Escala de Administración Especial

ANUNCIO Convocatoria e bases xerais reguladoras do proceso selectivo para a cobertura en propiedade, dunha praza de POLICÍA LOCAL (funcionario/a de carreira) polo sistema de mobilidade, en desenvolvemento da OPE 2026 (Expediente 2026 PSEL000035). A Xunta de Goberno Local, en sesión celebrada na data 22/10/2026, acordou aprobar as bases que a continuación se transcriben para cubrir en propiedade, polo sistema de mobilidade, unha praza de POLICÍA LOCAL (persoal funcionario de carreira) en desenvolvemento da Oferta de Emprego Público do ano 2026. Como se indica na Base 5ª, as solicitudes para tomar parte neste proceso selectivo faranse mediante instancia que se presentará durante o prazo de VINTE (20) DÍAS NATURAIS, que se iniciará o día seguinte ó da publicación do anuncio da convocatoria no BOLETÍN OFICIAL DO ESTADO. Os sucesivos actos e comunicacións que se deriven da celebración deste proceso selectivo faranse públicos de conformidade co disposto na Base 6ª. Contra as presentes bases e o acordo que as aproba, que pon fin á vía administrativa, poderase interpoñer recurso contencioso-administrativo ante o Tribunal de Instancia da Sección do Contencioso-Administrativo de Santiago de Compostela, no prazo de dous meses, contado desde o día seguinte ó da súa publicación. Con carácter potestativo e previo, poderá interpoñer recurso de reposición ante o mesmo órgano que adoptou o acordo de aprobación, no prazo de un mes, contado desde o día seguinte ó da súa publicación. Neste caso, non se poderá interpoñer o recurso contencioso-administrativo ata que se resolva expresamente ou se produza a desestimación presunta do recurso de reposición interposto. Neste último suposto, o prazo para a interposición do recurso contencioso-administrativo será de seis meses, contado desde o día seguinte a aquel no que se produza a desestimación presunta do recurso de reposición interposto. Todo iso sen prexuízo de que poida exercitar calquera outro que estime procedente. BASES DA CONVOCATORIA, PARA A PROVISIÓN EN PROPIEDADE, DUNHA PRAZA DE POLICÍA LOCAL (FUNCIONARIO DE CARREIRA) POLO SISTEMA DE MOBILIDADE E POLO PROCEDEMENTO DE CONCURSO. OPE 2026. A presente convocatoria constitúe o desenvolvemento da Oferta de Emprego Público deste Concello para o ano 2026, aprobada por Decreto da Alcaldía de data 26/06/2026 e publicada no DOG número 151 do 12/08/2026 e no BOP da Coruña número 122 do 01/07/2026, e réxese polas seguintes normas: 1ª.- OBXECTO DA CONVOCATORIA. É obxecto desta convocatoria garantindo o disposto no artigo 43.2 da Lei 4/2007, do 20 de abril, de Coordinación de Policías Locais, a provisión por mobilidade dunha praza de POLICÍA, pertencente ó cadro de persoal de funcionarios de carreira, encadrada na escala de Administración Especial, subescala de servicios especiais, escala básica, categoría policía, grupo “C1”. As retribucións básicas, complementarias e extraordinarias que corresponden ó posto de traballo, por tódolos conceptos, son as que figuran no orzamento municipal aprobado para o actual exercicio económico, coas actualizacións que procedan para as seguintes anualidades, no seu caso. 2ª.- SISTEMA DE PROVISIÓN. Establécese para a súa provisión o sistema de concurso de méritos mediante o procedemento de mobilidade horizontal para permitir o acceso dende outros corpos da Policia Local da Comunidade Autónoma de Galicia. O proceso de provisión por mobilidade efectuarase polo sistema de concurso, de conformidade co baremo de méritos que se recolle na base novena, que non terá carácter eliminatorio e consistirá na valoración, por parte do tribunal, dos méritos que concorran nas persoas aspirantes. 3ª REQUISITOS DAS PERSOAS ASPIRANTES. 3.1 . Para tomar parte no proceso de mobilidade, os/as aspirantes deberán reunir os seguintes requisitos: a) Estar en situación administrativa de servizo activo na categoría de policía noutros corpos da Policía Local da Comunidade Autónoma de Galicia. b) Ter unha antigüidade mínima de tres anos na categoría de policía. c) Levar mais de tres anos de tempo efectivo e continuado no actual destino. d) Non atoparse en situación administrativa de segunda actividade, agás os casos de segunda actividade por embarazo ou lactación. e) Estar en posesión do título de bacharel ou técnico. Así mesmo, observarase o establecido na Orde EDU/1603/2009, do 10 de xuño, pola que se establecen equivalencias cos títulos de graduado en educación secundaria obrigatoria e de bacharelato regulados na Lei Orgánica 2/2006, do 03 de maio, de educación. No caso de titulacións obtidas no estranxeiro, deberán posuír o documento que acredite fidedignamente a súa homologación ou a credencial de recoñecemento do título para efectos profesionais. f) Non ter sido separado mediante expediente disciplinario do servizo de ningunha Administración pública ou dos órganos constitucionais ou estatutarios das comunidades autónomas, nin atoparse na situación de inhabilitación absoluta ou especial para o desempeño de empregos ou cargos públicos por resolución xudicial, cando se trate de acceder ao corpo ou escala de persoal funcionario do cal a persoa foi separada ou inhabilitada. 3.2. Os requisitos das persoas aspirantes establecidos no punto anterior desta base acreditaranse da seguinte forma: a) Os establecidos nos apartados a), b), c) e d), do punto anterior mediante certificación expedida polo concello no que o/a aspirantes presta os seus servizos. b) O establecido no apartado e) do punto anterior mediante copia do título oficial esixido para a participación neste proceso de provisión, e, no seu defecto, xustificante de ter efectuado o depósito para obtelo (no caso de titulacións expedidas por organismos estranxeiros deberá achegarse a certificación do Ministerio con competencias en materia de educación en que se faga constar a súa equivalencia coa esixida para o acceso). c) O establecido no apartado f) do punto anterior mediante declaración xurada da persoa aspirante. 3.3. Todos estes requisitos deberán acreditalos na data en que remate o prazo de presentación de instancias da convocatoria correspondente. 4ª.- DEREITOS DE EXAME. As persoas aspirantes deberán ingresar a cantidade de 16,23 euros, de conformidade co disposto no artigo 6, epígrafe 5 da Ordenanza Fiscal reguladora da taxa pola expedición de documentos e pola participación en procedementos administrativos, que será devolta unicamente nos supostos establecidos na referida Ordenanza Fiscal. O dito importe poderase facer efectivo mediante autoliquidación: - Presencial, na oficina de atención cidadá sita na planta baixa do Auditorio Municipal situado na Praza dos Mariñeiros (horario de atención ao público de luns a venres de 9:00 a 14:00 horas, horario de verán de 9:00 a 13:30 horas). - Vía web, na sede electrónica do Concello de Ribeira, no apartado TRÁMITES DESTACADOS-AUTOLIQUIDACIÓNS, seleccionando as seguintes opcións: · Tributo: Dereitos de exame · A liquidar: Grupo C ou asimilado · Observacións: Nome da praza á que se opta O pago da autoliquidación soamente se pode realizar: “ Pagar on line ”, ou “ Imprimir recibo ” e efectuar o ingreso en calquera das seguintes entidades financeiras: ABANCA, BBVA, CAIXABANK, BANCO SABADELL ou BANCO SANTANDER. En ningún caso a presentación e pago da taxa por dereito de exame suporá a substitución do trámite de presentación da instancia. 5ª.- PRESENTACIÓN DE SOLICITUDES. As solicitudes para tomar parte neste proceso selectivo faranse mediante instancia dirixida ao señor/a Alcalde/sa, en modelo que se engade como ANEXO I, nas que se fará constar que se reúnen todos e cada un dos requisitos establecidos na base terceira desta convocatoria. As ditas solicitudes presentaranse no Rexistro Xeral do Concello (de luns a venres de 9:00 a 14:00 horas) durante o prazo de VINTE DÍAS NATURAIS, que se iniciará o día seguinte ó da publicación do anuncio da convocatoria no Boletín Oficial do Estado. Tamén se poderán presentar na forma que determina o artigo 16.4 da Lei 39/2015, do 1 de outubro, do Procedemento Administrativo Común das Administracións Públicas, así como a través da sede electrónica do Concello de Ribeira ( https://sede.ribeira.gal ). Xunto coa solicitude para tomar parte neste proceso selectivo, que deberá ir debidamente cuberta e asinada, os/as aspirantes deberán achegar, inescusablemente, a seguinte documentación: a) Fotocopia do DNI. b) Xustificante do ingreso dos dereitos de exame. c) Certificado acreditativo no que conste que se cumpran os requisitos contemplados na base 3, apartado 3.1, letras a), b), c) e d). d) Relación dos méritos que se acrediten por cada un dos apartados de que conste o concurso. e) Copia da documentación acreditativa dos méritos alegados. A documentación acreditativa dos méritos deberase presentar na orde en que figura cada un dos méritos na relación dos mesmos. Non se terán en conta nin serán valorados aqueles méritos que non estean acreditados na forma indicada. Tampouco se terán en conta aqueles méritos que non se acrediten suficientemente no momento de rematar o prazo de presentación de instancias. Para que teñan validez neste proceso selectivo, os documentos que se presenten deberán estar expedidos nalgunha das linguas oficiais na Comunidade Autónoma de Galicia (galego ou castelán). No caso de se tratar de documentos expedidos noutras Comunidades Autónomas do Estado Español, para que teñan validez deberán estar redactados na lingua castelá ou traducidos polo organismo competente da respectiva comunidade, debidamente validados e apostilados polo organismo competente. Coa presentación da instancia para tomar parte no proceso selectivo entenderase que os interesados aceptan e acatan todas e cada unha das Bases desta convocatoria. 6ª.- PUBLICIDADE, PRESENTACIÓN, NOTIFICACIÓNS E COMUNICACIÓNS. As presentes Bases publicaranse no BOP, e a convocatoria correspondente ás mesmas, efectuarase a través de anuncios no BOP, DOG e BOE, conxuntamente coa súa publicación no taboleiro de anuncios do Concello (sede electrónica). As demais comunicacións que deban efectuarse o serán a través do BOP e taboleiro de anuncios (sede electrónica). As relativas a resolución ou actos do Tribunal faranse públicas a través do taboleiro de anuncios (sede electrónica). A presentación de instancias faranse a través do rexistro municipal, ou a través de calquera dos xeitos admitidos na lexislación xeral de procedemento administrativo, tal e como se especifica na Base 5ª desta Convocatoria. A información de carácter persoal contida nas publicacións que se realicen será posible baixo a consideración de que os aspirantes, coa sinatura da instancia solicitando participar no proceso selectivo, se someten e aceptan todo o clausulado establecido na presente convocatoria e bases reguladoras. Os restantes usos dos datos persoais contados nas solicitudes serán de carácter interno e uso restrinxido. 7ª.- ADMISIÓN DOS/AS ASPIRANTES. Unha vez rematado o prazo de presentación de instancias, a Alcaldía ditará Resolución no prazo máximo dun mes, declarando aprobada a lista provisional de aspirantes admitidos/as e excluídos/as, con indicación, se é o caso, das causas de exclusión. Esta resolución publicarase no Boletín Oficial da Provincia e no taboleiro de anuncios do Concello (sede electrónica). Os/as aspirantes excluídos/as dispoñen dun prazo de 10 días hábiles, contado desde o seguinte ó da publicación da antedita resolución no Boletín Oficial da Provincia, para poderen emendar, de ser o caso, o defecto que motivou a exclusión e presentar nova documentación. Posteriormente, o/a Alcalde/sa declarará aprobada a lista definitiva de admitidos/as e excluídos/as, que se publicará no Boletín Oficial da Provincia, e no taboleiro de anuncios do Concello (sede electrónica). Na mesma resolución, o/a Alcalde/sa determinará o lugar, data e hora do comezo do proceso selectivo, así como a composición do órgano de selección. 8ª.- TRIBUNAL CUALIFICADOR. De conformidade co disposto no artigo 34 da Lei 4/2007, do 20 de abril, de coordinación de policías locais, os órganos de selección serán designados pola alcaldía correspondente de acordo cos seguintes principios: 1. Os órganos de selección serán colexiados e a súa composición haberá de axustarse ós principios de imparcialidade e profesionalidade das persoas que os integren, tendéndose, así mesmo, á paridade entre muller e home. 2. Non poderá formar parte dos órganos de selección o persoal de elección ou de designación política, o persoal interino ou persoal laboral temporal e o persoal eventual, nin tampouco as persoas que nos cinco anos anteriores á publicación da convocatoria realizaran tarefas de preparación de aspirantes a probas selectivas ou colaboraran durante ese período con centros de preparación de opositores. 3. A pertenza ós órganos de selección será sempre a título individual, sen que poida ostentarse esta en representación ou por conta de ninguén. 4. Ós órganos de selección estarán constituídos por cinco persoas titulares e cinco suplentes, presidente/a, tres vogais e secretario/a. 5. Os membros dos órganos de selección deben pertencer a un corpo, escala ou categoría profesional para o ingreso no cal se requira unha titulación de nivel igual ou superior ó esixido para participar no proceso selectivo. En canto á composición paritaria do Tribunal, teranse en conta os termos de esixencia que, ao respecto, resultan do artigo 152 da Lei 7/2023, do 30 de novembro, para a igualdade efectiva de mulleres e homes de Galicia. O Tribunal de selección poderá dispoñer de persoas asesores especialistas para as probas, que serán nomeados pola Alcaldía-Presidencia, así como de persoal de soporte e apoio que sexa necesario para o correcto desenvolvemento do proceso selectivo. Os asesores especialistas colaborarán co órgano de selección exclusivamente no exercicio das súas especialidades técnicas sen que sexan integrantes do tribunal, correspondéndolle o asesoramento e ilustración do parecer dos seus membros. A súa composición farase pública na mesma resolución da Alcaldía pola que se aproba a lista definitiva de aspirantes admitidos/as e excluídos/as. Os membros do Tribunal deberán absterse de intervir, notificándoo á autoridade convocante, cando concorra algunha das circunstancias previstas nos artigos 23 e 24 da Lei 40/2015, do 1 de outubro, do Réxime Xurídico do Sector Público. Igualmente, os/as aspirantes poderán recusar aos membros do Tribunal cando concorra algunha das circunstancias a que se refire o parágrafo anterior. O Tribunal non poderá constituírse nin actuar sen a asistencia de máis da metade dos seus membros (sexan titulares ou suplentes indistintamente). En todo caso, será precisa a asistencia do/a Presidente/a e do/a Secretario/a. Todos os membros do Tribunal Cualificador que se designen para xulgar as respectivas probas selectivas actuarán con voz e voto. As decisións do Tribunal Cualificador, adoptaranse por maioría de votos dos membros presentes, resolvendo, en caso de empate, o voto de calidade do/a seu/súa Presidente/a. O Tribunal Cualificador queda autorizado para resolver as dúbidas que se presenten e para tomar os acordos necesarios para a boa orde do proceso selectivo, en todo o non previsto nestas Bases. Ós efectos de percepción de dietas por asistencias por parte dos membros concorrentes ás sesións que celebre o Tribunal Cualificador, estarase ao disposto nos artigos 29 e seguintes do Real Decreto 462/2002, do 24 de maio, sobre indemnizacións por razón do servizo. Contra os actos do Tribunal Cualificador poderase interpoñer o seguinte recurso: Contra as propostas finais dos/as aspirantes aprobados e, en xeral, contra os actos de trámite, si estes últimos deciden, directa ou indirectamente, o fondo do asunto, determinan a imposibilidade de continuar o procedemento, producen indefensión ou prexuízo irreparable a dereitos e intereses lexítimos, e que no esgoten a vía administrativa, poderase interpoñer recurso de alzada en base ao artigo 121 da Lei do Procedemento Administrativo Común das Administracións Públicas ante o Sr. Alcalde-Presidente, no prazo dun mes a contar desde o día seguinte o da súa notificación, ou da súa publicación no taboleiro de anuncios do Concello de Ribeira (sede electrónica). Transcorridos tres meses desde a interposición sen que recaia resolución, poderase entender desestimado o recurso, quedando expedita a vía do recurso contencioso-administrativo, e todo elo sen prexuízo de que se poida exercitar calquera outro que estime pertinente. 9ª.- DESENVOLVEMENTO DO PROCESO SELECTIVO. O procedemento de selección no sistema de mobilidade será o de concurso de méritos, que consiste na comprobación, avaliación e cualificación dos méritos alegados e xustificados, se é o caso, polos/as aspirantes, de acordo co baremo que se recolle a continuación e determinado no Anexo III da Orde do 28 de xaneiro de 2009 pola que se determinan as probas de selección, temarios e baremos de méritos para o ingreso, promoción interna e mobilidade nos corpos de policías locais, para a integración dos vixilantes e auxiliares de policía ou interinos, para o acceso como vixilantes municipais e a contratación de auxiliares de policía de tempada, que non terá carácter eliminatorio. Ao ser este procedemento de concurso de méritos o único procedemento empregado, a puntuación final de cada aspirante consistirá na suma das cualificacións dos méritos totais, sen limitación, adxudicándolle a praza ofertada, ó/á aspirante con puntuación máis alta. Soamente se terán en conta os documentos acreditativos que as persoas aspirantes presentaran ata o peche do prazo de presentación de solicitudes, sen que se poidan presentar méritos en período de alegacións. Non se tomarán en consideración nin serán valorados os méritos que non queden debidamente acreditados en todos os seus aspectos no momento da finalización do prazo de presentación de instancias. A. Titulacións académicas oficiais. · Título universitario de posgraduado, doutor ou equivalente: 3,00 puntos. · Título universitario de grao, licenciado, enxeñeiro ou equivalente: 2,00 puntos. · Técnico superior, diplomado universitario, enxeñeiro técnico, arquitecto técnico, diplomado superior en criminoloxía, ciencias policiais ou equivalente: 1,50 puntos. · Bacharel, técnico ou equivalente: 0,50 puntos. Non se valorará a titulación requirida para o acceso á categoría a que se aspira, agás que se posúa máis dunha. Tampouco se terán en conta, para os efectos de valoración, as titulacións necesarias ou as que se empregasen como vía de acceso para a obtención dunha titulación superior xa valorada. Para os efectos de equivalencia de titulación só se admitirán as recoñecidas polo ministerio competente na materia como títulos académicos de carácter oficial e validez en todo o territorio nacional, debendo achegarse a correspondente declaración oficial de equivalencia, ou disposición na que se estableza a mesma e, se é o caso, o BOE en que se publica. Só se valorarán os títulos antes citados, non os cursos realizados para a súa obtención. B. Antigüidade. · Por cada ano de servizos, ou fracción superior a seis (6) meses, prestados nos corpos de policía local: 0,20 puntos. · Por cada ano de servizos, ou fracción superior a seis (6) meses, prestados noutros corpos e forzas de seguranza: 0,10 puntos. · Por cada ano de servizos, ou fracción superior a seis (6) meses, prestados noutros corpos das administracións públicas: 0,05 puntos. Para os efectos de valoración da antigüidade só serán tidos en conta os servizos prestados como funcionario/a de carreira. C. Formación e docencia. C.1. Formación profesional continua: C.1.1. Os cursos de formación profesional ou outras actividades formativas desenvoltas directamente pola Academia Galega de Seguridade Pública, ou mediante convenios ou protocolos de colaboración con concellos, deputacións e outras entidades públicas, serán valorados de acordo ao seguinte baremo: · Cada hora presencial en actividades con exame de aproveitamento: 0,025 puntos. · Cada hora a distancia en actividades con exame de aproveitamento: 0,020 puntos. · Cada hora en actividades formativas de asistencia presencial: 0,015 puntos. · Cada hora en actividades formativas de asistencia en formación en liña: 0,010 puntos. C.1.2. Os cursos de manifesto interese policial homologados pola Academia Galega de Seguridade Pública, superados nas universidades, administracións públicas ou a través dos plans de formación continua, serán valorados de acordo ao seguinte baremo: · Ata 20 horas lectivas: só asistencia 0,20 puntos; aproveitamento 0,30 puntos. · Entre 21 e 40 horas lectivas: só asistencia 0,35 puntos; aproveitamento 0,50 puntos. · Entre 41 e 70 horas lectivas: só asistencia 0,45 puntos; aproveitamento 0,65 puntos. · Entre 71 e 100 horas lectivas: só asistencia 0,50 puntos; aproveitamento 0,75 puntos. · Entre 101 e 200 horas lectivas: só asistencia 0,75 puntos; aproveitamento 1,00 punto. · Máis de 200 horas lectivas: só asistencia 1,00 punto; aproveitamento 1,30 puntos. Non se terán en conta, para os efectos de valoración: os cursos obrigatorios que formen parte do proceso de selección para o acceso a calquera categoría ou emprego dos corpos e forzas de seguranza; os cursos repetidos, salvo que transcorrese un período superior a cinco anos desde a finalización do primeiro curso e os cursos necesarios para a obtención das titulacións xa valoradas no apartado A (Titulacións académicas), nin a superación de materias deles. C.2. Docencia: C.2.1. A participación como profesor/a en cursos ou outras actividades formativas desenvoltas directamente pola Academia Galega de Seguridade Pública, ou mediante convenios ou protocolos de colaboración con concellos, deputacións e outras entidades públicas, dirixidos en particular aos corpos de policía local, ou tamén ao colectivo das forzas e corpos de seguranza, valoraranse por hora impartida a razón de: · Cada hora en actividades formativas de asistencia presencial: 0,020 puntos. · Cada hora en actividades de formación en liña: 0,015 puntos. C.2.2. A participación como profesor/a en cursos ou outras actividades formativas de manifesto interese policial dirixidos en particular aos corpos de policía local, ou tamén ao colectivo das forzas e corpos de seguranza, desenvolvidos nas universidades, administracións públicas ou a través dos plans de formación continua, valoraranse por hora impartida a razón de: · Cada hora en actividades formativas de asistencia presencial: 0,015 puntos. · Cada hora en actividades de formación en liña: 0,010 puntos. O mesmo curso impartido en máis dunha ocasión só computará unha vez, agás que transcorrese un período superior a cinco anos desde a súa impartición. Os méritos deste epígrafe deberán acreditarse mediante a presentación dos diplomas ou certificados correspondentes, que expresarán claramente os contidos xerais e as horas de formación ou docencia, se é o caso. D. Distincións e recompensas oficiais. · Placa individual ao mérito da policía local: 2,00 puntos. · Placa colectiva ao mérito da policía local: 1,5 puntos. · Medalla ao mérito da policía local: 1,00 punto. · Medalla ou cruz ao mérito policial doutros corpos: 0,75 puntos. · Distincións do órgano colexiado competente do concello: 0,25 puntos. E. Idiomas. O coñecemento doutro idioma distinto do español e do galego, acreditado por certificado de escola oficial de idiomas, valorarase a razón de: a) Ciclos. · Certificado de superación do ciclo elemental: 1,00 punto. · Certificado de superación do ciclo superior: 2,00 puntos b) Niveis. · Certificado superación nivel básico: 0,65 puntos. · Certificado superación nivel intermedio: 1,30 puntos. · Certificado superación nivel avanzado: 2,00 puntos. Só se terá en conta o ciclo ou nivel de máis valor dos que se acrediten. F. Lingua galega. · Celga 1: 0,25 puntos. · Celga 2: 0,50 puntos. · Celga 3: 0,75 puntos. · Celga 4: 1,00 punto. · Anterior curso de iniciación: 0,75 puntos. · Anterior curso de perfeccionamento: 1,00 puntos. · Linguaxe administrativa nivel medio: 1,50 puntos. · Linguaxe administrativa nivel superior: 2,00 puntos Só se terá en conta o título de máis nivel dos que se acrediten. No proceso de valoración poderá recabarse formalmente dos/as interesados/s as aclaracións, ou no seu caso, a documentación adicional que se estime necesaria para a comprobación dos méritos alegados. A puntuación obtida por cada candidato/a publicarase no taboleiro de anuncios do Concello de Ribeira (sede electrónica). Contra a valoración provisional, as persoas aspirantes que o consideren oportuno poderán presentar reclamacións ante o propio tribunal no prazo de cinco (5) días hábiles contados a partir do día seguinte ó da súa publicación. Á vista das reclamacións que se presenten, e no caso de ser estimadas, realizaranse as oportunas correccións na valoración e procederase á publicación definitiva no taboleiro de anuncios do Concello de Ribeira (sede electrónica). Cando das reclamacións efectuadas ou de detectar de oficio o tribunal algún erro na puntuación doutra persoa aspirante diferente á reclamante, notificaráselle tal circunstancia á persoa interesada, outorgándolle un prazo de cinco días hábiles para que, si o desexa, efectúe alegacións ó respecto, con carácter previo á publicación da valoración definitiva. No caso de producirse empate nas puntuacións finais obtidas por dúas ou máis persoas aspirantes, aplicaranse os seguintes criterios de prelación ata que se produza o desempate: a) Preferencia pola muller, mentres se manteña a infrarrepresentación do sexo feminino, nos termos expresados no artigo 153 da Lei 7/2023, do 30 de novembro, para a igualdade efectiva de mulleres e homes de Galicia, segundo o cal o empate resolverase a favor da muller b) Maior antigüidade na categoría e, de persistir o empate e resultar posible, na categoría inmediata inferior, e así de xeito sucesivo. c) Puntuación máis alta referida ós méritos no apartado de formación e docencia. d) Posesión de titulación académica de maior nivel. e) Sorteo. No caso de persistir o empate despois da aplicación dos criterios anteriores, realizarase un sorteo entre as persoas aspirantes, cuxa realización anunciarase, para a posible presenza dos/as aspirantes afectados/as, sinalando o lugar, día e hora da súa celebración, mediante anuncio publicado no taboleiro de anuncios do Concello de Ribeira (sede electrónica), cunha antelación mínima de 48 horas. 10ª.- PROPOSTA DE ADXUDICACIÓN DA PRAZA OFERTADA E LISTA DE RESERVA. Ó/á aspirante coa puntuación máis alta, adxudicaráselle o posto ofertado. A este respecto, o tribunal proporá ó órgano convocante e fará pública a relación das persoas aspirantes que serán propostas para a adxudicación dos postos convocados, por orde decrecente de puntuación, cuxo número máximo deberá coincidir co de postos convocados. En ningún caso poderá o tribunal, propoñer a adxudicación de postos a un número de aspirantes superior ao de postos convocados por mobilidade. Calquera proposta de adxudicación de postos que contraveña o establecido será nula de pleno dereito. O tribunal poderá declarar desertos aqueles postos obxecto da presente convocatoria que non resulten cubertos na súa finalización por non solicitar a participación no proceso de provisión por mobilidade un número suficiente de aspirantes. O tribunal elaborará, tamén por orde decrecente de puntuación, unha lista de reserva, cun número de aspirantes que será como máximo igual ou de propostos como adxudicatarios/as, en que figurarán aqueles/as aspirantes que, aínda que sexan admitidos/as ao proceso de provisión, non resulten propostos/as como adxudicatarios/as por obter unha puntuación de ordinal inferior ao número de postos convocados. En todo caso, de conformidade co artigo 40 do Decreto 15/2023, do 12 de xaneiro, polo que se desenvolve a Lei 4/2007, do 20 de abril, de coordinación de policías locais, o persoal funcionario que participe simultaneamente neste proceso de mobilidade e noutro ou mais procesos de mobilidade horizontal está suxeito as seguintes obrigas: 1. Comunicar a cada concello afectado a súa participación en procesos idénticos noutros concellos, de xeito que se poida ter en conta esta circunstancia por cada concello, no suposto de resultar seleccionado, antes de ditar a proposta de resolución do proceso de mobilidade horizontal. 2. Comunicarlle por escrito ao concello en que non vaia tomar posesión, antes da proposta de resolución do proceso de mobilidade horizontal, a renuncia a ela. No caso de renuncia, falecemento, falta de xustificación dos requisitos para o nomeamento ou adxudicación dos postos, incapacidade absoluta sobrevida, ou outros supostos en que o/a aspirante proposto/a como adxudicatario/a non chegue a tomar posesión deberá substituílo polo/a seguinte na orde de puntuación da lista complementaria de reserva, segundo a orde de puntuación acadada. En todo caso, os destinos adxudicados no concurso son irrenunciables, agás que con anterioridade á finalización do prazo posesorio se tivese obtido outro destino mediante convocatoria pública, sempre que ese outro destino se obtivese con posterioridade á proposta de resolución deste proceso. Neste caso, deberase optar e comunicar a opción elixida. Unha vez comunicada esta circunstancia a este Concello, poderá tomar posesión da outra praza obtida en paralelo noutra convocatoria pública. O tribunal, realizará neste suposto unha segunda, e, no seu caso, sucesivas propostas, en favor da persoa candidata que houbese obtido a seguinte mellor cualificación no concurso. A relación de propostos/as como adxudicatarios/as publicarase no taboleiro de anuncios do Concello de Ribeira (sede electrónica). 11ª.- ACHEGA DE DOCUMENTOS POLOS/AS ASPIRANTES PROPOSTOS/AS POLO TRIBUNAL CUALICADOR. A relación de propostos/s como adxudicatarios/as, publicada conforme á base décima conterá unha advertencia recordándolles os/as aspirantes propostos/as que deberán presentar, no rexistro do Concello de Ribeira, dentro do prazo de 20 días hábiles, contados a partir do día seguinte á devandita publicación, copia dos documentos acreditativos que se sinala a continuación: · Número de afiliación á seguridade social. · Certificado de conta bancaria da que sexa titular e no que aparezan tódolos dixitos da referida conta. Agás causa de forza maior, se dentro do prazo indicado os/as aspirantes propostos/as non presentasen a documentación ou non reunisen os requisitos esixidos, non poderán ser nomeados/as nin adxudicados/as nos postos, se prexuízo das responsabilidade en que poidan incorrer por falsidade. Neste caso procederase de conformidade coa base décima. 12ª.- NOMEAMENTO E TOMA DE POSESIÓN. Recibida a proposta de aspirantes propostos/as polo tribunal, e unha vez achegada a documentación sinalada na base anterior, a Alcaldía ditará resolución de nomeamento como funcionario/a de carreira do Concello de Ribeira do/a aspirante proposto/a, notificándollo a tal efecto. Esta resolución da alcaldía publicarase no Boletín Oficial da Provincia. As persoas adxudicatarias cesarán no prazo de cinco días seguintes á publicación da resolución da alcaldía no Boletín Oficial da Provincia, e tomarán posesión no prazo dos dez días seguintes ao cesamento. O Concello de procedencia das persoas adxudicatarias faranse cargo das retribucións ata o día de cesamento incluído, e este Concello a partir dese momento. En todo caso, os prazos para as datas do cesamento e da toma de posesión comezarán a contar unha vez que rematen os permisos ou licenzas que tivese concedidos ás persoas interesadas. Nos supostos de incapacidade temporal, o cómputo do prazo para a toma de posesión iniciarase a partir da correspondente alta. Non obstante, no caso de licenzas ou permisos vinculados ao embarazo, parto e posparto, nacemento de fillo/a, adopción, garda con fins de adopción ou acollemento, a persoa funcionaria poderá cesar no posto que ocupa con carácter definitivo e tomar posesión no posto adxudicado no concurso, e continuará o desfrute do permiso ata a súa finalización. O persoal funcionario que ocupe prazas ofertadas por mobilidade horizontal quedará na súa administración de orixe na situación de servizos noutras administracións públicas. O destino adxudicado será irrenunciable, agás que con anterioridade á finalización do prazo de toma de posesión se obteña outro destino mediante convocatoria pública sempre que ese outro destino se obtivese con posterioridade á proposta de resolución deste proceso, casos nos que se poderá optar entre os postos adxudicados, estando obrigados a comunicar por escrito a opción realizada ao Concello de Ribeira. Como o destino é irrenunciable nos termos expostos, é por esta causa pola que nos termos do artigo 93.2 da Lei 2/2015, de emprego público de Galicia, o persoal funcionario de carreira que non tome posesión do posto de traballo adxudicado no prazo establecido decaerá nos dereitos que lle poidan corresponder e o Concello de Ribeira, instará do órgano competente para elo, a súa declaración na situación de excedencia voluntaria por interese particular. 13ª.- NORM AS FINAIS Primeira.- As bases desta convocatoria vinculan á Administración municipal, ó tribunal cualificador e os/as aspirantes que participen no proceso selectivo convocado. O tribunal cualificador queda facultado para a interpretación das bases da convocatoria, así como para resolver cantas dúbidas e incidencias presente a súa aplicación. Para estes efectos poderá adoptar os acordos necesarios procurando a boa orde e desenvolvemento do proceso de provisión. Segunda.- Este proceso rexerase polo establecido nestas bases e para o non previsto estarase ó disposto na/o: a) Constitución Española. b) Lei 39/2015, do 01 de outubro, do procedemento administrativo común das administracións públicas. c) Lei 40/2015, do 01 de outubro, de réxime xurídico do sector público. d) Real Decreto Lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público. e) Lei 2/2015, do 29 de abril, de emprego público de Galicia. f) Lei 4/2007, do 20 de abril, de coordinación de policías locais. g) Decreto 15/2023, do 12 de xaneiro, polo que se desenvolve a Lei 4/2007, do 20 de abril, de coordinación de policías locais. h) Decreto 115/2017, do 17 de novembro, polo que se regula a cooperación da Administración xeral da Comunidade Autónoma de Galicia cos concellos na selección dos membros dos corpos da Policía Local, vixiantes municipais e auxiliares de policía local. i) Orde de 28 de xaneiro de 2009 pola que se determinan as probas de selección, temarios e baremos de méritos para o ingreso, promoción interna e mobilidade dos corpos de policías locais para a integración dos vixiantes e auxiliares de policía ou interinos, para o acceso como vixiantes municipais. Terceira.- Todos os actos administrativos derivados desta convocatoria, así como da actuación do tribunal, poderán ser impugnados polos/as interesados/as nos casos e na forma establecidos pola Lei de Procedemento Administrativo Común das Administracións Públicas e normas vixentes concordantes. A presentación de reclamacións non suspenderá a prosecución do proceso selectivo, salvo que así o decida o órgano convocante do mesmo. Cuarta.- Contra as presentes Bases e a resolución que as aproba, que pon fin á vía administrativa, poderase interpoñer RECURSO CONTENCIOSO-ADMINISTRATIVO ante o Tribunal de Instancia da Sección do Contencioso Administrativo de Santiago de Compostela, no prazo de dous meses (contado desde o día seguinte ó da publicación da convocatoria). Con carácter potestativo e previo poderá interpoñer RECURSO DE REPOSICIÓN ante o mesmo órgano que adoptou o acordo de aprobación, no prazo de un mes (contado desde o día seguinte ó da publicación da convocatoria). Neste caso non se poderá interpoñer o recurso contencioso-administrativo ata que se resolva expresamente ou se produza a desestimación presunta do recurso de reposición interposto. Neste último suposto, o prazo para a interposición do recurso contencioso-administrativo será de seis meses contado desde o día seguinte a aquel no que se produza a desestimación presunta do recurso de reposición interposto. ANEXO I: MODELO DE SOLICITUDE DATOS PERSOAIS APELIDOS E NOME: DNI: ENDEREZO: Rúa: Código Postal: Municipio: Provincia: Teléfono de contacto: Conta de correo electrónica [campo non obrigatorio] (*): DATOS DA PRAZA DENOMINACIÓN: POLICÍA LOCAL GRUPO: C1 CÓDIGO RPT: 09.132.00.06 EXPOÑO: Á vista da convocatoria do proceso selectivo para a cobertura, polo sistema de MOBILIDADE, da praza antes referida incluída na oferta de Emprego público do Concello de Ribeira para o ano 2026, publicada no BOP da Coruña número 122 de data 01/07/2026: DECLARO reunir todas e cada unha das condicións que se esixen nas bases da convocatoria e, así mesmo, declaro non padecer enfermidade nin defecto físico que impida o normal desenvolvemento das funcións correspondentes a dito posto e, non ter sido separado mediante expediente disciplinario do servizo de calquera das Administracións Públicas, nin estar inhabilitado para o desenvolvemento de funcións públicas por sentenza firme e co coñecemento e expresa aceptación de todos os termos da mesma. SOLICITO a miña participación no proceso de referencia de conformidade coas bases da convocatoria. Documentación que se achega xunto coa solicitude: · Xustificante do ingreso das taxas do proceso selectivo. · DNI · Certificado acreditativo no que consten que se cumpran os requisitos contemplados na base 3, apartado 3.1, letras a), b), c), e d). · Relación dos méritos. · Documentación acreditativa dos méritos alegados. · Outra (indicar): Lugar, data e sinatura: En Ribeira, a 22 de outubro de 2026. A alcaldesa, [nombre omitido]. 2026/6892