Bases para a cobertura interina por programa no servizo de atención temperá de 2 postos de psicopedagogo/a ou psicólogo/a, 2 postos de logopeda e 1 posto de terapeuta ocupacional

QUIROGA Anuncio BASES REGULADORAS DO PROCESO DE SELECCIÓN E POSTERIOR NOMEAMENTO COMO FUNCIONARIO INTERTINO POR PROGRAMA DE CARÁCTER TEMPORAL MEDIANTE O SISTEMA DE CONCURSO-OPOSICIÓN DE DOUS POSTOS DE PSICOPEDAGOGO/A OU PSICÓLOGO/A, DOUS POSTOS DE LOGOPEDA E UN POSTO DE TERAPEUTA OCUPACIONAL PARA O SERVIZO DE ATENCIÓN TEMPERÁ CON SEDE NO CONCELLO DE QUIROGA. 1ª.- OBXECTO E NORMA DE APLICACIÓN Esta convocatoria e as bases reguladoras teñen por obxecto a selección e o posterior nomeamento de carácter temporal a tempo parcial para a cobertura de dous postos de psicopedagogo/a ou psicólogo/a, dous postos de logopeda e un posto de terapeuta ocupacional durante a duración da subvención pola que se orixinan os nomeamentos para o Servizo de Atención Temperá de xestión compartida, nos concellos de Quiroga, Ribas de Sil, Folgoso do Courel, Bóveda, Sober, O Saviñao, Pantón e A Pobra De Brollón ao abeiro da Orde do 22 de xullo de 2026 pola que se establecen as bases reguladoras para a concesión de subvencións ás entidades locais da Comunidade Autónoma de Galicia para a prestación de servizos no marco da Rede galega de atención temperá nos anos 2026 a 2028, cofinanciada pola Unión Europea no marco do programa FSE+ Galicia 2021-2027, e se procede á súa convocatoria (código de procedemento BS700A), publicada no DOG núm. 149, do 10 de agosto de 2026, e da súa corrección de erros publicada no DOG núm. 155, do 18 de agosto de 2026. para o nomeamento de: UN POSTO DE PSICOPEDAGOGO/A OU PSICÓLOGO/A XORNADA DE 35 H SEMANAIS. UN POSTO DE PSICOPEDAGOGO/A OU PSICÓLOGO/A XORNADA DE 30 H SEMANAIS. UN POSTOS DE LOGOPEDA A XORNADA DE 35 H SEMANAIS. UN POSTOS DE LOGOPEDA A XORNADA DE 32 H SEMANAIS. UN POSTO DE TERAPEUTA OCUPACIONAL A XORNADA DE 25 H SEMANAIS. A modalidade de contratación para os postos que se convocan terá as características seguintes: Tipo de contrato: funcionario/a interino/a por execución de programas de carácter temporal, ao abeiro do artigo 10 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, e da normativa de emprego público aplicable.» Un posto de psicopedagogo/a ou psicólogo/a xornada de 35 h semanais. Un posto de psicopedagogo/a ou psicólogo/a xornada de 30 h semanais. Un posto de logopeda a xornada de 35 h semanais. Un posto de logopeda a xornada de 32 h semanais. Un posto de terapeuta ocupacional a xornada de 25 h semanais. Xornada e ámbito territorial de prestación do servizo A prestación do servizo realizarase en horario de mañá de luns a venres e, un mínimo de catro días á semana, en horario de tarde( a partir das 15:30 horas), cun mínimo de tres horas cada tarde . Non obstante, atendendo á natureza, organización e ámbito territorial do Servizo de Atención Temperá, os postos implican a prestación dos servizos nos distintos concellos integrados no programa, en función das necesidades de organización do servizo. Duración dos nomeamentos: Os nomeamentos terán carácter temporal e iniciaranse, previsiblemente, a partir do 1 de novembro de 2026, quedando en todo caso vinculados á execución do programa de Atención Temperá e á súa financiación. A duración máxima estenderase ata o 31 de outubro de 2028, sen prexuízo da finalización anticipada se antes remata a causa que motiva o nomeamento ou concorre algunha das causas legalmente previstas de cesamento. Retribucións: As persoas nomeadas como persoal funcionario interino para a execución do programa de carácter temporal percibirán as retribucións básicas e complementarias que legalmente correspondan ao subgrupo de clasificación e ao posto de traballo efectivamente desempeñado, de conformidade coa normativa estatal e autonómica aplicable ao persoal funcionario das entidades locais e a Orde do 22 de xullo de 2026 pola que se establecen as bases reguladoras para a concesión de subvencións ás entidades locais da Comunidade Autónoma de Galicia para a prestación de servizos no marco da Rede galega de atención temperá nos anos 2026 a 2028, cofinanciada pola Unión Europea no marco do programa FSE+ Galicia 2021-2027, e se procede á súa convocatoria (código de procedemento BS700A), publicada no DOG núm. 149, do 10 de agosto de 2026, e da súa corrección de erros publicada no DOG núm. 155, do 18 de agosto de 2026. As retribucións brutas anuais brutas de referencia para cada posto e xornada serán as seguintes: a) Psicólogo/a ou psicopedagogo/a, xornada de 35 horas semanais: 24.419,00 euros brutos anuais, correspondentes á xornada establecida para o posto. b) Psicólogo/a ou psicopedagogo/a, xornada de 30 horas semanais: 20.930,28 euros brutos anuais, correspondentes á xornada establecida para o posto. c) Logopeda, xornada de 35 horas semanais: 24.419,00 euros brutos anuais, correspondentes á xornada establecida para o posto. d) Logopeda, xornada de 32 horas semanais:22.325,88 euros brutos anuais, correspondentes á xornada establecida para o posto. e) Terapeuta ocupacional, xornada de 25 horas semanais: 17.443,03 euros brutos anuais, correspondentes á xornada establecida para o posto. As contías indicadas comprenderán as retribucións básicas, as pagas extraordinarias e as retribucións complementarias que correspondan conforme á normativa aplicable e ao instrumento ou acordo municipal que determine as condicións retributivas dos postos obxecto desta convocatoria. 2ª.- REQUISITOS DO/AS CANDIDATOS/AS Para tomar parte na selección, os/as aspirantes deberán cumprir os seguintes requisitos, referidos todos e cada un deles á data na que remate o prazo de presentación de solicitude e que estean debidamente xustificados: Requisitos xerais: a) Ter a nacionalidade española, sen prexuízo do disposto no artigo 57 do TREBEP respecto do acceso ao emprego público das persoas nacionais doutros Estados. b) Ter cumpridos dezaseis anos e non exceder, de ser o caso, da idade máxima de xubilación forzosa. c) Non padecer enfermidade, nin estar afectado/a por limitación física ou psíquica que sexa incompatible co desenvolvemento das funcións propias da praza obxecto desta convocatoria. d) Non estar separado/a, mediante expediente disciplinario do servizo ó Estado, ás Comunidades Autónomas ou ás Entidades Locais, nin estar inhabilitado/a para o exercicio das funcións públicas. No caso de ser nacional doutro Estado, non estar inhabilitado/a ou en situación equivalente, nin estar sometido/a a sanción disciplinaria ou equivalente que impida, no seu estado, nos mesmos termos, o acceso ó emprego público. e) Non estar afectado/a por ningún dos motivos de incompatibilidade recollidos na lexislación vixente sobre incompatibilidades do persoal ó servizo das administracións públicas. f) Carecer de antecedentes no Rexistro Central de delincuentes sexuais. g) Estar en posesión do permiso de conducir tipo B. h) Para poder ser seleccionados/as os/as candidatos/as será requisito que acrediten estar en posesión das seguintes titulacións, ou en disposición de obtelas na data na que remate o prazo de presentación de instancias, e acreditar formación académica específica: Titulacións: Diplomado ou grao en Logopedia. Diplomado ou Grao en Terapia Ocupacional. Licenciado ou Grao en Psicoloxía ou Psicopedagoxía. Formación: Será necesario estar especializado en desenvolvemento infantil e atención temperá e/ou apoio familiar, ou acreditar experiencia suficiente nestas materias para a realización das súas funcións. i) Os/as aspirantes acreditarán o coñecemento da lingua galega mediante diploma, certificado ou curso homologado polo órgano competente en materia de política lingüística ( nivel de Celga 4 ou equivalente En defecto da acreditación anterior, os/as aspirantes deberán realizar unha proba escrita. 3ª.- PUBLICIDADE As bases de selección publicarase no Boletín Oficial da provincia de Lugo, na sede electrónica e no taboleiro de anuncios do Concello de Quiroga. As restantes publicacións faranse no taboleiro de anuncios (sede electrónica e casa consistorial) aos efectos do disposto no artigo 45.1 b) da Lei 39/2015, do 1 de outubro, do procedemento administrativo común das administracións públicas O prazo de presentación de solicitudes será de 10 días naturais, que comezarán a contar dende o seguinte ao da publicación das bases no Boletín Oficial da provincia de Lugo. A participación no proceso selectivo do aspirante implica que acepta integramente as presentes bases polas que se rexe a convocatoria 4ª.- PRESENTACIÓN DE SOLICITUDES 1.- As solicitudes presentaranse en modelo oficial (anexo I que se xunta a estas bases) no Rexistro Xeral do Concello de Quiroga ou mediante algunha das formas previstas no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas durante o prazo de 10 días naturais. Cómpre que o Concello teña constancia da presentación desta documentación no prazo en que remata o día de presentación de instancias. 2.- Á instancia unirase: .- Fotocopia compulsada do DNI. .- Fotocopia compulsada da titulación académica esixida. .- Fotocopia do permiso de conducir .- Fotocopia compulsada do Celga 4. Para as persoas que non acrediten esta circunstancia farase unha proba escrita. .- Fotocopia compulsada dos documentos acreditativos dos méritos alegados para a súa valoración na fase de concurso ( esta documentación non será excluínte para a confección da lista provisional de admitidos e excluídos). A non acreditación dos méritos alegados determinará que estes non serán tidos en conta polo Tribunal nin se valorarán aínda que se acrediten fóra do prazo de presentación de instancias xa que non poderá subsanarse. Para facilitar a valoración dos méritos, acompañarase o anexo II cuberto. .- Vida laboral .- Certificado de carecer de antecedentes no Rexistro de delincuentes sexuais. .- Declaración de non estar afectado/a por ningún dos motivos de incompatibilidade recollidos na lexislación vixente sobre incompatibilidades do persoal ao servizo das administracións públicas, de non padecer enfermidade ou defecto físico/psíquico, que lle impida o desempeño das funcións ou tarefas correspondentes a praza á que se opta e de non estar separado/a, mediante expediente disciplinario do servizo ao Estado, ás Comunidades Autónomas ou ás Entidades Locais, nin estar inhabilitado/a para o exercicio das funcións públicas; no caso de ser nacional doutro Estado, non estar inhabilitado/a ou en situación equivalente, nin estar sometido/a a sanción disciplinaria ou equivalente que impida, no seu Estado, nos mesmos termos, o aceso ao emprego público. (Anexo III). Expirado o prazo de presentación de instancias, o alcalde-presidente ditará resolución aprobando a lista provisional de persoas admitidas e excluídas. Esta resolución publicarase no taboleiro de anuncios da entidade e na sede electrónica do Concello. Os aspirantes excluídos poderán emendar, de ser o caso, o defecto que motivou a exclusión durante o prazo de dous días hábiles contados a partir do día seguinte ao da publicación no taboleiro de anuncios do concello e na súa sede electrónica do Concello do listado provisional de persoas admitidas e excluídas. Quen non presente a solicitude de rectificación ou reclamación no indicado prazo, decaerá do seu dereito, sendo excluído/a definitivamente da lista de aspirantes. No caso de non haber excluídos, a lista provisional elevarase a definitiva automaticamente. As reclamacións serán aceptadas ou rexeitadas na resolución da alcaldía aprobando a lista definitiva de persoas admitidas e excluídas e que se fará público no taboleiro de anuncios da entidade e na sede electrónica do Concello. Se en calquera momento posterior á aprobación da lista definitiva, se advertise nas solicitudes inexactitude ou falsidade que fora causa de exclusión, esta considerarase defecto insubsanable e a alcaldía resolverá a dita exclusión. A resolución da alcaldía aprobando a lista definitiva de persoas admitidas e excluídas indicará así mesmo a composición do Tribunal, data e hora de realización polo tribunal do proceso de valoración de méritos alegados polos/as aspirantes definitivamente admitidos/as, da proba escrita , e se é o caso, da proba de galego. 5ª.- TRIBUNAL DE VALORACIÓN O Tribunal cualificador estará constituído de conformidade co establecido no artigo 60 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, e na demais normativa aplicable. 6ª.- FASES DO PROCEDEMENTO DE SELECCIÓN a) Fase de oposición ( COMÚN A TODOS OS EMPREGOS). b) Fase de concurso: Valoración de méritos alegados polos interesados e COMÚN A TODOS OS EMPREGOS 7ª.- DESENVOLVEMENTO DAS PROBAS 1.- FASE DE OPOSICIÓN (COMÚN A TODOS OS EMPREGOS): Consistirá en contestar un cuestionario tipo test de corenta preguntas (40) e catro de reserva, con varias respostas alternativas das que só unha será válida, relacionadas cos temas indicados no anexo destas bases. Este exercicio terá carácter obrigatorio e eliminatorio. Puntuarase de 0 a 10 puntos , sendo necesario acadar un mínimo de cinco (5) puntos para a súa superación. Cada resposta correcta puntuará 0,25 puntos, descontando 0,05 puntos por cada resposta errónea e non se contabilizarán as preguntas non contestadas. O exercicio terá unha duración de 90 minutos. - PROBA DE GALEGO: será obrigatorio a superación dunha proba de galego, para aqueles candidatos que non teñan acreditado xunto coa instancia de solicitude estar en posesión de Celga 4, equivalente ou superior. Quedarán exentos da realización deste exercicio os aspirantes que coa instancia de solicitude presenten o certificado de Celga 4, equivalente ou superior, debidamente homologado polo órgano competente na materia de política lingüística da Xunta de Galicia, de conformidade co artigo 35 de Decreto lexislativo 1/2008 do 13 de marzo, polo que se aproba o texto refundido da Lei da Función Pública de Galicia, modificado pola Lei 2/2009, do 23 de xuño. Este exercicio consistirá na tradución, sen dicionario, dun texto de castelán ao galego, nun tempo máximo de 30 minutos. Este exercicio valorarase como apto ou non apto, sendo necesario para superalo obter o resultado de apto, correspondéndolle ao tribunal determinar o nivel de coñecementos esixido para acadar o resultado de apto. 2.- FASE DE CONCURSO - VALORACIÓN DE MÉRITOS. A fase de concurso consistirá na valoración dos méritos alegados e debidamente acreditados polas persoas aspirantes segundo o seguinte baremo: A experiencia valorarase en función do posto ao que se opta e das funcións efectivamente desenvolvidas. 2.1.- EXPERIENCIA PROFESIONAL: Por servizos efectivamente prestados en empregos de similares características e funcións ao emprego que se opta, ata un máximo de 3 puntos: a) Por servizos prestados en calquera administración pública con menores e/ ou familias con menores: 0,30 puntos/mes. b) Por servizos prestados en empresas privadas con menores e/ou familias con menores: 0,20 puntos/mes. Non se computarán fraccións inferiores a meses completos. A xustificación deste apartado farase: .- No caso de traballador por conta allea: coa presentación de copia cotexada de contratos de traballo e do Informe de Vida Laboral, proporcionado pola Tesourería Xeral da Seguridade Social, así como por calquera outro medio que permita ter constancia fidedigna da dita experiencia profesional na categoría profesional esixida nestas bases. Estes documentos poderán ser substituídos por un Certificado de Servizos, no caso de Administración, ou Certificado de Empresa, no caso de empresa privada, sempre que queden acreditados de forma clara e expresa, a ocupación, o período traballado e número de horas. .- No caso de traballos realizados no estranxeiro: mediante certificación oficial na que conste a ocupación ou profesión exercida e coa categoría profesional esixida nestas bases e os seus períodos de tempo. A vida laboral terá carácter complementario e non acreditará por si soa as funcións efectivamente desempeñadas nin a categoría profesional, que deberán acreditarse mediante contrato, certificado de servizos ou certificado de empresa Nota aclaratoria: Considerarase ter traballado en igual posto de traballo cando se acredita ter traballado en Servizo de Tratamento a nenos con discapacidade, Servizo de atención temperá ou Unidades de Desenvolvemento Infantil e Apoio Familiar da Rede Galega de Atención Temperá, ou cando se teña desempeñado traballos relacionados co desenvolvemento infantil e/ou apoio familiar, en entidades públicas ou privadas. 2.2.- ACCIÓNS FORMATIVAS: A puntuación máxima que se pode acadar no apartado de accións formativas será de 2 puntos. Accións formativas específicas relacionadas co emprego a desenvolver a) Cursos de máis de 300 horas, 0,60 puntos por curso. b) Cursos de 101 horas a 300 horas, 0,50 puntos por curso. c) Cursos de 51 a 100 horas, 0,30 puntos por curso. d) Cursos de 10 a 50 horas, 0,10 puntos por curso. Neste apartado presentarase o diploma orixinal (ou fotocopia compulsada) ou certificado ( ou fotocopia compulsada) expedido pola organización da actividade. A puntuación máxima da fase de oposición será de 10 puntos e a puntuación máxima da fase de concurso será de 5 puntos, polo que a puntuación máxima total do proceso selectivo será de 15 puntos. 8ª.- PUBLICACIÓN DE RESULTADOS . A cualificación final das probas virá determinada pola suma das puntuacións obtidas na fase de concurso e na fase de oposición, establecendo a orde definitiva de aspirantes aprobados, publicando no taboleiro de anuncios a dita puntuación do proceso selectivo. En caso de empate, o desempate realizarase en primeiro lugar, a favor da persoa que obtivera unha maior puntuación na fase de oposición. No caso de persistir o empate, este dirimirase a favor daquela persoa que posúa maior experiencia profesional relacionada co emprego a desenvolver, primeiro valorando a adquirida na Administración Pública e logo a da empresa privada. De persistir o empate, este dirimirase con base nas Accións Formativas. Por último, se fose necesario, realizarase un sorteo. O tribunal publicará a relación de aprobados/as pola orde de puntuación, de maior a menor, no Taboleiro de anuncios e elevará a dita relación ao Alcalde-Presidente que aprobará a relación de candidatos. 9.- PROPOSTA DE NOMEAMENTO Unha vez rematado o proceso selectivo, o Tribunal cualificador fará pública a relación das persoas aspirantes que obtivesen as maiores puntuacións finais, ordenadas de maior a menor, e elevará ao órgano competente do Concello de Quiroga a correspondente proposta de nomeamento como persoal funcionario interino por programa. A proposta de nomeamento efectuarase a favor das persoas aspirantes que obtivesen as maiores puntuacións finais, ata completar o número de prazas obxecto da convocatoria, sempre que acrediten o cumprimento dos requisitos esixidos nestas bases. En ningún caso o Tribunal poderá formular proposta de nomeamento a favor dun número de persoas superior ao de prazas convocadas. As persoas propostas para o nomeamento deberán presentar, no prazo que se determine no correspondente requirimento, a documentación acreditativa do cumprimento dos requisitos esixidos nestas bases que non conste xa acreditada no expediente. Se algunha das persoas propostas non presentase a documentación requirida dentro do prazo establecido, salvo causa de forza maior debidamente acreditada, ou non acreditase o cumprimento dos requisitos esixidos, non poderá ser nomeada. Neste suposto, o órgano competente poderá requirir á seguinte persoa da lista de reserva, pola orde de puntuación establecida, sempre que reúna os requisitos necesarios para o nomeamento. A proposta formulada polo Tribunal terá carácter vinculante para o órgano competente nos termos establecidos pola normativa aplicable e sen que poida ser alterada a orde de prelación establecida no proceso selectivo, salvo nos supostos legalmente previstos. Elección da praza no caso de concorrencia a varias prazas No caso de que unha mesma persoa aspirante concorra a máis dunha das prazas convocadas para a mesma categoría profesional e estas teñan diferente número de horas de contratación, a adxudicación realizarase atendendo á orde de puntuación obtida no proceso selectivo. A persoa aspirante que obteña a maior puntuación terá dereito a elixir a praza á que desexa acceder, entre aquelas ás que se presentase. Unha vez efectuada a elección, a seguinte persoa aspirante da lista poderá optar, de ser o caso, entre as prazas que permanezan vacantes e ás que concorra, seguindo sucesivamente a orde de puntuación. En ningún caso unha mesma persoa poderá ser seleccionada para máis dunha das prazas obxecto desta convocatoria. 10.- BOLSA DE EMPREGO I.- Obxecto. Supostos e ámbito de aplicación.- 1.- A bolsa ten por obxecto habilitar unha listaxe de aspirantes á que se acudirá, nos supostos legais procedentes en xeral e nestas bases, e con arranxo ás modalidades de emprego de funcionario interino correspondentes, para futuras e xustificadas incorporacións de persoal temporal. 2.- A incorporación do persoal pretendido, deberá cinguirse e adecuarse aos supostos, criterios, requisitos e modalidades/tipoloxías funcionariais interinas previstas, segundo o caso, pola normativa aplicable ao efecto en cada momento. 3.- Estará conformada polos aspirantes que houberan superado o proceso selectivo ordenados por orde descendente das puntuacións acadas na selección, e nos supostos de empate, aplicarase o criterio de desempate fixado nestas bases. 4.- Unha vez detectada a situación de necesidade de cubrir temporalmente unha praza ou posto elaborarse, de selo caso, o correspondente expediente que xustifique o chamamento, e a Alcaldía procederá ao chamamento sucesivo dos aspirantes por orde de lista segundo as presentes bases selectivas. 5.- A súa creación, funcionamento e xestión rexerase polas normas sinaladas a continuación. II.- Vixencia A creación e entrada en vigor desta bolsa anulará calquera outra de obxecto e/ou características equivalentes que poida existir no Concello, e terá unha vixencia de tres anos, contados dende o día seguinte ao da publicación da resolución aprobatoria da bolsa. No momento da entrada en vigor, segundo as circunstancias, o Concello poderá determinar a continuidade dos contratos ou nomeamentos en execución doutras bolsas preexistentes. En todo caso, ditos nomeamentos só continuarán coa vixencia que estivese aprobada ata ese momento. A presente bolsa quedará anulada automaticamente, antes da finalización da dita vixencia, coa entrada en vigor efectiva doutra bolsa con obxecto e/ou características equivalentes. Asemade, por esgotamento de aquí regulada, ou por calquera outra causa debidamente acreditada. III.- Funcionamento e xestión. Chamamentos. 1.-Os chamamentos para a formalización dos nomeamentos realizaranse en base á orde de prelación vixente en cada momento, entre os/as integrantes da bolsa de traballo; e, polo tanto, respectando a posición ordinal (por orde descendente) que, en cada momento, ostenten nela. 2.- En caso de oferta simultánea de varios nomeamentos, ofreceranse en bloque, para a súa elección segundo a orde de prelación de aspirantes. 3.- Os chamamento inicial efectuado e nomeado poderase, cando proceda, prorrogar ata o límite legal. Finalizado en todo caso un chamamento e nomeamento polas causas que procedan, o interesado volverá a posición ordinal que lle corresponda segundo a súa puntuación, salvo cando proceda pasar a outra situación como a última posición, baixa definitiva ou calquera outra que lle corresponda. 4.- Os chamamentos realizaranse por vía telefónica e correo electrónico, ao número e dirección de correo electrónico facilitados polo/as integrantes da bolsa de traballo no momento de terse presentado ao proceso selectivo para a súa creación. Así, en aras a unha adecuada eficacia deste procedemento, os/as interesados/as deberán comunicar fehacientemente ao Concello, baixo a súa responsabilidade, calquera alteración destes datos de contacto a efectos de chamamento que se poida producir. 5.- O proceso iniciarase mediante o envío dun primeiro correo electrónico e a continuación se realizará unha primeira chamada telefónica. Realizaranse un máximo de tres chamadas telefónicas durante unha mesma xornada laboral (entendida dende as 9:00 ás 14:00 horas), a distintas horas, e cun intervalo mínimo dunha hora. No caso de non terse producido resposta ás ditas chamadas, remitirase un correo electrónico final (dentro da mesma xornada). 6.- Darase un prazo máximo DUN DÍA HÁBIL seguinte aos dos chamamentos ou envíos de correos electrónicos, e de non producirse resposta se entende que rexeita a oferta realizada. Nos casos de urxencia debidamente acreditada, o devandito prazo dun día hábil posterior non impedirá no seu caso que corra a bolsa con novos chamamentos dende as 14:00 horas, reproducíndose o procedemento anteriormente sinalado dende as 9:00 horas do día seguinte. No caso de producirse resposta en prazo (1 día hábil), aceptada e xustificada, resolverase favorablemente a súa incorporación. 7.- Tanto na chamada telefónica como no correo electrónico de inicio indicarase, como mínimo, a tipoloxía/modalidade da incorporación temporal ofertada (coa duración prevista, en caso de coñecerse, e/ou causa de finalización), o prazo máximo para a resposta e o número de teléfono e correo electrónico para poder contactar, a tales efectos, co Concello. 7.1- De non terse producido ningún tipo de resposta ao chamamento (no prazo máximo antedito), aplicaranse ao/á integrante os mesmos efectos, en relación coa súa situación na bolsa, que os previstos para os supostos de rexeitamento inxustificado do chamamento e, polo tanto, nos termos do sinalado a continuación, implicará o seu pase ao último lugar da bolsa; e así, sucesivamente, para cada un dos/as integrantes que incorran en falta de resposta. 8.- De terse respondido a dito chamamento no prazo sinalado procederase do seguinte xeito segundo se teña producido á aceptación ou rexeitamento da oferta de incorporación realizada: 8.1.- No suposto de rexeitamento da oferta, o/a interesado/a deberá alegar algunha das causas/situacións xustificadas que a continuación se relacionan, sen prexuízo daqueloutras de forza maior que poidan alegarse e que serán obxecto de apreciación e estimación por parte da Alcaldía; e todas elas deberán acreditarse documental e fidedignamente no prazo máximo de 2 días hábiles dende o dito rexeitamento, sen prexuízo de que corra a bolsa con novos chamamentos dende o momento do rexeitamento e ata a verificación da xustificación. De cumprise co antedito, apreciado e xustificado, corresponderalle, no seu caso, a nova posición dentro da bolsa que lle corresponda por puntuación, toda vez que dende o momento do rexeitamento e ata a verificación xustificación a bolsa pode correr con novos chamamentos; De non apreciarse a xustificación, pasará ao último lugar desta. As ditas causas/situacións de rexeitamento xustificado serán as seguintes: a. Concorrencia de parto, permiso por nacemento, adopción ou acollemento, permiso de paternidade, risco durante o embarazo, risco durante o período de lactación natural e/ou situacións asimilables. b. Estar en situación de incapacidade temporal transitoria por continxencias comúns ou profesionais, acreditado co correspondente parte médico de baixa. c. Estar en situación de servizo activo en calquera Administración Pública ou entidade integrante do sector público, ou ter sido seleccionado/nomeado e atoparse en prazo de toma de posesión ou contratación para acadar a dita situación. d. Estar nalgunha das situacións de servizos especiais contemplada pola normativa de aplicación. e. Ter vixente un contrato de traballo cunha empresa/entidade privada, ou exercer como autónomo. f. Ter que coidar e/ou estar ao cargo dun familiar de ata segundo grao, cando este, por razóns de idade, accidente ou enfermidade non puidera valerse por si mesmo e non desenvolva unha actividade retribuída; ou situacións asimilables enmarcadas dentro do exercicio da conciliación laboral e familiar. 8.1.2.- Nestes casos o interesado poderá solicitar a SUSPENSIÓN aos efectos de non volver a ser chamado mentres dure a situación, para o cal terá que acreditar os períodos temporais. 8.1.3-Unha vez cese a situación xustificada deberá comunicalo fehacientemente ao Concello. No caso de non facelo pasará a derradeira posición. 8.2.- No suposto de aceptación da oferta, a Alcaldía resolverá a incorporación na modalidade de emprego que proceda e na data prevista ao efecto do/a integrante da bolsa chamado e que teña aceptado, ao que se lle requirirá para que antes desta no prazo concreto sinalado ao efecto, presente a seguinte documentación: a) Declaración responsable na que fará constar e manifestará, sen prexuízo da responsabilidade na que, no seu caso, e por falsidade na dita declaración, puidese incorrer: 1. Aceptación expresa do nomeamento, segundo proceda. 2. Seguir reunindo todos e cada un dos requisitos esixidos, e acreditados, no momento de terse presentado ao proceso selectivo. 3. Non ter sido separado ou despedido mediante expediente disciplinario so servizo de calquera administración pública ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para emprego ou cargo público por resolución xudicial, para o acceso ao corpo ou escada de funcionario, ou para acceder á mesma categoría profesional á que pertencía, ou para exercer funcións similares ás que desempeñaban. 4. Non estar incurso/a en causa algunha de incapacidade nin de incompatibilidade, de conformidade coa normativa aplicable, que imposibilite a ocupación e desempeño do posto. b) Xustificación do número de afiliación á seguridade social. c) Acreditación documental da conta bancaria na que se farían os seus ingresos nominais. d) Certificado médico oficial asinado por un colexiado en exercicio no que conste expresamente que ten a capacidade funcional (capacidades e aptitudes físicas e psíquicas) necesaria para o desempeño das funcións e tarefas da praza á que se accede. e) Acreditación documental da veracidade dos méritos e titulación previstos nas bases de selección, se fora necesario. f) Modelo 145 da AEAT. g) Calquera outra que lle poida ser reclamada. 8.3.- No caso de que no prazo sinalado non cumprira coa presentación da referida documentación ou desta se deducira que non reúne os requisitos esixidos, ou ben non procedera á incorporación/toma de posesión, entenderase que renuncia/desiste dos seus dereitos inherentes, de tal xeito que non se procederá á súa efectiva incorporación e a Alcaldía proporá e resolverá a incorporación do/a aspirante que ocupe a seguinte posición ordinal na bolsa. Nestes supostos procederá a súa baixa definitiva. Excepcionarase o anterior cando poida acreditar no prazo de 1 DÍA hábil, documental e fidedignamente, causas/razóns de forza maior que xustifiquen o incumprimento. Nese suposto corresponderalle, no seu caso, a nova posición dentro da bolsa que lle corresponda por puntuación, toda vez que dende o momento do incumprimento e ata a verificación da xustificación a bolsa pode correr con novos chamamentos 8.4.- O mesmo procedemento e consecuencias do paragrafo anterior aplicaranse no caso de que proceda a renunciar ou desistir do posto de traballo, unha vez aceptado expresamente o nomeamento, procedendo a baixa definitiva. 2. Baixa definitiva. Ademais das causas anteriores establecidas nestas bases, tamén serán causas de baixa definitiva as seguintes: 1. Solicitude de baixa voluntaria por parte dos/as integrantes da bolsa. 2. Non reunir os requisitos requiridos (ou terse producido falsidade na acreditación destes). 3. Ter sido separado ou inhabilitado do servizo público. 4. Falecemento, incapacidade permanente ou cumprimento da idade ordinaria de xubilación fixada, de ser o caso, en cada momento. 5.- Calquera outra regulada nestas bases ou normativa vixente. En todo caso, a dita baixa definitiva deberá ser acordada, mediante Resolución da Alcaldía debidamente motivada. 3. Dilixencia de chamamentos. Ao obxecto da súa adecuada xustificación, consulta e acreditación administrativa, o/a empregado/a público/a que se teña encargado dos chamamentos fará constar, mediante dilixencia emitida ao efecto (e que obrará no expediente correspondente), os trámites efectivamente realizados; debendo indicar, cando menos, os días e horas nos que se realizaran as chamadas e o envío de correos electrónicos, así como do remate do prazo para responder ao chamamento, e se o/a aspirante tivo respondido en prazo e aceptado, ou non, a oferta de nomeamento realizada, e sen prexuízo daqueloutras incidencias/circunstancias que, de ser o caso, se estime oportuno reflectir. 4. Fin da relación de emprego e reingreso na bolsa O persoal que se teña sido incorporado ao abeiro destas bolsas finalizará a súa relación de emprego, ademais de polas causas xerais que determinan a perda da condición de empregado público, cando rematen as causas que tiveran motivado a dita incorporación e o nomeamento correspondente ou, no seu caso, concorra algunha das restantes causas de finalización legalmente previstas, segundo o caso. Ao producirse a finalización da súa relación de emprego regresará á posición que por puntuación obtida na selección lle corresponda dentro da bolsa en cada momento. En todo caso deberanse ter en conta os prazos máximo legais de nomeamentos. 5. Situacións ordinarias nas que se poderán atopar os/as integrantes de cada unha das bolsas. a) Dispoñible. O/a aspirante atópase á espera de ser chamado/a. Finalizada a vixencia do correspondente nomeamento, pasarase novamente á situación de “dispoñible”, coa puntuación obtida na selección e a posición que lle corresponda en cada momento dentro da bolsa. b) En suspensión. Situación na que se atopa o/a aspirante que comunicou de forma fidedigna a solicitude de non realizar chamamentos para posibles coberturas. Esta situación perdurará ata a comunicación expresa do aspirante na que manifeste a finalización desta situación para pasar ou á situación de “dispoñible” ou de “baixa”. A reincorporación producirase no último lugar da lista, salvo cando se trate dos supostos de rexeitamento xustificado nos que solicite a suspensión, e cuxo caso regresará a posición que por puntuación lle corresponda en cada momento. c) Baixa definitiva: Implica a exclusión definitiva da bolsa, e se derivará dos supostos/circunstancias sinalados nas bases ou lexislación vixente. As persoas aspirantes que, tendo superado o proceso selectivo, non resulten seleccionadas para o nomeamento das prazas obxecto da presente convocatoria, quedarán integradas nunha lista de reserva, ordenada de maior a menor puntuación final obtida no proceso selectivo. A lista de reserva poderá utilizarse para efectuar novos nomeamentos como persoal funcionario interino por programa cando, durante o período de vixencia do programa e sempre que exista financiamento e necesidades de persoal, se produza algunha vacante ou se requira a cobertura dunha praza das mesmas características e requisitos que as obxecto desta convocatoria, ou cando algunha das persoas inicialmente seleccionadas non chegue a tomar posesión ou cese por calquera das causas legalmente previstas. O chamamento realizarase seguindo rigorosamente a orde de prelación establecida na lista de reserva e sempre que a persoa aspirante reúna os requisitos esixidos para o nomeamento. A persoa chamada deberá manifestar a súa aceptación ou renuncia no prazo que se lle indique no correspondente chamamento. A falta de resposta dentro do prazo establecido poderá entenderse como renuncia ao chamamento, salvo que concorra causa debidamente xustificada. A aceptación dun chamamento dará lugar, se procede, á tramitación do correspondente nomeamento como persoal funcionario interino por programa, nos termos establecidos nestas bases e na normativa aplicable. A renuncia inxustificada a un chamamento poderá supoñer a exclusión da lista de reserva. Non obstante, non se producirá a exclusión cando a renuncia estea debidamente xustificada por algunha das causas que se determinen ou que resulten aplicables conforme á normativa vixente. A lista de reserva manterá a súa vixencia durante o período de execución do programa ao que se vincula esta convocatoria e, en todo caso, ata a finalización do prazo máximo do programa, sen prexuízo da súa extinción anticipada cando desapareza a causa que xustifica a súa existencia. A inclusión na lista de reserva non xera por si mesma ningún dereito a ser nomeado como persoal funcionario interino, quedando o eventual nomeamento condicionado á existencia de necesidade de cobertura, financiamento e cumprimento dos requisitos legalmente esixibles. 11.- NOMEAMENTO COMO PERSOAL FUNCIONARIO INTERINO POR PROGRAMA Á vista da proposta formulada polo Tribunal cualificador e unha vez comprobado o cumprimento dos requisitos esixidos, o órgano competente do Concello de Quiroga procederá ao nomeamento das persoas seleccionadas como persoal funcionario interino por programa, para o desempeño das funcións correspondentes ao Servizo de Atención Temperá. O nomeamento terá carácter temporal e estará vinculado á execución do programa de carácter temporal obxecto da presente convocatoria e ao período de execución da subvención que o financia. A duración do nomeamento determinarase expresamente na resolución correspondente, sen que poida exceder do prazo máximo legalmente establecido para este tipo de nomeamentos nin, en ningún caso, da duración efectiva do programa que motiva o nomeamento. En consecuencia, e de acordo coa duración prevista para o programa subvencionado, o nomeamento poderá estenderse, se así o permite a continuidade do programa e existe financiamento suficiente, ata o 31 de outubro de 2028, sen prexuízo da súa finalización anticipada cando concorra algunha das causas legalmente previstas ou cando finalice a causa que deu lugar ao nomeamento. O nomeamento como persoal funcionario interino non dará lugar, en ningún caso, á adquisición da condición de persoal funcionario de carreira. As persoas nomeadas quedarán sometidas ao réxime xurídico aplicable ao persoal funcionario interino, de acordo coa normativa básica estatal, a normativa de emprego público de Galicia e demais disposicións que resulten de aplicación. 12.- TOMA DE POSESIÓN E INCORPORACIÓN As persoas nomeadas deberán tomar posesión do posto no prazo que se estableza na resolución de nomeamento e de conformidade coa normativa aplicable. A falta de toma de posesión dentro do prazo establecido, salvo causa de forza maior debidamente acreditada, poderá dar lugar á perda do dereito ao nomeamento, procedéndose, se é o caso, ao nomeamento da seguinte persoa da lista de reserva pola orde de puntuación obtida no proceso selectivo. A incorporación ao posto realizarase no lugar e na data que se determinen na correspondente resolución de nomeamento ou, se é o caso, na comunicación que se efectúe á persoa interesada. As persoas nomeadas estarán obrigadas a prestar servizos nos centros de traballo e nos termos establecidos nestas bases, de acordo coas necesidades organizativas do Servizo de Atención Temperá e dentro do ámbito territorial do programa. A relación de servizo finalizará cando concorra algunha das causas legalmente previstas para o cesamento do persoal funcionario interino e, en particular, cando finalice a causa que motivou o nomeamento. 13ª.- INCIDENCIAS Contra esta resolución que pon fin á vía administrativa, poderase interpor recurso contencioso - administrativo diante do Xulgado do Contencioso-Administrativo durante o prazo de dous meses, contados a partir do día seguinte ao da publicación da presente resolución, se ben con carácter potestativo poderase interpor, ante o mesmo órgano que ditou este acto, recurso de reposición no prazo de un mes a partir do día seguinte ao da referida publicación, sen poder simultanear ambos. Aínda que tamén se poderá utilizar calquera outro recurso ou acción que se estime pertinente. 14ª.- PROTECCIÓN DE DATOS Tratamento PROVISIÓN DE EMPREGOS Controlador de Datos Concello de Quiroga, Rúa Real, nº 52, CP 27320, en Quiroga. correo electrónico: concello.quiroga@eidolocal.es ; teléfono: 982 42 80 01 Datos Delegado de Protección de Datos Correo electrónico: dpd@quiroga.es Propósito e períodos de retención Xestión e tramitación das convocatorias públicas para a selección de persoal para postos vacantes no Consello. Xestión das probas de selección e avaliación dos méritos proporcionadas, publicidade e transparencia do proceso de selección. Os datos proporcionados gardaranse durante o tempo necesario para cumprir co propósito para o que foron recollidos e para determinar posibles responsabilidades que poidan xurdir dese propósito e/ou tratamento de datos. Aplicaranse as disposicións das regulacións sobre arquivamento e documentación no sector público. Os seus datos non serán utilizados para tomar decisións automatizadas. Destinatarios de datos Os seus datos persoais serán transferidos a: a Dirección Xeral do Servizo Civil, á administración pública con competencia no asunto, ao Consello Provincial de Lugo e ao Boletín Oficial da Provincia de Lugo (BOP). Non está previsto realizar transferencias internacionais dos seus datos a terceiros países. Dereitos das persoas interesadas Dereito de acceso: solicita información sobre os datos persoais que posuímos sobre ti. Dereito de rectificación: comunica calquera cambio nos teus datos persoais. Dereito á restrición do procesamento: nalgúns casos, solicita a restrición do tratamento dos teus datos. Para máis información sobre como exercer os teus dereitos, visita o Rexistro de Entrada do Concello de Quiroga, situado na dirección indicada anteriormente, ou podes realizar esta acción a través dos formularios que a entidade che pon a disposición na sede electrónica do Consello: https://concellodequiroga.sedelectronica.es/info.0 Tamén podes contactar directamente co noso Responsable de Protección de Datos a través do seguinte correo electrónico: dpd@quiroga.es. Se considera que algún dos dereitos mencionados non foi respectado, terá o dereito a presentar unha queixa ante a Axencia Española de Protección de Datos. (https://www.agpd.es/portalwebAGPD/index-ides-idphp.php). 15ª.- NORMA FINAL O tribunal queda facultado para interpretar as Bases de convocatoria, así como para resolver cantas dúbidas e incidencias presente a súa aplicación, e poderá adoptar os acordos necesarios procurando a boa orde e desenvolvemento do proceso selectivo. Quiroga, 1 de outubro de 2026.- O alcalde-presidente, [nombre omitido]. ANEXO: TEMARIO 1.- A Constitución española de 1978. Estrutura. Preámbulo, Título preliminar. Capítulo I, dereitos e libertades. 2.- A Constitución española de 1978. Título oitavo. Organización territorial do Estado. Competencias das CCAA. 3.- O Municipio. Concepto e elementos. O termo municipal. O empadroamento. 4.- O Municipio. Competencias e organización. Órganos de goberno e administración do municipio. 5.- O persoal ao servizo das Administracións Locais. Concepto e clases. Dereitos e deberes. Incompatibilidades. 6.- A comarca de Quiroga. Demografía, territorio, características socioeconómicas. 7.- Lei 13/2008 de 3 de decembro, de servizos sociais de Galicia. 8.- Lei 39/2006 de 14 de decembro, de Promoción da Autonomía Persoal e Atención as persoas en situación de dependencia. 9.- Decreto 99/2012, de 16 de marzo, polo que se regulan os servizos sociais comunitarios e o seu financiamento: obxecto, natureza e dereitos e deberes das persoas usuarias. 10. Lei 3/2011 de 30 de xuño de apoio á familia e a convivencia de Galicia. 11.- Lei 26/2015, de 28 de xullo, de modificación do sistema de protección á infancia e á adolescencia. 12.- Habilidades básicas na entrevista en intervención familiar. Técnicas de entrevista. 13.- A coordinación profesional na intervención en atención temperá: familia, escola,sanidade. 14.- Libro branco de Atención Temperá 2015-2017 Xunta de Galicia 15.- A prevención en atención temperá. Niveles e actuacións. 16.- Decreto 183/2013 de 5 de decembro polo que se crea a Rede Galega de Atención Temperá. ANEXO I: MODELO DE INSTANCIA D./Dª. ................................................................................................................................................................... maior de idade, con DNI ...................................................................... con domicilio a efectos de notificacións en .............................................................................................................................................................................. número de teléfono ................................................ e email ................................................................................... EXPOÑO: Enterado/a do procedemento para a provisión de: □ UN POSTO DE PSICOPEDAGOGO/A OU PSICÓLOGO/A XORNADA DE 35 H SEMANAIS. □ UN POSTO DE PSICOPEDAGOGO/A OU PSICÓLOGO/A XORNADA DE 30 H SEMANAIS. □ UN POSTOS DE LOGOPEDA A XORNADA DE 35 H SEMANAIS. □ UN POSTOS DE LOGOPEDA A XORNADA DE 32 H SEMANAIS. □ UN POSTO DE TERAPEUTA OCUPACIONAL A XORNADA DE 25 H SEMANAIS. para o Servizo de Atención Temperá, - Bases de contratación de data 1 de outubro de 2026-, estou interesado/a en participar no proceso de selección do/os devanditos postos. DECLARO: 1º.- Que coñezo na súa integridade as bases que rexen a convocatoria. 2º.- Solicito ser admitido/a a dito procedemento, e comprométome a someterse ás bases que o regulan. En Quiroga, a ............ de ............................................ de 2026 Asdo.: ....................................................................................... SR. ALCALDE-PRESIDENTE DO CONCELLO DE QUIROGA ANEXO II: RELACIÓN DE MÉRITOS QUE SE XUSTIFICAN E FORMA DE ACREDITACIÓN:  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________  ______________________________________________________________________________ ANEXO III: DECLARACIÓN RESPONSABLE D./Dª. ................................................................................................................................................................... maior de idade, con DNI .................................................................... e con domicilio a efectos de notificacións en .............................................................................................................................................................................. e número de teléfono ......................................... e mail ......................................................................................... DECLARO: Que non estou afectado/a por ningún dos motivos de incompatibilidade recollidos na lexislación vixente sobre incompatibilidades do persoal ó servizo das administracións públicas, de non padecer enfermidade ou defecto físico/psíquico, que me impida o desempeño das funcións ou tarefas correspondentes a praza á que opto e de non estar separado/a, mediante expediente disciplinario do servizo ó Estado, ás Comunidades Autónomas ou ás Entidades Locais, nin estar inhabilitado/a para o exercicio das funcións públicas; -no caso de ser nacional doutro Estado-, de non estar inhabilitado/a ou en situación equivalente, nin estar sometido/a a sanción disciplinaria ou equivalente que me impida, no meu Estado, nos mesmos termos, o acceso ó emprego público. Quiroga, ............. de ................................... de 2026 Sinatura: ...................................................................