Escala de funcionario

Na Xunta de Goberno Local celebrada o día 13 de outubro de 2026 aprobáronse as seguintes bases: BASES QUE REGULARÁN OS PROCESOS SELECTIVOS PARA CUBRIR PRAZAS E POSTOS DE TRABALLO VACANTES NO CADRO DE PERSOAL DO CONCELLO DE MOAÑA, INCLUÍDAS NA OFERTA DE EMPREGO PÚBLICO DO ANO 2025 BASES XERAIS Primeira. Obxecto O obxecto destas bases é regular os procesos selectivos para a provisión das seguintes prazas e postos de traballo vacantes no cadro de persoal, incluídos na Oferta de Emprego Público do ano 2025 (en adiante OPE 2025), aprobada na sesión ordinaria da Xunta de goberno local do 30 de xuño de 2025 (BOP núm. 152, do 12 de agosto de 2025 e DOG nº170, do 4 de setembro de 2025): PERSOAL FUNCIONARIO DE CARREIRA Nº Denominación Grupo Subgrupo Escala Subescala Titulación Provisión 1 Técnico de xestión A A2 Adm. Xeral Xestión Grao universitario Promoción interna 1 Arquitecto/a técnico/a A A2 Adm. Especial Técnica media Grao universitario Promoción interna funcionarización 1 Administrativo/a de Arquivo C C1 Adm. Xeral Administrativa Bacharelato Promoción interna 1 Auxiliar admtvo/a Rexistro C C2 Adm. Xeral Auxiliar ESO Promoción interna As ditas prazas estarán dotadas coas retribucións básicas correspondentes ao seu grupo de titulación e coas retribucións complementarias asignadas ao posto de traballo ao que se adscriba a praza. Segunda. Publicidade das bases O texto íntegro das bases publicarase no Boletín Oficial da Provincia de Pontevedra (BOP), no taboleiro de anuncios e na sede electrónica do Concello de Moaña https://concellodemoana.sedelectronica.gal (apartado “INFORMACIÓN XERAL”- Taboleiro de anuncios/sección “Emprego Público”). O anuncio da convocatoria publicarase no Diario Oficial de Galicia (DOG) e no Boletín Oficial do Estado (BOE). Terceira. Sistema de selección O sistema de selección para ingresar nas prazas convocadas será o establecido nas bases específicas en quenda de promoción interna. Cuarta. Requisitos 1. Para seren admitidos/as á realización das probas selectivas, de conformidade co establecido no artigo 56 do Real decreto lexislativo 5/2015, do 30 de outubro, polo que se aproba o texto refundido da Lei do estatuto básico do empregado público (TREBEP), as persoas candidatas que desexen tomar parte no proceso selectivo deberán acreditar os seguintes requisitos: 1.a) Ter a nacionalidade española, sen prexuízo do disposto no artigo 57 do TREBEP, respecto do acceso ao emprego público de nacionais doutros estados. 1.b) Posuír a capacidade funcional para o desempeño das tarefas. 1.c) Ter cumpridos os dezaseis anos de idade e non exceder, se é o caso, da idade máxima de xubilación forzosa. 1.d) Non ter sido separado mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario, ou para exercer funcións similares ás que desempeñaban en caso do persoal laboral, no que tivese sido separado ou inhabilitado. 1.e) Posuír ou estar en disposición de obter a titulación esixida nas bases específicas para o ingreso na praza. No caso de equivalencia ou homologación deberá xustificarse con certificado expedido polo organismo competente para establecelas e expedilas. 1.f) Non atoparse incurso/a en ningunha das causas de incapacidade ou incompatibilidade que determine a lexislación vixente. 1.g) Calquera outro requisito que se fixe nas bases específicas de cada convocatoria. 2. Todos os requisitos anteriores deberán posuílos as persoas aspirantes o día en que remate o prazo de presentación das solicitudes e conservalos, polo menos, ata a data do nomeamento. Quinta. Prazo de presentación de solicitudes 1. As persoas que desexen tomar parte nos procesos selectivos deberán facelo constar mediante o modelo de solicitude que figurará como anexo, dirixida á Alcaldía – Presidencia da Corporación. As persoas aspirantes achegarán nas solicitudes a seguinte documentación: • Orixinal ou fotocopia do DNI. • Orixinal ou fotocopia da titulación esixida ou, no seu defecto, xustificante de ter cumpridos todos os requisitos para a expedición desta antes da toma de posesión. • Orixinal ou fotocopia dos documentos acreditativos dos méritos que aleguen. • Declaración xurada de cumprir os requisitos 1.d) e 1.f) indicados na base terceira. • Calquera outra documentación que se indique nas bases específicas de cada convocatoria. Cando as bases xerais ou específicas contemplen a exención dalgunha proba, as persoas aspirantes deberán facelo constar na súa solicitude. 2. O prazo para presentar as solicitudes de participación será de vinte días naturais, contados a partir do día seguinte ao da publicación do anuncio da convocatoria no Boletín Oficial do Estado. 3. As solicitudes presentaranse segundo o indicado a continuación: a) Presentación electrónica preferente. A solicitude de participación no procedemento selectivo realizarase, de forma preferente por medios electrónicos, a través do formulario dispoñible na sede electrónica do Concello de Moaña. Para presentar as solicitudes a través do rexistro electrónico, a sede electrónica do Concello de Moaña admite os certificados electrónicos do sistema Cl@ve, que contempla a utilización de sistemas de identificación baseados en claves concertadas (sistemas de usuario e contrasinal) e os certificados electrónicos (incluído o DNIe). b) Presentación presencial opcional. Tamén poderán presentarse as solicitudes presencialmente no Rexistro Xeral do Concello de Moaña ou en calquera dos lugares e rexistros establecidos no artigo 16.4 da Lei 39/2015, do 1 de outubro, do procedemento administrativo común das administracións públicas, utilizando o formulario normalizado para a presentación presencial deste procedemento que se recolle como anexo a estas bases. O modelo de solicitude de participación no procedemento selectivo estará a disposición das persoas interesadas nas oficinas administrativas do Rexistro do concello (Planta baixa da Casa Consistorial, rúa As Barxas, 2 Moaña, en horario de 9 a 14h, de luns a venres) e no Taboleiro electrónico de anuncios da sede electrónica do Concello de Moaña ao que se accede a través da https://moana.sedelectronica.gal (apartado “INFORMACIÓN XERAL”- Taboleiro de anuncios/sección “Emprego Público”). As solicitudes que se presenten a través das oficinas de correos deberán entregarse en sobre aberto para seren seladas e datadas polo persoal de Correos antes de seren certificadas. As solicitudes subscritas por españois no estranxeiro poderán cursarse, no prazo sinalado, a través das representacións diplomáticas ou consulares españolas correspondentes, que a remitirán seguidamente ao organismo competente. As solicitudes que non se presenten no Rexistro Xeral do Concello de Moaña deberán ser comunicadas o mesmo día da presentación por correo electrónico a auxiliar.persoal@concellodemoana.org , enviando a copia da solicitude debidamente selada e presentada no organismo correspondente antes do fin do prazo para a presentación de solicitudes. 4. Ampliación do prazo nos supostos de non dispoñibilidade da sede electrónica. Cando no derradeiro día do prazo se produza unha incidencia técnica que imposibilite o funcionamento da sede electrónica do Concello de Moaña, o prazo afectado ampliarase automaticamente, ata o seguinte día hábil, en beneficio de todas as persoas interesadas no procedemento, aínda que esta ampliación só producirá efectos para a presentación de solicitudes, escritos e comunicacións por medios electrónicos, no senso indicado na letra a) do apartado 3º desta base. Para que se produza a ampliación automática do prazo segundo o previsto nesta base será necesario e esixible que a incidencia teña unha duración continuada superior a 1 hora nas últimas 24h ou de menos de 1 hora nas últimas 12h do prazo. A ampliación do prazo será, no seu caso, obxecto de publicidade mediante un anuncio publicado no taboleiro electrónico, sección emprego público, da sede electrónica do Concello de Moaña, no que se indicará con claridade a incidencia informática que da lugar á ampliación do prazo e a verificación desta, así como o día hábil seguinte no que finaliza o prazo ampliado. Deberá quedar constancia no expediente desta incidencia técnica mediante documento expedido para o efecto, no que conste tal incidencia, o tempo que permaneceu inactiva a sede electrónica e, na medida do posible, as súas causas. 5. As persoas aspirantes con discapacidade recoñecida serán admitidos/as ás probas selectivas en igualdade de condicións que os demais aspirantes, sempre que as súas limitacións non sexan incompatibles co normal desempeño das funcións ou tarefas correspondentes aos postos convocados. Neste senso, as persoas con discapacidade recoñecida que, como consecuencia desta, presenten especiais dificultades para a realización das probas selectivas reguladas nestas bases, poderán formular petición concreta na solicitude de participación, na cal deben reflectir as necesidades específicas que teñan para acceder ao proceso de selección. En tal caso, e para os efectos de que o órgano de selección poida valorar a procedencia ou non da concesión do solicitado, a persoa candidata xuntará o ditame técnico facultativo emitido polo órgano técnico de cualificación do grao de minusvalía competente, acreditando de forma que faga fe, a deficiencia ou deficiencias permanentes que deron orixe ao grao de minusvalía recoñecido, nos termos que resultan da ORDE PRE/1822/2006, de 9 de xuño, do Ministerio da Presidencia, pola que se establecen criterios xerais para a adaptación de tempos adicionais nos procesos selectivos para o acceso ao emprego público de persoas con discapacidade. 6. Segundo a Ordenanza de normalización lingüística do Concello de Moaña o idioma de traballo e comunicación nesta administración local é o galego polo que os distintos exercicios da fase de oposición realizaranse nesta lingua. Porén, para dar cumprimento ao previsto na Lei 2/2015, do 29 de abril, de emprego público de Galicia, aquelas persoas que desexen realizar os exercicios en castelán deberán solicitalo expresamente na solicitude. Por motivos de operatividade, unha vez feita a solicitude na que se escolla un idioma non se permitirá a súa modificación nin se admitirán as solicitudes presentadas fóra do prazo de presentación de solicitudes. 7. As persoas aspirantes quedan vinculadas aos datos que consten na súa solicitude, se ben os erros de feito que se poidan detectar poderán emendarse ou repararse en calquera momento, ben de oficio ou a petición de parte, sen que isto supoña a posibilidade de achegar nova documentación. 8. A Administración poderá requirir a mostra dos documentos orixinais para o cotexo das copias simples presentadas. Sexta. Admisión das persoas aspirantes 1. Rematado o prazo sinalado para a presentación das solicitudes, a Alcaldía ditará resolución declarando aprobada a listaxe de persoas admitidas e excluídas, especificando, se é o caso, as causas da exclusión, que se publicará no BOP, no taboleiro de anuncios e na sede electrónica do Concello de Moaña https://concellodemoana.sedelectronica.gal . 2. As persoas aspirantes excluídas disporán dun prazo de dez días hábiles, contados a partir do seguinte ao da publicación da resolución no BOP, para poder emendar, de ser o caso, o defecto que motivase a exclusión. A listaxe provisional elevarase a definitiva transcorrido o prazo de reclamacións, se non as houbese. No suposto de que se produzan reclamacións, deberá ditarse unha nova resolución coa listaxe definitiva estimando ou rexeitando as alegacións. Esta listaxe definitiva publicarase no BOP, no taboleiro de anuncios e na sede electrónica do Concello. 3. Contra a resolución aprobatoria da listaxe definitiva, poderase interpoñer recurso potestativo de reposición ante o mesmo órgano que a ditou, no prazo dun mes contado a partir do día seguinte ao da notificación, ou ben recurso contencioso - administrativo perante o Xulgado do Contencioso- Administrativo de Pontevedra. 4. O feito de figurar incluído/a na relación de persoas admitidas e excluídas non prexulga que se lles recoñeza ás persoas interesadas posuír os requisitos esixidos no procedemento selectivo convocado, que deberán xustificar documentalmente no suposto de que as persoas aspirantes admitidas superen as probas selectivas. Sétima. Tribunal cualificador 1. O tribunal cualificador do proceso selectivo estará integrado por cinco membros titulares (un/ha presidente/a, un/ha secretario/a e tres vogais) e cinco suplentes que serán designados pola Alcaldía. A Resolución na que se nomean as persoas titulares e suplentes integrantes do tribunal cualificador publicarase no BOPPO e no taboleiro de anuncios do concello. A composición do tribunal realizarase tendo en conta a paridade entre homes e mulleres de acordo co previsto na Lei orgánica 3/2007, de 22 de marzo, para a igualdade efectiva de homes e mulleres. Ademais axustarase aos principios de imparcialidade e profesionalidade dos seus membros, que deberán posuír unha titulación ou especialización igual ou superior á esixida para acceder ás prazas convocadas e terán voz e voto, agás no caso do/a secretario/a. A pertenza aos órganos de selección será sempre a título individual, non poderán desempeñarse en representación nin por conta de ninguén. Non poderán formar parte do tribunal as persoas de elección ou designación política ou o persoal funcionario interino. 2. O tribunal poderá incorporar nos seus traballos a asesores/as especialistas, con voz e sen voto, cando a natureza ou as circunstancias dalgunha das probas así o aconselle, estes/as limitaranse a prestaren a súa colaboración nas súas especialidades técnicas. 3. As persoas integrantes do tribunal deberán absterse de intervir, comunicando tal circunstancia á Alcaldía-presidencia, cando concorran nelas algunha das circunstancias previstas no artigo 23 da Lei 40/2015, do 1 de outubro, de réxime xurídico do sector público (LRXSP), así como cando tivesen realizado tarefas de preparación de aspirantes durante os cinco anos anteriores á publicación desta convocatoria. Así mesmo, os/as aspirantes poderán recusar as persoas integrantes do tribunal cando concorran nelas algunha das circunstancias previstas para a abstención e de conformidade co establecido no artigo 24 da LRXSP. 4. Na sesión constitutiva do tribunal serán adoptadas as decisións oportunas para o correcto desenvolvemento das probas selectivas. O tribunal, para actuar validamente, requirirá a presenza da maioría absoluta das persoas que o integran, titulares ou suplentes, e axustará as súas actuacións ao disposto nas Leis 39/2015 e 40/2015 e nas bases xerais e específicas reguladoras da convocatoria. No caso de ausencia do presidente titular e do suplente, actuará no seu lugar o/a vogal que se nomeou en primeiro lugar. 5. O tribunal cualificador adoptará as medidas precisas nos casos que resulte necesario para que as persoas aspirantes con discapacidade gocen de similares condicións para realizar os exercicios que as dos demais aspirantes; disporán, se é o caso, das posibles adaptacións de tempo e de medios. 6. As persoas que integran o tribunal que asistan ás sesións percibirán as axudas de custo pola súa asistencia segundo as contías legalmente establecidas. Oitava. Comezo dos exercicios 1. A data e hora para o comezo do primeiro exercicio das probas fixarase xunto coa publicación da listaxe definitiva de persoas admitidas e excluídas. A data das seguintes probas será fixada polo tribunal de acordo coas normas fixadas nestas bases e publicada na sede electrónica do Concello de Moaña https://concellodemoana.sedelectronica.gal . e no taboleiro de anuncios da Casa do Concello. 2. As persoas aspirantes serán convocadas para cada exercicio nun único chamamento, quedando decaídas no seu dereito as persoas opositoras que non comparezan a realizalo, salvo os casos debidamente xustificados, que resolverá o tribunal. 3. No concurso - oposición o tribunal deberá reunirse antes da data fixada para o primeiro exercicio da oposición co fin de efectuar a valoración e a cualificación dos méritos achegados polas persoas aspirantes. 4. As persoas aspirantes deberán presentarse para realizar cada exercicio provistos do DNI, ou documento fidedigno acreditativo da súa personalidade a xuízo do tribunal, e tamén cos medios materiais adecuados que sexan necesarios para a práctica daqueles. 5. Serán funcións do tribunal baremar a documentación achegada para valorar os méritos e corrixir e valorar as probas teóricas, prácticas ou test, segundo se determine en cada caso. Novena. Características das probas Os procedementos de selección, na fase de oposición, consistirán en probas de coñecementos xerais ou específicos teóricos, teórico - prácticos, test, etc., segundo a natureza e as funcións dos postos de traballo que van desempeñar. Os exercicios que realizarán as persoas aspirantes describiranse nestas bases e nas bases específicas. De ser o caso, na fase de concurso comprobaranse e cualificaranse os méritos achegados polas persoas aspirantes conforme o baremo descrito nas bases específicas. Décima. Desenvolvemento dos exercicios das probas selectivas 1. Cando así o considere, o tribunal poderá requirir ás persoas opositoras que acrediten a súa identidade. 2. Na realización e corrección dos exercicios garantirase o anonimato, salvo en aqueles que pola súa natureza non sexa posible realizalos de forma anónima, podendo o tribunal utilizar os medios que considere oportunos. 3. Cando non sexa posible que todas as persoas opositoras realicen os exercicios de xeito simultáneo a orde de actuación das persoas opositoras iniciarase alfabeticamente pola primeira da letra letra «F», de conformidade co establecido na Resolución do 21 de xaneiro de 2025 (DOG núm. 16, do 24 de xaneiro) pola que se publica o resultado do sorteo ao que se refire ao Regulamento de selección de persoal da Administración da Comunidade Autónoma de Galicia. 4. Concluído cada un dos exercicios, o tribunal fará pública, no taboleiro de anuncios e na sede electrónica do Concello de Moaña https://concellodemoana.sedelectronica.gal , a relación de persoas aspirantes coa indicación da puntuación obtida. Esta publicación deberá facerse, polo menos, con 12 horas de antelación á nova reunión do tribunal cando se trate do mesmo exercicio, e con 24 horas de antelación cando se trate dun novo exercicio. Todas as persoas aspirantes terán un prazo de cinco días hábiles, contados a partir do día seguinte ao da publicación da listaxe, para presentar as reclamacións que consideren oportunas. Logo de resolver, no seu caso, as alegacións presentadas, ou transcorrido o citado prazo, convocarase ás persoas aspirantes que o superaron para a realización do seguinte exercicio. 5. Desde o momento en que remate un exercicio ou proba ata que comece o seguinte deberá transcorrer un prazo mínimo de 48 horas. 6. Os exercicios serán realizados a porta pechada, sen outra asistencia que as persoas integrantes do tribunal, as persoas colaboradoras designadas por este e as persoas opositoras, excepto para a lectura por parte das persoas opositoras dos exercicios escritos, que se realizará en sesión pública. Neste caso, a persoa aspirante que non acuda á lectura pública será declarada non apta e polo tanto eliminada do proceso selectivo. 7. Se en calquera momento do proceso selectivo chegase ao coñecemento do tribunal que algunha das persoas aspirantes non posúe a totalidade dos requisitos esixidos na respectiva convocatoria, tras a audiencia da persoa interesada, deberá proporlle á Alcaldía - presidencia a súa exclusión indicando as deficiencias ou falsidades observadas para os efectos procedentes. 8. Contra os acordos do tribunal poderá interporse recurso administrativo de alzada ante a Alcaldía - presidencia que o nomeou, segundo o previsto na Lei do procedemento administrativo común das administracións públicas. Décimo primeira. Cualificación dos méritos na fase de concurso 1. Na fase de concurso, previa á fase de oposición e que non terá carácter eliminatorio nin poderá terse en conta para superar os exercicios da fase de oposición, comprobaranse e cualificaranse os méritos achegados polas persoas aspirantes, que deben xustificarse con documentos orixinais ou copias simples acreditativas daqueles, e que necesariamente deberán ser presentados xuntamente coa solicitude de participación no proceso selectivo. Non serán tidos en conta nin valorados os presentados con posterioridade ao prazo de presentación de solicitudes. 2. A cualificación dos méritos na fase de concurso será anterior á primeira proba da fase de oposición e as puntuacións outorgadas serán publicadas no taboleiro de anuncios do concello antes do comezo do primeiro exercicio da fase de oposición. Contra esta valoración, as persoas interesadas poderán formular alegacións ante o tribunal seleccionador no prazo de cinco días hábiles, contados a partir da súa publicación no taboleiro de anuncios e na sede electrónica do Concello. 3. A puntuación máxima na fase de concurso non poderá superar os 40 puntos, por todos os conceptos, equivalentes ao 40% da puntuación total do proceso. 4. Na fase de concurso valoraranse os méritos específicos adecuados ás características da praza, segundo o baremo indicado nas bases específicas. Décimo segunda. Cualificación dos exercicios na fase de oposición 1. Nos procesos polo sistema de concurso – oposición, a puntuación na fase de oposición será como mínimo de 60 puntos por todos os conceptos, equivalentes ao 60% da puntuación total do proceso selectivo. Para os procesos polo sistema de oposición a puntuación na fase de oposición será o 100% da puntuación total do proceso selectivo. Nas bases específicas de cada praza regularase a puntuación total da fase de oposición e a puntuación máxima de cada exercicio obrigatorio e eliminatorio. 2. Nas probas consistentes en contestar por escrito un cuestionario tipo test o órgano de selección está habilitado para determinar a puntuación (nota de corte) esixida para superar o exercicio con posterioridade a súa corrección sempre que se faga con carácter previo a coñecer a identidade das persoas aspirantes examinadas. O tribunal queda facultado para establecer unha puntuación mínima en supostos, epígrafes, temas ou partes nos exercicios do proceso selectivo, de tal forma, que a persoa aspirante que non a acade non poderá superar o exercicio e será eliminado desa proba e, polo tanto, do proceso selectivo, con independencia do resultado que acade nas outras partes da proba. De facer uso desta posibilidade, o tribunal deberá comunicar isto aos opositores antes da realización do exercicio, podendo trasladarllo a estes no enunciado da proba ou exame ou de forma verbal antes de comezar o exercicio ou a través de calquera outro medio que o tribunal considere adecuado. O tribunal poderá establecer penalizacións en relación a cada unha das probas ou partes deste que integren o proceso selectivo, debéndose aplicar por igual a todas as persoas opositoras. O órgano de selección, se o estima oportuno, cando proceda e sexa acorde á natureza da proba, poderá establecer os criterios de valoración que desenvolvan os criterios esenciais fixados polas bases en cada exercicio así como os parámetros ou guías de corrección para a solución dos exercicios. A fixación destes criterios e parámetros ou guías de corrección farase con carácter previo ao comezo da corrección da proba sen que sexa necesario que os coñezan as persoas aspirantes antes da realización do exercicio. No caso de que a proba requira lectura pública, estes deberanse establecer en calquera momento antes de comezar a lectura pública. 3. A cualificación de cada aspirante nos diferentes exercicios será o resultado da media aritmética das puntuacións outorgadas por todas as persoas integrantes do tribunal. Cando entre dúas puntuacións outorgadas por parte das persoas integrantes do tribunal exista unha diferenza de tres ou mais enteiros, serán excluídas automaticamente ambas, a maior e a menor, e calcularase a media aritmética coas puntuacións concedidas polas demais persoas integrantes do tribunal. 4. As persoas aspirantes disporán dun prazo de cinco días hábiles, que contarán dende o día seguinte ao da publicación das puntuacións de cada exercicio da fase de oposición e da puntuación total da fase de oposición, para facer alegacións a estas. Décimo terceira. Cualificación final e relación de persoas aprobadas 1. Á cualificación obtida polas persoas aspirantes, resultante da suma das puntuacións outorgadas nos distintos exercicios obrigatorios e eliminatorios, sumaráselle a que corresponda aos exercicios obrigatorios non eliminatorios, os voluntarios e, de ser o caso, as puntuacións obtidas na fase de concurso, acadando así a puntuación total final. Determinada a cualificación final das persoas aspirantes, o tribunal fará pública a relación de persoas aprobadas na sede electrónica e no taboleiro de anuncios do Concello. 2. O tribunal non poderá en ningún caso aprobar nin declarar que superaron as probas selectivas un número superior de aspirantes ao das prazas ou postos de traballo convocados. Calquera proposta de persoas aprobadas que contraveña o establecido anteriormente será nula de pleno dereito. Non obstante, o tribunal, ao cualificar cada un dos exercicios, non terá en conta a limitación anterior, que só se considerará ao formularlle á Alcaldía - presidencia a proposta coa relación de persoas aprobadas, na que só se incluirán aquelas persoas opositoras que obtivesen a maior puntuación total final, que nunca poderá ser superior ao numero de prazas ou postos de traballo convocados en cada proceso selectivo. A proposta do tribunal terá carácter vinculante. 3. A partir da data de publicación da listaxe, abrirase un prazo de cinco días hábiles para a presentación das reclamacións. 4. No suposto de empate na puntuación total final de dúas ou máis persoas aspirantes, este resolverase a favor das persoas que cumpran por orde de preferencia os seguintes requisitos: 1º) Ter maior puntuación no segundo exercicio da fase de oposición. 2º) Ter maior puntuación no primeiro exercicio da fase de oposición. 3º) Ter a maior puntuación no apartado 1 do baremo da fase de concurso. 4º) Ter a maior puntuación no apartado 2 do baremo da fase de concurso 5º) De persistir o empate resolverase por sorteo. De ter que resolver o empate mediante sorteo, sinalarase o lugar, día e hora da súa celebración cunha antelación mínima de 48 horas e publicarase o anuncio na sede electrónica e no taboleiro de anuncios do concello. Décimo cuarta. Elaboración de listaxes de reserva ou de agarda 1. Normas xerais: obxecto, elaboración, aprobación e publicidade As persoas aspirantes que superasen algún ou todos os exercicios do procedemento selectivo e non obtiveran praza integrarán unha listaxe de reserva ou de agarda para realizar substitucións temporais de prazas da mesma escala, subescala e grupo de clasificación. No caso de que a documentación da solicitude foxe presentada con copia simple, as persoas aprobadas terán que traer os documentos orixinais para cotexar que coinciden coa documentación achegada. O Tribunal examinará que a documentación coincida coa presentada e se deducise que existe algunha anomalía ou carece dalgún requisito corrixirá a baremación ou eliminará á persoa da listaxe de reserva segundo proceda. A elaboración da dita listaxe de reserva ou de agarda realizarase de oficio polo Tribunal cualificador na forma que se establece nos parágrafos seguintes e será aprobada polo órgano competente xunto cos resultados definitivos do proceso selectivo. Incluiranse na listaxe de reserva aqueles opositores que superasen algún ou todos os exercicios da oposición e non obteñan praza, segundo a orde de puntuación que obtivesen no proceso selectivo resultante da suma das puntuacións acadadas segundo o indicado na base décimo terceira. A listaxe de reserva será pública e as persoas candidatas que a integren serán asignadas temporalmente cando sexa necesario realizar substitucións segundo a orde de prelación que figura nesta e que resulta da puntuación obtida no proceso selectivo. 2. Vixencia e xestión administrativa da listaxe de reserva ou de agarda Estas listaxes de reserva estarán en vigor ata que se realice un novo proceso selectivo, coa finalidade de prover en propiedade mediante a quenda de promoción interna, os postos correspondentes ás categorías das que se trate. A xestión administrativa das listaxes de reserva realizarase polo persoal do Concello de Moaña que en cada momento estea adscrito ao departamento de Persoal. Décimo quinta. Achega de documentos por parte das persoas opositoras aprobadas propostas polo Tribunal para o seu nomeamento 1. As persoas aprobadas e propostas polo Tribunal deberán presentar, se non o fixeron anteriormente, dentro dun prazo de 20 días naturais contados desde a publicación dos resultados das probas, os documentos orixinais acreditativos de capacidade e dos requisitos esixidos na convocatoria para acceder á praza convocada. Deberá achegar ademais: • Certificado ou informe de saúde expedido por médico colexiado de non padecer enfermidade nin defecto físico que impida o normal desenvolvemento das funcións inherentes ao posto de traballo. • Orixinal ou fotocopia compulsada do título académico esixido para o ingreso. • Orixinal ou fotocopia compulsada do DNI. • Orixinal ou fotocopia compulsada do documento de afiliación á Seguridade Social. • Orixinal ou fotocopia compulsada da documentación acreditativa dos méritos. • Certificado orixinal de titularidade da conta bancaria. • No caso de nomeamentos e adscrición a postos de traballo cuxas funcións impliquen contacto habitual con menores achegarase unha certificación negativa do Rexistro central de delitos sexuais na que se acredite a ausencia de condena por sentenza firme por algún delito contra a liberdade e indemnidade sexual (en cumprimento do artigo 13.5 da Lei Orgánica 1/1996, do 15 de xaneiro, de protección do menor, modificado pola Lei 26/2015, do 28 de xullo, de modificación do sistema de protección da infancia e da adolescencia) • No caso de presentar a documentación da solicitude por sede electrónica terá que traer os documentos orixinais para cotexar que coinciden coa documentación achegada. 2. Ante a imposibilidade, debidamente xustificada, de presentar os documentos sinalados, as persoas aspirantes poderán acreditar que reúnen as condicións esixidas mediante calquera outro medio de proba admitido en dereito. 3. A persoa que non presentase a documentación sinalada dentro dos prazos fixados, salvo causa de forza maior debidamente xustificada, non poderá ser nomeada funcionaria de carreira ou persoal laboral fixo, segundo corresponda, nin tampouco se do exame da documentación se deducise que carece dalgún dos requisitos esixidos. 4. As persoas aspirantes aprobadas que tivesen a condición de persoal funcionario ou laboral fixo do Concello de Moaña estarán exentas de xustificar as condicións e os requisitos xa acreditados para obter o seu anterior nomeamento e deberán presentar soamente a xustificación dos requisitos específicos esixidos para o acceso. Décimo sexta. Nomeamento e toma de posesión 1. Concluído o proceso selectivo, as persoas aspirantes propostas polo Tribunal serán nomeadas persoal funcionario de carreira pola Alcaldía - presidencia, unha vez que se teña xustificado documentalmente o cumprimento dos requisitos esixidos nestas bases para o ingreso. 2. A proposta do tribunal cualificador terá carácter vinculante para a Alcaldía, que ordenará a publicación dos nomeamentos no BOP, sen prexuízo da súa toma de posesión unha vez que se practique a notificación persoal de nomeamento. 3. A toma de posesión efectuarase dentro do prazo máximo de dez días contados dende o día seguinte ao da publicación do nomeamento; previamente deberán prometer ou xurar o cargo na forma establecida no Real decreto 707/1979, do 5 de abril. De non facelo, sen existir causa xustificada, que deberá ser alegada e aceptada, as persoas nomeadas quedarán en situación de cesantes, anulándose todas as actuacións conducentes ao nomeamento, sen prexuízo das responsabilidades nas que puidese ter incorrido por falsidade na solicitude de participación. Neste caso, o tribunal poderá formular nova proposta de nomeamento a favor da persoa aspirante que, tendo superado a totalidade do proceso selectivo, lle segue na orde de puntuación. Décimo sétima. Carácter vinculante das bases As bases xerais e específicas das distintas convocatorias vinculan á Administración local, ao tribunal cualificador e ás persoas aspirantes que participen nos procesos selectivos convocados. Décimo oitava. Incidencias Os tribunais de cada proceso selectivo quedan facultados para interpretar as bases da convocatoria e para resolver cantas dúbidas e incidencias presente a súa aplicación. Ademais poderán adoptar os acordos necesarios, procurando en todo caso a boa orde e desenvolvemento do proceso selectivo e deixando constancia nas actas das sesións de todos aqueles acordos que afecten ao desenvolvemento das probas. Décimo novena. Réxime xurídico En todo o non previsto nestas bases estarase ao disposto no Real decreto lexislativo 5/2015, do 30 de outubro, polo que se aproba o texto refundido da Lei do estatuto básico do empregado público, na Lei 2/2015, do 29 de abril, do emprego público de Galicia, na Lei 7/1985, do 2 de abril, reguladora das bases de réxime local, no Real decreto lexislativo 781/1986, do 18 de abril, polo que se aproba o texto refundido das disposicións legais vixentes en materia de réxime local, no Real decreto 896/1991, do 7 de xuño, sobre regras básicas e programas mínimos de procedemento de selección dos funcionarios da administración local, no Real decreto 364/1995, do 10 de marzo, polo que se aproba o regulamento xeral de ingreso do persoal ao servizo da Administración xeral do Estado, provisión de postos de traballo e promoción profesional, no Decreto 95/1991, do 20 de marzo, polo que se aproba o regulamento de selección de persoal da Administración da Comunidade autónoma de Galicia, na Lei 39/2015, do 1 de outubro, do Procedemento Administrativo Común das Administracións Públicas, no Real Decreto 203/2021, do 30 de marzo, polo que se aproba o Regulamento de actuación e funcionamento do sector público por medios electrónicos, na Lei 5/1997, do 22 de xullo, reguladora da Administración Local de Galicia e nas demais disposicións legais aplicables. Disposición final As bases da convocatoria e cantos actos administrativos deriven delas e das actuacións do tribunal poderán ser impugnadas nos casos e na forma establecida pola Lei 39/2015, do 1 de outubro, do procedemento administrativo común das administracións públicas, así como a Lei 29/1998, do 13 de xullo, reguladora da xurisdición contencioso-administrativa. A Administración local tamén poderá, de ser o caso, revisar as resolucións do tribunal segundo o previsto na citada Lei 39/2015, do 1 de outubro. BASES ESPECIFICAS 1. UNHA PRAZA DE ARQUITECTO/A TÉCNICO/A (QUENDA PROMOCIÓN INTERNA - FUNCIONARIZACIÓN) Primeira. Características da praza. PERSOAL FUNCIONARIO DE CARREIRA. Nº Denominación Grupo Subgrupo Escala Subescala Provisión 1 Arquitecto/a técnico/a A A2 Adm.Especial Técnica Promoción interna funcionarización Segunda. Condicións dos aspirantes Para poder tomar parte no proceso selectivo, ademais das condicións xerais sinaladas na base terceira das bases xerais que regulan esta convocatoria, as persoas aspirantes deberán reunir os seguintes requisitos: a) Estar en posesión ou en condición de obtelo na data en que remate o prazo de presentación de instancias, do Título de arquitecto/a técnico/a ou graduado/a nunha titulación que habilite para a profesión de arquitecto/a técnico/a. No caso de titulacións oficiais non expedidas en España deberase estar en posesión, na mesma data do remate do prazo para presentar as instancias, da correspondente convalidación ou da credencial que acredite a homologación do título, expedida polo organismo competente. Para acreditar este requisito a persoa aspirante debera achegar copia do título oficial ou, no seu defecto, copia do xustificante de ter efectuado o depósito para obtelo. b) Ser persoal laboral fixo do Concello de Moaña e desempeñar un posto de traballo clasificado como propio de funcionario no Catálogo de postos de traballo do persoal funcionario e laboral do Concello de Moaña, no mesmo grupo e categoría profesional da praza á que opta. c) Posuír unha antigüidade mínima de 2 anos como persoal laboral fixo na situación de servizo activo ou na situación de excedencia con dereito á reserva do posto. Todos os requisitos deberán acreditalos na data en que remate o prazo de presentación de solicitudes da convocatoria. Terceira. Sistema de selección. O sistema de selección para ingresar nesta praza é oposición reservado para promoción interna horizontal para a integración voluntaria no réxime funcionarial do persoal laboral fixo que cumpran os requisitos sinalados nestas bases. Cuarta. Fase de oposición. A puntuación na fase de oposición será de 10 puntos por todos os conceptos, equivalentes ao 100% da puntuación total do proceso selectivo. Os exercicios da fase de oposición serán os seguintes: PRIMEIRO EXERCICIO: de carácter obrigatorio e eliminatorio. Consistirá en desenvolver un ou varios supostos de carácter práctico relacionados coas tarefas da praza á que se opta segundo o temario establecido nestas bases, durante o tempo que determine o Tribunal cualificador. O/s suposto/s que se propoña/n deberá/n permitir avaliar a capacidade das persoas aspirantes para desenvolver as tarefas propias do posto de traballo ao que se opta. Este exercicio deberá ser lido obrigatoriamente pola persoa aspirante ante o tribunal que poderá realizar preguntas ou solicitar aclaracións acerca do seu contido, sendo excluídos do proceso selectivo automaticamente as persoas que non comparezan á lectura. Para a realización desta proba as persoas aspirantes poderán acudir provistas, para a súa consulta, de copias da normativa, en soporte papel, publicadas no Boletín Oficial do Estado, ou diarios oficiais (DOG e BOP.PO), así como textos legais de calquera editorial aínda que inclúan comentarios, sempre que estes se limiten exclusivamente a meras concordancias normativas, citas de resolucións xudiciais ou administrativas, ou referentes a textos publicados por autores sobre a materia. Agora ben, non se permitirá o uso de dispositivos dixitais, libros de texto, sentencias, mementos ou similares. Tamén se permitirá o uso de calculadora. Neste exercicio o tribunal valorará os coñecementos das persoas aspirantes, a orde e claridade de ideas, a claridade da exposición escrita, a capacidade de razoamento e síntese, a súa capacidade de análise, a aplicación razoada dos coñecementos teóricos á resolución proposta e as conclusións formuladas. Cualificarase cunha puntuación de 0 (cero) a 10 (dez) puntos, sendo necesario para superalo obter unha puntuación mínima de 5 (cinco) puntos. No caso de que o tribunal estableza varios supostos e que non se valoren de forma idéntica todos eles, deberá darse a coñecer ás persoas aspirantes a puntuación de cada suposto con carácter previo ao inicio da proba. De non especificarse a puntuación de cada suposto, entenderase que teñen idéntica valoración cada un deles. Quinta. Temario BLOQUE I. URBANISMO, PLANEAMENTO E XESTIÓN Tema 1. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Réximes transitorios. Tema 2. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Instrumentos de planeamento. Plan xeral de ordenación municipal: obxecto, determinacións e documentación. Planeamento de desenvolvemento. Tema 3. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Normas técnicas de planeamento e Plan básico autonómico de Galicia. Obxecto, contido e aplicación. Tema 4. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Áreas de reparto, polígonos e sistemas de actuación. Obtención de terreos destinados a sistemas xerais e locais. BLOQUE II. INTERVENCIÓN MUNICIPAL NO USO DO SOLO E NA EDIFICACIÓN Tema 5. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Títulos habilitantes de natureza urbanística. Licenzas urbanísticas: definición, obxecto e actos suxeitos a licenza. Tema 6. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Réxime das licenzas urbanísticas. Prazos de execución. Caducidade. Transmisión. Modificacións. Prelación con outros títulos e autorizacións administrativas. Efectos das licenzas. Tema 7. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Comunicacións previas. Definición, obxecto, procedemento para a súa tramitación e prazos. Tema 8. Decreto 144/2016, do 22 de setembro, polo que se aproba o Regulamento único de regulación integrada de actividades económicas e apertura de establecementos. Réxime de comunicación previa. Tema 9. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Parcelacións urbanísticas, segregacións e división de terreos. Réxime das parcelacións. O certificado de innecesariedade. BLOQUE III. CONSERVACIÓN, RUÍNA E DISCIPLINA URBANÍSTICA Tema 10. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Deberes das persoas propietarias de terreos, construcións e instalacións. Ordes de execución. Execución forzosa e subsidiaria. Inspección técnica dos edificios. Tema 11. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Situación de ruína. Supostos e procedemento. Tema 12. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Disciplina urbanística (I). Protección da legalidade urbanística: obras sen licenza en curso de execución, obras rematadas sen licenza e outros actos sen licenza. Suspensión e revisión das licenzas. Tema 13. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Disciplina urbanística (II). Protección da legalidade en zonas verdes, espazos libres, viarios, dotacións e equipamentos públicos. Protección da legalidade no solo rústico. Infraccións e sancións. Tema 14. Lei 2/2016, do 10 de febreiro, do solo de Galicia, e Decreto 143/2016, do 22 de setembro, polo que se aproba o Regulamento da Lei do solo de Galicia. Infraccións urbanísticas e sancións. Prescrición. Persoas responsables. Órganos competentes para a imposición de sancións. Procedemento sancionador. BLOQUE IV. EDIFICACIÓN E CÓDIGO TÉCNICO DA EDIFICACIÓN Tema 15. Lei 38/1999, do 5 de novembro, de Ordenación da Edificación. Obxecto e ámbito de aplicación. Requisitos básicos da edificación. Proxecto. Axentes da edificación. Obrigas e responsabilidades. Recepción da obra. Documentación da obra executada. Certificado final de obra. Tema 16. Código Técnico da Edificación. Documento Básico DB-SI. Seguridade en caso de incendio. Tema 17. Código Técnico da Edificación. Documento Básico DB-HS. Salubridade: protección fronte á humidade, recollida e evacuación de residuos e calidade do aire interior. Tema 18. Código Técnico da Edificación. Documento Básico DB-HS. Salubridade: subministración de auga, evacuación de augas e protección fronte á exposición ao radon. Tema 19. Código Técnico da Edificación. Documento Básico DB-SUA. Seguridade de utilización e accesibilidade. Exixencias básicas SUA 1 a SUA 8. Tema 20. Código Técnico da Edificación. Documento Básico DB-SUA. Seguridade de utilización e accesibilidade. SUA 9. Accesibilidade e normativa concorrente en materia de accesibilidade. Tema 21. Normas de habitabilidade de vivendas de Galicia. Ámbito de aplicación. Condicións das vivendas. Condicións espaciais, funcionais e de equipamento. Actuacións en edificios e vivendas existentes. BLOQUE V. PLAN XERAL DE ORDENACIÓN MUNICIPAL DE MOAÑA Tema 22. PXOM de 2017 do Concello de Moaña. Disposicións xerais. Instrumentos de desenvolvemento e intervención na edificación e uso do solo. Tema 23. PXOM de 2017 do Concello de Moaña. Réxime urbanístico do solo. Tema 24. PXOM de 2017 do Concello de Moaña. Condicións dos usos. Condicións xerais da edificación. Tema 25. Plans especiais da costa no PXOM de 2017 do Concello de Moaña. Tema 26. PXOM de 2017 do Concello de Moaña. Condicións particulares da edificación no solo urbano consolidado. Ordenanzas, parámetros e excepcións. Tema 27. PXOM de 2017 do Concello de Moaña. Núcleos rurais tradicionais e solo rústico. Tema 28. PXOM de 2017 do Concello de Moaña. Solo urbano non consolidado. Polígonos e fichas. Tema 29. PXOM de 2017 do Concello de Moaña. Condicións para o desenvolvemento do solo urbanizable. Fichas. BLOQUE VI. ORDENACIÓN DO TERRITORIO E LEXISLACIÓN SECTORIAL Tema 30. Incidencia no urbanismo municipal das Directrices de Ordenación do Territorio e do Plan de Ordenación do Litoral de Galicia, aprobados, respectivamente, polo Decreto 19/2011 e polo Decreto 20/2011, do 10 de febreiro. Outros instrumentos de ordenación do territorio con incidencia no Concello de Moaña. Tema 31. Lei 5/2016, do 4 de maio, do patrimonio cultural de Galicia. Disposicións xerais. Tipos de bens. Réxime de protección e conservación do patrimonio cultural de Galicia. Tema 32. Autorizacións sectoriais en materia de costas e augas. Protección do dominio público. Delimitación das zonas de protección. Regulación dos usos. Tema 33. Autorizacións sectoriais en materia de estradas e ferrocarrís. Protección do dominio público. Delimitación das zonas de protección. Regulación dos usos. 2. UNHA PRAZA DE TÉCNICO/A DE XESTIÓN (PROMOCIÓN INTERNA) Primeira. Características da praza. PERSOAL FUNCIONARIO DE CARREIRA. Nº Denominación Grupo Subgrupo Escala Subescala Provisión 1 Técnico/a de xestión A A2 Adm.Xeral Xestión Promoción interna Segunda. Condicións dos aspirantes Para poder tomar parte no proceso selectivo, ademais das condicións xerais sinaladas na base terceira das bases xerais que regulan esta convocatoria, as persoas aspirantes deberán reunir os seguintes requisitos: a) Ser persoal funcionario de carreira do Concello de Moaña ocupando algunha das prazas estruturais de administrativo/a existentes no cadro de Persoal, pertencente ao grupo C, subgrupo C1 da escala de administración xeral, subescala administrativa e cunha antigüidade mínima de dous anos no subgrupo C1. b) Estar en posesión dunha titulación universitaria de grao ou equivalente, ou en condición de obtelo na data en que remate o prazo de presentación de instancias. No caso de titulacións oficiais non expedidas en España deberase estar en posesión, na mesma data do remate do prazo para presentar as instancias, da correspondente convalidación ou da credencial que acredite a homologación do título, expedida polo organismo competente. Para acreditar este requisito a persoa aspirante debera achegar copia do título oficial ou, no seu defecto, copia do xustificante de ter efectuado o depósito para obtelo. Todos os requisitos deberán acreditalos na data en que remate o prazo de presentación de solicitudes da convocatoria. Terceira. Sistema de selección. O sistema de selección para ingresar nesta praza é concurso - oposición reservado para promoción interna vertical. Cuarta. Fase de concurso De carácter non eliminatorio, a súa puntuación non poderá aplicarse para superar os exercicios da fase de oposición. A esta fase correspóndelle unha puntuación máxima de 40 puntos, equivalentes ao 40% da puntuación máxima total do proceso e realizarase con carácter previo á fase de oposición. Nesta fase valoraranse os méritos específicos adecuados ás características da praza, segundo o seguinte BAREMO: 1. Experiencia profesional, ata un máximo de 22 puntos: • Por servizos prestados en administracións públicas en prazas da subescala de xestión: 0,25 puntos por cada mes completo de servizos prestados. • Por servizos prestados en administracións públicas en prazas da subescala administrativa: 0,20 puntos por cada mes completo de servizos prestados. • Por servizos prestados en administracións públicas en prazas da subescala auxiliar: 0,10 puntos por cada mes completo de servizos prestados. Ratearase a puntuación dos períodos de tempo inferiores ao mes. A experiencia profesional acreditarase, no momento de presentación da solicitude para tomar parte no proceso selectivo, cos seguintes documentos: • Certificado actualizado da vida laboral do solicitante expedida pola Tesourería Xeral da Seguridade Social (tamén é válido vía on line con acceso dixitalizado de sinatura). • Certificación expedida polo órgano competente da Administración Pública na que conste o posto de traballo desenvolvido, a categoría profesional, o vínculo xurídico, o grupo e o período de tempo de servizos prestados. Se non se presenta un destes dous documentos non se valorará a experiencia profesional. 2. Cursos, ata un máximo de 17 puntos: Pola acreditación de asistencia a cursos específicos de formación e perfeccionamento expedidos ou homologados por organismos oficiais e directamente relacionados coa praza obxecto desta convocatoria e coas materias relacionadas no temario. Non se puntuará a asistencia a asembleas, xornadas, congresos, conferencias, seminarios, simposios ou similares. Cursos de duración comprendida entre 5 e 24 horas de duración: 0,20 puntos Duración comprendida entre 25 e 50 horas: 0,40 puntos Duración comprendida entre 51 e 75 horas: 0,60 puntos Duración comprendida entre 76 e 100 horas: 0,80 puntos Cursos de máis de 100 horas: 1,00 puntos As certificacións que non especifiquen o número de horas de duración e os cursos de duración inferior a 5 horas non se puntuarán. Para os cursos de igualdade, de prevención de riscos e de seguridade e saúde só se terá en conta o curso con mais horas de duración. Os cursos que veñan cuantificados por créditos deberán especificar as horas que correspondan a cada crédito. No seu defecto, o Tribunal cuantificará en 10 horas cada crédito. No caso de créditos ECTS a valoración que outorgará o Tribunal será de 25 horas por crédito. A acreditación dos cursos de formación realizarase mediante o diploma ou certificado expedido pola entidade que o impartiu. No caso de centros homologados, para valorar os seus cursos deberá constar a resolución expresa da homologación. 4. Cursos de formación en lingua galega, máximo 1 punto (só se valorará o titulo de maior gradación): • Por ter superado o curso superior de linguaxe administrativa : 1 punto. • Por ter superado o curso medio de linguaxe administrativa : 0,5 puntos. Quinta. Fase de oposición. A puntuación na fase de oposición será de 60 puntos por todos os conceptos, equivalentes ao 60% da puntuación total do proceso selectivo. Os exercicios da fase de oposición serán os seguintes: PRIMEIRO EXERCICIO: de carácter obrigatorio e eliminatorio. Consistirá en contestar por escrito a un test de 60 preguntas con catro respostas alternativas por pregunta, baseado no contido do temario que figura na base sexta destas bases específicas. O tempo de realización deste exercicio será de 80 minutos. O tribunal disporá dos medios que estime oportunos para garantir o anonimato das persoas aspirantes na realización do exercicio. Cualificarase cunha puntuación de 0 (cero) a 30 (trinta) puntos, correspondéndolle ao tribunal determinar a puntuación (nota de corte) esixida para superar o exercicio que se corresponderá cun número determinado de respostas acertadas. Neste exercicio as respostas incorrectas e as preguntas non contestadas non se puntuarán. Facúltase ao tribunal para que poida poñer preguntas de reserva tipo test ata un máximo de dez, sen que implique a ampliación do tempo para a realización do exercicio. Estas preguntas substituirán, pola súa orde correlativa, a aquelas preguntas que, no seu caso, sexan obxecto de anulación despois da realización do exercicio. O criterio esencial de valoración desta proba é o acerto nas alternativas propostas. SEGUNDO EXERCICIO: de carácter obrigatorio e eliminatorio. Consistirá en desenvolver un ou varios supostos de carácter práctico durante o tempo que determine o Tribunal cualificador. O/s suposto/s que se propoña/n deberá/n permitir avaliar a capacidade das persoas aspirantes para desenvolver as tarefas propias do posto de traballo ao que se opta e relacionadas coas materias que integran o temario indicado na base sexta das bases específicas. Este exercicio deberá ser lido obrigatoriamente pola persoa aspirante ante o tribunal que poderá realizar preguntas ou solicitar aclaracións acerca do seu contido, sendo excluídos do proceso selectivo automaticamente as persoas que non comparezan á lectura. Para a realización desta proba as persoas aspirantes poderán acudir provistas, para a súa consulta, de copias da normativa, en soporte papel, publicadas no Boletín Oficial do Estado, ou diarios oficiais (DOG e BOP.PO), así como textos legais de calquera editorial aínda que inclúan comentarios, sempre que estes se limiten exclusivamente a meras concordancias normativas, citas de resolucións xudiciais ou administrativas, ou referentes a textos publicados por autores sobre a materia. Agora ben, non se permitirá o uso de dispositivos dixitais, libros de texto, sentencias, mementos ou similares. Tamén se permitirá o uso de calculadora. Neste exercicio o tribunal valorará os coñecementos das persoas aspirantes, a orde e claridade de ideas, a claridade da exposición escrita, a capacidade de razoamento e síntese, a súa capacidade de análise, a aplicación razoada dos coñecementos teóricos á resolución proposta e as conclusións formuladas. Cualificarase cunha puntuación de 0 (cero) a 30 (trinta) puntos, sendo necesario para superalo obter unha puntuación mínima de 15 (quince) puntos. No caso de que o tribunal estableza varios supostos e que non se valoren de forma idéntica todos eles, deberá darse a coñecer aos/ás aspirantes a puntuación de cada suposto con carácter previo ao inicio da proba. De non especificarse a puntuación de cada suposto, entenderase que teñen idéntica valoración cada un deles. Sexta. Temario Tema 1. Funcionamento dos órganos colexiados locais: réxime de sesións e acordos. Actas e certificacións de acordos. As resolucións da Presidencia da Corporación. O Concello Pleno, as comisións informativas. A alcaldía: forma de elección e cese. Os/As Tenentes de Alcaldía. A Xunta de Goberno Local Tema 2. Lei 40/2015, do 1 de outubro, do réxime xurídico do sector público. A administración xeral do estado. Organización e funcionamento do sector público institucional. Relacións interadministrativas. Tema 3. As fontes do ordenamento xurídico administrativo. O regulamento: concepto e clases. A potestade regulamentaria. Procedementos de elaboración. Límites e control da potestade regulamentaria. Tema 4. Lei 39/2015, do 1 de outubro, do procedemento administrativo común das Administracións Públicas. Os actos administrativos: concepto, elementos, clases. Forma, motivación. A eficacia: o principio de autotutela declarativa. Nulidade e anulabilidade. A revisión de actos en vía administrativa: revisión de oficio. Recursos administrativos. Tema 5. Lei 39/2015, do 1 de outubro, do procedemento administrativo común das administracións públicas. Disposicións sobre o procedemento administrativo común: garantías do procedemento. Iniciación. Ordenación. Instrución. Finalización. Execución. A tramitación simplificada do procedemento administrativo común. Tema 6. O funcionamento electrónico do sector público. Disposicións xerais. O procedemento administrativo por medios electrónicos: disposicións xerais, identificación e autenticación das administracións públicas e das persoas interesadas. Comunicacións e notificacións electrónicas. O expediente administrativo electrónico. Tema 7. A xurisdición contencioso-administrativa. A súa natureza, extensión e límites. Órganos da xurisdición e as súas competencias. As partes: lexitimación. O obxecto do recurso contencioso-administrativo. Causas de inadmisibilidade. Tema 8. A potestade sancionadora: concepto e significado. Principios do exercicio da potestade sancionadora. As sancións administrativas: concepto, natureza e clases. O procedemento sancionador. A potestade sancionadora local. Tema 9. A responsabilidade patrimonial das administracións públicas. A responsabilidade patrimonial das autoridades e do persoal ao servizo das administracións públicas. Tema 10. O patrimonio das Administracións Públicas. Os bens das entidades locais. Normativa aplicable. Clases. Bens de dominio público. Bens patrimoniais. Inventario de bens. O dominio público: concepto e natureza. Clasificacións. Réxime xurídico do dominio público: inalienabilidade, inembargabilidade, imprescriptibilidade. Utilización de bens de dominio público: réxime xeral das autorizacións e concesións demaniais. Tema 11. A potestade normativa das entidades locais: regulamentos e ordenanzas. Procedemento de elaboración e aprobación. O regulamento orgánico. Os bandos. Tema 12. Os contratos do sector público: as directivas europeas en materia de contratación pública. Obxecto e ámbito de aplicación da lei de contratos do sector público. Delimitación dos tipos contractuais. Contratos suxeitos a regulación harmonizada. Contratos administrativos e contratos privados. Os contratos menores. Tema 13. Disposicións xerais sobre a contratación do sector público: racionalidade e consistencia, liberdade de pactos e contido mínimo do contrato, perfección e forma do contrato. Competencia e normas específicas de contratación pública nas entidades locais. Réxime de invalidez. Recurso especial en materia de contratación. Tema 14. As partes nos contratos do sector público. Órganos de contratación. O perfil de contratante. Capacidade e solvencia do empresario. Sucesión na persoa do contratista. Obxecto, orzamento base de licitación, valor estimado, prezo do contrato e a súa revisión. Garantías exixibles na contratación do sector público. Preparación dos contratos das administracións públicas: expediente de contratación, pregos de cláusulas administrativas e de prescricións técnicas. Tema 15. Adxudicación dos contratos das administracións públicas: normas xerais e procedementos de adxudicación. Efectos dos contratos. Prerrogativas da administración pública nos contratos administrativos. Execución dos contratos. Modificación dos contratos. Suspensión e extinción dos contratos. Cesión dos contratos e subcontratación. Tema 16. O persoal ao servizo das Administracións Públicas. Clases de persoal. Adquisición e perda da relación de servizo. Situacións administrativas. Promoción profesional, provisión de postos de traballo e mobilidade. Tema 17. O persoal ao servizo das administracións públicas. Dereitos e deberes dos empregados públicos: réxime disciplinario. Xornada de traballo, permisos, licenzas e vacacións. Tema 18. O orzamento xeral das entidades locais: concepto e contido, elaboración e aprobación. Especial referencia ás bases de execución do orzamento. A prórroga do orzamento. A estrutura orzamentaria. O crédito orzamentario. Modificacións de créditos: clases e tramitación. A execución do orzamento de gastos e ingresos. Tema 19. A liquidación do orzamento: contido e tramitación. Os remanentes de crédito. O resultado orzamentario. A consolidación orzamentaria. Tema 20. A estabilidade orzamentaria e sostenibilidade financeira. Principios xerais. Obxectivos da estabilidade orzamentaria, de débeda pública e de regra do gasto para as corporacións locais. Os plans económico-financeiros. Plans de axuste e de saneamento financeiro. Tema 21. A tesourería das entidades locais: réxime xurídico, funcións e organización. O principio de unidade de caixa. A realización de pagos. O cumprimento dos prazos de pago: o período medio de pago. O plan de tesourería e o plan de disposición de fondos. Tema 22. Os recursos das facendas locais. A facenda local na constitución. Réxime xurídico. Os tributos locais: principios. A potestade regulamentaria das entidades locais en materia tributaria: as ordenanzas fiscais, contido, tramitación e réxime de impugnación dos actos de imposición e ordenación dos tributos. Tema 23. A xestión, liquidación e recadación dos recursos das facendas locais. Os ingresos indebidos. A xestión da recadación en período voluntario e executivo. A revisión dos actos de xestión tributaria. Tema 24. Os recursos das facendas locais: taxas, prezos públicos, contribucións especiais. A participación nos tributos do estado e das comunidades autónomas. As operacións de crédito. O imposto sobre bens inmobles. O imposto sobre actividades económicas. O imposto sobre vehículos de tracción mecánica. O imposto sobre construcións, instalacións e obras. O imposto sobre o incremento de valor dos terreos de natureza urbana. Tema 25. Actividade subvencional das entidades locais: normativa autonómica e estatal. Disposicións comúns ás subvencións. Concesións, órganos competentes, beneficiarios e procedementos de concesión. Xustificación e control financeiro. Reintegro. Infraccións e sancións. Tema 26. A lei 2/2016, do 10 de febreiro, do solo de galicia: obxectivos e principios xerais. Clases e categorías de solo. Aspectos da función urbanística. O decreto 143/2016, do 22 de setembro, polo que se aproba o regulamento da lei 2/2016, do 10 de febreiro, do solo de galicia: réxime urbanístico da propiedade do solo: principios xerais. Clasificación. Solo rústico, solo urbano, solo urbanizable e solo de núcleo rural: réxime xurídico. Tema 27. A intervención na edificación e uso do solo: licenzas urbanísticas e comunicacións previas. Actos suxeitos e exentos e o seu réxime xurídico. As ordes de execución. Deberes de conservación e réxime da declaración de ruína. Tema 28. Réxime xurídico dos instrumentos de intervención administrativa aplicables á instalación e apertura de establecementos e ao exercicio de actividades económicas en galicia. O réxime de control dos espectáculos públicos e actividades recreativas. A lei 9/2013, do emprendemento e da competitividade de galicia e o regulamento único de regulación integrada de actividades económicas e apertura de establecementos, aprobado polo decreto 144/2016. A lei 10/2017, do 27 de decembro, de espectáculos públicos e actividades recreativas de galicia. Licenzas de actividades, comunicacións previas e declaracións responsables. Cambios de titularidade. Tema 29. A protección da legalidade urbanística: obras e usos sen licenza ou comunicación previa en curso de execución, obras rematadas sen título habilitante ou sen axustarse ao título. Outros actos sen licenza ou sen comunicación previa. Particularidades da protección da legalidade en solo rústico e en zonas verdes, espazos libres, dotacións e equipamentos públicos. Suspensión e revisión de licenzas. As declaracións de ineficacia. Infraccións e sancións urbanísticas. Tema 30. Lei orgánica 3/2018, do 5 de decembro, de protección de datos persoais e garantía dos dereitos dixitais. Disposicións xerais. Principios da protección de datos. Dereitos das persoas. Responsable e encargado do tratamento de datos. Réxime sancionador. Lei 19/2013, de 9 de decembro, de transparencia, acceso á información pública e bo goberno. Transparencia da actividade pública. Tema 31. Lei orgánica 3/2007, do 22 de marzo, para a igualdade efectiva de mulleres e homes: Obxecto e ámbito da lei. O principio de igualdade e a tutela contra a discriminación. Políticas públicas para a igualdade. Lei 7/2023, de 30 de novembro, para a igualade efectiva de mulleres e homes de Galicia: As condicións de emprego en igualdade na Administración Xeral da Comunidade Autónoma de Galicia e no sector público autonómico. 3. UNHA PRAZA DE ADMINISTRATIVO/A DE ARQUIVO(PROMOCIÓN INTERNA) Primeira. Características da praza. PERSOAL FUNCIONARIO DE CARREIRA. Nº Denominación Grupo Subgrupo Escala Subescala Provisión 1 Administrativo/a de arquivo C C1 Adm. Xeral Administrativa Promoción interna Segunda. Condicións dos aspirantes Para poder tomar parte no proceso selectivo, ademais das condicións xerais sinaladas na base terceira das bases xerais que regulan esta convocatoria, as persoas aspirantes deberán reunir os seguintes requisitos: a) Ser persoal funcionario de carreira do Concello de Moaña ocupando a praza de auxiliar de arquivo existente no cadro de Persoal, pertencente ao grupo C, subgrupo C2 da escala de administración xeral, subescala auxiliar e cunha antigüidade mínima de dous anos no subgrupo C2. Así mesmo, e de acordo co previsto na disposición adicional vixésimo segunda da Lei 30/1984, poderán participar quen, sen ter ningunha das titulacións antes sinaladas, cumpran con algún dos seguintes requisitos: • Ter unha antigüidade de dez anos nun corpo ou escala do grupo C2 • Ter unha antigüidade de cinco anos nun corpo ou escala do grupo C2 e ter superado un curso específico de formación. b) Estar en posesión do Título de bacharel, técnico ou equivalente ou en condición de obtelo na data en que remate o prazo de presentación de instancias. No caso de titulacións oficiais non expedidas en España deberase estar en posesión, na mesma data do remate do prazo para presentar as instancias, da correspondente convalidación ou da credencial que acredite a homologación do título, expedida polo organismo competente. Para acreditar este requisito a persoa aspirante debera achegar copia do título oficial ou, no seu defecto, copia do xustificante de ter efectuado o depósito para obtelo. Todos os requisitos deberán acreditalos na data en que remate o prazo de presentación de solicitudes da convocatoria. Terceira. Sistema de selección. O sistema de selección para ingresar nesta praza será o de oposición para a quenda de promoción interna vertical. Cuarta. Fase de oposición. A puntuación na fase de oposición será de 60 puntos por todos os conceptos, equivalentes ao 100% da puntuación total do proceso selectivo. Os exercicios da fase de oposición serán os seguintes: PRIMEIRO EXERCICIO: de carácter obrigatorio e eliminatorio. Consistirá en contestar por escrito a un test de 30 preguntas con catro respostas alternativas por pregunta, baseado no contido do temario que figura na base quinta destas bases específicas. O tempo de realización deste exercicio será de 45 minutos. O tribunal disporá dos medios que estime oportunos para garantir o anonimato das persoas aspirantes na realización do exercicio. Cualificarase cunha puntuación de 0 (cero) a 30 (trinta) puntos, correspondéndolle ao tribunal determinar a puntuación (nota de corte) esixida para superar o exercicio que se corresponderá cun número determinado de respostas acertadas. Neste exercicio as respostas incorrectas e as preguntas non contestadas non se puntuarán. Facúltase ao tribunal para que poida poñer preguntas de reserva tipo test ata un máximo de dez, sen que implique a ampliación do tempo para a realización do exercicio. Estas preguntas substituirán, pola súa orde correlativa, a aquelas preguntas que, no seu caso, sexan obxecto de anulación despois da realización do exercicio. O criterio esencial de valoración desta proba é o acerto nas alternativas propostas. SEGUNDO EXERCICIO: de carácter obrigatorio e eliminatorio. Consistirá en desenvolver un ou varios supostos de carácter práctico durante o tempo que determine o Tribunal cualificador. O/s suposto/s que se propoña/n deberá/n permitir avaliar a capacidade das persoas aspirantes para desenvolver as tarefas propias do posto de traballo ao que se opta e relacionadas coas materias que integran o temario indicado na base sexta das bases específicas. Este exercicio deberá ser lido obrigatoriamente pola persoa aspirante ante o tribunal que poderá realizar preguntas ou solicitar aclaracións acerca do seu contido, sendo excluídos do proceso selectivo automaticamente as persoas que non comparezan á lectura. Para a realización desta proba as persoas aspirantes poderán acudir provistas, para a súa consulta, de copias da normativa, en soporte papel, publicadas no Boletín Oficial do Estado, ou diarios oficiais (DOG e BOP.PO), así como textos legais de calquera editorial aínda que inclúan comentarios, sempre que estes se limiten exclusivamente a meras concordancias normativas, citas de resolucións xudiciais ou administrativas, ou referentes a textos publicados por autores sobre a materia. Agora ben, non se permitirá o uso de dispositivos dixitais, libros de texto, sentencias, mementos ou similares. Tamén se permitirá o uso de calculadora. Neste exercicio o tribunal valorará os coñecementos das persoas aspirantes, a orde e claridade de ideas, a claridade da exposición escrita, a capacidade de razoamento e síntese, a súa capacidade de análise, a aplicación razoada dos coñecementos teóricos á resolución proposta e as conclusións formuladas. Cualificarase cunha puntuación de 0 (cero) a 30 (trinta) puntos, sendo necesario para superalo obter unha puntuación mínima de 15 (quince) puntos. No caso de que o tribunal estableza varios supostos e que non se valoren de forma idéntica todos eles, deberá darse a coñecer aos/ás aspirantes a puntuación de cada suposto con carácter previo ao inicio da proba. De non especificarse a puntuación de cada suposto, entenderase que teñen idéntica valoración cada un deles. Quinta. Temario. Tema 1. O municipio: O termo municipal. A poboación. O empadroamento. Tema 2. Réxime de funcionamento dos órganos colexiados do Concello. Réxime de sesións. As sesións: clases, requisitos e procedementos de constitución e celebración. Convocatoria das sesións e orde do día. Actas e certificacións. Notificacións e publicación de acordos. Tema 3. A administración electrónica. O acceso electrónico da cidadanía aos servizos públicos. A calidade dos servizos públicos e de atención á cidadanía. Tema 4. O acto administrativo: concepto, clases e elementos. Requisitos dos actos administrativos. Motivación e forma. Eficacia dos actos administrativos. Executividade. Execución forzosa. Suspensión. Tema 5. O procedemento administrativo común. As fases do procedemento administrativo: iniciación, ordenación, instrución e terminación. Cómputo de prazos. Tema 6. Comunicacións e notificacións. A práctica das notificacións. A práctica das notificacións a través de medios electrónicos. A notificación infrutuosa e a notificación defectuosa. A publicación. Tema 7. O arquivo: Concepto, funcións e clases. O arquivo municipal: natureza e servizos que presta á administración e ao cidadán. Tema 8. O documento de arquivo: Concepto, caracteres e valores (administrativo, legal, fiscal e histórico). Soportes documentais. Tema 9. O ciclo vital dos documentos: As tres idades do documento. Redes de arquivo (arquivo de oficina, central/intermedio e histórico). Tema 10. Identificación e clasificación de fondos: O Cadro de Clasificación de fondos de arquivos municipais. Tema 11. Ordenación de documentos e instalación de series documentais. Tema 12. A organización e xestión dos arquivos municipais. Clasificación e ordenación documental. Instrumentos básicos de descrición arquivística. Cadros de clasificación, inventarios e catálogos. Xestión de expedientes administrativos e arquivo electrónico. Tema 13. Valoración, selección e expurgo de documentos en arquivos: Concepto e procedementos. As transferencias documentais. Tema 14. O expediente administrativo en soporte papel e o expediente electrónico. Tipoloxía documental básica da Administración Local (acordos, bandos, resolucións, actas). Tema 15. Acceso dos cidadáns aos documentos e aos arquivos. Regulación legal e normativa vixente. A protección de datos de carácter persoal e a garantía dos dereitos dixitais e a súa repercusión nos arquivos Tema 16. Preservación e conservación: Alteracións físicas e químicas dos documentos. Medidas ambientais, de seguridade e métodos preventivos de conservación en depósitos de arquivo. Dixitalización de documentos. Tema 17. Lexislación estatal: Lei 16/1985, de 25 de xuño, do Patrimonio Histórico Español. Preservación e conservación: Dixitalización de documentos. Tema 18. Lexislación autonómica: Lei 7/2014, de 26 de setembro, de arquivos e documentos de Galicia. Sistema de Arquivos de Galicia e o Consello de Avaliación Documental. Tema 19. O documento e o expediente electrónico na Administración Local. Organización, identificación e conservación. O Esquema Nacional de Interoperabilidad (ENI). Tema 20. Dixitalización do patrimonio documental e bibliográfico I. Fases do proceso de dixitalización. Equipos e ferramentas utilizados na dixitalización (escáneres, cámaras e outros dispositivos de captura de imaxes). Formatos de imaxe máis usuais. Control de calidade e corrección de erros nos arquivos dixitais. Tema 21. Dixitalización do patrimonio documental e bibliográfico II. Estratexias de preservación dixital a longo prazo. Técnicas de preservación dixital. Conservación dos contidos e dos soportes. 4. UNHA PRAZA DE AUXILIAR ADMINISTRATIVO/A (PROMOCIÓN INTERNA) PERSOAL FUNCIONARIO DE CARREIRA. Nº Denominación Grupo Subgrupo Escala Subescala Provisión 1 Aux. administrativo/a C C2 Adm. Xeral Auxiliar Promoción interna Segunda. Condicións dos aspirantes Para poder tomar parte no proceso selectivo, ademais das condicións xerais sinaladas na base terceira das bases xerais que regulan esta convocatoria, as persoas aspirantes deberán reunir os seguintes requisitos: a) Ser persoal funcionario de carreira do Concello de Moaña ocupando a praza de conserxe de Información existente no cadro de Persoal, pertencente ao grupo de agrupacións profesionais (AP) da escala de administración xeral, subescala subalterna e cunha antigüidade mínima de dous anos no grupo AP. b) Estar en posesión do Título de graduado en Educación Secundaria Obrigatoria (ESO) ou equivalente ou en condición de obtelo na data en que remate o prazo de presentación de instancias. No caso de titulacións oficiais non expedidas en España deberase estar en posesión, na mesma data do remate do prazo para presentar as instancias, da correspondente convalidación ou da credencial que acredite a homologación do título, expedida polo organismo competente. Para acreditar este requisito a persoa aspirante debera achegar copia do título oficial ou, no seu defecto, copia do xustificante de ter efectuado o depósito para obtelo. Todos os requisitos deberán acreditalos na data en que remate o prazo de presentación de solicitudes da convocatoria. Terceira. Sistema de selección. O sistema de selección para ingresar nesta praza será o de oposición para a quenda de promoción interna vertical. Cuarta. Fase de oposición. A puntuación na fase de oposición será de 40 puntos por todos os conceptos, equivalentes ao 100% da puntuación total do proceso selectivo. Os exercicios da fase de oposición serán os seguintes: PRIMEIRO EXERCICIO: de carácter obrigatorio e eliminatorio. Consistirá en contestar por escrito a un test de 20 preguntas con catro respostas alternativas por pregunta, baseado no contido do temario que figura na base quinta destas bases específicas. O tempo de realización deste exercicio será de 40 minutos. O tribunal disporá dos medios que estime oportunos para garantir o anonimato das persoas aspirantes na realización do exercicio. Cualificarase cunha puntuación de 0 (cero) a 20 (vinte) puntos, correspondéndolle ao tribunal determinar a puntuación (nota de corte) esixida para superar o exercicio que se corresponderá cun número determinado de respostas acertadas. Neste exercicio as respostas incorrectas e as preguntas non contestadas non se puntuarán. Facúltase ao tribunal para que poida poñer preguntas de reserva tipo test ata un máximo de cinco, sen que implique a ampliación do tempo para a realización do exercicio. Estas preguntas substituirán, pola súa orde correlativa, a aquelas preguntas que, no seu caso, sexan obxecto de anulación despois da realización do exercicio. O criterio esencial de valoración desta proba é o acerto nas alternativas propostas. SEGUNDO EXERCICIO: De carácter obrigatorio e eliminatorio. Consistirá na realización dunha ou varias probas prácticas (con preguntas tipo test de carácter práctico, escrita, con ordenador ou nunha combinación das anteriores) definida polo Tribunal e que permita valorar a aplicación dos coñecementos, as capacidades das persoas aspirantes, así como coñecer as súas habilidades e destrezas para o desempeño das tarefas relacionadas co contido do posto. No caso de realizar este exercicio mediante preguntas tipo test, as respostas incorrectas e as preguntas non contestadas non se puntuarán. O tempo de realización da proba será determinado polo tribunal. Este exercicio cualificarase cunha puntuación de 0 (cero) a 20 (vinte) puntos, sendo necesario para superalo obter unha puntuación mínima de 10 (dez) puntos. No caso de que o tribunal estableza varios supostos e que non se valoren de forma idéntica todos eles, deberá darse a coñecer aos/ás aspirantes a puntuación de cada suposto con carácter previo ao inicio da proba. De non especificarse a puntuación de cada suposto, entenderase que teñen idéntica valoración cada un deles. Quinta. Temario. Tema 1. O procedemento administrativo común. As fases do procedemento administrativo: iniciación, ordenación, instrución e terminación. Cómputo de prazos. Comunicacións e notificacións. A práctica das notificacións. Tema 2. O persoal ao servizo das corporacións locais. Clases de persoal. Réxime de incompatibilidades. Réxime disciplinario. Tema 3. A Lei Orgánica 3/2018, de Protección de Datos Persoais e garantía dos dereitos dixitais. Principios de protección de datos. O deber de confidencialidade no ámbito do rexistro e a atención cidadá. Tema 4. Os dereitos das persoas nas súas relacións coas administracións públicas: Especial referencia á Lei 39/2015, do 1 de outubro, do procedemento administrativo común das administracións públicas. O dereito e a obriga de relacionarse electronicamente coas administracións públicas. Tema 5. O Rexistro de entrada e saída de documentos: Concepto, funcións e normativa reguladora. O Rexistro Electrónico Xeral. Presentación de documentos, prazos e lugares. A figura do funcionario habilitado. Tema 6. O Sistema de Interconexión de Rexistros (SIR): Concepto e funcionalidades básicas. A Oficina de Rexistro Virtual para o intercambio rexistral electrónico. Tema 7. Copias de documentos e presentación de orixinais: As copias auténticas e a súa expedición. Dixitalización segura de documentos nas oficinas de asistencia en materia de rexistros. Aportación de documentos polas persoas interesadas. Tema 8. A identificación e sinatura electrónica: Tipos de sistemas de identificación e sinatura previstos na Lei 39/2015. Cl@ve, DNI electrónico e certificados dixitais. Uso por parte da cidadanía e dos empregados públicos. Tema 9. Representación e apoderamentos: Concepto de representación no procedemento administrativo. O Rexistro Electrónico de Apoderamentos (REA). Acreditación da representación. Tema 10. A atención ao público: Atención presencial, telefónica e telemática. Habilidades de comunicación. A recepción e derivación de cidadáns.