Escala básica

SARRIA Anucio Con data 09/10/2026 mediante decreto 2026-1583 o Alcalde de Sarria aprobou as bases para a cobertura de 1 praza do corpo de policía local. O prazo de presentación de instancias será de 20 días naturais a partir da publicación do anuncio da convocatoria no Boletín Oficial do Estado. BASES DO PROCESO SELECTIVO DA POLICÍA LOCAL PARA A CATEGORÍA DE POLICÍA. 1. OBXETO DA CONVOCATORIA. 1.2. O obxecto do proceso de acceso por oposición libre é cubrir unha praza dos corpos de Policía Local, escala básica, categoría de policía, subgrupo C1. 1.3. Estes procesos rexeranse polo establecido nestas bases e, para o non previsto, estarase ao disposto na Lei 4/2007, do 20 de abril, de coordinación de policías locais, no Decreto 15/2023, do 12 de xaneiro, que a desenvolve, na Orde do 28 de xaneiro de 2009 pola que se determinan as probas de selección, temarios e baremos de méritos para o ingreso, promoción interna e mobilidade nos corpos de policías locais, para a integración dos vixiantes e auxiliares de policía local ou interinos, para o acceso como vixiantes municipais e a contratación de auxiliares de policía de tempada, e no Decreto 115/2017, do 17 de novembro, polo que se regula a cooperación da Administración xeral da Comunidade Autónoma de Galicia cos concellos na selección dos membros dos corpos de policía local, vixiantes municipais e auxiliares de policía local. 2. REQUISITOS DAS PERSOAS ASPIRANTES 2.1. As persoas interesadas en participar no proceso de acceso por oposición libre deberán cumprir na data que finalice o prazo de presentación de solicitudes e manter os seguintes requisitos: a) Posuír a nacionalidade española. b) Ter feitos os dezaoito anos e non exceder, de ser o caso, a idade máxima establecida no artigo 56.1.c) do Rea decreto lexislativo 5/2015. c) Estar en posesión do título de bacharel ou técnico. Así mesmo, estarase ao establecido na Orde EDU/1603/2009, do 10 de xuño, pola que se establecen equivalencias cos títulos de graduado en educación secundaria obrigatoria e de bacharelato regulados na Lei orgánica 2/2006, do 3 de maio, de educación. No caso de titulacións obtidas no estranxeiro, deberán acreditar a súa homologación ou recoñecemento do título a efectos profesionais. d) Ser titular dos permisos de conducir das clases A2 e B. e) Non ser separado/a mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin acharse en inhabilitación absoluta ou especial para o desempeño de empregos ou cargos públicos por resolución xudicial, cando se trate de acceder ao corpo ou escala de persoal funcionario do cal a persoa fose separada ou inhabilitada. f) Carecer de antecedentes penais por delito doloso. g) Compromiso por escrito de portar armas durante o servizo e, no seu caso, chegar a utilizalas nos casos e circunstancias legalmente establecidos. h) Posuír a capacidade funcional necesaria para o desempeño das funcións propias dos corpos da policía local. 3. INSTANCIAS E PRAZOS DE PRESENTACIÓN. 3.1. As instancias solicitando tomar parte non proceso selectivo e/ou non proceso de cobertura da praza dirixiranse á Alcaldía-Presidencia. Presentaranse non rexistro xeral do Concello non modelo debidamente cumprimentado, ou na sede electrónica ou poderán presentarse en calquera dás formas determinadas no artigo 16 da Lei 39/2015, do 1 de outubro, do procedemento administrativo común dás administracións públicas. Ou prazo de presentación de instancias será de 20 días hábiles contados dende ou seguinte ao dá publicación do anuncio da convocatoria non Boletín Oficial do Estado (BOE), toda vez se teñan publicadas as presentes bases reguladoras non Boletín oficial da provincia da Lugo (BOP) e anuncio de convocatoria non Diario Oficial de Galicia (DOG). Complementariamente, as bases publicaranse na sede electrónica do Concello de Sarria https://sarria.sedelectronica.es, sen que tal publicidade sirva para determinación algunha de prazos de presentación de instancias. Para ser admitido/a e, non seu caso, tomar parte nas probas selectivas correspondentes, os /as aspirantes deberán manifestar nas súas solicitudes de participación que reúnen todas e cada unha dás condicións esixidas, referidas sempre ao día de expiración do prazo de presentación. 3.2. A participación neste proceso de selección é voluntaria e implica que se presta consentimento para realizar as probas e os exercicios psicotécnicos, aceptando que o resultado desas probas sexa empregado como factor de valoración, de conformidade co previsto nestas bases. 3.2.1. A instancia para a quenda de oposición libre acompañarase, inescusablemente, da seguinte documentación: - Documento Nacional de Identidade (no seu defecto, resgardo do DNI, pasaporte ou carné de conducir). - Titulación requirida. - Xustificante que acredite a posesión dos permisos de conducir das clases A2 e B. - Certificado de inexistencia de antecedentes penais. - Xustificante de ingreso das taxas por dereitos de exame. En ningún caso a presentación e pago da taxa por dereitos de exame suporá substitución do trámite de presentación de instancia. Asemade a ausencia de xustificante do abono dos dereitos de exame, dentro do prazo de presentación de instancias, non poderá ser obxecto de subsanación, determinando a exclusión do/a aspirante. O importe da taxa ascende á cantitdade de 24,00 € e deberá abonarse na conta ES4320800143363110000018 - Declaración responsable de portar armas e, de ser o caso, de chegar a utilizalas e de que non está inhabilitado/a ou en situación equivalente nin foi sometido/a a sanción disciplinaria ou equivalente que impida, nos mesmos termos, o acceso ao emprego público, conforme o modelo que figura como anexo IV desta convocatoria. 4. ADMISIÓN DE ASPIRANTES. 4.1. Lista provisional. Expirado o prazo de presentación de instancias o alcalde-presidente ou concelleiro/ delegado/a ditará, no prazo dun mes, resolución pola que se declarará aprobada a lista provisional dos/das aspirantes admitidos/as e excluídos/as, con indicación das causas de exclusión, de ser o caso. Indicaranse así mesmo, os/as candidatos/as que quedan eximidos da realización do exame de galego. Esta resolución publicarase no Boletín Oficial da Provincia, no taboleiro de anuncios e na sede electrónica do Concello de Sarria https://sarria.sedelectronica.es 4.2. Prazo de reclamacións. Os/as aspirantes non admitidos/as disporán dun prazo de dez días hábiles , contados desde o seguinte ao da publicación da lista provisional de admitidos/as e excluídos/as no Boletín Oficial da Provincia, co fin de emendar o defecto que motivara a súa non admisión ou a non exención da proba de coñecementos da lingua galega. Disporán do mesmo prazo de reclamación as persoas que, tendo presentado debidamente a solicitude de participación no proceso, non consten nin como admitidas nin como excluídas na relación publicada. Non se poderá emendar a presentación de solicitude fóra do prazo habilitado para este efecto, nin o non pagamento da taxa establecida. 4.3. Lista definitiva. Unha vez que remate o prazo de reclamacións, o alcalde-presidente ou concelleiro/a delegado/a ditará resolución na que se aprobará a lista definitiva de aspirantes admitidos/as e excluídos/as. Na mesma resolución establecerase o lugar, data e hora de celebración do primeiro exercicio. Esta resolución publicarase no Boletín Oficial da Provincia, no taboleiro de anuncios e na sede electrónica do Concello de Sarria https://sarria.sedelectronica.es 4.4. Comezado o proceso selectivo, a publicación dos sucesivos anuncios para a celebración de probas restantes, así como a listaxe dos/as aspirantes aprobados/as en cada exercicio, efectuarase no taboleiro da sede electrónica do Concello de Sarria https://sarria.sedelectronica.es 5. TRIBUNAL CUALIFICADOR 5.1. Na resolución de aprobación da listaxe definitiva, determinarase nominativamente a composición do tribunal cualificador, con titulares e suplentes, para xeral coñecemento, aos efectos dos supostos de abstención/recusación dos membros designados. 5.2. O tribunal cualificador nomearase de conformidade co artigo 55.1.c) e d) e artigo 60 do Real decreto lexislativo 5/2015, do 30 de outubro, polo que se aproba o texto refundido da lei do estatuto básico do empregado público e o artigo 34 da Lei 4/2007, de 20 de abril, de coordinación de policías locais, así como garantindo a competencia técnica e o principio de especialidade, o nivel de titulación igual ou superior ao esixido nesta convocatoria e a paridade na súa composición, de conformidade ao establecido na Lei orgánica 3/2007, do 22 de marzo, para a igualdade efectiva de mulleres e homes, e estará composto do seguinte xeito: - Presidente/a: persoal funcionario de carreira do Concello de Sarria ou doutra administración local (titular e suplente). - Secretaria/o: persoal funcionario de carreira do Concello de Sarria ou doutra administración local (titular e suplente). - Vogais: tres vogais funcionarios/as de carreira do Concello de Sarria ou doutra administración local (titulares e suplentes). Correspóndenlle ao tribunal as funcións relativas á determinación concreta do contido das probas, a cualificación das persoas aspirantes, a emisión de cantos informes lle sexan requiridos derivados da súa intervención no proceso selectivo, así como, en xeral, a adopción de cantas medidas sexan precisas na orde do correcto desenvolvemento das probas selectivas e resolución de incidencias. O tribunal poderá dispor da incorporación de asesores especialistas cando as circunstancias así o aconsellen, os que actuarán con voz e sen voto. Os membros do tribunal deberán absterse de intervir, notificándoo á autoridade convocante, cando concorran neles circunstancias das previstas no artigo 23 da Lei 40/2015, do 1 de outubro, de réxime xurídico do sector público. Así mesmo, os/as interesados poderán promover a recusación de acordo co sinalado no artigo 24 da citada norma. A persoa titular da presidencia deberalles solicitar aos membros do tribunal e, de ser o caso, ao persoal asesor e ao persoal auxiliar que incorpore aos seus traballos unha declaración expresa de non atoparse incursos en ningunha das circunstancias reflectidas no parágrafo anterior. 5.3. Publicarase no BOP a resolución correspondente pola cal se nomeen os novos membros do tribunal que substituirán os que perdesen a súa condición por algunha das causas previstas na base anterior. 5.4. O tribunal non se poderá constituír nin actuar sen a asistencia, cando menos, de tres dos seus membros, sendo preceptiva a asistencia do/da presidente/a e do/da secretario/a, titular ou suplente. 5.5. O tribunal queda autorizado para resolver cantas dúbidas e propostas poidan presentarse e para adoptar os acordos que garantan a boa orde da convocatoria, en todo o non previsto nas presentes bases e normativa aplicable. O procedemento de actuación do tribunal axustarase ao disposto na Lei 40/2015 de réxime xurídico do sector público. 5.6. Os acordos adoptados polo tribunal cualificador serán impugnables nos supostos e na forma establecida pola Lei 39/2015, do 1 de outubro, do procedemento administrativo común das administracións públicas. Os membros do tribunal terán dereito a asistencias pola súa participación nas sesións do tribunal de acordo co disposto no Real decreto 462/2002, do 24 de maio, sobre indemnizacións por razón do servizo, ou norma que a substitúa. 5.7. En ningún caso o tribunal poderá aprobar nin declarar que superou o proceso selectivo un número superior de aspirantes ao de prazas convocadas. Calquera proposta de persoas aprobadas que contraveña o establecido será nula de pleno dereito. 5.8. No proceso de provisión de postos o tribunal actuará como órgano de valoración dos méritos, realizando a proposta de adxudicación. 6. DESENVOLVEMENTO DOS EXERCICIOS DO PROCESO DE ACCESO POR OPOSICIÓN LIBRE. 6.1. O sistema de selección será o de oposición libre e constará de cinco exercicios, eliminatorios cada un deles, de modo que non poderán pasar ao seguinte as persoas aspirantes que non alcanzasen a cualificación mínima establecida para cada un deles. A orde de actuación das persoas aspirantes será a establecida na RESOLUCIÓN do 22 de xaneiro de 2026 pola que se fai público o resultado do sorteo a que se refire o Regulamento de selección de persoal da Administración da Comunidade Autónoma de Galicia (comezará por aquelas cuxo primeiro apelido comece pola letra «M».) O tribunal, unha vez finalizado o primeiro exercicio, establecerá por orde decrecente de puntuación o número de aspirantes que deberán desenvolver o resto das probas, por quendas consecutivas de resultar necesario. 6.3. As persoas aspirantes deberán presentarse a cada exercicio provistas de DNI ou outro documento fidedigno que a xuízo do tribunal acredite a súa identidade. En calquera momento as persoas aspirantes poderán ser requiridas polo tribunal coa finalidade de acreditar a súa identidade. 6.4. As persoas aspirantes deberán acudir ás probas nas horas e datas dos respectivos chamamentos, sen posibilidade de aprazamento, calquera que fose a causa que lles impida acudir, agás que a escusa sexa posible por ter amparo nun precepto legal, así como no suposto que se describe a continuación. Nos casos de aspirantes embarazadas, ou en período de parto ou posparto, debidamente acreditados, poderase aprazar para as aspirantes nas que concorra dita circunstancia ata seis meses o desenvolvemento das probas físicas que lles correspondese realizar, prazo que podería prorrogarse como máximo outros seis meses en caso xustificado. Este aprazamento das probas físicas non afectará por si só ao resto das probas. En calquera caso, darase por superado o proceso a aquelas persoas aspirantes que obtivesen unha puntuación final que non puidese ser alcanzada, aínda coa obtención da máxima puntuación posible nas probas físicas aprazadas, polas aspirantes que se acollesen ao dereito de aprazamento. As mulleres embarazadas que prevexan, polas circunstancias derivadas do seu avanzado estado de xestación e previsión de parto, ou eventualmente os primeiros días despois do parto, a súa coincidencia coas datas de realización de calquera dos exames ou probas previstos no proceso, poderán poñelo en coñecemento do tribunal, achegando á comunicación o correspondente informe médico oficial. A comunicación deberá realizarse con tempo suficiente e o tribunal determinará, con base na información de que dispoña, se procede ou non realizar a proba nun lugar alternativo ou ben aprazala, ou ben ambas as medidas conxuntamente. En ningún caso as probas de recoñecemento médico estimarán como circunstancias negativas para os efectos do proceso calquera que derive da situación de embarazo e lactación. Ante a solicitude da muller que acredite atoparse nestas circunstancias, os tribunais poderán determinar que estas probas realícense en calquera outra fase ou momento do proceso. Tamén o tribunal poderá sinalar razoablemente de oficio, oída a afectada, unha data apropiada segundo as condicións da muller que se atope nestas circunstancias, achegando á comunicación o correspondente informe médico oficial. A comunicación deberá realizarse con tempo suficiente e o tribunal determinará, con base na información de que dispoña, se procede ou non realizar a proba nun lugar alternativo ou ben aprazala, ou ben ambas as medidas conxuntamente. 6.5. Durante o tempo fixado para a realización das probas selectivas, non se poderán utilizar nin manipular de ningunha maneira aparellos de telefonía móbil, reloxos ou soportes con memoria, quedando prohibido o acceso ao recinto con tales dispositivos; constitúe causa de inadmisión ao chamamento a simple tenencia dos mesmos. 6.7. Unha vez comezado ou proceso selectivo, os anuncios de realización dos exercicios publicaranse na sede electrónica do Concello de Sarria https://sarria.sedelectronica.es, cunha antelación que posibilite que dende a total conclusión dun exercicio ou proba ata ou comezo do seguinte deberá transcorrer un prazo mínimo de 48 horas. 6.8. Se o tribunal, de oficio ou con base nas reclamacións que as persoas interesadas poden presentar, anulase algunha ou algunhas preguntas incluídas na proba de coñecementos, anunciarao na sede electrónica do Concello de Sarria https://sarria.sedelectronica.es. Neste suposto, e no caso que se realizaron, serán tidas en conta as preguntas de reserva, que terán unha puntuación igual ás do resto de exercicios. 6.9. As cualificacións obtidas polas persoas aspirantes nos exercicios da oposición publicaranse na sede electrónica do Concello de Sarria https://sarria.sedelectronica.es, podendo publicarse nome e apelidos parciais ou DNI parcial ou código de anonimato dos/as aspirantes presentados/as. Como norma xeral, establecerase un prazo de cinco días hábiles , contados dende a data de publicidade das cualificacións dos distintos exercicios, para solicitar revisión de exames realizados ou para presentar reclamacións sobre cualificacións outorgadas polo tribunal. Todo isto sen prexuízo do establecido legalmente na base final sobre impugnacións das actuacións do tribunal e sen que isto implique paralización ou suspensión do proceso selectivo, agás que o tribunal así o considere para maior seguridade xurídica do procedemento. Con carácter xeral en todos os exercicios da fase de oposición teranse en conta as normas de dereito positivo relacionadas no temario que estea en vigor no momento de publicación da relación definitiva de aspirantes admitidos/as. Coa finalidade de respectar os principios de publicidade, transparencia, obxectividade e seguridade xurídica que deben rexer o acceso ao emprego público, o tribunal deberá cualificar os exercicios dos/as aspirantes de acordo cos criterios de corrección e os baremos de puntuación establecidos nesta convocatoria e, nos supostos de desenvolver os criterios de corrección establecidos nesta convocatoria, deberá poñelos en coñecemento dos/as aspirantes con carácter previo á realizacións dos exercicios. 6.10. En calquera momento do proceso selectivo, se o tribunal ten coñecemento ou dúbidas fundadas de que alguna persoa aspirante non cumpre algún dos requisitos esixidos nesta convocatoria, logo de audiencia do/da interesado/a, deberá propoñer a súa exclusión ao Sr. Alcalde-presidente, indicando as inexactitudes ou falsidades formuladas polo/a aspirante na solicitude de admisión a estas probas selectivas para que se lle requira os documentos acreditativos do seu cumprimento. No caso de que a persoa aspirante non acredite o cumprimento dos requisitos, suporá a súa exclusión do proceso selectivo. 6.11. A puntuación das persoas aspirantes que superen todas as probas do proceso virá determinada pola puntuación do primeiro exercicio. Teniendo en conta que nos corpos de Policía Local de Galicia existe infrarrepresentación feminina, no suposto de empate nas puntuacións de dúas ou máis aspirantes acudirase por orde aos seguintes criterios ata que se resolva: a) Criterio de desempate recolleito no artigo 153 da Lei 7/2023, de 30 de novembro, para a igualdade efectiva d emulleres e homes en Galicia, segundo o cal o empate se resolverá a favor da muller. b) Menor tempo alcanzado na proba de resistencia xeral, carreira de 1.000 metros lisos. c) Menor tempo alcanzado na proba de velocidade, carreira de 50 metros lisos. d) En último lugar, o empate dirimirase por sorteo entre as persoas implicadas. 7. PROCESO SELECTIVO QUENDA DE OPOSICIÓN LIBRE: O proceso selectivo constará das seguintes fases: - Oposición - Curso selectivo 7.1. Primeiro exercicio: proba de avaliación dos coñecementos. Consistirá na contestación por escrito dun cuestionario de 100 preguntas tipo test, con 4 respostas alternativas cada unha, que serán propostas polo tribunal e deberán amosar o dominio dos contidos do temario que figura como Anexo I destas bases específicas. Teranse en conta as normas de dereito positivo relacionadas co contido do temario que no momento de publicación no BOP desta convocatoria conten con publicación oficial no boletín ou diario correspondente, aínda que a súa entrada en vigor estea diferida a un momento posterior. Esta mesma data terase en conta, igualmente, para todos aqueles datos do temario que se poidan valorar. As persoas aspirantes disporán dun tempo máximo de dúas horas para a súa realización. O tribunal adoptará as medidas oportunas para garantir que esta proba sexa corrixida sen que se coñeza a identidade das persoas aspirantes. O tribunal excluirá a aqueles/as candidatos/as en cuxos exercicios figuren marcas ou signos que permitan coñecer a identidade do/a opositor/a. Cando finalice entregaráselle a cada aspirante a folla autocopiativa do seu exame. O cadro coas respostas correctas publicarase no mesmo lugar en que se realizou e no portal web do Concello. O tribunal excluirá aquelas persoas aspirantes en cuxos exercicios figuren marcas ou signos que permitan coñecer a súa identidade. As decisións e os acordos que afecten a cualificación e a valoración das probas (determinación do número de preguntas correctas para acadar a puntuación mínima, fixación de criterios de valoración, etc.) deberán adoptarse sen coñecer a identidade das persoas aspirantes ás cales corresponden os resultados obtidos. A proba será cualificada polo tribunal de cero a dez puntos e será preciso acadar cinco puntos como mínimo. A cualificación farase atendendo á seguinte fórmula: N=(A-F/3)/10 Onde N= nota final da proba; A= cuestións acertadas; F= cuestións erradas ou non contestadas. 7.2. Segundo exercicio: proba de avaliación do coñecemento da lingua galega. Realizarase a continuación da proba de coñecementos e consistirá na tradución dun texto do castelán para o galego e doutro texto do galego para o castelán. Os textos serán elixidos polo tribunal inmediatamente antes de ter lugar a proba. O exercicio terá unha duración máxima dunha (1) hora. O exercicio valorarase como apto/a ou non apto/a e para superalo será necesario obter o resultado de apto/a. As persoas aspirantes que estivesen en posesión do Celga 4 ou o equivalente debidamente homologado polo órgano competente en materia de política lingüística da Xunta de Galicia, de acordo coa disposición adicional segunda da Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega (DOG núm. 146, do 30 de xullo), estarán exentos da realización desta proba. 7.3. Terceiro exercicio: probas de aptitude física. Este terceiro exercicio consistirá na realización de todas as probas físicas que se indican a seguir: 7.3.1. Probas físicas. As probas de aptitude física terán a cualificación de apto ou non apto. Para obter a cualificación de apto é necesario non superar as marcas establecidas como máximas para as probas que se relacionan neste epígrafe, e alcanzar ou superar os mínimos das probas indicadas neste epígrafe. Os exercicios realizaranse pola orde en que están relacionados e cada un é eliminatorio para realizar o seguinte. As persoas aspirantes entregaranlle ao tribunal un informe médico en que se faga constar expresamente que a persoa aspirante reúne as condicións físicas e sanitarias para a realización dos exercicios físicos que se especifiquen na correspondente proba da oposición, o que non excluirá as comprobacións posteriores do que se reflicta no certificado médico. Este informe médico deberá ser expedido dentro dos 15 días inmediatamente anteriores á data de realización da primeira proba de aptitude física. Establécense diferentes marcas para cada sexo. As probas realizaranse de forma individual, agás as de velocidade, resistencia xeral e natación, que poderán facerse de forma colectiva se así o considera o tribunal cualificador. Nas probas de resistencia xeral e natación, disponse dunha soa posibilidade de execución; no resto permitirase una segunda realización cando na primeira non se obteña a cualificación de apto. O desenvolvemento de cada unha das probas físicas deberá realizarse en lugares axeitados ao tipo de proba que se vai executar. En todas as probas se deberá empregar un sistema de medición que garanta a exactitude e certeza das marcas individuais obtidas por cada opositor. 7.3.1.1. Proba de velocidade: carreira de 50 metros lisos. Realizarase nunha pista de atletismo ou en calquera zona totalmente chaira de terreo compacto. A persoa aspirante colocarase na pista no lugar sinalado e poderá realizar a saída de pé ou agachada, sen utilizar tacos de saída. As marcas máximas (en segundos) esixidas para a superación da proba son: Homes: 7.40”. Mulleres: 8.20”. 7.3.1.2. Proba de potencia de tren superior: os homes realizarán flexións de brazos e as mulleres suspensión en barra. 7.3.1.3. Flexións de brazos: Realizarase nun ximnasio ou nun campo de deportes. Iniciarase desde a posición de suspensión pura, agarrando a barra coas palmas das mans núas, á fronte, e cos brazos totalmente estendidos. A flexión completa realizarase de maneira que o queixo asome por enriba da barra. Antes de iniciar outra nova flexión será necesario estender totalmente os brazos. Non se permite o balanceo do corpo ou a axuda con movementos das pernas e efectuaranse de forma continuada. Contaranse soamente as flexións completas e realizadas correctamente. O número mínimo esixible é de 10 flexións. 7.3.1.4. Suspensión en barra. Realizarase nun ximnasio ou nun campo de deportes. O exercicio consiste en quedar, o maior tempo posible, na posición que se describe: brazos flexionados, presa coas palmas da man cara a atrás, pernas completamente estendidas e sen tocar o chan, queixo situado por enriba da barra e sen ter contacto con ela. O tempo mínimo esixido para a superación da proba é de 52 segundos. 7.3.1.5. Proba de potencia de tren inferior: salto horizontal. Realizarase nun ximnasio ou nun campo de deportes, con chan horizontal e coa superficie adecuada para efectuar a medición das marcas. A persoa aspirante colocarase de pé detrás dunha liña sen pisala, cos pés separados, paralelos entre si e á mesma altura (realizarase o salto desde a posición de parado). Realizará un salto horizontal caendo cos dous pés ao chan. Medirase a distancia entre a liña de saída ata a marca do apoio de caída máis próxima á liña. As marcas mínimas esixidas (en centímetros) para a superación da proba son: Homes: 210 cm. Mulleres: 185 cm. 7.3.1.6. Proba de resistencia xeral: carreira de 1.000 metros lisos. Realizarase nunha pista de atletismo ou en calquera zona totalmente chá de terreo compacto. A persoa aspirante colocarase na pista no lugar indicado. A saída realizarase en pé. Será eliminado o corredor que abandone a pista durante a carreira. As marcas máximas (en minutos e segundos) exixidas para a superación da proba son: Homes: 3’30”. Mulleres: 4’10”. 7.3.1.7. Proba de natación: 25 metros estilo libre. Realizarase nunha piscina que permita efectuar o percorrido sen facer viraxes. A persoa aspirante poderá colocarse para a saída, ben sobre a plataforma, ben no bordo da piscina, ou ben no interior do vaso, e deberá permanecer neste último caso en contacto co bordo da saída. Unha vez que se dea o sinal de saída, as persoas aspirantes, ben en mergullo ou por impulsión sobre a parede, segundo a situación de partida adoptada, iniciarán a proba empregando calquera estilo para a súa progresión. As marcas máximas (en segundos) para a superación da proba son: Homes: 0’.24”. Mulleres: 0’.28”. A non superación de calquera das probas na forma indicada dará lugar á eliminación da persoa aspirante. As persoas aspirantes deberán presentarse á realización das probas coa roupa e co calzado que consideren adecuados e cun informe médico expedido dentro dos 15 días inmediatamente anteriores á data de realización da primeira proba deste exercicio. A non presentación do dito documento suporá a exclusión da persoa aspirante do proceso selectivo. Para a proba de natación, as persoas aspirantes utilizarán traxes de baño (que achegarán elas mesmas) do modelo que desexen. Queda prohibida a utilización de traxes de neopreno ou similares e axudas para a flotabilidade e/ou o incremento da velocidade de calquera tipo. 7.4. Cuarto exercicio: probas psicotécnicas. Estas probas están dirixidas a determinar as actitudes e aptitudes persoais das persoas aspirantes e a súa adecuación as funcións policiais que deberán desempeñar e comprobarase ás que presentan un perfil psicolóxico axeitado. Terá que efectualas e valoralas persoal especialista e cualificaranse como apto/a ou non apto/a. Para superalas será necesario obter o resultado de apto/a no conxunto das probas realizadas. A) Proba de intelixencia. Realizarase unha valoración do nivel intelectual e doutras aptitudes específicas, explorando todos ou algúns dos seguintes factores: intelixencia xeral, comprensión e fluidez verbal, comprensión de ordes, razoamento cognitivo, atención discriminativa e resistencia á fatiga intelectual. B) Probas de personalidade. As probas orientaranse á avaliación dos trazos de personalidade máis significativos e relevantes para o desempeño da función policial, así como o grao de adaptación persoal e social das persoas aspirantes. Así mesmo, deberá descartarse a existencia de síntomas ou trastornos psicopatolóxicos e/ou de personalidade. Entre outros, exploraranse os seguintes aspectos: estabilidade emocional, autoconfianza, capacidade empática e interese polos demais, habilidades interpersoais, control axeitado da impulsividade, axuste persoal e social, capacidade de adaptación ás normas, capacidade de afrontar o estrés e motivación polo traballo policial. Os resultados obtidos nas dúas probas anteriores serán contrastados mediante unha proba individual, que consistirá na contestación a un cuestionario formulado verbalmente coa finalidade de valorar tamén o estado psicolóxico das persoas aspirantes. Á parte das características de personalidade sinaladas anteriormente, exploraranse ademais os seguintes aspectos: existencia de niveis disfuncionais de estrés ou de trastornos do estado de animo; problemas de saúde; consumo excesivo ou de risco de alcohol ou doutros tóxicos e grao de medicación; expectativas respecto da función policial. 7.5. Quinto exercicio: recoñecemento médico. O recoñecemento médico efectuarao persoal facultativo especialista e o seu fin é garantir que as persoas aspirantes estean en condicións idóneas para o exercicio das funcións policiais propias do posto de traballo. Cualificarase como apto/a ou non apto/a e para superalo será necesario obter o resultado de apto/a. Para os efectos da exclusión da persoa aspirante, terase en conta o seguinte: 1. Obesidade-delgadeza. Obesidade ou delgadeza manifestas que dificulten ou incapaciten para o exercicio das funcións propias do cargo. Índice de masa corporal (IMC) non inferior a 18,5 nin superior a 29,9. Considerarase o IMC como a relación resultante de dividir o peso da persoa expresado en quilos entre o cadrado da estatura expresada en metros. 2. Calquera enfermidade, padecemento ou alteración de carácter físico, psíquico ou sensorial que, a xuízo dos facultativos médicos, impida, limite ou dificulte o exercicio das funcións policiais. Para os diagnósticos establecidos neste anexo teranse en conta os criterios das sociedades médicas das especialidades correspondentes; en todo caso, coa publicación da data e do lugar desta proba o tribunal publicará o cadro de exclusións médicas que se vai aplicar. As exclusións garantiranse coas probas complementarias necesarias para o diagnóstico. 8. RELACIÓN DE PERSOAS APROBADAS, PRESENTACIÓN DE DOCUMENTACIÓN E NOMEAMENTO COMO PERSOAL FUNCIONARIO EN PRÁCTICAS PARA A QUENDA DE OPOSICIÓN LIBRE 8.1. Relación de persoas aprobadas Unha vez rematado o proceso selectivo, o tribunal elaborará por orde decrecente de puntuación a lista de persoas aprobadas. O número destas persoas non poderá superar o de prazas convocadas. Así mesmo, o órgano de selección elaborará, tamén por orde decrecente de puntuación, unha lista de reserva cun número de persoas aspirantes que será como máximo igual ao de persoas aprobadas. Na lista de reserva figurarán aquelas persoas aspirantes que, aínda que superaron as probas do proceso selectivo, non resultaron aprobadas por obteren una puntuación inferior á da última persoa que obtivo praza. 8.2. Nomeamento como persoal funcionario en prácticas. Unha vez acreditada a posesión dos requisitos esixidos, e inmediatamente antes do comezo do curso selectivo de formación, as persoas aspirantes serán nomeadas persoal funcionario en prácticas mediante resolución da Alcaldía ou concellería delegada, que se publicará no Boletín Oficial da Provincia (BOP). As persoas así nomeadas permanecerán na dita situación desde o comezo do curso selectivo ata que se produza o seu nomeamento como persoa funcionaria de carreira ou a súa exclusión do procedemento selectivo. O curso selectivo de formación será convocado a través de resolución da Dirección Xeral da Academia Galega de Seguridade Pública, na cal se indicará a data de inicio. En caso de renuncia, falecemento, falta de xustificación dos requisitos para o nomeamento, incapacidade absoluta sobrevida ou concorrencia de calquera outra causa que impida o nomeamento dunha persoa aspirante como persoal funcionario en prácticas ou prive de eficacia o nomeamento xa realizado, o concello substituirá a persoa afectada pola primeira que figure na lista de reserva, sempre con anterioridade ao desenvolvemento do correspondente curso selectivo de formación. 8.3. Curso selectivo de formación. As persoas aspirantes aprobadas deberán superar un curso selectivo de formación teórico-práctico na Agasp como requisito indispensable para acceder á condición de persoal funcionario de carreira na categoría de policía, escala básica, de conformidade co disposto no artigo 36 da Lei 4/2007 e no artigo 51 e seguintes do Decreto 15/2023, do 12 de xaneiro. A superación do curso selectivo é obrigatoria para acceder á categoría de policía. Aquelas persoas que xa o superasen con anterioridade na Academia Galega de Seguridade Pública estarán dispensadas de realizar o dito curso. En tal caso, serán nomeadas directamente na condición de persoal funcionario de carreira. O curso selectivo de ingreso será de tipo presencial e desenvolverase na Academia Galega de Seguridade Pública. As súas características mínimas, en canto duración, estrutura e contidos modulares, serán as seguintes: a) Duración mínima: 850 horas. b) Estrutura: curso teórico-práctico. c) Contidos modulares mínimos: módulos operativo, xurídico, técnico, asistencial e administrativo. d) Un módulo específico en materia de igualdade e loita contra a violencia de xénero. Con carácter extraordinario, por causas que lle imposibilitasen á Academia Galega de Seguridade Pública realizar o curso teórico-práctico de forma presencial, poderase realizar ata o 40 por cento de forma telepresencial nas materias de contido teórico. Para aquelas persoas que ingresen por primeira vez na categoría de policía, o curso selectivo comprenderá un período de prácticas, que se desenvolverá no posto de traballo e que conforma, xunto cos contidos teórico-prácticos, o proceso selectivo de formación e capacitación profesional. Para o persoal funcionario en prácticas que se vaia integrar nos corpos da Policía Local de nova creación, o período de prácticas podería desenvolverse, en todo ou en parte, noutro concello de características semellantes. Este período de prácticas terá unha duración de 500 horas. Con carácter previo ao inicio do período de prácticas, será necesario ter realizado dous meses do curso teórico-práctico. Durante este período de prácticas, o alumnado desenvolverá o seu traballo profesional do xeito que lle permita unha mellor realización práctica dos coñecementos do curso teórico-práctico, sempre baixo a supervisión da xefatura do corpo da Policía Local ou da persoa profesional cualificada en que se delegue pola persoa titular da alcaldía. Neste período procurarase que o alumnado cumpra cos distintos labores encomendados aos corpos da Policía Local. No caso da non incorporación ao curso ou de abandono deste sen rematalo, salvo por causas excepcionais, considerarase que a persoa aspirante non superou o proceso selectivo. O alumnado que non supere o curso teórico-práctico na Agasp, incluídas as probas de carácter extraordinario, perderá todos os dereitos alcanzados no proceso selectivo. Aos funcionarios e funcionarias en prácticas seralles de aplicación o Regulamento de réxime interior da Agasp durante o seu curso de formación e o período de prácticas, e con carácter supletorio cando os feitos non constitúan falta no dito regulamento seranlles de aplicación as normas do réxime disciplinario da Policía Local de Galicia, recollidas na Lei 4/2007, do 20 de abril, de coordinación de policías locais, e normativa de desenvolvemento. A cualificación do curso de formación e do período de prácticas quedarán en suspenso ante a concorrencia sobrevida de calquera causa de exclusión ata que non se resolva o expediente que se incoe. Unha vez superado o curso selectivo a Academia Galega de Seguridade Pública emitirá informe ao Concello certificanto tal circunstancia, de xeito que se poida proceder ao nomeamento como persoal funcionario de carreira e á toma de posesión. 9. NORMA FINAL, LEXISLACIÓN APLICABLE E RÉXIME RECURSOS Contra o acordo de aprobación das presentes bases xerais, que pon fin á vía administrativa poderá interpoñerse recurso potestativo de reposición ante a alcaldía-presidencia, no prazo dun mes desde a súa publicación; ou ben, directamente, recurso contencioso-administrativo ante o Xulgado do Contencioso Administrativo de Lugo que corresponda, no prazo de dous meses, desde a súa publicación. Non poderá interpoñerse recurso contencioso-administrativo, se se interpuxera o potestativo de reposición, en tanto non se resolva expresamente ou se produza a desestimación presunta do mesmo polo transcurso do prazo dun mes desde a súa interposición. Neste caso, o prazo para a interposición do recurso contencioso-administrativo será de dous meses desde a resolución expresa do recurso, a contar desde o día seguinte ao da notificación do mesmo; ou ben, seis meses a contar desde o día seguinte en que deba entenderse desestimado por silencio administrativo o citado recurso potestativo de reposición. Sarria, 13 de outubro de 2026.- O alcalde-presidente, D. [nombre omitido]. ANEXO I Temario 1. O Estado. Concepto. Elementos. A división de poderes. Funcións. Organización do Estado español. Antecedentes constitucionais en España. A Constitución española de 1978. Estrutura e contido. A reforma da Constitución española. O Estado español como Estado social e democrático de dereito. Dereitos e deberes constitucionais; clasificación e diferenciación. 2. Dereitos fundamentais e liberdades públicas I: dereito á vida e integridade. Liberdade ideolóxica, relixiosa e de culto. Dereito á liberdade e seguranza. Dereito á honra, á intimidade persoal e familiar e á propia imaxe. A inviolabilidade do domicilio e o segredo das comunicacións. A liberdade de residencia e de circulación. O dereito á liberdade de expresión recoñecido no artigo 20 da Constitución. 3. Dereitos fundamentais e liberdades públicas II: dereito de reunión. Dereito de asociación. Dereito á participación nos asuntos públicos e ao acceso a funcións e cargos públicos. A tutela xudicial efectiva e a prohibición de indefensión. A imposición de condena ou sanción do artigo 25 da Constitución, sentido das penas e medidas de seguranza. Prohibición de tribunais de honra. O dereito á educación e á liberdade de ensino. Dereito á sindicación e á folga, especial referencia aos membros das forzas e corpos de seguranza. Dereito de petición. 4. Dereitos e deberes dos cidadáns. Os principios reitores da política social e económica. As garantías dos dereitos e liberdades. Suspensión xeral e individual destes. O Defensor do Pobo. 5. A Coroa. As Cortes Xerais. Estrutura e competencias. Procedemento de elaboración das leis. Formas de Goberno. O Goberno e a Administración. Relacións do Goberno coas Cortes Xerais. Funcións do Goberno. 6. O Poder xudicial. Principios constitucionais. Estrutura e organización do sistema xudicial español. O Tribunal Constitucional. 7. Organización territorial de Estado. As comunidades autónomas. O Estatuto de autonomía de Galicia. Estrutura e disposicións xerais. Institucións: Parlamento. Presidente e Consello de Goberno. O Tribunal Superior de Xustiza de Galicia. O Valedor do Pobo. 8. Relación da Xunta de Galicia coa Administración do Estado e con outras comunidades autónomas. Competencias da Comunidade Autónoma de Galicia. A reforma do Estatuto de autonomía de Galicia. 9. O dereito administrativo. Fontes e xerarquía das normas. 10. O acto administrativo. Concepto. Elementos. Clases. A validez dos actos administrativos; nulidade e anulabilidade. Notificación de actos administrativos. Cómputo de prazos. Recursos administrativos. Alzada e reposición; o recurso extraordinario de revisión. 11. O procedemento administrativo. Concepto e principios xerais. Clases. Os interesados. A estrutura do procedemento administrativo. 12. O réxime local español. Principios constitucionais e regulación xurídica. Tipos de entidades locais. 13. O municipio. Concepto e elementos. Competencias municipais. A provincia: concepto, elementos e competencias. A organización e funcionamento do municipio. O Pleno. O alcalde. A Xunta de Goberno local. Outros órganos municipais. 14. Ordenanzas, regulamentos e bandos. Clases e procedemento de elaboración e aprobación. 15. A licenza municipal. Tipos. Actividades sometidas a licenza. Tramitación. 16. Función pública local. A súa organización. Adquisición e perda da condición de funcionario. Dereitos, deberes e incompatibilidades dos funcionarios. Situacións administrativas. 17. Lei orgánica de forzas e corpos de seguranza. Funcións da policía local. 18. Lei de coordinación das policías locais de Galicia e normas de desenvolvemento. Réxime disciplinario: disposición xerais e faltas disciplinarias. 19. A actividade da policía local como policía administrativa I: consumo. Abastos. Mercados. Venda ambulante. Espectáculos e establecementos públicos. 20. A actividade da policía local como policía administrativa II: urbanismo. Infraccións e sancións. A protección ambiental: prevención e calidade ambiental, residuos e disciplina ambiental. 21. A Lei de emerxencias de Galicia: aspectos fundamentais. 22. Delitos e delitos leves. Circunstancias modificativas da responsabilidade criminal. Persoas responsables: autores e cómplices. Graos de perfección do delito. 23. Delitos cometidos con ocasión do exercicio dos dereitos fundamentais e das liberdades públicas garantidos pola Constitución. Delitos cometidos polos funcionarios públicos contra as garantías constitucionais. 24. Delitos contra a Administración pública. Atentados contra a autoridade e os seus axentes. Desordes públicas. 25. Homicidio e as súas formas. Delitos leves contra as persoas. Delitos e delitos leves contra o patrimonio e a orde socioeconómica. 26. Delitos contra a seguranza viaria. Delitos leves cometidos con ocasión da circulación de vehículos de motor. Lesións e danos imprudentes. 27. O atestado policial na Lei de axuizamento criminal. Concepto e estrutura. 28. Detención: concepto, clases e supostos. Prazos de detención. Obrigas do funcionario que efectúa unha detención. Contido da asistencia letrada. Dereito do detido. Responsabilidades penais en que pode incorrer o funcionario que efectúa unha detención. O procedemento de habeas corpus. 29. Lei de seguranza viaria. Regulamentos de desenvolvemento. Estrutura e conceptos xerais. 30. Normas xerais de circulación: lugar na vía, velocidade, prioridade de paso, cambios de dirección e sentido. Adiantamentos. Paraxe e estacionamento. Vehículos e transportes especiais. Cinto e casco de seguranza. 31. Circulación por zonas peonís. Comportamento en caso de emerxencia. Sinais de circulación. Clasificación e orde de prioridade. 32. Procedemento sancionador por infraccións á normativa de circulación. Actuacións complementarias. Inmobilización e retirada de vehículos da vía pública. Carencia do seguro obrigatorio. 33. Accidentes de circulación: definición, tipos e actuacións da policía local. Alcoholemia. Datos. A súa consideración segundo a normativa vixente. Procedemento de indagación do grao de impregnación alcohólica. 34. Estrutura económica e social de Galicia: demografía, economía, servizos públicos, sociedade civil, novas tecnoloxías, patrimonio ecolóxico, social e cultural. 35. Vida en sociedade. Proceso de socialización. Formación de grupos sociais e masas. Procesos de exclusión e inclusión social. A delincuencia: tipoloxías e modelos explicativos. 36. Comunicación: elementos, redes, fluxos, obstáculos. Comunicación con superiores e compañeiros. Equipos de traballo e atención á cidadanía. 37. Minorías étnicas e culturais. Racismo e xenofobia. Actitude policial ante a sociedade intercultural. 38. Igualdade de oportunidades de homes e mulleres en Galicia: conceptos básicos; socialización e igualdade; políticas públicas de igualdade de xénero. Violencia contra as mulleres: descrición, plans de erradicación e atención coordinada ás vítimas. 39. A policía na sociedade democrática. O mandato constitucional. Valores que propugna a sociedade democrática. A dignidade da persoa. Sentido ético da prevención e a represión. 40. Deontoloxía policial. Normas que a establecen. A policía como servizo público. ANEXO II - SOLICITUDE DE ADMISIÓN A PROCESO SELECTIVO CONVOCATORIA Praza Policía local (Oposición libre) DATOS PERSOAIS Primeiro Apelido Segundo Apelido Nome DNI Sexo Varón / Muller Data de nacemento Lugar de nacemento Nacionalidade Enderezo Código postal Localidade Teléfono 1 Teléfono 2 e-mail EXENCIÓN EXAME GALEGO Solicita exención do exame de galego: SI / NON DOCUMENTACIÓN PRESENTADA COA INSTANCIA (sínálese cun X no recadro correspondente). Fotocopia do documento nacional de identidade ou acreditación dos requisitos de nacionalidade e idade Titulación requirida. Xustificante que acredite a posesión dos permisos de conducir das clases A2 e B. Certificado médico no que se faga constar expresamente que o aspirante reúne as condicións físicas e sanitarias para a realización dos exercicios físicos que se especifican na correspondente proba de oposición. Xustificante do aboamento da taxa de exame Certificado de Celga 4 ou equivalente Declaración responsable de portar armas e, no seu caso, de chegar a utilizalas e de que non se atopa inhabilitado/a ou en situación equivalente nin foi sometido/a a sanción disciplinaria ou equivalente que impida, nos mesmos termos, o acceso ao emprego público (anexo III) Certificado de inexistencia de antecedentes penais. SOLICITUDE DA LINGUA NA QUE DESEXA SER EXAMINADO/A, exceptúase o exame de galego (sinálese cun X o que proceda): en lingua castelán en lingua galega A persoa abaixo asinante solicita ser admitida no proceso selectivo ao que se refire a presente instancia e DECLARA que son certos os datos consignados nela, e que reúne todos e cada un dos requisitos esixidos nesta convocatoria, comprometéndose a probar documentalmente tódolos datos que figuran nesta solicitude. O solicitante autoriza ao uso dos datos consignados nesta instancia aos efectos previstos nas bases da convocatoria das probas selectivas. SINATURA DA PERSOA SOLICITANTE Sarria, de de SR. ALCALDE CONCELLO DE SARRIA (LUGO) ANEXO III – DECLARACIÓN RESPONSABLE DATOS PERSOAIS Primeiro Apelido Segundo Apelido Nome NIF A PERSOA SOLICITANTE DECLARA: 1. Que non se atopa inhabilitada ou en situación equivalente nin foi sometida a sanción disciplinaria ou equivalente que impida, nos mesmos termos, o acceso ao emprego público. 2. Que se compromete a portar armas durante o servizo e, no seu caso, chegar a utilizalas dentro das circunstancias legalmente establecidas. SINATURA DA PERSOA SOLICITANTE Sarria, de de SR. ALCALDE CONCELLO DE SARRIA (LUGO) Sarria, 13 de outubro de 2026.- O alcalde, [nombre omitido].