Escala de administración especial

ANUNCIO APROBACIÓN DE CONVOCATORIA E BASES REGULADORAS PROCESO SELECTIVO PARA O ACCESO MEDIANTE CONCURSO-OPOSICIÓN Á PRAZA DE FUNCIONARIO DE CARREIRA DE OFICIAL DE OBRAS E SERVIZOS DO CONCELLO DE PAZOS DE BORBÉN, DA ESCALA DE ADMINISTRACIÓN ESPECIAL, SUBESCALA SERVIZOS ESPECIAIS, GRUPO AP.(exp 380/2026) Con data 31 de xullo de 2026 (decreto nº 2026-0571) se dictou Resolución da Alcaldía do Concello de Pazos de Borbén do seguinte teor: .../... Considerando a Providencia de Alcaldía, de data 28/07/2026, de incoación de expediente de CONVOCATORIA E BASES REGULADORAS PROCESO SELECTIVO PARA O ACCESO MEDIANTE CONCURSO-OPOSICIÓN Á PRAZA DE FUNCIONARIO DE CARREIRA DE OFICIAL DE OBRAS E SERVIZOS DO CONCELLO DE PAZOS DE BORBÉN, DA ESCALA DE ADMINISTRACIÓN ESPECIAL, SUBESCALA SERVIZOS ESPECIAIS, GRUPO AP Visto informe de reparo de secretaría-intervención de data 29/07/2026. Considerando a oferta de Emprego Público (OEP) correspondente ao exercicio 2025 publicada no Boletín Oficial da Provincia de Pontevedra núm. 97 de data 23/05/2025 e Diario Oficial de Galicia núm. 114 de data 17/06/2025, e resultando precisa a convocatoria de proceso selectivo para a cobertura da praza vacante de oficial de obras públicas, incluída en dita OEP e dotada orzamentariamente, e actualmente cuberta con carácter interino. Visto que o posto de OFICIAL DE OBRAS E SERVIZOS trátase dun posto básico no Concello cuxas funcións e labores son necesarios e imprescindibles para o funcionamento de servizos mínimos, de forma que se non quedasen atendidas podería supor un prexuízo para o Concello. Considerando en consecuencia a necesidade de cobertura urxente, inaprazable e prioritaria da praza para que o funcionamento dos servizos mínimos non quede desatendido, e considerando que a titulación e funcións do posto sinalados na RPT (Relación de Postos de Traballo) se adecúan á convocatoria e bases reguladoras do proceso selectivo, existindo así mesmo conexión entre os requisitos e as funcións do posto. Considerando que a elección do sistema selectivo de concurso-oposición se xustifica na natureza da praza convocada e funcións do posto de OFICIAL DE OBRAS E SERVIZOS, que pertence á Escala de Administración especial, Subescala de Servizos Especiais, clase de personal de oficios, categoría de oficial, e que ten atribuidas funcións de contido predominantemente práctico que requiren un determinado grado de responsabilidade e especialización. A elección do sistema selectivo de concurso-oposición, se fundamenta en que se considera adecuado e convinte para a cobertura da praza a valoración limitada e proporcionada da experiencia profesional relacionada coas funcións propias do posto, ao constituír un elemento adecuado para identificar ás persoas aspirantes que, ademáis de acreditar os coñecementos esixidos mediante a fase de oposición, poseen competencias profesionais directamente relacionadas coas funcións propias do posto en cuestión. O mérito da experiencia profesional responde á ventaxa que supón para a prestación do servizo a experiencia profesional en prazas de oficial de obras e servizos ou prazas con funcións análogas ou asimiladas, que aporta un coñecemento práctico do servizo e permite acreditar unha práctica na execución material dos traballos. Considerando así mesmo que a fase de oposición ten carácter obligatorio e eliminatorio e unha ponderación predominante respecto da fase de concurso, e que a configuración do proceso selectivo garante o respecto aos principios constitucionais de igualdade, mérito e capacidade. Por todo o anteriormente exposto, de acordo coas atribucións que confire ao cargo a Lei 7/85 reguladora de Bases de Réxime Local, esta Alcaldía, resolvendo as discrepancias manifestadas pola intervención no seu informe de reparo de data 29/07/2026, e coa motivación exposta, RESOLVO: Primeiro.— Aprobar a CONVOCATORIA E BASES REGULADORAS PROCESO SELECTIVO PARA O ACCESO MEDIANTE CONCURSO-OPOSICIÓN Á PRAZA DE FUNCIONARIO DE CARREIRA DE OFICIAL DE OBRAS E SERVIZOS DO CONCELLO DE PAZOS DE BORBÉN, DA ESCALA DE ADMINISTRACIÓN ESPECIAL, SUBESCALA SERVIZOS ESPECIAIS, GRUPO AP, cuxo articulado é o seguinte: “Artigo 1.— Obxecto da convocatoria e bases: As presentes Bases teñen por obxecto a regulación da convocatoria e proceso selectivo para a provisión en propiedade, mediante o sistema de libre concorrencia e a través do procedemento de concurso-oposición, de unha (1) praza de oficial de obras e servizos no Concello de Pazos de Borbén, como persoal funcionario de carreira, incluida na Oferta de Emprego Público (OEP) correspondente ao exercicio 2025 publicada no Boletín Oficial da Provincia de Pontevedra núm. 97 de data 23/05/2025 e Diario Oficial de Galicia n. 114 De data 17/06/2025, cuxas características son: Praza de persoal funcionario Nº de prazas vacantes convocadas Escala Subescala Grupo/Subgrupo Sistema selectivo Quenda Oficial de obras e servizos 1 Administración especial S.E. AP Concurso-oposición Libre As funcións encomendadas a dita praza son as establecidas para o posto de adscrición correspondente na RPT do Concello de Pazos de Borbén; as retribucións básicas serán as correspondentes aos funcionarios do grupo AP, e as complementarias serán as que teña asignadas o posto de traballo ao que se adscriba a praza na Relación de Postos de Traballo (02.02.00.02). A persoa aspirante que resulte seleccionada, prestará servizos como persoal funcionario de carreira do Concello de Pazos de Borbén, a xornada completa. Artigo 2.— Requisitos xerais: Os/as aspirantes a ser incluídos no proceso selectivo, deberán reunir, na data do remate do prazo para a presentación de solicitudes, os seguintes requisitos: a) Posuír a nacionalidade española ou atoparse comprendido no eido de aplicación do artigo 52 da Lei 2/2015 do 29 de abril do emprego público de Galicia. b) Ter cumpridos 16 anos de idade e non exceder da idade máxima de xubilación forzosa. c) Estar en posesión do certificado de escolaridade ou equivalente ou estar en en condicións de obtelo antes de que remate o prazo de presentación de instancias e dispoñer da documentación que o acredite. No caso de equivalencia ou homologación deberá xustificarse polo aspirante mediante certificado expedido polo organismo competente para establecelas. No caso de titulacións obtidas no estranxeiro deberase ter a credencial que acredite a súa homologación. d) Posuír a capacidade funcional e aptitudes físicas e psíquicas para o desempeño das tarefas asignadas ao posto, sen prexuízo de que sexan admitidas as persoas con discapacidade en igualdade de condicións que as demais persoas aspirantes, segundo o disposto na disposición adicional 19.ª da Lei 30/84, na redacción dada pola Lei 53/2003, do 10 de decembro, e normativa de concordante aplicación. Este apartado xustificarase mediante aportación de declaración xurada conforme ao modelo do Anexo II. e) Non ter sido separado, mediante expediente disciplinario, do servizo de ningunha das administracións públicas ou dos órganos constitucionais ou estatutarios das Comunidades Autónomas, nin atoparse en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario, no que se houbese separado ou inhabilitado. No caso de ser nacional doutro Estado, non atoparse inhabilitado ou en situación equivalente nin haber sido sometido a sanción disciplinaria ou equivalente que impida, no seu Estado, nos mesmos termos o acceso ao emprego público. Este apartado xustificarase mediante aportación de declaración xurada conforme ao modelo do Anexo II. f) Non atoparse incurso/a en ningunha das causas de incapacidade ou incompatibilidade que determine a lexislación vixente. No suposto de ser nacional doutro Estado, non atoparse inhabilitado/a ou en situación equivalente, nin estar sometido a sanción disciplinaria ou equivalente que impida no Estado de orixe o acceso ao emprego público nos termos anteriores. O aspirante que resulte proposto para nomeamento, debe cumprir no momento do nomeamento, os requisitos esixidos na Lei 53/1984, do 26 de decembro, de Incompatibilidades do persoal ao servizo das Administracións Públicas. Este apartado xustificarase mediante aportación de declaración xurada conforme ao modelo do Anexo II. g) Ter ingresado, durante o prazo de presentación de instancias, o importe en concepto de dereitos de exame segundo o disposto na ordenanza reguladora correspondente e de conformidade co establecido nas presentes bases (76,00 €) A ausencia de aboamento das taxas de participación, dentro do prazo de presentación de solicitudes do proceso selectivo, determinará a exclusión da persoa aspirante e non poderá ser obxecto de emenda. En ningún caso a presentación e pago da taxa suporá a substitución do trámite de presentación da solicitude. (O pago da tasa deberá efectuarse mediante ingreso ou transferencia na conta ES93 2080 5049 6130 4000 6392, indicando no concepto o proceso selectivo e nome e apelidos do aspirante) h) Estar en posesión do permiso de conducir clase C en vigor e estar disposto/a a conducir vehículos desa categoría do xeito que lle sexa requirido para o desempeño do seu traballo. Todos estes requisitos deberán cumprirse o último día do prazo de presentación de solicitudes e conservarse, cando menos, ata a data de toma de posesión como persoal funcionario. Será nulo o nomeamento como persoal funcionario das persoas que estean incursas en causas de incapacidade específica conforme a normativa vixente. Artigo 3.— Publicidade: As presentes Bases publicaranse no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén, na súa páxina web, ( https://pazosdeborben.gal ) e no Boletín Oficial da Provincia de Pontevedra (BOPPO). Así mesmo publicarase anuncio da convocatoria no Diario Oficial de Galicia (DOG) e no Boletín Oficial do Estado (BOE). Os anuncios e comunicacións sucesivas do proceso selectivo, publicaranse na páxina web do Concello de Pazos de Borbén, ( https://pazosdeborben.gal ) e no taboleiro de anuncios da sede electrónica ( https://pazosdeborben.sedelectronica.gal ). Logo da finalización do proceso selectivo, a Resolución de nomeamento como persoal funcionario, publicarase no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén, na súa páxina web ( https://pazosdeborben.gal ), no BOPPO e no DOGA. Artigo 4.— Solicitudes: As persoas que desexen tomar parte nas probas selectivas convocadas deberán facelo mediante instancia dirixida ao Sr. Alcalde de Pazos de Borbén (conforme ao modelo do Anexo II). A instancia deberá de conter, polo menos, os datos persoais do solicitante, co seu enderezo e a denominación da praza á que solicita participar, facendo constar que reúnen todos e cada un dos requisitos esixidos na convocatoria e bases, e achegando os seguintes documentos: • Copia do DNI, pasaporte ou documento equivalente. • Copia do título académico esixido. • Declaración responsable, conforme ao modelo do Anexo II, en relación co cumprimento dos requisitos esixidos. • Xustificante de ter aboado as taxas por dereito de exame. • Copia da documentación acreditativa dos méritos alegados para a fase de concurso. • Relación/índice dos méritos alegados polas persoas aspirantes para a súa valoración na fase de concurso, no que se resuma a experiencia e formación alegadas e se exprese de forma ordenada a puntuación total e parciais de cada sección/apartado segundo os criterios destas bases, conforme ao modelo de instancia do Anexo II. • Os/As aspirantes que desexen que se lles teña en conta a non obrigatoriedade da proba de galego deberán achegar a acreditación do nivel CELGA 1, xunto coa solicitude de participación. • Copia da documentación que acredite cumprir con aqueles outros requisitos que se indiquen nas Bases, de ser o caso. Os méritos non acreditados xunto coa instancia de participación non serán tidos en conta. Na fase de concurso só se terán en conta os méritos que se xustifiquen documentalmente dentro do prazo de presentación de instancias. O tribunal poderá solicitar que se complete ou aclare a documentación presentada para xustificar os méritos alegados, pero non pedir nova documentación para acreditar méritos só alegados e sen xustificación achegada coa instancia. Aqueles/as aspirantes que estean en situación de discapacidade e soliciten adaptación de tempo e medios para a realización das probas da fase de oposición, deberán achegar xunto coa documentación mencionada, a seguinte: a) Solicitude expresa na súa instancia, concretando as adaptacións concretas que pretende. b) Achegar fotocopia simple de ditame técnico facultativo emitido polo órgano técnico de cualificación do grado de minusvalía, acreditando de forma fidedigna as deficiencias permanentes que deron orixe ao grado de minusvalía recoñecido, a efectos de que o órgano de selección poida valorar a procedencia ou non das adaptacións solicitadas. Só se poderá solicitar e outorgar esta adaptación se o aspirante presenta especiais dificultades para a realización das probas de oposición e así se acredita co ditame técnico facultativo e estas adaptacións gardan relación directa coa proba a realizar. As adaptacións de tempo deberán axustarse ao previsto na Orden PRE/1822/2006 de 9 de xuño, do Ministerio da Presidencia. Os/as aspirantes que teñan a condición legal de discapacitados, con grao igual ou superior ao 33 por cento, terán que presentar certificación dos órganos competentes que acrediten tal condición, xunto con acreditación da compatibilidade co desempeño das tarefas e funcións correspondentes O prazo para a presentación de solicitudes será de 20 días naturais, contados a partir do seguinte á publicación do anuncio da convocatoria no Boletín Oficial do Estado (BOE). Asimesmo, as bases da convocatoria se publicarán no Boletín Oficial da Provincia, no taboleiro de anuncios da sede electrónica deste Concello ( https://pazosdeborben.sedelectronica.gal ), e na súa páxina web, ( https://pazosdeborben.gal ); insertándose anuncio da convocatoria no Boletín Oficial do Estado e no Diario Oficial de Galicia. A presentación das solicitudes poderá facerse no rexistro xeral do Concello (oficina de asistencia en materia de rexistro do Concello de Pazos de Borbén), a través da sede electrónica/rexistro electrónico do Concello de Pazos de Borbén ( https://pazosdeborben.sedelectronica.gal ), ou en calquera das formas establecidas no art. 16.4º da Lei 39/2015, de 1 de outubro, de Procedemento Administrativo Común das Administracións Públicas. Os/As aspirantes que non presenten as solicitudes directamente no rexistro xeral do Concello, ou nunha administración integrada no sistema de interconexión de rexistros (SIR), será necesario que a remitan así mesmo por correo electrónico a concello@pazosdeborben.gal, o mesmo día da presentación da solicitude en calquera das formas establecidas no art. 16.4º da Lei 39/2015, de 1 de outubro, e debendo aparecer o selo do rexistro do lugar no que se presentou, para que sexan incluídos na listaxe de admitidos. As solicitudes que se presenten a través da oficina de correos deberán entregarse en sobre aberto para seren seladas e datadas antes de seren certificadas. A non presentación da solicitude en tempo e forma suporá a exclusión do/a aspirante. Artigo 5.— Admisión de participantes: Rematado o prazo de presentación de instancias, a Alcaldía ditará resolución aprobando a lista provisional de admitidos e excluídos, expresando as causas de exclusións. Esta resolución publicarase no Boletín Oficial da Provincia, no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén, e na súa páxina web, https://pazosdeborben.gal A resolución establecerá, a efectos de emenda de defectos ou omisións, e mesmo de reclamacións, un prazo de 10 días hábiles contados a partir do seguinte ao da publicación sinalada no BOP. Os erros de feito poderán emendarse en calquera momento de oficio ou a pedimento do interesado. No caso de que non existan defectos a emendar, a listaxe provisional de admitidos considerarase definitiva a tódolos efectos. As alegacións presentadas serán resoltas no prazo de 30 días desde a finalización do prazo para presentación. Transcurrido dito prazo sen que se houbera dictado resolución algunha, as alegacións se entenderán desestimadas. Posteriormente, mediante Resolución da Alcaldía, se aprobará a lista definitiva de admitidos e excluídos, que igualmente será obxecto de publicación no Boletín Oficial da Provincia e na sede electrónica do concello ( https://pazosdeborben.sedelectronica.gal ). Nesta mesma publicación se procederá á designación dos membros do tribunal cualificador, e se convocará aos aspirantes admitidos para o día, lugar e hora en que haberá de realizarse o primeiro exercicio da oposición. O chamamento para posteriores exercicios se fará mediante a publicación no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e na súa páxina web, https://pazosdeborben.gal Contra a resolución que aprobe a lista definitiva, as persoas interesadas poderán interpoñer, con carácter potestativo, recurso de reposición, diante da alcaldía, no prazo dun mes contado a partir do día seguinte á publicación da mesma. Por outra banda, os interesados tamén poderán formular un recurso contencioso administrativo diante do Xulgado Contencioso Administrativo de Vigo no prazo de 2 meses a contar dende a citada publicación, sen prexuízo de calquera outro que estime pertinente. Artigo 6.— Composición do tribunal: O Tribunal Cualificador estará formado por un presidente, un secretario e tres vogais. A composición dos tribunais será predominantemente técnica e os seus membros en todo caso pertencerán a corpos de igual ou superior grupo ao do corpo ao que optan os/as aspirantes. En ningún caso os membros do tribunal cualificador poderán ser funcionarios interinos, persoal eventual ou persoal de elección ou designación política. Cada membro do tribunal terá o seu suplente. Os titulares e suplentes serán nomeados polo Alcalde cando se dite a resolución pola que se aproba a lista definitiva de admitidos ao proceso selectivo. O Tribunal resolverá tódalas dúbidas que puidesen xurdir na aplicación destas normas, así como o que se deba facer nos casos non previstos. O Tribunal poderá dispoñer a incorporación aos seus traballos de asesores especialistas para as probas correspondentes dos exercicios que estimen pertinentes, limitándose ditos asesores unicamente a prestala súa colaboración nas súas especialidades técnicas. A actuación do Tribunal rexerase polo disposto nas presentes bases e na Lei 40/2015, de 1 de outubro, de Réxime Xurídico do Sector Público como na demais normativa de aplicación Os membros dos Tribunais que actúen nestas probas selectivas terán dereito a percibir as indemnizacións correspondentes, conforme ó establecido no Real decreto 462/2002, do 24 de maio, e lexislación complementaria. Así mesmo, os interesados poderán recusar aos membros do Tribunal cualificador, no prazo de tres días naturais dende a publicación da súa composición, cando, ao seu xuízo, concorra neles algunha das circunstancias previstas no artigo 23 Lei 40/2015, de 1 de outubro, de Réxime Xurídico do Sector Público. Os tribunais de cada proceso selectivo quedan facultados para a interpretación das bases da convocatoria, así como para resolver cantas dúbidas e incidencias presente a súa aplicación; para estes efectos poderá adoptar os acordos necesarios procurando a boa orde e desenvolvemento do proceso selectivo, podendo as súas resolucións ser recorridas en alzada ante Alcaldía, de acordo co precisado no artigo 112.1 da Lei 39/2015. Artigo 7.— Proceso de selección: O sistema de selección é o de concurso-oposición. 7.1.— FASE DE OPOSICIÓN. Esta fase se puntuará cun máximo de 21 puntos. Consistirá na realización dos seguintes exercicios: A) Primeiro exercicio, obrigatorio e eliminatorio: consistirá en contestar por escrito un cuestionario, tipo test, de 20 preguntas con respostas alternativas baseadas no contido do programa anexo á convocatoria (parte xeral e específica) durante un período de 40 minutos e determinado polo tribunal inmediatamente antes do inicio deste exercicio (Puntuación máxima 10 puntos). O tribunal disporá os medios que estime oportunos para garantir o anonimato dos/as aspirantes na realización do exercicio. Haberá que responder 2 preguntas adicionais de reserva, que só se valorarán no caso de que se anulen algunhas das preguntas iniciais, e sen que implique a ampliación do tempo para a realización do exercicio. Este exercicio cualificarase de 0 a 10 puntos, sendo necesario para superalo obter un mínimo de 5 puntos, correspondéndolle ao tribunal determinar o número de respostas correctas esixido para acadar a puntuación mínima. Neste exercicio cada resposta incorrecta penalizará un tercio da puntuación de cada pregunta acertada, non puntuándose as non contestadas. O criterio único de valoración desta proba é o acerto nas alternativas propostas. B) Segundo exercicio, obrigatorio e eliminatorio, de carácter práctico (Puntuación máxima 10 puntos): Consistirá na realización dunha ou varias probas de execución practica ou teórica acordes coas funcións do posto, que proporá o Tribunal e sempre relacionadas coas materias obxecto do temario, no prazo establecido polo Tribunal en función da natureza da proba. O tribunal poderá formular preguntas aos aspirantes sobre aspectos da proba efectuada . Este exercicio cualificarase de 0 a 10 puntos, sendo eliminados todos aqueles aspirantes que non superen a puntuación mínima de 5 puntos. C) Terceiro exercicio sobre coñecemento do idioma galego (Puntuación máxima 1 punto). Obrigatorio e non eliminatorio, sobre coñecemento do idioma galego, que consistirá na tradución dun texto de castelán a galego, determinado polo Tribunal inmediatamente antes da realización do mesmo, durante un tempo máximo de 30 minutos. Este exercicio puntuarase de cero (0) a un (1) puntos. Estarán exentos da realización deste exercicio os aspirantes que acrediten posuír o Celga 1 ou equivalente debidamente homologado polo órgano competente en materia de política lingüística da Xunta de Galicia, de conformidade co establecido na Orde da Consellería de Presidencia, Administracións Públicas e Xustiza do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega, aos que se lles asignarán 1 punto. Os aspirantes serán convocados para cada exercicio en chamamento único, sendo excluidos da oposición quenes non comparezan. Os candidatos deberán acudir provistos do DNI ou, no seu defecto, pasaporte ou carné de conducir, así como dos medios materiais axeitados e necesarios para a práctica dos exercicios. 7.2.— FASE DE CONCURSO Rematada a fase de oposición realizarase a fase de concurso. Esta fase se puntuará cun máximo de 4 puntos, segundo o desglose que se detaia a continuación. Todos os méritos alegados deberán de posuírse no momento de terminación do prazo de presentación de solicitudes de participación no proceso selectivo. Esta fase de concurso en ningún caso terá carácter eliminatorio. Na fase de concurso só se valorarán e cualificarán os méritos alegados e xustificados que figuren incluídos nas presentes bases, puntuándose de conformidade co baremo sinalado nestas. A lista que conteña a valoración dos méritos farase pública nos lugares indicados no artigo 3, unha vez celebrada a sesión de valoración polo Tribunal. O único mérito a valorar nesta fase é: • Experiencia profesional (Puntuación máxima 4 puntos): A experiencia laboral puntuarase segundo o seguinte baremo: Por cada mes completo de servizos prestados na administración pública en prazas da mesma categoría ao solicitado (prazas de oficial de obras e servizos) ou prazas con funcións análogas ou asimiladas á praza convocada: 0,1 puntos. Os servizos prestados acreditaranse mediante fotocopia simple do certificado do órgano de xestión de persoal da administración pública competente e certificación da vida laboral expedida pola Tesourería da Seguridade Social, en todo caso con especificación de categoría laboral. Entenderase por servizos prestados na Administración pública os que derivan dunha contratación laboral (indefinida ou temporal), ou da condición de persoal funcionario de carreira ou interino en calquera das súas modalidades. Só se valorarán os servizos prestados na administración pública en postos con funcións análogas ou asimiladas á praza de oficial de obras e servizos convocada. Non se computarán os servizos que se prestaran simultaneamente con outros igualmente alegados Non se puntuarán períodos inferiores a un mes. A puntuación máxima por experiencia profesional non poderá ser superior a 4 puntos O resultado da suma de ambas fases, oposición e concurso, dacordo co exposto, será a puntuación final. Artigo 8.— Calendario das probas e desenvolvemento dos exercicios de oposición A data, lugar e hora de celebración da primeira proba que conforma a fase de oposición serán publicadas na resolución pola que se aprobe a lista definitiva de admitidos, no Boletín oficial da Provincia (BOP), no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e na súa páxina web, https://pazosdeborben.gal Os/As aspirantes serán convocados para cada exercicio en único chamamento, sendo excluídos das probas os que non comparezan. Deberán acreditar suficientemente a súa identidade mediante a exhibición do DNI, permiso de conducir, pasaporte ou documento equivalente en caso de estranxeiros, exhibición que poderá serlle requirida por calquera membro do tribunal no curso do desenvolvemento dos exercicios. Se en calquera momento do proceso selectivo chegara a coñecemento do tribunal que algún dos/as aspirantes non posúe a totalidade dos requisitos esixidos na respectiva convocatoria, logo da audiencia do interesado, o tribunal deberá propor a concellaría competente na materia a súa exclusión indicando as inexactitudes ou falsidades observadas para os efectos procedentes. Concluído cada un dos exercicios da oposición correspondente, o tribunal fará pública, no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e na súa páxina web, https://pazosdeborben.gal , a relación de aspirantes que o superaron con indicación da puntuación obtida. Os/As aspirantes non incluídos na lista terán a consideración de non aptos. Así, se algún aspirante quere ter acceso ao seu expediente ou exercicios, deberá solicitalo por escrito e notificaráselle por escrito o día e hora en que poderá velo. Se quere copia dalgún dos citados documentos deberá aboar a taxa correspondente e solicitalo así mesmo por escrito. No caso de que participen persoas con discapacidade que solicitasen adaptacións de tempo e medios, será o órgano de selección o que determine o contido e alcance das adaptacións solicitadas. Para a concesión ou denegación das solicitudes de adaptación, terase en conta que as mesmas non deberán desvirtuar o contido do exercicio, nin implicar a redución nin menoscabo do nivel de suficiencia esixible para superar o proceso selectivo. Para a adaptación de tempos estarase a Orde PRE/1822/2006, do 9 de xuño pola que se establecen criterios xerais para adaptación de tempos adicionais nos procesos selectivos para o acceso ao emprego público de persoas con discapacidade e normativa de concordante aplicación. Os órganos de selección poderán requirir informe e, de ser o caso, colaboración dos órganos técnicos competentes da administración laboral ou sanitaria da Xunta de Galicia Os exercicios celebraranse a porta pechada sen outra asistencia que os membros do tribunal, os/as colaboradores/as designados por este e os/as opositores/as, agás a lectura polos/as opositores/as dos exercicios escritos, cando así estea establecido nas bases do proceso selectivo ou, chegado o caso, cando o acorde o tribunal, que se realizarán en sesión pública. Neste caso, o/a aspirante que non acuda á lectura pública será declarado/a non apto/a e polo tanto eliminado do proceso selectivo. O tribunal disporá os medios que estime oportunos para garantir o anonimato dos/as aspirantes na realización dos exercicios, salvo en aqueles que pola súa natureza non sexa posible a realizar de forma anónima. Nos casos dos exercicios nos que deba garantirse o anonimato segundo o establecido nas bases, os/as aspirantes non poderán realizar ningunha sinal identificadora nas follas utilizadas para a súa realización. De non observar esta regra serán automaticamente eliminados do correspondente proceso selectivo, sen que se proceda nin sequera á corrección do exercicio. Esta circunstancia acordarase polo tribunal cualificador e anunciarase xunto coas cualificacións do exercicio correspondente. A orde de chamamento dos opositores para realizar os exercicios será determinada pola orde de presentación de instancias no Rexistro, empezando pola primeira solicitude rexistrada. Dende a total terminación dun exercicio ou proba ata o comezo do seguinte deberá transcorrer un prazo mínimo de 72 horas e un máximo de 40 días naturais. Primeiro os aspirantes realizarán a fase oposición, e unha vez rematada a mesma, procederase á valoración da fase concurso só para aqueles aspirantes que superaron a fase de oposición. Contra os acordos do tribunal poderá interpoñerse o recurso procedente ante o órgano competente de conformidade co previsto na Lei de réxime xurídico das administracións públicas e de procedemento administrativo común. Artigo 9.— Cualificación final e relación de aprobados, acreditación de requisitos esixidos e nomeamento e toma de posesión: A cualificación dos/das aspirantes virá determinado pola suma dos puntos obtidos en cada unha das fases do proceso selectivo. No prazo de 3 días hábiles desde a publicación do resultado da fase de concurso no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén, os/as aspirantes poderán presentar reclamacións contra o resultado provisional podendo achegar, en concepto de emenda e para a súa valoración aqueles documentos que acrediten méritos alegados e insuficientemente xustificados polos interesados na documentación alegada coa instancia de participación. En ningún caso se terán en conta outros méritos distintos dos alegados inicialmente polos/as aspirantes na súa instancia de participación. Eliminaranse aqueles/as aspirantes que non superen algún dos exercicios eliminatorios da fase de oposición. A orde definitiva dos/as aspirantes estará determinada pola puntuación final obtida no concurso-oposición. No suposto de empate nas puntuacións de dous ou máis aspirantes, este resolverase tendo en conta a maior puntuación obtida no segundo exercicio e se isto non fose abondo, pola puntuación obtida no primeiro exercicio, e en caso de persistir pola puntuación do terceiro exercicio ata que o empate se resolva. De persistir o empate este resolverase mediante sorteo cuxa realización se anunciará, para a posible presencia dos/as aspirantes afectados/as, sinalando o lugar, día e hora da súa celebración, mediante anuncio publicado, cunha antelación mínima de 48 horas, no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e na súa páxina web, https://pazosdeborben.gal. Unha vez realizadas as cualificacións finais, o Tribunal publicará no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e na súa páxina web, https://pazosdeborben.gal , a relación por orde de puntuación, dos/as aspirantes que aprobaron o proceso selectivo, precisándose que o número de aprobados non poderá pasar o número de prazas vacantes convocadas, e formulará proposta de nomeamento ante a Alcaldía Presidencia, sen que ésta poida superar o número de prazas convocadas. Dita proposta publicarase na Sede Electrónica do Concello. O tribunal en ningún caso poderá aprobar nin declarar que superaron as probas selectivas un número superior de aspirantes ao das prazas convocadas en cada proceso selectivo. Calquera proposta de aprobados que contraveña o establecido anteriormente será nula de pleno dereito. A proposta do tribunal terá carácter vinculante. O aspirante proposto acreditará ante a Administración (a través do rexistro electrónico do Concello ou a través das formas establecidas no artigo 16.4 da Lei 39/2015, de 1 de outubro, de Procedemento Administrativo Común), dentro do prazo de vinte días naturais desde que se publiquen as listas de aprobados na sede electrónica, as condicións de capacidade e requisitos esixidos na convocatoria, debendo aportar: a) Fotocopia do DNI, que se deberá presentar acompañada do orixinal para a súa compulsa. b) Certificado Médico Oficial acreditativo de non padecer enfermidade nin defecto físico que impida o desempeño das funcións propias do posto. c) Copia autenticada ou fotocopia (que se deberá presentar acompañada do orixinal para a súa compulsa) do título esixido ou certificación académica correspondente. d) Declaración xurada de non ter sido separado mediante expediente disciplinario do servizo de ningunha das Administracións Públicas ou dos órganos constitucionais ou estatutarios das Comunidades autónomas, nin de atoparse en situación de inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario ao que pertence a praza. E no caso de ser nacional doutro estado: declaración xurada de non atoparse inhabilitado ou en situación equivalente nin sometido a sanción disciplinaria ou equivalente que impida, no Estado da súa nacionalidade, nos mesmos termos o acceso ao emprego público. e) Declaración xurada de non estar incurso en ningunha das causas de incapacidade ou incompatibilidade determinadas na lexislación vixente. f) Fotocopia da tarxeta da Seguridade Social e número de conta bancaria g) O aspirante aprobado que fixese valer a súa condición de persoal con minusvalía na instancia, deberá presentar tamén a certificación que acredite tal condición, e igualmente deberá presentar certificado, expedido polo mesmo órgano ou polo competente da administración sanitaria, acreditativo da compatibilidade co desempeño das tarefas ou funcións correspondentes. Se dentro do prazo expresado, e salvo causas de forza maior debidamente acreditadas, os aspirantes propostos polo Tribunal non presentasen a documentación, ou do exame da mesma, deducísese que carecen dalgún dos requisitos esixidos nas Base, renuncien, ou o resultado do recoñecemento médico fose “non apto” non poderán ser nomeados para ocupar as prazas obxecto das correspondentes convocatorias e quedarán anuladas as actuacións, sen prexuízo da responsabilidade en que incorresen por falsidade na instancia inicial. Sempre que os tribunais de selección propoñan o nomeamento de igual número de persoas aprobadas que o de prazas convocadas, e co fin de asegurar a súa cobertura, cando se produzan renuncias das persoas seleccionadas antes do seu nomeamento ou toma de posesión, ou non acrediten os requisitos establecidos na convocatoria, o Alcalde poderá requirir do tribunal de selección unha relación complementaria das persoas aprobadas que sigan ás persoas propostas, para o seu posible nomeamento como persoal funcionario de carreira. A Alcaldía deberá de nomear persoal funcionario de carreira ao aspirante proposto, unha vez xustificado documentalmente o cumprimento dos requisitos esixidos para o ingreso, no prazo de un (1) mes a contar desde a terminación dos vinte días anteriores. O nomeamento mencionado publicarase no Diario Oficial de Galicia, no Boletín Oficial da Provincia e na sede electrónica deste Concello. Unha vez publicado anuncio do nomeamento de persoal funcionario, este deberá tomar posesión ou incorporarse no prazo máximo de un (1)mes. Por dilixencia, farase constar na toma de posesión a manifestación do/a interesado/a de non vir desenvolvendo ningún posto ou actividade no sector público e que non realiza actividade privada incompatible ou suxeita a recoñecemento de compatibilidade, así como de non atoparse percibindo pensión de xubilación, retiro ou orfandade por dereitos pasivos ou por calquera réxime da Seguridade Social, público e obrigatorio; a non ser que soliciten o recoñecemento de compatibilidade para actividades privadas ou postos do sector público de conformidade coa normativa de incompatibilidades nos prazos sinalados por esta. De non tomar posesión no prazo indicado os/as nomeados/as quedarán na situación de cesantes, a non ser que presenten causa xustificada que deberá ser alegada e aceptada. Artigo 10.— Lista de reserva O tribunal elaborará tamén por orde decrecente de puntuación unha listaxe de agarda coas persoas aspirantes que, superando todos os exercicios da fase de oposición, non obtivesen praza, lista de agarda que poderá empregarse para a cobertura temporal de postos/prazas por persoal funcionario interino de oficial de obras e servizos sempre que concorran algunha das circunstancias descritas nos artigos 10 do Real Decreto Lexislativo 5/2015, de 30 de outubro, polo que se aproba o Texto refundido da Lei do Estatuto Básico do Empregado Público e 23 da Lei 2/2015, de 29 de abril, do Emprego Público de Galicia. A orde dos nomeamentos para a provisión de postos con carácter interino realizarase por estrita orde de puntuación, funcionado a lista de reserva do seguinte xeito: • A lista de reserva, confeccionada por orde de maior a menor puntuación, será sometida á aprobación do Sr. Alcalde. A resolución do Alcalde e as listas de reserva serán expostas no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e na súa páxina web, https://pazosdeborben.gal , para coñecemento dos interesados e demais efectos legais. • No suposto de empate nas puntuacións de dous ou máis aspirantes a incluír na lista de reserva, este resolverase tendo en conta a maior puntuación obtida no segundo exercicio e se isto non fose abondo, pola puntuación obtida no primeiro exercicio, e en caso de persistir pola puntuación do terceiro exercicio ata que o empate se resolva. De persistir o empate este resolverase mediante sorteo dacordo co sinalado na base novena. • A lista que se confeccione estará en vigor ata que se realice un novo proceso selectivo coa finalidade de prover en propiedade as prazas correspondentes ás categorías das que se trate e en todo caso, por un prazo máximo de 3 anos. Así mesmo, perderán vixencia todas as listas de interinos/as correspondentes ás categorías das prazas convocadas xeradas a partir de toda clase de procesos selectivos anteriores á presente convocatoria. • Cando fose necesario proceder a realizar un chamamento a través da lista de reserva, o Concello de Pazos de Borbén publicará no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e de forma complementaria na súa páxina web, https://pazosdeborben.gal , a listaxe de integrantes da lista aos que se procede a chamar para cubrir as prazas correspondentes, outorgándoselle un prazo de 2 días hábiles para que manifesten se están dispostos a aceptar a oferta para cubrir a vacante ou vacantes que se pretenden cubrir, respectando en todo caso o lugar se ocupe na lista de reserva. A manifestación de aceptación ou renuncia poderase presentar electronicamente a través do rexistro electrónico do Concello. Alternativamente poderase presentar en soporte papel na Oficina de asistencia en materia de rexistros do Concello, ou en calquera das formas establecidas no art. 16.4 da Lei 39/2015, de 1 de outubro, de procedemento administrativo común das administracións públicas. Aqueles que figuren no chamamento e non manifesten en prazo que están dispostos a aceptar a oferta ou contesten rexeitando a oferta considerarase que renuncian. Aquel/a ou aqueles/as dos/as integrantes da lista que, sendo chamados/as, manifesten dentro do prazo sinalado que están dispostos/as a aceptar a oferta, de acordo coa orde que figure na lista de reserva e ata o número máximo de prazas ou postos a cubrir, serán propostos para ser nomeados/as como funcionarios/as interinos, a cuxos efectos deberán presentar a documentación que se sinala a continuación, no prazo máximo de 24 horas hábiles dende a publicación da proposta no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e de forma complementaria na súa páxina web, https://pazosdeborben.gal: 1. Título esixido no artigo 2º. 2. Declaración xurada de non estar separado mediante expediente disciplinario do servizo de calquera das Administracións Públicas, nin atoparse en inhabilitación absoluta ou especial para empregos ou cargos públicos por resolución xudicial; e de non estar incurso en ningunha das causas de incapacidade ou incompatibilidade determinadas na lexislación vixente, nos termos establecidos nos apartados e) e f) da base segunda. 3. Fotocopia da cartilla da S.S. 4. Número de conta bancaria cos 20 díxitos. 5. Certificado médico acreditativo de non padecer enfermidade ou defecto físico que imposibilite o normal exercicio das funcións a desempeñar. • A resolución de nomeamento como funcionario/a interino/a publicarase no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e de forma complementaria na súa páxina web, https://pazosdeborben.gal durante un prazo de 1 mes, co seu réxime de recursos. Unha vez nomeado, o/a aspirante deberá tomar posesión do seu posto na data sinalada pola Administración na propia resolución, que non poderá ser superior a 3 días dende a data da publicación, no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e de forma complementaria na súa páxina web, https://pazosdeborben.gal , quedando dende dito momento sometido ao réxime de incompatibilidades vixente. • Dito persoal cesará cando a praza sexa cuberta en propiedade, cando desaparezan as circunstancias que motivaron o seu nomeamento ou á finalización do proceso selectivo que se convoque para prover prazas de forma definitiva correspondentes a categoría das prazas obxecto deste proceso selectivo. • Dacordo co art. 24 da Lei 2/2015, de 29 de abril, de emprego público de Galicia (LEPG), o primeiro nomeamento como persoal funcionario interino en un determinado corpo, escala ou especialidade estará suxeito a un período de proba. • A renuncia o nomeamento como interino por causa xustificada (estar traballando por conta propia ou allea, facéndoo constar de xeito fehaciente, períodos de embarazo maternidade ou situacións asimiladas, ou enfermidade debidamente xustificada) determinará que non se perda a orde na lista de reserva procedéndose ao chamamento do seguinte aspirante na orde da lista. A renuncia por causa xustificada ao nomeamento como funcionario interino por dúas veces suporá a perda da orde na lista de reserva relegándose ao aspirante ao último lugar na mesma. A renuncia por causa non xustificada ao nomeamento como funcionario interino suporá a perda da orde na lista de reserva relegándose ao aspirante ao último lugar na mesma. O/a aspirante que tendo sido nomeado/a funcionario/a interino/a renuncie ao posto será excluído/a da lista de reserva. • En calquera momento os aspirantes poderán pedir a súa exclusión da listaxe. O efectivo funcionamento da listaxe estará supeditado á normativa vixente en cada momento. Artigo 11.— Protección de datos: Dacordo co Regulamento (UE) 2016/679 do 27 de abril 2016 e Lei Orgánica de Protección de Datos Personais e garantía de dereitos dixitais, LO 3/2018, de 5 de decembro, informase ós participantes nesta convocatoria que os seus datos persoais serán tratados polo Concello coa única finalidade de tramitación e xestión de expedientes administrativos correspondentes e de ter en conta a súa candidatura para o posto ofertado, sendo o responsable do tratamento e custodia o Concello de Pazos de Borbén, e sendo a lexitimación para o tratamento o cumprimento dunha tarefa realizada en interés público ou en exercicio de poderes públicos conferidos ao responsable do tratamento. Os datos personais non serán comunicados a un terceiro, a no ser que deban facilitarse en cumprimiento de unha obligación legal. Así mesmo se informa que o interesado pode retirar o consentimiento dos datos que autorizase a este concello a consultar, en caso de que o outorgase, en calquer momento, podendo exercitar os dereitos de acceso, rectificación, supresión, limitación, oposición e portabilidade, segundo o establecido na normativa de protección de datos personais, dirixindo solicitude firmada por escrito xunto cunha fotocopia do DNI. As solicitudes de exercicios de dereitos poden dirixirse ao Rexistro de Entrada do Concello de Pazos de Borbén, Lg. Pazos 52, CP 36841, Pazos de Borbén, Teléfono: 986497035, Email de contacto: concello@pazosdeborben.gal. Así mesmo, se informa do dereito a presentar reclamación ante a Autoridade de Control en materia de Protección de Datos competente, especialmente cando non haxa obtido satisfacción no exercicio dos seus dereitos, mediante escrito dirixido á Axencia Española de Protección de Datos, C/Jorge Juan nº 6, 28001 Madrid ou bien accedendo á súa sede electrónica a través da web www.agpd.es . Artigo 12.— Réxime xurídico. Recursos. As bases desta convocatoria vinculan á Administración municipal, aos tribunais cualificadores e aos/ás aspirantes que participen nos procesos selectivos convocados. O proceso selectivo rexerase polo disposto nas presentes Bases e, en todo o non previsto por elas, pola seguinte normativa: Real Decreto Lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público, Lei 30/1984, do 2 de agosto, de medidas para a reforma da función pública, Lei 7/1985, do 2 de abril, reguladora das bases de réxime local, Real Decreto Lexislativo 781/1986, do 18 de abril, polo que se aproba o texto refundido das disposicións legais vixentes en réxime local, Lei 2/2015, do 29 de abril, do Emprego Público de Galicia (LEPG), Lei 5/1997, do 22 de xullo, de Administración local de Galicia, Real Decreto 896/1991, do 7 de xuño, polo que se aproban as regras básicas e programas mínimos aos que se debe axustar o procedemento de selección de funcionarios de Administración Local, Lei 39/2015, do 1 de outubro, do Procedemento administrativo Común das Administracións Públicas, Lei 40/2015, do 1 de outubro, do Réxime Xurídico do Sector Público, Real Decreto 364/1995, do 10 de marzo, polo que se aproba o Regulamento xeral de ingreso do persoal ao servizo da Administración do Estado e demáis disposicións que resulten de aplicación. As convocatorias, as resolucións aprobatorias das bases, e cantos actos administrativos se deriven delas, poderán ser impugnados polos interesados nos casos e na forma establecidos pola Lei 39/2015, de procedemento administrativo común, así como segundo a lexislación reguladora da xurisdición contencioso-administrativa, segundo corresponda. De conformidade co seu carácter de actos de trámite cualificados, contra a resolución aprobatoria da convocatoria e as súas bases, que esgota a vía administrativa, poderase interpoñer, alternativamente, polas persoas interesadas, recurso de reposición, no prazo dun mes a contar dende o día seguinte á publicación, ante a Alcaldía, ou directamente recurso contencioso-administrativo no prazo de dous meses a contar dende o día seguinte á publicación, perante o xulgado do Contencioso-Administrativo de Vigo. Si optásese por interpor o recurso de reposición potestativo, non poderá interporse recurso Contencioso Administrativo ata que aquel sexa resolto expresamente ou se producira a súa desestimación por silencio. Todo iso sen prexuízo de que poida interpor calquera outro recurso que puidese estimar máis conveniente ao seu dereito. O Tribunal Cualificador queda facultado para a resolución de cantas incidencias e cuestións se susciten no desenvolvemento do proceso selectivo, podendo as súas resolucións ser recorridas en alzada ante o Alcalde de acordo co precisado no art. 121.1 da Lei 39/2015, de 1 de outubro, de procedemento administrativo común das administracións públicas. Pazos de Borbén, o Alcalde. Documento asinado electrónicamente. ANEXO I. PROGRAMA DE MATERIAS PARA A FASE DE OPOSICIÓN PARTE XERAL: Tema 1.— A Constitución Española: principios xerais. Dereitos e deberes fundamentais. A organización territorial do Estado. Tema 2.— O municipio. A organización municipal. Competencias municipais. Lei 7/1985, de 2 de abril, Reguladora de Bases de Réxime Local: Título I e II. Real Decreto 2568/1986, de 28 de novembro, polo que se aproba o Regulamento de Organización, funcionamento e Réxime Xurídico das Entidades Locais: Título II e III. Tema 3.— Servizos municipais obrigatorios e servizos mínimos. O art. 26 da Lei 7/1985, de 2 de abril, Reguladora de Bases de Réxime Local. Tema 4.— Dereitos e deberes dos empregados públicos locais. Incompatibilidades dos empregados públicos, Lei 53/1984, de 26 de decembro, de Incompatiblidades do persoal ao servizo das Administracións Públicas. Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do Empregado Público: Título III. Tema 5.— Medidas de prevención de riscos laborais. Lei 31/1995, de 8 de novembro, de Prevención de Riscos Laborais. PARTE ESPECÍFICA: Tema 6.— Coñecemento do termo municipal. Principais edificios públicos. Tema 7.— Nocións xerais sobre conservación, mantemento e reparación básica de edificios e instalacións municipais. Construción, elementos e materiais de construción. Tema 8.— Conservación e mantemento de vías e espazos públicos. Limpeza viaria e xestión de residuos. Firmes e pavimentos. Formigóns e encofrados. Reparacións e bacheos. Ferramentas e útiles nos traballos de albanelería e pintura. Uso e conservación. Tema 9.— Ferramentas manuais e maquinaria de uso habitual nas brigadas municipais. Nocións de manexo de maquinaria de movemento de terras, camión con grúa, tractor, camión do lixo. Manexo de equipos de limpeza: desbrozadora, sopladora e similares. Mantemento básico e seguridade no seu uso. Tema 10.— Traballos de drenaxe e canalizacións. Redes municipais de abastecemento e saneamento. Nocións básicas de mantemento e reparacións. Tema 11.— Nocións básicas de fontanería. Tema 12.— Nocións básicas de electricidade. da electricidade. Mantemento e conservación Tema 13.— Medio ambiente e xestión de residuos en obra Tema 14.— Saúde laboral. Riscos específicos do persoal de oficios/obras e servizos. Prevención de riscos laborais no posto de traballo de oficial de obras e servizos. Equipos de protección individual e sinalización de traballos e obras na vía pública. Medidas de seguridade para peóns e vehículos. ANEXO II. Modelo de instancia PROCESO SELECTIVO PARA O ACCESO MEDIANTE CONCURSO-OPOSICIÓN Á PRAZA DE FUNCIONARIO DE CARREIRA DE OFICIAL DE OBRAS E SERVIZOS DO CONCELLO DE PAZOS DE BORBÉN, DA ESCALA DE ADMINISTRACIÓN ESPECIAL, SUBESCALA DE SERVIZOS ESPECIAIS, GRUPO AP. D.ª__________________________________________________________________________, con data de nacemento __________________, con DNI núm. _____________________ e con domicilio en___________________________________________________________________, C.P.______(teléfono_________________;correo electrónico ____________________________) ante o Sr. Alcalde do Concello de Pazos de Borbén, COMPARECE e DI: a) Que coñece e acepta as bases do proceso b) Que desexa ser admitido ás probas selectivas convocadas. c) Que reúne todos e cada un dos requisitos establecidos nas bases da convocatoria e que aporta a documentación esixida para o efecto. d) Que adxunta á presente: • Fotocopia do DNI ou pasaporte. • Fotocopia do título de ______________________________________________ • Fotocopia acreditativa de posuír o CELGA 1 ou título equivalente (só para aqueles aspirantes que desexen acreditar estar exentos da proba da lingua galega). • Fotocopia permiso de conducir clase C en vigor • Xustificante do pagamento da taxa por dereito de exame.( Nº conta ES93 2080 5049 6130 4000 6392) • Documentación xustificativa dos méritos alegados para a valoración da fase de concurso; e índice conforme ao seguinte modelo: Experiencia profesional: ENTIDADE DURACIÓN PUNTUACIÓN ... TOTAL PUNTUACIÓN EXPERIENCIA PROFESIONAL e) Que declara responsablemente non haber sido separado, mediante expediente disciplinario, do servizo de ningunha das administracións públicas ou dos órganos constitucionais ou estatutarios das Comunidades Autónomas, nin atoparse en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario, ou para exercer funcións similares as que desempeñaban no caso do persoal laboral, no que se houbese separado ou inhabilitado, de conformidade do disposto no artigo 56.1 do RDL 5/2015, do 15 de outubro. . No caso de ser nacional doutro Estado, non atoparse inhabilitado ou en situación equivalente nin haber sido sometido a sanción disciplinaria ou equivalente que impida, no seu Estado, nos mesmos termos o acceso ao emprego público. f) Que declara responsablemente non estar incurso en causas de incapacidade ou incompatibilidade de conformidade có disposto na Lei 53/1984, do 26 de decembro, de incompatibilidades do persoal ao servizo das Administracións Públicas e lexislación vixente. g) Que declara posuír a capacidade funcional e aptitudes físicas e psíquicas necesarias para o desenvolvemento das funcións correspondentes á praza á que se opta. Que non padezo enfermidade, nin estou afecto/a por limitación física ou psíquica que impida ou sexa incompatible co desenvolvemento das funcións propias do posto de traballo. Que non fun condenado por sentenza firma por algún delito contra a liberdade e indemnidade sexual. h) Que solicita adaptacións por motivo de discapacidade (marcar cunha x): __ SÍ __ NON No caso de situación de discapacidade deberán presentar solicitude expresa na instancia, concretando as adaptacións concretas que pretende, e achegar fotocopia simple do ditame técnico facultativo emitido polo órgano técnico de cualificación do grado de minusvalía segundo se especifica nas bases da convocatoria. Por todo o exposto SOLICITA que se teña por presentada esta solicitude e sexa admitido ás probas selectivas indicadas. E ademais, autorizo ao Concello de Pazos de Borbén a relacionarse electronicamente en todos os trámites deste procedemento non suxeitos a publicación, que precisen de comunicación ou notificación individual (marcar cun X. No caso de non marcar ningunha das celdas entenderase que o opositor non autoriza a comunicación electrónica): __ SÍ. Enderezo electrónico: ....................................................................................................... __ NON A comunicación da dirección de correo electrónica servirá para enviarlle un aviso, informándolle da posta a disposición dunha notificación na sede electrónica da Administración ou na dirección electrónica habilitada única. En todo caso, a falta da práctica deste aviso non impedirá que a notificación sexa considerada plenamente válida Marque con un X o idioma no que desexa que se proporcione o as probas: • castelán • galego En__________, __ de ________________ de 20__ Asdo.: ________________________ Dirixido ao Alcalde do Concello de Pazos de Borbén. INFORMACIÓN SOBRE A PROTECCIÓN DE DATOS De acordo co establecido na Lei Orgánica 3/2018, de 5 de decembro, de Protección de datos Persoais e garantía de dereitos dixitais, informámoslle que os seus datos persoais pasarán a formar parte do ficheiro “selección de persoal” (BOPPO nº98, 23/05/2012) cuxo responsable é o Concello de Pazos de Borbén, con domicilio en Lugar de Pazos, nº52, 36841, Pazos De Borbén (Pontevedra), onde poderá exercitar os dereitos de acceso, rectificación, cancelación e, no seu caso, o de oposición, dirixindo á Secretaría solicitude asinada po escrito. Mediante a facilitación dos seus datos persoais, os titulares dos mesmos consenten expresamente o tratamento dos mesmos coa finalidade de levar a cabo a tramitación do proceso selectivo no que solicita participar e xestionar a lista de reserva, chamamentos nomeamentos que se deriven da mesma. Os seus datos non poderán ser cedidos, salvo cesións previstas na Lei. O Alcalde Documento asinado electrónicamente.” Segundo.— Publicar anuncio da aprobación da convocatoria no Boletín Oficial do Estado e no Diario Oficial de Galicia, e publicar as bases reguladoras da convocatoria no Boletín Oficial da Provincia de Pontevedra, no taboleiro de anuncios da sede electrónica ( https://pazosdeborben.sedelectronica.gal ) do Concello de Pazos de Borbén e na súa páxina web, ( https://pazosdeborben.gal ), dacordo co establecido nas bases. Terceiro.— Dar traslado do presente acordo ao Pleno da Corporación na primeira sesión que se celebre Cuarto.— Recursos procedentes: Contra a presente Resolución que pon fin a vía administrativa, poderá interpoñerse alternativamente RECURSO POTESTATIVO DE REPOSICIÓN ante a alcaldía, no prazo de un mes a contar dende o día seguinte ó da súa publicación, ó abeiro do establecido nos artigos 123 e 124 da Lei 39/2015, de 1 de outubro, do Procedemento Administrativo Común das Administracións Públicas, ou ben directamente o RECURSO CONTENCIOSO ADMINISTRATIVO ante o Xulgado do Contencioso-Administrativo de Vigo, no prazo de dous meses contados dende o día seguinte ó da súa publicación, consonte ó disposto nos artigos 8.1 e 46.1 da Lei 29/1998, de 13 de xuño, da Xurisdicción Contencioso-Administrativa. No caso de interpoñerse o recurso potestativo de reposición, o prazo de dous meses para interpor recurso contencioso-administrativo empezará a contar dende o día seguinte ao da notificación da resolución do recurso de reposición, se esta fora expresa. Se a resolución non fora expresa o prazo para interpoñer o recurso contencioso-administrativo será de seis meses, contados a partir do día seguinte a aquel en que se produza a desestimación por silencio administrativo. Todo elo sen prexuízo de que poida interpoñer calquera outro recurso que estime procedente conforme a dereito. Mándao e asínao o Alcalde, en Pazos de Borbén. Documento asinado dixitalmente á marxe