Convocatoria para a cobertura como persoal laboral fixo de 7 prazas de auxiliar xerocultor/a para a residencia de maiores a nosa señora do carme, ope 2023

SARRIA Anuncio O día 02/10/2026, o Presidente do O.A. Residencia de Maiores Nosa Señora do Carme, mediante Resolución 2026- 0500, aprobou as BASES DA CONVOCATORIA PARA A PROVISIÓN, CON PERSOAL LABORAL FIXO, DE SETE PRAZAS DE AUXILIAR XEROCULTOR/A PARA A RESIDENCIA DE MAIORES NOSA SEÑORA DO CARME, ORGANISMO AUTÓNOMO DO CONCELLO DE SARRIA, ADSCRITAS AO POSTO 03.01.01, ACCESO LIBRE, MEDIANTE O SISTEMA DE CONCURSO-OPOSICIÓN (OPE 2023) O prazo de presentación de solicitudes é de 20 días naturais contados a partir do día seguinte ao da publicación do anuncio da convocatoria no BOE. BASES DA CONVOCATORIA PARA A PROVISIÓN, CON PERSOAL LABORAL FIXO, DE SETE PRAZAS DE AUXILIAR XEROCULTOR/A PARA A RESIDENCIA DE MAIORES NOSA SEÑORA DO CARME, ORGANISMO AUTÓNOMO DO CONCELLO DE SARRIA, ADSCRITAS AO POSTO 03.01.01, ACCESO LIBRE, MEDIANTE O SISTEMA DE CONCURSO- OPOSICIÓN (OPE 2023) As presentes Bases teñen coma obxectivo regular o proceso de cobertura de sete prazas de auxiliar xerocultor/a para o Organismo Autónomo “ Residencia de Maiores Nosa Señora do Carme ”, dependente do Concello de Sarria, incluída na OPE do ano 2023, adscritas ao posto 03.01.01, con persoal laboral fixo, mediante o sistema de concurso-oposición en turno libre. LEXISLACIÓN APLICABLE. — A Lei 2/2015, de 29 de abril, do emprego público de Galicia. — Lei 3/1983, de 15 de xuño, de Normalización Lingüística de Galicia. — Os artigos 231 e seguintes da Lei 5/1997, de 22 de xullo, de Administración Local de Galicia. — Os artigos 21.1.g), 91, 103 e 104 da Lei 7/1985, de 2 de abril, Reguladora das Bases de Réxime Local. — Os artigos 11 e 55 a 62 do texto refundido da Lei do Estatuto Básico do Empregado Público aprobado por Real Decreto Lexislativo 5/2015, de 30 de outubro. — A Lei 30/1984, de Medidas para a Reforma da Función Pública. — Os artigos 177 e seguintes do Texto Refundido das disposicións legais vixentes en materia de Réxime Local, aprobado polo Real Decreto Lexislativo 781/1986, de 18 de abril. — A Disposición Adicional Segunda do Real Decreto 896/1991, de 7 de xuño, polo que se establecen as regras básicas e os programas mínimos a que debe axustarse o procedemento de selección dos funcionarios de Administración Local. — O Texto Refundido da Lei do Estatuto dos Traballadores aprobado por Real Decreto Lexislativo 2/2015, de 23 de outubro. PRIMEIRO.- Obxecto da convocatoria. O obxecto da presente convocatoria é a cobertura de sete prazas de auxiliar xerocultor/a, en réxime de persoal laboral fixo (Grupo IV) do Organismo Autónomo “ Nosa Señora do Carme”, adscritas ao posto 03.01.01, incluídas na Oferta de Emprego Público do ano 2023, mediante o sistema de concurso-oposición en turno libre. . A modalidade do contratación é a regulada no artigo 15 do Texto Refundido da Lei do Estatuto dos Traballadores aprobado por Real Decreto Lexislativo 2/2015, de 23 de outubro, sempre que conste xustificación bastante e crédito axeitado e suficiente para proceder á contratación. As súas principiáis funcións son as seguintes, sen perxuizo de que se lle poidanencomendar outras adecuadas á súa titulación e formación: 1. Asistir á persoa usuaria na realización das actividades básicas e instrumentais da vida cotiá, así como nos coidados persoais, atendendo e fomentando a autonomía persoal. 2. Realizar a hixiene persoal das persoas usuarias. 3. Efectuar a limpeza e mantemento dos utensilios das persoas residentes, facer as camas, recoller a roupa, levala á lavandería e colaborar no mantemento dos cuartos. 4. Darlles de comer a aquelas persoas usuarias que non o poidan facer por si mesmas. Recepción e distribución das comidas. 5. Realizar os cambios posturais e aqueles servizos sanitarios e/ou sociais auxiliares, de acordo coa súa preparación técnica que lle sexan encomendados. 6. Comunicar as incidencias que se produzan nos/as usuarios/as no ámbito dos seus coidados, reportando ó persoal técnico de referencia. 7. Limpar o material e mobiliario requirido pola persoa usuaria. 8. Acompañar á persoa usuaria nas saídas, paseos, xestións, excursións, xogos e tempo libre en xeral. 9. Colaborar co equipo de profesionais mediante a realización de tarefas elementais que complementen os servizos especializados daqueles, para proporcionar a autonomía persoal das persoas usuarias e a súa inserción na vida social. 10. Sixilo profesional sobre os procesos patolóxicos que sufran os residentes, así como os asuntos referentes a súa intimidade. 11. Realizar o apoio requirido nas tarefas programadas e dirixidas polo persoal técnico. 12. Actuar na coordinación e baixo a responsabilidade dos profesionais dos que dependan directamente. 13. Realizar calquera outra función, propia da súa categoría, que se considere necesaria para o correcto funcionamento do centro. O horario e as restantes condicións de emprego (salario, xornada laboral, etc.) serán os establecidos polo Organismo Autónomo para o correspondente posto que se lle asigne, segundo a vixente Relación de Postos de Traballo. O salario actual, segundo a vixente RPT, para o posto de auxiliar xerocultor/a 03.01.01. A Presidencia resérvase a facultade de establecer o horario e as modificacións que considerase oportunas para o mellor desempeño do servizo, respectando, en calquera caso, as normas legais aplicables sobre a xornada de traballo e descanso. SEGUNDO.- Procedemento de selección. A selección efectuarase mediante concurso-oposición, debendo respectar en todo caso os principios de igualdade, mérito, capacidade, publicidade e transparencia. No proceso de selección regulado polas presentes bases serán de aplicación o RD Lexislativo 5/2015, do 30 de outubro, polo que se aproba o Texto Refundido da Lei do Estatuto Básico do Empregado Público e a Lei 2/2015, de 29 de abril, do emprego público de Galicia. TERCEIRO. Requisitos dos aspirantes. Os establecidos con carácter xeral no artigo 56 e concordantes do Estatuto Básico do Empregado Público e na Lei 5/2015, de 30 de outubro. Para ser admitidos á realización das probas, os candidatos deberán reunir os seguintes requisitos: a) Ter a nacionalidade española, sen prexuízo do disposto no articulo 57 do Real Decreto Lexislativo 5/2015, de 30 de outubro, polo que se aproba o texto refundido do Estatuto Básico do Empregado Público. b) Posuír a capacidade funcional para o desempeño das tarefas. c) Ter cumpridos dezaseis anos e non exceder, no seu caso, a idade máxima de xubilación forzosa. d) Non estar separado mediante expediente disciplinario do servizo de calquera das Administracións Públicas ou dos órganos constitucionais ou estatutarios das Comunidades Autónomas, nin estar en inhabilitación absoluta ou especial para empregos ou cargos públicos por resolucións xudiciais, para o acceso ao corpo ou escala de funcionario ou para exercer funcións nacionais de outro Estado. No caso de ser nacional doutro Estado, non ser inhabilitado ou estar en situación equivalente nin ser sometido a sanción disciplinaria ou equivalente que impida o acceso o emprego público. e) Non estar en causa de incapacidade o incompatibilidade conforme á lexislación vixente. f) Estar en posesión dalgunha das seguintes titulacións ou equivalente: Técnico en Atención a Personas en Situación de Dependencia. Técnico en Cuidados Auxiliares de Enfermería Técnico en Atención Sociosanitaria. No seu defecto Graduado en Educación Secundaria Obrigatoria ou equivalente xunto co Certificado profesional de atención sociosanitaria a persoas dependentes en institucións sociais, estabrecida no RD 1368/2007, de 19 de outubro. No caso de titulacións obtidas no estranxeiro, deberase presentar o orixinal ou fotocopia compulsada da credencial que acredite a sua homologación en España, e ademáis, no seu caso, a tradución xurada do título. Todos os requisitos enumerados anteriormente deberán posuírse o día de finalización do prazo de presentación de solicitudes, debendo manterse na data na que se proceda á contratación. CUARTO.- Instancias. As solicitudes, requirindo tomar parte nas correspondentes probas de acceso nas que os aspirantes farán constar que reúnen as condicións esixidas nas presentes bases para a praza que se opte, dirixiranse ao Sr. Presidente do O.A. Residencia de Maiores Nosa Señora do Carme, e presentaranse no Rexistro Electrónico Xeral do Concello de Sarria ou nalgún dos lugares previstos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas, no prazo de 20 días naturais contados a partir do día seguinte ao da publicación do anuncio da convocatoria no BOE A presentación de instancias por parte dos aspirantes supón a aceptación íntegra destas Bases e do seu contido. As instancias deberán axustarse ao modelo oficial que figura no Anexo I das presentes Bases e ir acompañadas de copia da seguinte documentación:  Fotocopia do DNI, pasaporte ou documento que acredite a identidade.  Declaración responsable de que cumpre todos os requisitos necesarios para se presentar ao proceso selectivo.  Os/as aspirantes con minusvalías deberán facelo constar na solicitude, co fin de facer as adaptacións de tempo e medios necesarios para garantir a igualdade de oportunidades co resto de aspirantes.  Fotocopia da titulación/ méritos requiridos para ser admitido/a ao proceso selectivo.  Fotocopia da documentación acreditativa dos méritos alegados para a fase de concurso, xunto cunha relación circunstanciada dos mesmos (Anexo III).  Celga 3 ou equivalente (no caso de ter a titulación) Deberase indicar o idioma elixido para a realización da proba tipo test no Anexo I, no cadro correspondente. As persoas que non indiquen o idioma figurarán como non admitidas ao obxeto de que procedan a subsanar a falta durante o prazo de presentación de instancias. Estas Bases publicaranse na sede electrónica https://residenciamaioresnosasradocarme.sedelectronica.gal Os sucesivos anuncios relativos ás probas que convoquen faranse públicos na sede electrónica https://residenciamaioresnosasradocarme.sedelectronica.gal/ QUINTO.- Admisión e exclusión de aspirantes. Rematado o prazo de presentación de solicitudes, a Presidencia ditará unha resolución no prazo de 10 días naturais, que se publicará na sede electrónica https://residenciamaioresnosasradocarme.sedelectronica.gal, declarando aprobada a listaxe provisional de persoas admitidas e excluídas, con indicación, se é o caso, das causas de exclusión e outorgando o prazo de 5 días naturais , a contar dende o seguinte ao da publicación da dita resolución, para presentaren as reclamacións oportunas ou emendaren os defectos existentes, nos termos do artigo 68 da Lei 39/2015, de 1 de outubro, do Procedemento Administrativo Común das Administracións Públicas. De non existir persoas excluídas, aprobarase con carácter definitivo a listaxe de persoas admitidas. Transcorrido o prazo de emenda de defectos, a Presidencia declarará aprobada a lista definitiva de persoas admitidas e excluídas, que se publicará na sede electrónica https://residenciamaioresnosasradocarme.sedelectronica.gal , na citada resolución fixarase a composición do Tribunal. De non presentarse reclamacións, a lista provisional entenderase elevada automaticamente a definitiva. SEXTO.- Tribunal Cualificador. O Tribunal cualificador será designado pola Presidencia, en virtude do establecido no artigo 21.1 g) da Lei 7/1985, do 2 de abril, Reguladora das Bases do Réxime Local, e, en base ao establecido pola Lei 2/2015, de 29 de abril, do Emprego Público de Galicia e Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do Empregado Público. O Tribunal terá a composición seguinte:  Presidencia (Titular e suplente): Unha persoa funcionaria de carreira ou laboral fixo pertencente a un corpo ou escala para o ingreso no cal se requira titulación igual ou superior á de agora esixida.  Vogalías (Titulares e suplentes): Tres persoas funcionarias de carreira ou laborais fixos pertencentes a un corpo ou escala para o ingreso no cal se requira titulación igual ou superior á de agora esixida.  Secretaría (Titular e suplente): Secretario do Concello ou quen legalmente a substitúa. A composición do tribunal, que se dará a coñecer xunto coa relación definitiva de persoas admitidas, deberá axustarse aos principios de imparcialidade e tenderá a paridade entre homes e mulleres. O Tribunal non poderán constituírse nin actuar sen a presenza, polo menos, de tres dos seus membros, titulares ou suplentes, debendo estar presentes en todo caso as persoas que ocupen a Presidencia e a Secretaría, ou persoas en quen deleguen. De todas as reunións que faga o Tribunal, quen asuma a Secretaría redactará a correspondente acta. Os membros do Tribunal absteranse de intervir e o comunicarán á autoridade que convoca cando concorra algunha das circunstancias previstas no artigo 23.2 da Lei 40/2015, do 1 de outubro, de Réxime Xurídico do Sector Público. As persoas aspirantes poderán recusar aos membros do Tribunal cando concorran aquelas circunstancias. O Tribunal resolverá todas as dúbidas que xurdan en aplicación das presentes bases, así como nos casos non previstos polas mesmas. SÉTIMO.- Proceso selectivo. O proceso de selección efectuarase polo sistema de concurso-oposición e desenvolverase en dúas fases: A) Fase de oposición Puntuación máxima: Na fase de oposición valoraranse ata un máximo de 30 puntos. Celebración dos exercicios: A data, hora e lugar de celebración dos exercicios, serán anunciados oportunamente na sede electrónica https://residenciamaioresnosasradocarme.sedelectronica.gal/info.0, en consonancia coas presentes bases. Criterios de valoración na fase de oposición: A fase de oposición consistirá na realización de tres exercicios de carácter obrigatorio e eliminatorio, sendo os contidos e cualificacións os que de seguido se describen e podendo realizarse, a criterio do tribunal, de xeito sucesivo na mesma data ou en datas diferentes: - Primeiro exercicio: Consistente na realización dun cuestionario tipo test con 40 preguntas (máis 5 de reserva) con 4 respostas alternativas nun tempo máximo de 50 minutos sobre as materias comprendidas no temario establecido no Bloque I do Anexo II desta convocatoria. O exercicio será cualificado de 0 a 10 puntos, sendo necesario alcanzar un mínimo de 5 puntos para superalo, sendo eliminados aqueles aspirantes que non o obteñan. A puntuación calcularase de acordo cos seguintes criterios: - Por cada resposta correcta outórgaselle 0,25 puntos. - Por cada resposta incorrecta descontarase 0,05 puntos. - As respostas en branco non puntúan. - Segundo exercicio: Consistirá na exposición escrita de dous temas, a escoller de tres extraídos ao chou entre os comprendidos no Bloque II do Anexo II desta convocatoria. As persoas aspirantes disporán de unha hora e media para a realización da proba. O tribunal non poderá valorar a exposición daqueles opositores que deixasen sin desenvolver en absoluto algún dos temas. Valorarase o nivel xeral de coñecementos en relación aos temas expostos, a redacción ordeada dos temas e a correcta expresión escrita dos mesmos. Puntuación máxima: 10 puntos, sendo eliminados aqueles aspirantes que non obteñan unha puntuación mínima de 5 puntos. -Terceiro exercicio: A criterio do tribunal, este exercicio poderá consistir nun dos seguintes supostos: a) Resolución, por escrito de un o varios supostos prácticos referentes ás funcións do posto que o Tribunal determine, durante un tempo máximo de 60 minutos. O suposto práctico estará relacionado coas materias que figuran nos Bloques II e III do Anexo II desta convocatoria. b) Proba cun contido exclusivamente práctico, consistente na realización de accións ou simulacións relacionadas co traballo dun auxiliar xerocultor/a, estando relacionada coas materias que figuran nos Bloques II e III do Anexo II desta convocatoria. A duración da proba será fixada polo tribunal en función do contido da mesma. Na convocatoria para a realización do terceiro exercicio o tribunal determinará cal será o formato do mesmo. Puntuación máxima: 10 puntos, sendo eliminadas as persoas aspirantes que non obteñan unha puntuación mínima de 5 puntos. Puntuarase o nivel de resolución dos casos prácticos en relación ao coñecemento da materia, podéndose solicitar a súa lectura polo Tribunal no caso de realizarse de xeito escrito. No caso de que aproba sexa realizada a través da actuación física das persoas aspirantes, a mesma será grabada cun sistema audiovisual que permita a súa conservación no expediente. - Exercicio sobre o coñecemento da lingua galega: O artigo 51.2 da Lei 2/2015, de 29 de abril, do emprego público de Galicia establece que: “[…], para darlle cumprimento á normalización do idioma galego nas Administracións Públicas de Galicia e para garantir o dereito ao uso do galego nas relacións coas Administracións Públicas no ámbito da Comunidade Autónoma, así como a promoción do uso normal do Galego por parte dos poderes públicos de Galicia, nas probas selectivas que se realicen para o acceso aos postos das Administracións Públicas incluídas no ámbito de aplicación desta lei incluirase un exame de galego, agás para aquelas persoas que acrediten o coñecemento da lingua galega consonte a normativa vixente. As bases das convocatorias dos procesos selectivos establecerán o carácter e, se é o caso, a valoración do coñecemento da lingua galega.” Polo tanto, o exercicio consistirá en realizar unha proba escrita sobre o coñecemento da lingua galega. As persoas aspirantes deberán traducir un texto, facilitado polo Tribunal, de castelán para o galego ou de galego para o castelán. Esta proba terá unha duración de 30 minutos e cualificarase de “apto/a” ou “non apto/a”, quedando eliminadas as persoas aspirantes que non acaden a cualificación de apto ou apta. Estarán exentas da realización deste exercicio as persoas aspirantes que teñan acreditado o coñecemento da lingua galega, mediante a presentación do correspondente certificado de aptitude do curso de perfeccionamento da lingua galega, ou Celga 3, ou equivalente, antes da data e realización da proba. Publicación dos resultados dos exercicios da fase oposición: As puntuacións obtidas polos aspirantes nos exercicios da fase de oposición publicaranse na sede electrónica https://residenciamaioresnosasradocarme.sedelectronica.gal Concederase un prazo de 3 días naturais para os efectos de alegacións polos aspirantes, que se contará desde a data de publicación dos resultados dos exercicios da fase oposición no taboleiro da sede electrónica https://residenciamaioresnosasradocarme.sedelectronica.gal Rematado o prazo de alegacións, e resoltas estas, o tribunal publicará os resultados definitivos dos exercicios da fase de oposición no taboleiro da sede electrónica https://residenciamaioresnosasradocarme.sedelectronica.gal B) Fase de concurso: Na fase de concurso valoráranse ata un máximo de 20 puntos os méritos achegados polas persoas aspirantes, aplicando os criterios que se relacionan a continuación: Por servizos prestados: 1- Por servizos prestados na Administración Pública Local/OOAA dependentes da mesma en prazas de auxiliar xerocultor/a: Máximo 5 puntos. Puntuación: 0,30 puntos por cada mes completo de servizos prestados. 2- Por servizos prestados en calquera Administración Pública en prazas de auxiliar xerocultor/a: Máximo 4 puntos. Puntuación: 0,10 puntos por mes completo de servizo. 3- Por servizos prestados en calquera Administración Pública en calquera posto de traballo relacionado coa ámbito da atención de persoas (residencias, centros de día, centros especiais, etc): Máximo 1 punto. Puntuación: 0,02 puntos por mes completo de servizo. Os servizos prestados na función publica acreditaranse mediante certificación expedida pola Administración competente con expresión da relación xurídica (funcionario ou persoal laboral), praza e posto de traballo desempeñados, data de toma de posesión e/ou cesamento ou período de prestación efectiva de servizos. Os servizos prestados que non se acrediten segundo o establecido nestas bases non poderán ser valorados polo tribunal en ningún caso. Por cursos de formación: 4- Cursos de formación e perfeccionamento sobre materias relativas á praza de auxiliar xerocultor/a (atención de persoas, cursos de xeriatría, dietética, manipulación de almientos, primeiros auxilios, aseos de persoas, mobilización, etc. ) Máximo 10 puntos:  De 20 a 50 horas de duración: 0,2 puntos por curso  De 51 a 100 horas: 0,4 puntos por curso  De 101 a 150 horas: 0,6 puntos por curso  De 151 a 200 horas: 0,8 puntos por curo  De Máis de 200 horas: 1,25 puntos por curso Os cursos deberán ser impartidos por Administracións públicas, organismos públicos, colexios profesionais, centros legalmente autorizados e recoñecidos polos anteriores, sendo formación homologada ou no marco de calquera dos acordos de formación continua ou formación para o emprego das Administracións Públicas. Publicación dos resultados dos exercicios da fase de concurso: As puntuacións obtidas polos aspirantes na fase de concurso publicaranse na sede electrónica https://residenciamaioresnosasradocarme.sedelectronica.gal Cualificación final: A cualificación final virá determinada pola suma da fase de concurso e máis a de oposición, sempre e cando se teña superado a fase de oposición cun mínimo de 15 puntos. En caso de empate entre as persoas aspirantes tomarase como referencia primeiramente a maior puntuación no primeiro exercicio da fase de oposición e de persistir, o segundo exercicio da mesma, e despois o terceiro. De seguir persistindo o empate, a maior puntuación nos apartados 1, 2 e 3 da fase de concurso. De seguir persistindo o empate, este resolverase por sorteo. OITAVO.- Relación de persoas aprobadas e presentación de documentación: Rematadas as dúas fases anteriores, o tribunal publicará na sede electrónica https://residenciamaioresnosasradocarme.sedelectronica.gal a relación de aspirantes por orde de puntuación. O tribunal elevará proposta, ademais da acta da derradeira sesión, á Presidencia para que proceda á resolución de expediente de selección. As persoas aspirantes propostas achegarán no prazo de 5 días naturais, contados a partir da publicación da listaxe de persoas aprobadas na sede electrónica https://residenciamaioresnosasradocarme.sedelectronica.gal os documentos seguintes: - Copia compulsada ou copia auténtica de: -Relación de méritos alegados achegados e documentos xustificativos dos mesmos. - Fotocopia da titulación académica esixida na convocatoria. - Fotocopia do título de Celga 3 ou titulación equivalente. - Certificado médico acreditativo de posuír a capacidade funcional para o desenvolvemento das tarefas habituais da praza á que se aspira, e no que se fará constar que non padece enfermidade ou limitación física ou psíquica incompatible coas funcións do posto. - Declaración xurada de non ter sido separado mediante expediente disciplinario do servizo de calquera das Administracións públicas ou dos órganos constitucionais ou estatutarios das Comunidades Autónomas, nin atoparse en inhabilitación absoluta ou especial para empregos ou cargos públicos por resolución xudicial. - Declaración xurada de non atoparse en ningunha causa de incapacidade e incompatibilidade de conformidade coa lexislación vixente e referido ao momento da súa toma de posesión. - Fotocopia da tarxeta da Seguridade Social e certificado de conta bancaria. NOVENO.- Funcionamento da bolsa de emprego. Coa aprobación da bolsa de emprego derivada deste proceso ampliarase a bolsa de emprego que esté vixente no momento do remate do presente procedemento de selección. A bolsa estará formada polos aspirantes que houberan aprobado algún exercicio do proceso selectivo, a continuación da última persoa da vixente bolsa, salvo que xa sexan membros da mesma, conservando o posto na mesma. Ordenada primeiramente polos que houberan superado todo o proceso (tres exercicios) e en relación a súas puntuacións totais (concurso e oposición). Posteriormente en relación a os exercicios aprobados e as puntuacións totais. É dicir, os aspirantes que houberan aprobado dous exercidos en orden a súas puntuacións totais e por último os aspirantes que houberan aprobado o primeiro exercicio en orden a súas puntuacións totais, e funcionará do seguinte modo: 1-SITUACIÓN NAS BOLSAS DE EMPREGO: “As persoas que se atopen conformando parte nas bolsas de traballo do O.A Residencia de Maiores Nosa Señora do Carme poderanse atopar nalgunha das seguintes situacións: a) “DISPOÑIBLE” Situacións dende a que o/a integrante da bolsa pode recibir o chamamento de oferta de contratación laboral ou nomeamento funcionario interino/a, segundo o réxime da bolsa b) “OCUPADO/A” Situación que indica que se atopa prestando servizos no O.A Residencia de Maiores Nosa Señora do Carme, independentemente do posto desempeñado. O cambio da situación de dispoñible a ocupado e viceversa realizarao de oficio o responsable da xestión das bolsas unha vez remate o contrato/nomeamento c) “SUSPENSIÓN DE CHAMAMENTOS” O/A integrante da bolsa atoparase na situación de “suspensión de chamamentos” cando solicite expresamente e por escrito que non se realicen chamamentos para contratacións ou nomeamentos. O/A interesado/a, mentres se atope neste situación, non será requirido/a para novas ofertas e non será penalizado, mantendo o mesmo posto na lista. Se desexa estar dispoñible para novos chamamentos deberá comunicalo expresamente por escrito. d) “EXCLUÍDO” Situación que comportará a exclusión definitiva do/a aspirante da bolsa de traballo e que se producirá por algunha das seguintes causas:  Rexeitar un chamamento sen xustificalo nas causas establecidas que determinan o pase ao final da lista.  Simular ou falsear calquera das causas que xustifican o rexeitamento de ofertas de traballo  Separación ou despido do servizo mediante expediente disciplinario  Toda renuncia voluntaria ou ruptura da relación laboral temporal ou funcionarial interina co O.A Residencia de Maiores Nosa Señora do Carme, se é o caso, sempre que non sexa por algunha das causas de xustificación de rexeitamento de oferta e) “ILOCALIZABLE” Situación na que se atoparían aqueles/as integrantes da bolsa que non fora posible localizalos pola Administración vía telefónica ou vía correo-electrónico que facilita o/a aspirante. O/A interesado/a en situación de “ilocalizable” non será chamado/a para novas ofertas ata que non cambie a súa situación a “dispoñible” (cambio que deberá solicitar expresamente e por escrito) 2 - REALIZACIÓN DOS CHAMAMENTOS Cando sexa preciso levar a cabo a contratación ou nomeamento de persoal, os chamamentos realizaranse do seguinte xeito:  Realizaranse 3 chamadas telefónicas cunha diferenza de media hora entre cada chamada. Se non hai resposta á terceira chamada, o aspirante pasará ao final da bolsa de emprego e enviaráselle un correo electrónico, no caso de haber comunicado o mesmo, para avisalo da situación. Se non responde ao correo nun prazo de tres días naturais, pasará á situación de “ilocalizable”; se non facilitou un correo electrónico, pasará á situación de “ilocalizable” directamente despois da terceira chamada sen resposta.  En casos de urxencia acreditada, poderase realizar un único chamamento a cada aspirante e, no caso de non contestar, pasarase ao seguinte, neste caso sen penalización.  Os chamamentos comezaranse polo principio da bolsa, dende o número 1 e seguindo a súa orde segundo a dispoñibilidade e estado das persoas integrantes da mesma.  Cando se teñan que realizar varios chamamentos da mesma bolsa de emprego nun período non superior a 15 días hábiles, continuarase dende o último chamamento realizado.  Cando se realicen chamamentos, deixarase constancia no expediente cunha dilixencia asinada pola persoa que realice os mesmos, indicando a data e hora das chamadas e a resposta recibida.  Se a persoa rexeita o chamamento: o Pasará ao final da lista no caso de presentar algunha das seguintes xustificacións dentro dos tres días naturais seguintes ao chamamento:  Por razón de enfermidade que lle impida o desempeño do traballo ao momento do chamamento. Esta situación xustificarase mediante a achega da correspondente baixa médica ou certificación oficial do médico de familia.  Por maternidade, paternidade ou adopción ou acollemento, durante o tempo que legalmente corresponda. Esta situación xustificarase con fotocopia do libro de familia ou, se non, informe médico.  Por atoparse en alta no réxime xeral da Seguridade Social ou en calquera dos seus réximes especiais no momento do chamamento ou iniciar tal prestación dentro do mes seguinte á data de inicio do contrato ou nomeamento ofertado. Esta situación xustificarase coa vida laboral actualizada emitida pola Tesourería Xeral da Seguridade Social, certificado de servizos prestados emitido por Administración pública, ou copia do contrato ou nomeamento.  Por ser coidador/a principal de persoal dependente. Esta situación xustificarase por medio de documentación acreditativa de tal condición.  Por matrimonio ou parella de feito. Durante o prazo de trinta días naturais dende a data de matrimonio ou realización de parella de feito non se realizarán ofertas de traballo, salvo que manifeste por escrito pasar a situación de “dispoñible” antes da finalización deste período. Esta situación xustificarase con fotocopia do libro de familia ou calquera outro documento acreditativo.  Por exercer cargo público representativo que imposibilite a asistencia ao traballo.  Será eliminada da bolsa, de xeito definitivo, se non presenta xustificación nos termos sinalados no apartado anterior, dentro dos tres días naturais seguintes. 3 – FINALIZACIÓN DA CAUSA DE CONTRATACIÓN OU NOMEAMENTO Unha vez finalizado o contrato ou chamamento segundo o asinado no contrato de traballo / acta de toma de posesión, a persoa pasará automaticamente da situación de “ocupado/a” á situación de “dispoñible” en todas as bolsas de emprego das que sexa integrante. No caso de rexeitar ao contrato / nomeamento unha vez formalizado o contrato / toma de posesión, será eliminada da lista, sempre que non sexa por algunha das causas de xustificación de rexeitamento, en cuio caso, pasará ao final da lista. 4 – PUBLICACIÓN DO ESTADO DA BOLSA Os movementos, incidencias e novidades que se produzan na lista publicaranse na sede electrónica do Concello de Sarria https://residenciamaioresnosasradocarme.sedelectronica.gal dentro dos 5 días hábiles seguintes. DÉCIMO.- Réxime de Incompatiblidades. As persoas que resulten contratadas estarás sometidas ao réxime de incompatibilidades que establece a Lei 53/1984, do 26 de decembro, e outras incompatibilidades previstas na lexislación vixente. DÉCIMO PRIMEIRO.- Impugnación. Para o non previsto nas presentes bases será de aplicación supletoria o establecido na Lei 7/1985, de 2 de abril, Reguladora das Bases do Réxime Local; no RD Lexislativo 2/2015, de 23 de outubro, polo que se aproba o texto refundido da Lei do Estatuto dos Traballadores; Real Decreto Lexislativo 781/1986, de 18 de abril, polo que se aproba o Texto Refundido das disposicións legais vixentes en materia de réxime local; Lei 5/1997, de 22 de xullo, de Administración Local de Galicia; Lei 2/2015, de 29 de abril do Emprego Público de Galicia; Real Decreto Lexislativo 5/2015, de 30 de outubro, polo que se aproba o Texto Refundido da Lei do Estatuto Básico do Empregado Público, así como no resto de normas vixentes de aplicación. A resolución da Presidencia que aproba as presentes bases pon fin á vía administrativa e contra a mesma poderase interpoñer recurso contencioso-administrativo no prazo de dous meses a contar dende o día seguinte ao da publicación do anuncio do proceso selectivo no Boletín Oficial da Provincia, segundo o establecido no artigo 46.1 da Lei 29/1998 de 13 de xullo, reguladora da Xurisdición Contencioso-Administrativa. Asemade, poderase interpoñer recurso potestativo de reposición ante a Alcaldía no prazo dun mes a contar a partir do día seguinte ao da publicación do anuncio do proceso selectivo no Boletín Oficial da Provincia, consonte ao disposto nos artigos 123 e 124 da Lei 39/2015, de 1 de outubro, do Procedemento Administrativo Común das Administracións Públicas sen prexuízo de que se poida interpoñer calquera outro que estime procedente. No caso de que se interpoña recurso potestativo de reposición, ata que sexa resolto expresamente ou se produza a desestimación presunta, non se poderá interpoñer o recurso contencioso-administrativo. ANEXO I (INSTANCIA) PROCEDEMENTO SELECTIVO: 7 AUXILIAR XEROCULTOR/A posto 03.01.01 OPE 2023 DATOS DO/A SOLICITANTE: NOME: PRIMEIRO APELIDO: SEGUNDO APELIDO: N.I.F.: NACIONALIDADE: DATA DE NACEMENTO: NA SÚA REPRESENTACIÓN (deberá acreditarse a representación fidedigna por calquera medio válido en dereito): NOME: PRIMEIRO APELIDO: SEGUNDO APELIDO: N.I.F.: ENDEREZO A EFECTOS DE NOTIFICACIÓN: Notifíquese a: ⃝ Persoa solicitante ⃝ Persoa representante □ Medios Electrónicos: Correo Electrónico: □ Outros Medios: Nome da Vía: Número, Bloque, Andar, Porta: Parroquia / Lugar: Localidade / Provincia: Código Postal / País: Teléfono/s de contacto: TITULACIÓN QUE ALEGA E XUSTIFICA: TITULACIÓN: DATA DA TITULACIÓN: ALEGA E XUSTIFICA ESTAR EXENTO/A DA REALIZACIÓN DO EXERCICIO SOBRE O COÑECEMENTO DA LINGUA GALEGA: ⃝ Si ⃝ Non IDIOMA ELIXIDO PARA A PROBA TEST: □ GALEGO □ CASTELÁN A PERSOA SOLICITANTE OU REPRESENTANTE DECLARA: 1. Que todos os datos contidos nesta solicitude e nos documentos que se achegan son certos. 2. Que reúne as condicións exixidas para o ingreso á función pública e as especialmente sinaladas na convocatoria, comprometéndose a probar documentalmente todos os datos que figuran nesta solicitude se fóra necesario. PROTECCIÓN DE DATOS: Esta entidade vai tratar e gardar os datos achegados na instancia e na documentación que a acompaña para a realización de actuacións administrativas. Responsable: Concello de Sarria SINATURA DA PERSOA SOLICITANTE OU REPRESENTANTE: LUGAR E DATA: SR. PRESIDENTE DO O.A. RESIDENCIA DE MAIORES NOSA SEÑORA DO CARME Información básica sobre protección de datos Responsable O.A. Residencia de Maiores Nosa Señora do Carme Finalidade Tramitar procedementos e actuacións administrativas. Lexitimación Cumprimento dunha misión realizada en interese público ou no exercicio de poderes públicos outorgados a esta Entidade. Destinatarios Cederanse datos, no seu caso, a outras Administracións Públicas e aos Encargados do Tratamento dos Datos. Non hai previsión de transferencias a terceiros países. Dereitos Acceder, rectificar e suprimir os datos, así como outros dereitos, tal e como se explica na información adicional. Información Adicional Pode consultar a información adicional e detallada sobre Protección de Datos na seguinte dirección ANEXO II. TEMARIO BLOQUE I Tema 1. A Constitución Española de 1978. Estrutura e principios xerais. Dereitos e deberes fundamentais dos españois. A súa garantía e suspensión. O Tribunal Constitucional: composición e funcións. A reforma da Constitución. Tema 2. A Organización do Estado na Constitución: organización institucional ou política e organización territorial. O Estatuto de Autonomía de Galicia. A Coroa. As Cortes Xerais: referencia ao Defensor do Pobo e ao Tribunal de Contas. Tema 3. O acceso aos empregos públicos. Requisitos. Sistemas selectivos. Dereitos e deberes dos empregados públicos. Tema 4. O municipio: concepto e elementos. O termo municipal, a poboación e a organización. Tema 5. Órganos necesarios nos concellos: alcalde, tenentes de alcalde, pleno e xunta de goberno local. Tema 6. Os Estatutos do Organismo Autónomo Nosa Señora do Carme. Órganos de Goberno e Administración BLOQUE II Tema 7. Normativa galega de servizos sociais. Lei de promoción da autonomía persoal e a atención ás persoas en situación de dependencia Tema 8. O equipo de traballo interdisciplinar na atención integral ás persoas maiores Tema 9. Aspectos xerais da xerontoloxía. Organización da atención xerontolóxica. Niveis e recursos asistenciais Tema 10. Promoción e conservación da saúde na persoa maior. Síndromes xeriátricas Tema 11. Limpeza, desinfección e esterilización do material. Asepsia e antisepsia. As enfermidades infecciosas Tema 12. Os signos vitais: estado de consciencia, respiración, pulso, temperatura e tensión arterial Tema 13. Coidados básicos e hixiene persoal. O vestido e o calzado Tema 14. Alimentación e nutrición. Principios fundamentais. Características da alimentación na persoa maior. Administración de alimentos BLOQUE III Tema 15. A mobilización da persoa maior dependente. Prevención da integridade cutánea Tema 16. Trastornos da eliminación urinaria. Control de diuresis. Alteracións intestinais. Coidados ao maior incontinente Tema 17. Comunicación e atención ao paciente maior. Trastornos de conduta e de comportamento nas persoas maiores. Pautas de actuación Tema 18. Prevención de accidentes e primeiros auxilios Tema 19. Coidados paliativos básicos. Coidados post mortem Tema 20. A habitación residencial I. Mobiliario. Baño. A cama: tipos e accesorios. Tema 21. A habitación residencial II. O colchón. A roupa de cama ou lencería. Técnicas para facer a cama e para abrir a cama para a recepción da persoa maior. ANEXO III – RELACIÓN DE MÉRITOS A) EXPERIENCIA: ENTIDADE POSTO INICIO FIN DÍAS B) FORMACIÓN: ENTIDADE CURSO HORAS