direnetako bat. Egunean minutu batzuk errepasatuta, ondo jakinda iritsiko zara azterketara. Ikusi artikulua
Gaurko zure harkaitza: errepasatu deialdi honetako legeakDeialdi honetako legeak: Ley 15/2022LO 10/2022Ley 38/2003Ley 4/2023LO 1/2004LO 3/2007
Ikusi testu osoaEzkutatu testu osoa
· Lei 15/2022, do 12 de xullo, integral para a igualdade de trato a e non discriminación · Lei Orgánica 10/2022, de 6 de setembro, de garantía integral da liberdade sexual A presente subvención está incluída no plan estratéxico provincial de subvencións da Deputación 2025-2027 aprobado polo Pleno da Corporación en sesión ordinaria do 27 de setembro do 2024 e contribúe ao logro dos obxectivos incorporados no dito plan, en particular ao Obxectivo Estratéxico 2º: Asegurar no ámbito territorial da provincia a prestación integral dos servizos sociais, garantir o benestar social da poboación, en especial dos colectivos máis desfavorecidos, e promover a igualdade de oportunidades e a transversalidade de xénero. Base 2. Obxecto e finalidade 2.1. Obxecto 2.1.1. Servizos, programas e actividades subvencionadas Serán obxecto desta convocatoria os servizos, programas ou actividades contemplados nesta base. Cada entidade poderá presentar unha única solicitude acollida a un único código da convocatoria. O proxecto presentado poderá integrar un ou varios dos programas ou liñas de actuación previstos dentro de dito código. A denominación do obxecto da subvención recollido na solicitude deberá reflectir correctamente o seu contido, indicando o código e o título do proxecto (Exemplo: EI-3 Autonomía económica: fomento do cooperativismo no medio rural). De non ser así, poderá modificalas de oficio a Sección de Igualdade e Dereitos Civís . A denominación modificada será a que figure nas resolucións de concesión. A Sección de Igualdade e Dereitos Civís poderá remitir as peticións ao código correspondente dentro da mesma convocatoria cando se estime que a solicitude está mal presentada. No caso de que se estime que a petición encaixa noutra convocatoria da Sección de Igualdade e Dereitos Civís poderase realizar de oficio o cambio, despois do consentimento da entidade interesada. PROGRAMAS DE PROMOCIÓN DA IGUALDADE DE OPORTUNIDADES ENTRE MULLERES E HOMES Códigos: EI-1 PROMOCIÓN DA IGUALDADE, EMPODERAMENTO E PARTICIPACIÓN SOCIAL Programas ou liñas de actuación subvencionables: · Programas, campañas, xornadas e obradoiros de sensiblización dirixidos á cidadanía para a promoción da igualdade de xénero. · Elaboración de manuais, guías, plans, diagnoses ou estudos en materia de igualdade de xénero. · Programas formativos, de capacitación ou sensibilización dirixidos a impulsar a creación, consolidación e participación activa das mulleres nas organizacións e no tecido asociativo. · Programas e accións de empoderamento e dinamización de mulleres rurais que promovan a creación de espazos propios de encontro e debate con perspectiva de xénero, e o fortalecemento do tecido comunitario. EI-2 FOMENTO DO EMPREGO EN IGUALDADE DE OPORTUNIDADES Programas ou liñas de actuación subvencionables: · Programas formativos de capacitación profesional das mulleres que inclúan itinerarios personalizados e/ou desenvolvan accións de acompañamento e/ou axuda á busca de emprego. · Programas de fomento do cooperativismo ou autoemprego, dirixido principalmente a mulleres do medio rural, en actividades vinculadas ás potencialidades da contorna, e a procura dun medio rural sustentable. EI-3 CONCILIACIÓN E RESPONSABILIDADES COMPARTIDAS Programas ou liñas de actuación subvencionables: · Programas e/ou servizos de conciliación dirixidos nenas e nenos de ata 12 anos, ofertados fóra do horario escolar, en horario laboral e/ou períodos vacacionais, contando con persoal cualificado. · Programas, obradoiros e campañas dirixidos á poboación masculina para o fomento de masculinidades igualitarias, o reparto equitativo das tarefas domésticas e de coidado, e o exercicio da paternidade responsable. PROGRAMAS DE LOITA CONTRA AS VIOLENCIAS MACHISTAS Códigos: EV-1 PREVENCIÓN, SENSIBILIZACIÓN E ATENCIÓN INTEGRAL ANTE AS VIOLENCIAS MACHISTAS Programas ou liñas de actuación subvencionables: · Programas, campañas e actividades de sensibilización, prevención, detección precoz e identificación das violencias machistas en calquera das súas manifestacións. · Elaboración de manuais e guías en materia de prevención das violencias machistas en calquera das súas manifestacións. · Programas de intervención/tratamento integral coas mulleres vítimas de violencia de xénero e/ou sexual, e coas súas fillas e fillos e persoas dependentes delas. · Programas de intervención/tratamento integral coas mulleres vítimas de trata con fins de explotación sexual. PROGRAMAS DE DIVERSIDADE SEXUAL, DE XÉNERO E DEREITOS LGBTIQ+. Códigos: ED-1 SENSIBILIZACIÓN, PROMOCIÓN DOS DEREITOS E ATENCIÓN INTEGRAL ÁS PERSOAS LGBTIQ+ Programas ou liñas de actuación subvencionables: · Campañas e actividades de sensibilización, prevención e loita contra a LGBTIfobia no ámbito comunitario, educativo, deportivo ou laboral. · Elaboración de estudos, diagnoses, manuais e guías sobre a realidade, necesidades e dereitos das persoas LGBTIQ+. · Accións de dinamización do colectivo LGBTIQ+, favorecendo a creación de redes de apoio e espazos de encontro seguros. · Programas de acompañamento, asesoramento e atención especializada a persoas LGBTIQ+, ás súas familias e contornas. Os proxectos presentados dentro de cada un dos códigos deberán cumprir obrigatoriamente coas seguintes condicións técnicas: · Código EI-2 (Fomento do emprego en igualdade de oportunidades): Os programas formativos de capacitación profesional deberán ter unha duración mínima de 30 horas formativas. · Código EI-3 (Conciliación e responsabilidades compartidas): Os servizos de conciliación deberán incorporar de forma expresa a transversalidade de xénero e incluír actividades específicas orientadas a fomentar a igualdade, a corresponsabilidade, a prevención das violencias machistas e a sensibilización sobre a diversidade, coidando ademais a selección musical para evitar o uso de cancións sexistas. · Código EV-1 (Prevención, sensibilización e atención integral ante as violencias machistas): Os proxectos que inclúan programas de intervención ou tratamento integral deberán dispoñer de equipo profesional especializado coa titulación requirida para a atención psicosocial ou xurídica e acreditar a coordinación formal cos Servizos Sociais Municipais, Centro de Información á Muller (CIM) ou servizos públicos de referencia do territorio onde se desenvolva a intervención. Aqueles proxectos de sensibilización que aborden de forma conxunta a igualdade de xénero as violencias machistas e a diversidade sexual e de xénero poderán solicitarse tanto no código EI-1, EV-1 como no ED-1, atendendo ao obxectivo principal do proxecto. Os programas de empoderamento previstos no código EI-1 poderán incorporar, entre outras, accións interxeracionais que impulsen o intercambio de saberes e a transmisión da memoria colectiva; iniciativas con enfoque ecofeminista que recoñezan o papel das mulleres na defensa e sustentabilidade do territorio; así como actividades orientadas a promover o empoderamento na vellez e a prevención da soidade non desexada mediante o fortalecemento de redes feministas de apoio mutuo e participación veciñal. Tendo en conta a inclusión da transversalidade de xénero, poderase solicitar como parte de calquera dos programas recollidos na convocatoria, sempre que se estime necesaria a conciliación da vida familiar, persoal e laboral, segundo a natureza da actividade, un servizo específico de conciliación. Valorará a adecuación do dito servizo o persoal técnico da Sección de Igualdade e Dereitos Civís.. 2.1.2 Ámbito temporal Os gastos que se subvencionen conforme a esta convocatoria serán os que se realicen no período comprendido entre o 1 de xaneiro de 2027 e o 31 de decembro de 2027 . Polo tanto, unicamente admitiranse xustificantes de gastos expedidos dentro das datas sinaladas. Excepcionalmente, para xustificar os gastos que fosen realizados no final do período da convocatoria poderán admitirse os xustificantes que sexan expedidos antes do 16 de xaneiro de 2028 . As entidades beneficiarias da subvención poderán solicitar unha prórroga para a realización do investimento despois dunha petición razoada. A solicitude de prórroga poderá presentarse ata o 15 de decembro de 2027 ás 14:00 h . Concedida a prórroga, na certificación de gastos poderán incluírse os realizados con posterioridade ao 31 de decembro de 2027, con data límite para expedir os xustificantes do 15 de marzo de 2028 . 2.2. Finalidade O obxectivo da convocatoria é apoiar ás entidades sen ánimo de lucro na realización de obras (acondicionamento, mantemento e reparación) e adquisición de equipamento para a mellora de servizos, programas e/ou actividades en materia de igualdade de xénero. Base 3. Solicitantes Poderán solicitar as subvencións neste programa as entidades sen ánimo de lucro con sede social na provincia da Coruña ou que desenvolvan a súa actividade na mesma e que cumpran os requisitos destas bases e os establecidos na ordenanza xeral de subvencións e transferencias no momento de presentar as solicitudes. : 3.1. Requisitos: 3.1.1. Rexistro. A entidade deberá cumprir cos seguintes requisitos de rexistro: A entidade solicitante deberá estar legalmente constituída como entidade sen ánimo de lucro, conforme a normativa estatal ou autonómica que lle sexa aplicable, e deberá estar debidamente inscrita no rexistro público oficial que corresponda segundo a súa natureza xurídica e ámbito territorial: · Asociacións, Federacións e Confederacións: Rexistro de Asociacións da Xunta de Galicia ou no rexistro público que corresponda. · Cooperativas sen ánimo de lucro: Rexistro de Cooperativas da Xunta de Galicia. · Centros Especiais de Emprego de iniciativa social: Rexistro de Centros Especiais de Emprego da Xunta de Galicia. · Outras entidades de iniciativa social: Rexistro Único de Entidades Prestadoras de Servizos Sociais (RUEPSS) estando inscritas na Área de Igualdade deste rexistro. As entidades que non estean inscritas no rexistro correspondente no momento de presentar a solicitude deberán acreditar a inscrición efectiva no momento da xustificación . 3.1.2. Autorización administrativa para o inicio de actividades. As entidades solicitantes deberán contar, cando así o esixa a normativa aplicable, coas autorizacións administrativas necesarias para o desenvolvemento das actividades obxecto da subvención. No caso de subcontratación, a entidade beneficiaria deberá garantir que a entidade ou empresa subcontratada cumpra os requisitos e dispoña das autorizacións legalmente esixibles para a realización das actividades subcontratadas. 3.2. Entidades excluídas: Non poderán ser beneficiarias destas subvencións as entidades nas que concorra calquera das seguintes circunstancias: · Sancións ou condenas por discriminación : Ter sido sancionadas por resolución administrativa firme ou condenadas por sentenza xudicial firme pola comisión de condutas discriminatorias por razón de sexo, xénero, orientación ou identidade sexual, expresión de xénero ou características sexuais, nos termos establecidos na Lei Orgánica 3/2007, na Lei Orgánica 1/2004, na Lei Orgánica 10/2022, na Lei 15/2022 ou na Lei 4/2023. · Uso de linguaxe e imaxes discriminatorias : Utilizar na súa actividade ordinaria, nos seus estatutos, na súa comunicación pública, na web, nas redes sociais ou nos materiais do proxecto presentado unha linguaxe sexista, LGBTIfóbica ou discriminatoria, así como empregar a imaxe das mulleres ou do colectivo LGBTIQ+ de xeito degradante, denigrante, cosificador ou con connotacións que reproduzan estereotipos machistas ou fóbicos. Base 4. Gastos subvencionables 4.1. Gastos subvencionables Serán subvencionables os gastos comprendidos nos conceptos incluídos na táboa de contas que figura deseguido. Conta Descrición da conta 206 Aplicacións informáticas 211 Construcións 213 Maquinaria 214 Ferramenta 216 Mobiliario 217 Equipos para procesos de información 219 Outro inmobilizado material 4.2. Gastos excluídos · Exclúense os gastos derivados de adquisición de inmobles e construción de obra nova. Só serán subvencionables obras de acondicionamento, mantemento e reparación en construcións xa existentes. · Exclúense dos gastos subvencionables obxecto das solicitudes, cando non correspondan cos obxectivos da convocatoria, os seguintes: a) Os gastos referidos a actividades culturais, deportivas e de lecer e tempo libre, cando non correspondan cos obxectivos da convocatoria. b) Os gastos referidos a obras ou equipamentos que non sexan susceptibles de uso. · Os gastos que f ormen parte dunha obra ou fase de obra e cuxo orzamento (da obra completa ou fase a que correspondan) supere os 35.000 €. Este requisito se comprobará na xustificación da subvención, tendo en conta as licenzas ou permisos pertinentes e o proxecto ou memoria técnica. · Aqueles conceptos de gastos incluídos en proxectos que xa foron subvencionados en convocatorias anteriores , aínda que non foran executados. · Gastos derivados de agasallos e atencións protocolarias . · Sustancias nocivas para a saúde e gastos suntuarios. · Gastos de intermediarios para a subcontratación dos investimentos cando aqueles se limiten a xestionar a compra ou o servizo, aumentando así o prezo final facturado. · Investimentos nas sedes sociais das entidades onde non se desenvolvan os programas subvencionados e centros non contemplados dentro dos códigos da convocatoria. Base 5. Compatibilidades e exclusións A participación neste programa é compatible coa obtención doutras subvencións, axudas, ingresos ou recursos para a mesma finalidade, procedentes de calquera administración ou ente público ou privado, nacional, da Unión Europea ou de organismos internacionais. As subvencións deste programa son incompatibles con outras subvencións da Deputación da Coruña, excepto cos seguintes programas: · FOIO0A: Programa de subvencións a entidades sen ánimo de lucro para o mantemento en políticas de xénero, sempre que se axunten as peticións. Non serán obxecto de subvención os investimentos xa subvencionadas pola Deputación da Coruña no mesmo exercicio. Así mesmo, non se poderá financiar o mesmo obxecto cunha subvención de concorrencia e outra nominativa, por seren incompatibles; neste caso, a entidade beneficiaria tería, necesariamente, que renunciar a unha delas. Base 6. Forma e prazo da solicitude Non se admitirá máis dunha solicitude por persoa ou entidade. Co fin de que non se eluda o cumprimento deste límite, considerarase que existe só una persoa xurídica privada cando as persoas socias ou directivas sexan comúns en máis dun 50 por cento en dúas ou máis entidades nos termos establecidos na Lei xeral de subvencións e nas súas normas de desenvolvemento, así como as que puideren encaixar no concepto de grupo nos termos dispostos no Código de Comercio. A forma de presentación da solicitude será a que se indica na Ordenanza xeral de subvencións e transferencias da Deputación Provincial da Coruña. O prazo de presentación de solicitudes determinarase na convocatoria, que se publicará no BOP, por conduto da Base de Datos Nacional de Subvencións. Os datos persoais facilitados serán tratados pola Deputación da Coruña, como responsable do tratamento, co fin de levar a cabo a tramitación administrativa dos programas de subvención. As persoas interesadas poden exercer os dereitos de acceso, rectificación, supresión, oposición, limitación ao tratamento e portabilidade dos datos a través da sede electrónica da Deputación da Coruña ou presencialmente nos lugares e rexistros establecidos na normativa reguladora do procedemento administrativo común. Máis información na Política de Privacidade da Deputación. Base 7. Compromisos e obrigas 7.1. As entidades beneficiarias deberán de poñer en marcha o servizo e/ou prestación ao que vai destinado o investimento unha vez rematado este e obtidas, de ser necesario, as correspondentes licenzas e/ou permisos. 7.2. Faceren constar a colaboración da Deputación da Coruña en toda a información (impresa, informática ou audiovisual) que fagan das actividades ou investimentos subvencionados, así como, no seu caso, na súa páxina web e/ou redes sociais. Para dar por satisfeito este compromiso a entidade deberá acreditar gráficamente, no momento da xustificación, a inclusión do símbolo e logotipo da Deputación da Coruña e de Igualdade de xénero a través das seguintes canles de difusión obrigatorias: - Na páxina web ou nunha rede social. No caso de que a entidade non dispoña destas deberá facelo constar na xustificación da subvención. - Nas obras subvencionadas. Deberán de colocar un rótulo ou placa co logotipo da Deputación nun lugar o suficientemente visible do local, que deberá permanecer no mesmo por un prazo, como mínimo, de 5 anos a contar dende a finalización das obras. - En cada un dos equipamentos adquiridos manténdose, como mínimo, durante un prazo de 2 anos a contar dende a recepción do equipamento. Cando varios equipamentos teñan o mesmo emprazamento só será preciso a colocación dun cartel publicitando a achega provincial. Esta obriga entenderase, como mínimo, desde a data de concesión ata a finalización do período de adscrición obrigatoria do ben á finalidade da subvención. 7.3 . No caso de presentar unha solicitude para a realización dun programa de intervención ou tratamento integral do recollidos no código EV-1 (Prevención, sensibilización e atención integral ante as violencias machistas) a entidade estará obrigada a informar e coordinarse co concello . No momento da xustificación, a entidade deberá achegar un informe técnico municipal de cada un dos concellos onde realizou as actuacións, no que acredite como informou e como se coordinou co concello, explicando ademais como levou a cabo as accións. Base 8. Valoración das solicitudes e procedemento de concesión 8.1. Valoración das solicitudes A concesión das subvencións realizarase mediante réxime de concorrencia competitiva tendo en conta os criterios de valoración recollidos neste apartado. Para a revisión das solicitudes, o baremo e puntuación destas, nomearase unha comisión técnica , que estará composta por tres persoas expertas e de recoñecida traxectoria que non teñan relación con ningún dos/as solicitantes nin relación directa cos proxectos que se poidan presentar. As funcións de secretaría desta comisión será realizada por persoal funcionario do servizo correspondente, con voz, pero sen voto. A composición da comisión técnica aprobarase por Resolución de Presidencia, e será pública, a través da súa publicación no Boletín Oficial da Provincia Esta comisión poderá propoñer a exclusión de solicitudes, de forma argumentada, por inadecuación argumentada á finalidade e obxecto desta convocatoria ou falta de calidade mínima dos proxectos para os que se solicita a axuda. Do mesmo xeito, poderá facelo se identifica contidos de carácter discriminatorio ou vexatorio contra persoas ou colectivos. A selección das peticións e a contía das subvencións determinarase despois da valoración das solicitudes de acordo co baremo seguinte: Puntuación máxima: 100 PUNTOS A. Coeficiente de financiamento derivado da solicitude. · Entre 70% e 80%: 0 puntos · Entre 60% e 69,99%, 2 puntos · Entre 50% e 59,99%: 4 puntos · Entre 40% e 49,99%: 6 puntos · Entre 30% e 39,99%. 8 puntos · Entre 20% e 29,99%: 10 puntos Ata 10 puntos B. Impacto territorial do proxecto (concellos nos que se realiza o proxecto) · Entre 1 e 2 concellos: 0 puntos · Entre 3 e 4 concellos: 2 puntos · Entre 5 e 6 concellos: 4 puntos · Entre 7 e 8 concellos: 6 puntos · Entre 9 e 10 concellos. 8 puntos · Máis de 10 concellos: 10 puntos Ata 10 puntos C. Traxectoria e calidade da entidade en materia de igualdade · Por contar con persoal técnico de igualdade adscrito ao proxecto: 3 puntos · Por contar con premios e/ou recoñecementos outorgados por administracións públicas pola súa labor en materia de igualdade (nos últimos 10 anos): 3 puntos · Pola continuidade e traxectoria do programa: 0,5 puntos por ano ata 4 puntos. Ata 10 puntos D. Cesión dun local por parte da Deputación. Ás entidades solicitantes que teñan cedido un local para o desenvolvemento dos seus servizos por parte da Deputación Provincial da Coruña, descontaráselles 10 puntos da puntuación obtida. Redución de 10 puntos E. Proxecto técnico (segundo o recollido no Proxecto descritivo xeral da actividade) co seguinte detalle: Ata 70 puntos Diagnóstico e obxectivos: Pola fundamentación do proxecto baseada nun diagnóstico de necesidades reais, a definición clara de obxectivos xerais e específicos, e a súa adecuación directa ás persoas usuarias/destinatarias. Ata 10 puntos Calidade Metodolóxica e Planificación : Pola definición detallada de actividades, cronograma, técnicas participativas, ferramentas de execución e a coherencia temporal entre accións e obxectivos. Ata 20 puntos Avaliación e Impacto Pola definición dun plan de avaliación con indicadores cuantitativos e cualitativos desglosados por sexo/xénero, ferramentas de recollida de datos e avaliación de resultados e impacto social. Ata 10 puntos Coordinación e Traballo en Rede Polo establecemento de mecanismos formais de coordinación interna e externa (concellos, CIMs, servizos públicos, tecido asociativo e redes de igualdade). Ata 10 puntos Recursos materiais e humanos Pola adecuada dimensión, idoneidade e eficiencia dos recursos materiais e espazos previstos, así como pola adscrición de persoal técnico cualificado e axustado ás necesidades reais do proxecto. Ata 10 puntos Perspectiva de Xénero e Interseccionalidade Pola calidade na integración transversal do enfoque de xénero, diversidade sexual/LGBTIQ+, prevención de violencias machistas e atención á diversidade (medio rural, discapacidade, etnia, idade). Ata 5 puntos Innovación e boas prácticas Pola orixinalidade da proposta, desenvolvemento de metodoloxías innovadoras, elaboración de materiais didácticos ou audiovisuais propios, e o aproveitamento de novas tecnoloxías ou novas canles de difusión. Ata 5 puntos Para a valoración das solicitudes terase en conta o seguinte: · Datos de valoración: a valoración da solicitude conforme á anterior ponderación farase de acordo co exposto pola entidade no proxecto técnico achegado e coa información especificada na solicitude no apartado de “Outros datos” onde deberán consignar toda a información requirida na plataforma SUBTEL. Para estes efectos aplicaranse de oficio as correccións valorativas necesarias para evitar a asignación de puntos non xustificados axeitadamente na propia solicitude da entidade. Co obxecto de favorecer o procedemento de concorrencia competitiva non se lle requirirá a ningunha entidade a ampliación ou modificación dos datos de valoración, salvo que estes sexan necesarios para comprobar que o proxecto se adapta aos requisitos da convocatoria ou para retirar da solicitude as partes do proxecto non subvencionables segundo as bases da convocatoria. · Cómputo de anos da traxectoria do programa : para computar os anos nos criterios de valoración, tomarase como referencia a data de fin do prazo de presentación de solicitudes, que se considerará data de finalización do período computable. No caso de que non se indique explicitamente a data de inicio do programa, este criterio non será valorado. Concellos no que se desenvolverá a actividade: Para valorar estes apartados deberase especificar cada un dos concellos. Non se valorará outro tipo de referencias xenéricas (comarca, provincia, etc.) Persoal técnico de igualdade: Valorarase que a entidade adscriba ao desenvolvemento do proxecto a persoal técnico de igualdade. · Criterios de valoración dos premios: A) Contido do programa premiado: Valoraranse os premios ou recoñecementos oficiais outorgados por administracións públicas pola traxectoria da entidade no desenvolvemento de programas en materia de igualdade de xénero, diversidade sexual e LGBTIQ+, prevención e loita contra as violencias machistas. Non se valorarán os premios de carácter persoal obtidos por membros da xunta directiva aínda que sexa en representación da entidade B) Forma de obtención: Valoraranse aqueles premios outorgados por xurados constituídos por persoas expertas ou declaracións oficiais institucionais. En caso de dúbida, a valoración queda ao criterio da comisión técnica. 8.2. Procedemento de concesión A concesión das subvencións seguirá o procedemento de concesión provisional e concesión definitiva regulado na Ordenanza xeral de subvencións e transferencias da Deputación da Coruña e será aprobada por resolución da Presidencia. Neste programa non se admiten cambios de obxecto. Reformulación: Cando o importe da subvención concedida sexa inferior ao importe solicitado, entenderase automaticamente reformulada a solicitude de subvención. No entanto, cando a entidade beneficiaria considere que non pode realizar a totalidade do investimento subvencionado, poderá reformular a súa solicitude co obxecto de poder solicitar subvención en futuras convocatorias para os conceptos de gasto que forman parte do proxecto subvencionado e que non se vaian executar. Esta reformulación suporá a nova valoración da solicitude. A entidade poderá solicitar a reformulación dentro do prazo de 10 días hábiles despois da notificación da resolución de concesión provisional das subvencións. Na resolución de concesión definitiva aprobarase, se procede, a reformulación solicitada e manteranse as condicións de concesión da subvención. No seu caso, minorarase o importe que corresponda. Calquera cambio que se aprobe reflectirase no apartado de datos económicos do expediente de solicitude. Cambio de conceptos de gasto soamente poderán solicitarse no prazo de 10 días hábiles despois da notificación da resolución de concesión provisional e, no seu caso, aprobaranse na resolución de concesión definitiva. En canto ao cambio de lugar de realización da actividade, poderá solicitarse en calquera momento, antes do inicio da execución do programa. Os cambios de concepto de gasto e os de lugar de realización deberán contar co informe favorable do persoal técnico da unidade tramitadora do expediente. Base 9. Xustificación e pago Será de aplicación a conta xustificativa simplificada nos termos do artigo 75 do Real decreto 887/2006, do 21 de xullo, polo que se aproba o Regulamento da Lei 38/2003, do 17 de novembro, xeral de subvencións. 9.1 Prazo de xustificación A xustificación poderá presentarse a partir do día seguinte á publicación da resolución de concesión definitiva das subvencións no BOP. O prazo para a xustificación das subvencións rematará o día 31 de marzo de 2028 , ás 14:00 horas. No caso de entidades que teñan concedida a prórroga, o prazo para a xustificación das subvencións rematará o15 de maio de 2028 de 2028, ás 14:00 h . 9.2. Requisitos para o pagamento Para o pagamento da achega a entidade deberá xustificar a realización do investimento mediante a presentación da documentación recollida no Anexo II e practicándose as reducións oportunas de acordo co artigo 30.2 da Ordenanza xeral de subvencións e transferencias da Deputación da Coruña ou no caso de observarse un exceso de financiamento. Os investimentos deberán axustarse ao orzamento aprobado na concesión definitiva e que figurará en cada expediente de solicitude. 9.3 Perda do dereito e reintegro Será de aplicación o disposto na Ordenanza Xeral de Subvencións e Transferencias. Base 10.- Incumprimentos e sancións Será de aplicación o disposto na Ordenanza Xeral de Subvencións e Transferencias. ANEXOS DOCUMENTACIÓN ANEXO I - Documentación da solicitude Declaracións e compromisos: · A entidade que represento cumpre todos os requisitos esixidos ás entidades solicitantes na lexislación vixente en materia de subvencións, nas bases reguladoras da presente convocatoria e na Ordenanza xeral de subvenciones e transferencias da Deputación Provincial da Coruña, e no caso de resultar beneficiaria da subvención comprométese a cumprir fielmente todas as obrigas e compromisos recollidos nas mesmas e a acreditar de forma fidedigna o seu cumprimento no caso de ser requirida pola Deputación. · A entidade que represento non presentou ningunha solicitude de subvención á Deputación da Coruña para o exercicio subvencionado non compatible con esta (só é compatible coa FOIO0A) e comprométese a non solicitala, salvo que nas bases da súa convocatoria expresamente a fagan compatible coa convocatoria FOIO0B ou que renuncien previamente a esta subvención. · A entidade que represento comprométese a levar a contabilidade e a arquivar e conservar a documentación xustificativa segundo o disposto nos artigos 6.3 e 6.4 da Ordenanza xeral de subvencións e transferencias da Deputación da Coruña. · A entidade que represento comprométese a facer un seguimento contable específico dos gastos e recursos específicos ou afectados do proxecto ou actividade para a que se solicita subvención e a engadir unha nota específica na Memoria das Contas anuais, na que se debullen os recursos aplicados a cada unha das actividades realizadas (no caso de que realicen varias) · A entidade que represento comprométese a utilizar a lingua galega no desenvolvemento do proxecto subvencionado e na produción escrita e oral (cartelaría, publicidade oral e escrita, redes sociais, etc.) a que dea lugar toda a actividade subvencionada (sen que isto exclúa a posibilidade de utilizaren tamén outras linguas), e a dar cumprimento áss obrigas establecidas nas bases específicas en relación coa lingua galega. · A entidade que represento comprométese a contar con persoal con formación específica en igualdade de xénero, violencias machistas e/ou diversidade sexual e dereitos LGBTIQ+ para a execución e desenvolvemento do proxecto subvencionado. · A entidade que represento non utiliza na súa actividade ordinaria unha linguaxe sexista, LGBTIfóbica ou discriminatoria , nin emprega a imaxe das mulleres ou do colectivo LGBTIQ+ de xeito degradante, denigrante, cosificador ou con connotacións que reproduzan estereotipos machistas ou fóbicos. Así mesmo, comprométese a tratar as imaxes con valores de igualdade, presenza equilibrada, diversidade, pluralidade de roles e identidades de xénero, e a recoller datos de participación desagregados por sexo no caso de estudos, estatísticas, enquisas e formularios. · A entidade que represento comprométese a respectar nos seus fins, obxectivos, sistema de admisión ou acceso, funcionamento e organización, o principio de igualdade de xénero e a diversidade. · A entidade que represento comprométese a dar cumprimento as obrigas de difusión do apoio da Deputación establecidas na Base 7. · No caso de que algunha das actividades implique contacto habitual con menores, a entidade que represento comprométese a comprobar que o persoal ao seu cargo non foi condenado por sentenza firme por ningún delito contra a liberdade e indemnidade sexual · A entidade que represento está legalmente constituída antes da presentación da solicitude e dispón dos estatutos adaptados á lei vixente. Asemade, o seu obxecto a faculta para a participación nesta convocatoria. · Nin eu nin a entidade á que represento estamos incursos/as en ningunha das prohibicións previstas no art. 10 da Lei 9/2007 de Subvencións de Galicia, do 13 de xuño para ser beneficiarias ou percibir subvencións da administración pública. · A entidade que represento non foi sancionada nin condenada por resolución administrativa nin por resolución xudicial firme pola comisión de condutas discriminatorias por razón de sexo, xénero, orientación ou identidade sexual, expresión de xénero ou características sexuais, nos termos establecidos na Lei Orgánica 3/2007, na Lei Orgánica 1/2004, na Lei Orgánica 10/2022, na Lei 15/2022 ou na Lei 4/2023. · A entidade que represento comprométese a solicitar tres orzamentos de distintas empresas provedoras, no caso de que contrate cun mesma empresa provedora un gasto superior a 15.000€ (IVE excluído) no caso de equipamentos ou superior a 40.000€ (IVE excluído) nos contratos de obras, e a seleccionar un deles de xeito motivado, nos termos do artigo 31.3 da Lei 38/2003, do 17 de novembro, xeral de subvencións. · A entidade que represento comprométese a realizar as actuacións necesarias par a desenvolver o obxectivo do programa · A entidade que represento declara que as obras ou equipamentos obxecto desta solicitude non son os mesmos que aqueles xa subvencionados en convocatorias anteriores, aínda que non se chegasen a executar. · A entidade que represento comprométese a manter a adscrición dos bens ás fins que motivaron a concesión da subvención, por un prazo mínimo de cinco anos, no caso de acondicionamento, mantemento e reparación de inmobles ou de dous anos no caso de bens inventariables. · A entidade que represento comprométese á obtención de licenzas e autorizacións preceptivas para os efectos do cumprimento da legalidade urbanística e do respecto e protección do patrimonio histórico-artístico e do medio, cando sexa necesario. · Declaro que o orzamento da solicitude non se corresponde a unha obra ou fase de obra cuxo orzamento supera 35.000 €. · No caso de solicitar axuda para unha obra que se desenvolva en fases a entidade á que represento, declara que a fase para a que solicita a axuda é susceptible de utilización independente. · A entidade que represento está inscrita u solicitou a súa inscrición no rexistro público oficial que lle corresponde segundo a súa natureza xurídica (Rexistro de Asociacións, Rexistro de Cooperativas, Rexistro de Centros Especiais de Emprego, RUEPSS na área de Igualdade ou rexistro público equivalente). No caso de que non estea inscrita, a entidade comprométese a acreditar a súa inscrición xunto coa xustificación da achega. · A entidade que represento dispón, ou ten solicitadas, as autorizacións administrativas esixibles para as actividades subvencionadas e que, en caso de subcontratación, a entidade ou empresa subcontratada cumpre igualmente cos requisitos e autorizacións legalmente requiridas. · No caso de presentar unha solicitude para a realización dun programa de intervención ou tratamento integral do recollidos no código EV-1 (Prevención, sensibilización e atención integral ante as violencias machistas), a entidade que represento comprométese a informar e coordinarse con cada un dos concellos onde realice a actividade. Documentos: · Certificación acreditativa do acordo de solicitude, de representación, delegación, cargos e, no seu caso,número de persoas asociadas. · Proxecto descritivo xeral da actividade que se vai realizar. Deberán achegarse todos os datos para os efectos de valoración da solicitude. Non se valorarán aqueles apartados que non sexan cubertos. · Estatutos da entidade adaptados á lexislación vixente nos que conste a inscrición no rexistro público correspondente, no caso de non telos presentados en exercicios anteriores. · No caso de que a entidade solicitante concerte a execución total ou parcial da actividade ou proxecto subvencionado con persoas físicas ou xurídicas vinculadas á entidade: Solicitude de autorización segundo o disposto no artigo 29.7.d, da Lei xeral de subvencións e artigo 68 do Regulamento desta lei aprobado por RD 887/2006, do 21 de xullo. A solicitude de autorización deberá presentarse coa solicitude de subvención. No caso de non estar prevista a operación vinculada no momento da solicitude, poderá presentarse con carácter previo á contratación da presentación coa persoa vinculada. · Certificacións das administracións tributarias correspondentes e da Tesourería da Seguridade Social nas que se acredite que a entidade está ao corrente nas súas obrigas tributarias e coa Seguridade Social. Poderá omitirse a presentación desta documentación sempre que autorice expresamente na Plataforma SUBTEL a consultas tributarias e non se opoña á consulta de datos da Seguridade Social. · Tres ofertas de distintas empresas provedoras cando o gasto fora superior a 15.000 € (IVE excluído) pola adquisición de equipamento ou 40.000 € (IVE excluído) pola realización de obras. Poderá aportarse no momento da xustificación da subvención. · Documentación adicional no caso de obras: - Declaración do dereito real que se posúa sobre o ben inmoble (propiedade, arrendamento ou cesión con especificación do prazo de vixencia, etc. - No seu caso, declaración da persoa propietaria do inmoble na que autoriza á entidade solicitante a realizar as obras ou actuacións previstas no proxecto presentado, e na que manifesta a súa conformidade co cumprimento das obrigas relativas ao destino do ben durante o período de adscrición de cinco anos ao uso para o que foi concedida a subvención. - Proxecto técnico de obra ou memoria valorada cando as normas específicas o requiran. Poderá aportarse no momento da xustificación da subvención. - No caso de que os investimentos se realizaran por fases, deberán achegar un programa da súa execución onde se indique o número total de fases das que consta o proxecto coas prestacións que se van realizar en cada unha delas, as fases xa realizadas, as que quedan por realizar, e a fase para a que se solicita a subvención. As sucesivas propostas que se formulen deberán numerarse por fases coa indicación das xa executadas. Deberá acreditarse tamén que cada unha das fases subvencionadas son susceptibles de utilización independente. A entidade deberá presentar a documentación esixida segundo os modelos que figuran na plataforma SUBTEL. Poderase requirir calquera outra documentación complementaria para a tramitación da solicitude de acordo con estas bases. ANEXO II - Documentación xustificación Declaracións: · A entidade que represento deu cumprimento as obrigas de difusión do apoio da Deputación establecidas nas bases. · No caso de que algunha das actividades realizadas implicara contacto habitual con menores , a entidade que represento comprobou que o persoal ao seu cargo non foi condenado por sentenza firme por ningún delito contra a liberdade e indemnidade sexual. · A entidade que represento n on ten pendente de xustificación ningunha cantidade anticipada pola da Deputación na que xa rematara o prazo para a presentación de xustificantes. · No caso en que os gastos subvencionables non acaden o importe mínimo a xustificar , ou se aplique algunha das reducións contempladas na base 9 ou no caso en que a achega provincial, xunto cos outros ingresos percibidos para o mesmo obxecto, supere aos gastos executados: A entidade que represento renuncia á parte da achega provincial non xustificada. · No caso en que a xustificación se presente fóra de prazo: A entidade que represento presenta a xustificación fóra do prazo establecido nas bases da convocatoria, acepta a sanción que corresponde segundo a Ordenanza xeral de subvencións e consinte en efectuar voluntariamente o pagamento mediante compensación no pago da subvención, e non presentará alegacións nin recurso algún ao respecto (Esta declaración suporá unha REDUCIÓN DO IMPORTE DA SANCIÓN DUN 90%). · A entidade que represento utilizou a transversalidade de xénero e a perspectiva de diversidade mediante o emprego dunha linguaxe inclusiva, non sexista e non LGBTIfóbica, e, no seu caso, elaborou materiais que fomentan a igualdade, tratou as imaxes con valores de igualdade, presenza equilibrada, diversidade, pluralidade de roles e identidades de xénero e recolleu datos de participación desagregados por sexo no caso de estudos, estadísticas, enquisas e formularios. · A entidade que represento utilizou a lingua galega na comunicación e a produción escrita e oral (cartelaría, publicidade oral e escrita, redes sociais, etc.) a que dou lugar toda a actividade subvencionada pola Deputación da Coruña. · A entidade que represento contou con persoal con formación específica en igualdade de xénero, violencias machistas e/ou diversidade sexual e dereitos LGBTIQ+ durante a execución e desenvolvemento do proxecto subvencionado, · A entidade que represento dispón das autorizacións administrativas esixibles para as actividades subvencionadas e, se é o caso, comprobouse que a entidade subcontratada que implementará o programa ou servizo conta coa dita autorización. · Declaro que a entidade que represento adscribiu os bens aos fins e intereses que motivaron a concesión da subvención por un prazo mínimo de dous anos acondicionamento, mantemento e reparación mobles e de cinco anos para o acondicionamento, mantemento e reparación bens inmobles e comprométese a manter a dita adscrición. · Declaro que a entidade que represento cumpriu coas obrigas e compromisos asumidos na solicitude Documentación: · Acreditación da delegación de presidencia e/ou certificación de cargos da entidade cando se produciran variacións respecto dos datos expostos na solicitude. · Memoria xustificativa . · Relación clasificada dos gastos realizados: Documento descargable en SUBTEL e que se xera automaticamente unha vez rexistrados os gastos realizados con cargo á subvención no apartado correspondente da xustificación. No rexistro dos gastos realizados figurará a identificación da persoa acredora e o seu NIF, o tipo de documento no que se documentou o gasto e a súa data, o importe imputado e, se é o caso, o efectivamente pagado, así como, se procede, os posibles descontos fiscais. En cada gasto rexistrado deberá anexarse a factura ou documento xustificativo correspondente ao dito gasto. · Relación dos ingresos de natureza pública ou privada obtidos para a mesma finalidade, con indicación do seu importe e procedencia, así coma dos propios ingresos que xere a actividade subvencionada ou, pola contra, manifestación de que non se obtiveron outros ingresos para a mesma finalidade · Declaración da entidade indicando se está ou non exenta do IVE e se está suxeita á regra de rateo a porcentaxe deducible, xa que só poderá terse en conta o cargo co dito imposto cando sexa soportado pola entidade e na porcentaxe que non fora deducible. · Proba documental dos medios polos que se lle deu publicidade á subvención concedida e do uso da lingua galega. · No caso de contratar cunha mesma empresa subministracións por máis de 15.000 € (IVE excluído) ou obras por máis de 40.000 € (IVE excluído), deberá achegar os tres orzamentos solicitados e a xustificación da elección cando a oferta seleccionada non sexa a máis ventaxosa económicamente. · Autorizacións ou licenzas preceptivas, cando as normas específicas o requiran. · Certificacións das administracións tributarias correspondentes e da Tesourería da Seguridade Social nas que se acredite que a entidade está ao corrente nas súas obrigas tributarias e coa Seguridade Social. Poderá omitirse a presentación desta documentación sempre que autorice expresamente na Plataforma SUBTEL a consultas tributarias e non se opoña á consulta de datos da Seguridade Social. · Documentación adicional no caso de equipamentos: - Certificación da recepción do equipamento, detallando os bens adquiridos e indicando que se incluíron no libro do inventario da entidade. - Facturas do equipamento. - Fotografía do equipamento. · Documentación adicional no caso de obras: - Autorizacións o licenzas preceptivas, no seu caso. - Acta de recepción da obra, identificando as obras realizadas. - Fotografía da obra, - Proxecto técnico ou memoria valorada, cando as normas específicas o requiran. - Certificacións de obra subscrita por técnico colexiado competente, no suposto de obra maior. - Facturas da obra. · Documentación adicional no caso de que a entidade non estea dada de alta na base de datos de terceiros da Deputación provincial da Coruña ou teña intención de asignar unha nova conta bancaria : - Designación de conta bancaria da entidade no modelo aprobado pola Deputación da Coruña, asinado co certificado de representación da entidade. - Certificado acreditativo da titularidade da conta, emitido e asinado electronicamente pola entidade bancaria correspondente ou asinado co certificado de representación da entidade solicitante. · Acreditación do rexistro efectivo e autorizacións correspondentes, ás que se refire a Base 3, no caso de non telo acreditado con anterioridade. No caso de programas de intervención ou tratamento integral do recollidos no código EV-1 (Prevención, sensibilización e atención integral ante as violencias machistas) a entidade deberá achegar un informe técnico municipal de cada un dos concellos onde realizou as actuacións, no que acredite como informou e como se coordinou co concello, explicando ademais como levou a cabo as accións, de acordo co establecido na base 7.3. A entidade deberá presentar a documentación esixida segundo os modelos que figuran na plataforma SUBTEL. Poderase requirir calquera outra documentación complementaria para a tramitación da xustificación de acordo con estas bases. A Coruña, o 6 de novembro de 2026. Presidente da Deputación Provincial da Coruña Secretario xeral [nombre omitido] 2026/7304Antzeko prozesuak
Erakunde beretik
Técnico/a de administración general
Escala de administración xeral
Aprobación da modificación das bases reguladoras do Plan provincial de cooperación ás obras e servizos de competencia municipal (Plan...
Escala de administración especial
Enplegu publikoa eta oposizioak (Diputación Provincial de A Coruña) (4 zabalik) →
Oposizio gehiago
Ohiko galderak
- Non aurkezten da eskabidea?
- Eskabidea erakunde deitzailearen egoitza elektronikoan edo erregistroan aurkezten da, argitalpen ofizialeko urratsei jarraituz.
- Nola sartzen da?
- Langile mota: Funtzionarioa.
