BASES XERAIS E ESPECíFICAS QUE REGULAN A CONVOCATORIA DO PROCESO SELECTIVO PARA CUBRIR UNHA PRAZA DE PERSOAL LABORAL FIXO DE OPERARIO DE SERVIZOS VARIOS E CREACIÓN DUNHA BOLSA DE EMPREGO

ANUNCIO Por acordo da Xunta de Goberno Local do Concello de Fornelos de Montes, celebrada en sesión ordinaria de data once de setembro de dous mil vinte e seis, aprobáronse as seguintes BASES XERAIS E ESPECIFICAS QUE REGULAN A CONVOCATORIA DO PROCESO SELECTIVO PARA CUBRIR UNHA PRAZA DE PERSOAL LABORAL FIXO DE OPERARIO DE SERVIZOS VARIOS DO CONCELLO DE FORNELOS DE MONTES E CREACIÓN DUNHA BOLSA DE EMPREGO 1. OBXECTO DA CONVOCATORIA. A presente convocatoria ten por obxecto cubrir a praza, incluída na oferta de emprego público do Concello de Fornelos de Montes de 2025, así como a constitución dunha bolsa integrada por persoal co mesmo perfil: PERSOAL LABORAL Nº de prazas Denominación Categoría (Laboral) Grupo de cotización Quenda 1 Operario de servizos varios Peón 10 Libre Para o non previsto expresamente nestas bases estarase ao disposto na Lei 39/2015 de 1 de outubro, do Procedemento Administrativo Común das Administracións Públicas; Lei 40 /2015, de 1 de outubro, de Réxime Xurídico do Sector Público; Real Decreto Lexislativo 5/2015 de 30 de outubro, polo que se aproba o texto refundido da Lei do Estatuto Básico do Empregado público; Lei 7/1985, de 2 de abril, reguladora das Bases do Réxime Local; Lei 5/1997, de 22 de xullo, de Administración Local de Galicia; Lei 30/1984, de 2 de agosto, de Medidas para a Reforma da Función Pública; Real Decreto lexislativo 781/1986, de 18 de abril, polo que se aproba o texto refundido das disposicións legais vixentes en materia de Réxime Local; Lei 2/2015, de 29 de abril, de emprego público de Galicia, , no Real Decreto Lexislativo 2/2015, do 23 de outubro, polo que se aproba o texto refundido da Lei do Estatuto dos Traballadores Real Decreto 896/1991, do 7 de Xuño, polo que se establecen as regras básicas e programas mínimos a que debe axustarse o procedemento de selección de funcionarios de Administración Local e demais disposicións legais de aplicación. 2. DENOMINACIÓN E CARACTERÍSTICA DA PRAZA CONVOCADA. Convócase unha praza de operario/a de servizos varios-peón ordinario, dotada coas retribucións establecidas no orzamento municipal. 3. SISTEMA DE SELECCIÓN. A selección efectuarase mediante oposición, debendo respectar en todo caso os principios de igualdade, mérito, capacidade, publicidade e transparencia. 4. REQUISITOS DOS/AS ASPIRANTES. 1) Con carácter xeral, para seren admitidos/as na realización das probas selectivas os/as aspirantes deberán reunir os seguintes requisitos: a) Ter a nacionalidade española, sen prexuízo do disposto no artigo 57 do Texto Refundido do Estatuto Básico do Empregado Público. b) Posuír a capacidade funcional para o desenvolvemento das tarefas propias da praza á que se aspira. c) Ter cumpridos os 16 anos e non exceder, no seu caso, da idade máxima de xubilación forzosa. d) Os/as aspirantes deberán posuír o Certificado de Escolaridade /Estudos Primarios e permiso de condución Clase C. e) Non ter sido separado, mediante expediente disciplinario, do servizo de calquera das Administracións Públicas ou dos órganos constitucionais ou estatutarios das Comunidades Autónomas, nin atoparse en inhabilitación absoluta ou especial para empregos ou cargos públicos por resolución xudicial, para exercer funcións similares ás que desenvolvían no caso do persoal laboral no que houbera sido separado ou inhabilitado. No caso de ser nacional doutro estado, non atoparse inhabilitado ou en situación equivalente nin ter sido sometido a sanción disciplinaria ou equivalente que impida, no seu Estado, nos mesmos termos o acceso ó emprego público. f) Non estar comprendido en ningunha das causas de incompatibilidade sinaladas na lexislación vixente. g) Estar en posesión ou en condicións de obter o título académico esixido nas bases na data en que remate o prazo de presentación de instancias. No caso de titulacións obtidas no estranxeiro deberase ter a credencial que acredite a súa homologación. h) Non ter enfermidade ou defecto físico ou psíquico que impida ou sexa incompatible co normal desempeño das funcións ou tarefas correspondentes á praza que se opta. As persoas con algunha discapacidade deberán facelo constar na súa solicitude, sinalando se precisan de adaptación para realizar as probas. A condición de discapacidade e a súa compatibilidade acreditásense con certificación da Consellería de Política Social. i) Cumprir os demais requisitos esixidos para o ingreso nas bases. 2) Os requisitos enumerados con anterioridade deberán posuírse o día de remate do prazo de presentación de solicitudes. 5. FORMA E PRAZO DE PRESENTACIÓN DE INSTANCIAS. Unha vez aprobadas as presentes bases, procederase á súa publicación no taboleiro de edictos do Concello, no Boletín Oficial da Provincia de Pontevedra (BOP) e extracto no Diario Oficial de Galicia (DOG). Publicarase así mesmo no BOE, abríndose o prazo de presentación de instancias durante 20 días naturais dende esta última publicación. As solicitudes dirixiranse á Alcaldía do Concello de Fornelos de Montes, e se presentarán no Rexistro de entrada deste Concello no prazo indicado. Así mesmo, as instancias poderán presentarse en calquera das formas determinadas na Lei 39/2015, de 1 de outubro, do procedemento administrativo común das Administracións públicas. As persoas que desexen tomar parte nas probas selectivas convocadas deberán facelo constar mediante unha instancia dirixida ó Sr. Alcalde-Presidente do Concello de Fornelos de Montes, de acordo co modelo que figura como Anexo da presentes Bases. Coa solicitude deberase achegar a seguinte documentación orixinal ou copia autenticada: • DNI, NIE ou no seu caso, pasaporte. • Documentación acreditativa de posuír a titulación esixida. • Permiso de condución Clase C. • No seu caso, documento xustificativo do grado de discapacidade (se é superior ao 33%) xunto coa proposta de adaptación de métodos e tempos, consonte ao disposto no Real Decreto 2271/2004, do 3 de decembro, polo que se regula o acceso ao emprego público e a provisión de postos de traballo das persoas con discapacidade. • A acreditación do coñecemento da lingua galega se se dispón dela. En caso contrario o aspirante terá que realizar a proba de coñecemento do idioma galego. Segundo o disposto no artigo 2 do Real Decreto 2271/2004, de 3 de decembro, polo que se regula o acceso ao emprego público das persoas con discapacidade, as convocatorias de probas selectivas correspondentes deberán incluír a reserva dunha cota non inferior ao 5% das prazas vacantes para ser cubertas entre persoas cun grao de minusvalía igual ou superior ó 33%. O artigo 59 do texto refundido do Estatuto Básico do Empregado Público eleva dita porcentaxe ao 7%. Non procede neste suposto reservar unha porcentaxe das prazas para persoas con minusvalía por non ser posible chegar a unha unidade con esa porcentaxe. De tódolos xeitos, no suposto de que se posúa algunha discapacidade igual ou superior ó 33%, farase constar na solicitude de participación desta convocatoria, achegando declaración expresa dos interesados de que reúnen o grao de discapacidade, acreditado mediante o certificado expedido polos órganos competentes do Ministerio de Traballo e Asuntos Sociais ou da Comunidade Autónoma. Igualmente, haberá de acreditarse mediante certificado expedido ao efecto polos órganos competentes do Ministerio de Traballo e Asuntos Sociais ou, se é o caso, da Comunidade Autónoma, a compatibilidade do grao de discapacidade co posto de traballo ao que se solicita concorrer. En todo caso, para o desenvolvemento do proceso con tódalas garantías do dereito de acceso á función pública en condicións de igualdade, haberá que aterse á Lei 53/2003, de 10 de decembro, sobre emprego público de discapacitados e ao Real Decreto 2271/2004, clo 3 de decembro, polo que se regula o acceso ao emprego público e a provisión de postos de traballo das persoas con discapacidade, así como outra normativa concordante vixente. Os/as aspirantes quedan vencellados/as aos datos que consten na súa solicitude, se ben os erros de feito que poidan advertirse poderán emendarse ou repararse en calquera momento, ben de oficio, ben a instancia de parte. 6. ADMISIÓN DE ASPIRANTES. Finalizado o prazo dos vinte días naturais fixado para presentar as solicitudes, o Concello ditará resolución, declarando aprobada a lista de admitidos/as e excluídos/as, con especificación, no seu caso, dos motivos de exclusión, que se publicará no taboleiro de anuncios (físico e electrónico) do Concello. Os/as aspirantes excluídos/as disporán dun prazo de dez días, contados a partir do seguinte ao da publicación da resolución, para poder emendar, no seu caso, o defecto que motivase a exclusión. No suposto de producirse reclamacións deberá ditarse unha nova resolución estimándoas ou desestimándoas coa publicación da lista definitiva así mesmo no taboleiro de anuncios do Concello. Non caso de que non houbera ningún/ha excluído/a a lista de admitidos aprobarase con carácter definitivo. O feito de figurar incluído/a na relación de admitidos/as non prexulga que se lles recoñeza aos interesados/as posuír os requisitos esixidos no procedemento selectivo convocado, que deberán ser xustificados documentalmente no suposto de que os/ás aspirantes admitidos/as superen as probas selectivas. 7. TRIBUNAL CUALIFICADOR. Os/as membros do tribunal cualificador de cada unha das distintas probas selectivas convocadas serán designados/as polo alcalde segundo o disposto no art. 4, parágrafos e) e f) do Real decreto 896/91, do 7 de xuño, e art. 60 do texto refundido, do estatuto básico do empregado público. O tribunal cualificador estará integrado por cinco membros titulares e cinco suplentes, sendo a súa composición a seguinte: presidente, secretario e tres vogais. Tódolos/as vocais deberán posuír a titulación ou especialización igual ou superior a esixida para o acceso á praza convocada. A abstención e recusación dos membros do Tribunal formularanse de conformidade co artigo 23 e 24 da Lei 40/2015, de 1 de outubro, de réxime xurídico do sector público. Os órganos de selección serán colexiados e a súa composición deberá axustarse aos principios de imparcialidade e profesionalidade dos seus membros e se tenderá á paridade entre muller e home. O tribunal non se poderá constituír nin actuar sen a asistencia de, polo menos, tres dos seus membros, titulares ou suplentes, indistintamente, e resultando, en todo caso, imprescindible a asistencia do presidente e do secretario. Tódolos membros do Tribunal teñen voz e voto. As decisións adoptaranse por maioría de votos dos membros asistentes, resolvendo en caso de empate o voto de calidade do presidente. O persoal de elección ou de designación política, os funcionarios interinos e o persoal eventual non poderán formar parte dos órganos de selección. A pertenza aos órganos de selección será sempre a título individual, non podendo ostentarse esta en representación ou por conta de ninguén. O tribunal poderá dispoñer a incorporación de técnicos asesores, con voz e sen voto, para todas ou algunhas das probas que así o requiran. Estes colaborarán co órgano encargado da selección exclusivamente cando sexa necesario, por mor de temas técnicos. A determinación concreta dos membros do Tribunal, así como dos seus suplentes, farase pública no taboleiro de anuncios do Concello, xunto coa listaxe definitiva de admitidos e a data, lugar e hora do primeiro exercicio. 8. CARACTERÍSTICAS DAS PROBAS SELECTIVAS. En orde a comprobar a idoneidade dos candidatos a realización das probas será obrigatoria e eliminatoria, cualificándose ata un máximo de 10 puntos cada exercicio, sendo eliminados os aspirantes que non alcancen un mínimo de 5 puntos, agás no exame de galego que non será eliminatorio e se cualificará cun máximo de 2 puntos. O procedemento de selección consistirán en probas de coñecementos xerais ou específicos teóricos e prácticos, e constará dos seguintes exercicios: PRIMEIRO EXERCICIO: DE CARÁCTER OBRIGATORIO E ELIMINATORIO. Consistirá en contestar por escrito a un cuestionario, tipo test, de 20 (vinte) preguntas con catro respostas alternativas baseadas no contido do programa da convocatoria durante un tempo de 30 minutos, existirán ademais 3 (tres) preguntas de reserva. Cada resposta correcta será valorada con 0,5 puntos, e as incorrectas restarán 0,25, as preguntas non contestadas non se valorarán. Cualificarase de 0 a 10 puntos, sendo necesario obter unha cualificación mínima de 5 puntos para aprobar. SEGUNDO EXERCICIO: DE CARÁCTER OBRIGATORIO E ELIMINATORIO. Consistirá na realización dun exercicio práctico para comprobar a disposición, coñecemento e manexo de ferramentas, maquinarias e demais utensilios que se utilizan nos distintos oficios e servizos municipais e relacionado co contido do programa no tempo que marque o tribunal. Cualificarase de 0 a 10 puntos, sendo necesario obter unha cualificación mínima de 5 puntos para aprobar. TERCEIRO EXERCICIO: SOBRE COÑECEMENTO DO GALEGO PARA ASPIRANTES NON EXENTOS/AS: DE CARÁCTER OBRIGATORIO E NON ELIMINATORIO. Consistirá na tradución ao galego dun texto escrito en castelán, que decidirá órgano de selección inmediatamente antes do inicio da proba, e avaliarase de 0 a 2 puntos. O aspirante que non obtivese 1 punto como mínimo nesta proba deberá participar no primeiro curso de idioma galego que realice a Administración autonómica (Consellería de Política Lingüística ou organismo autonómico competente) a fin de obter a debida capacitación. Estarán exentos da realización deste exercicio os/as aspirantes que na solicitude de admisión ao proceso selectivo acrediten posuír o diploma de CELGA 2, aos que se lle asignarán os 2 puntos. 9. COMEZO DOS EXERCICIOS. 1.- A data e mais a hora na que deberá constituírse o tribunal, será determinada polo Alcalde mediante resolución, xuntamente coa aprobación da lista definitiva de admitidos/as e a composición do tribunal, que se publicará mediante anuncio no taboleiro de anuncios do Concello. 2.- Os/as aspirantes convocaranse para cada exercicio nun único chamamento, quedando decaídos/as no seu dereito os/as opositores/as que non comparezan a realizalo, salvo os casos debidamente xustificados, que resolverá o tribunal. A convocatoria de cada exercicio farase con polo menos 48 horas de antelación e será publicada no taboleiro de anuncios municipal. 3.- Os/as aspirantes deberán presentarse para realizaren cada exercicio provistos do DNI, ou documento fidedigno acreditativo da súa personalidade. 10. DESENVOLVEMENTO DOS EXERCICIOS DAS PROBAS SELECTIVAS. 1.- En calquera momento o tribunal poderá requirir aos/ás opositores/as para que acrediten a súa identidade. 2.- A orde de actuación dos/as opositores/as para realizaren aqueles exercicios que non poidan facerse de forma simultánea será pola letra 'F'. 3.- Se en calquera momento do proceso selectivo chegase a coñecemento do tribunal que algún/ha dos/as aspirantes non posúe a totalidade dos requisitos esixidos na respectiva convocatoria, previa audiencia do/a interesado/a, deberá propoñerlle ao presidente a súa exclusión indicando as inexactitudes ou falsidades observadas para os efectos procedentes. 4.- Concluído cada un dos exercicios da oposición correspondente, o tribunal fará pública, no taboleiro de anuncios do Concello, a relación de aspirantes que o superasen, indicando a puntuación obtida. Os/as opositores non incluídos/as na lista terán a consideración de "non aptos/as". No caso do primeiro exercicio terán 3 días naturais para formular alegacións. 5.- A relación de aprobados/as en cada exercicio deberá publicarse no taboleiro de anuncios, polo menos con 12 horas de antelación á nova reunión do tribunal cando se trate do mesmo exercicio e con 24 horas de antelación cando se trate dun novo exercicio. 6.- Desde o momento en que remate un exercicio ata que comece o seguinte deberá transcorrer un prazo mínimo de 48 horas e un máximo de 45 días naturais. Cando un exercicio contemple diferentes probas poderá realizarse no mesmo día. 11. CUALIFICACIÓN DOS EXERCICIOS E RELACIÓN DE APROBADOS. 1.- Os exercicios da oposición será cualificado de acordo co establecido na base 8. 2.- A cualificación de cada aspirante nos diferentes exercicios do proceso de selección será o resultado da media aritmética das puntuacións outorgadas por todos os membros do tribunal ou a determinada de común acordo polo conxunto dos seus membros. 3.- A cualificación obtida polos/as aspirantes na oposición, será a resultante da suma das puntuacións outorgadas nos distintos exercicios. 4.- Determinada a cualificación final dos/as aspirantes o tribunal fará pública a relación de aprobados/as por orde de puntuación final acadada no taboleiro de anuncios do Concello. 5.- O tribunal non poderá eu ningún caso aprobar nin declarar que superou as probas selectivas un número superior de aspirantes ao das prazas convocadas. Calquera proposta de aprobados que contraveña o establecido anteriormente será nula de pleno dereito. 6.- Non obstante, o tribunal, ao cualificar cada un dos exercicios, non terá en conta a limitación anterior que só se considerará ao formularlle ao Alcalde a proposta coa relación de aprobados/as, na que só se incluirá aquel opositor/a que obtivese a maior puntuación total final, que nunca poderá superar o número de prazas convocadas. 7.- O tribunal formulará á Alcaldía a proposta co aspirante que obtivese a maior puntuación total final para ocupar a praza, e cos restantes aprobados unha relación por orden de puntuación para a constitución dunha bolsa de emprego de operarios de servizos varios. 8.- No suposto de empate nas puntuacións totais finais de dous ou máis aspirantes, este resolverase tendo en conta a maior puntuación obtida no primeiro exercicio e, se isto non fose suficiente, pola puntuación obtida nos sucesivos exercicios ata que o empate se resolva. De persistir o empate este resolverase por sorteo. 12. INCIDENCIAS. O tribunal queda facultado para interpretar as bases da convocatoria, así como para resolver cantas dúbidas e incidencias presente a súa aplicación e poderán adoptar os acordos necesarios procurando a boa orde e desenvolvemento do proceso selectivo. 13. ACHEGA DE DOCUMENTOS POLO OPOSITOR SELECCIONADO. 1.- A relación de aprobados/as, publicada no taboleiro de anuncios do Concello, conterá unha advertencia recordándolle ao opositor/a aprobado/a que deberá presentar a documentación sinalada nas bases para xustificar que cumpren os requisitos esixidos para ingresar na función pública local e acceder á praza convocada. 2.- O/A aspirante proposto/a achegará, dentro do prazo de 20 días naturais, contados desde a publicación da relación de aprobados/as, os documentos acreditativos de capacidade e mailos requisitos esixidos na convocatoria: • Certificación médica acreditativa de non padecer enfermidade ou defecto físico que imposibilite o normal exercicio da función. • Declaración baixo xuramento ou promesa, de non ter sido separado/a mediante expediente disciplinario do servizo de ningunha Administración pública nin estar inhabilitado/a para o exercicio de funcións públicas. • Declaración, baixo xuramento ou promesa, de non esta incurso/a en ningunha causa de incapacidade ou incompatibilidade conforme coa lexislación vixente e referida ó momento da súa toma de posesión. • Documentación xustificativa daqueloutros requisitos esixidos para o ingreso nas bases. 3.- Ante a imposibilidade, debidamente xustificada, de presentar os documentos sinalados, os/as aspirantes poderán acreditar que reúnen as condicións esixidas mediante calquera outro medio de proba admitido en dereito. 4.- Quen non presentara a documentación sinalada anteriormente dentro do prazo fixado, agás causa de forza maior, non poderá ser nomeado como persoal do Concello nin tampouco se do exame da documentación se deducise que carece dalgúns requisitos. 14. NOMEAMENTO DO PERSOAL Concluído o proceso selectivo, o/a aspirante aprobado/a, cun número que non poderá exceder en ningún caso ao da praza convocada, será nomeado, persoal laboral fixo do Concello polo Alcalde, unha vez que xustifique documentalmente o cumprimento dos requisitos previstos nestas bases para o ingreso. A incorporación ao posto de traballo efectuarase dentro do prazo máximo de 1 mes, contado desde o día seguinte ao da notificación do nomeamento. 15. CONSTITUCIÓN E FUNCIONAMENTO DA BOLSA DE EMPREGO. Todas as persoas que superen o proceso de selección serán incluídas nunha bolsa de traballo, aprobada por resolución da Alcaldía, ordenadas segundo a puntuación total obtida, para as futuras contratacións laborais temporais que resulten necesarias a fin de cubrir vacantes por ausencia dos operarios de servizos varios do Concello ou para cubrir as súas vacacións, permisos e licenzas, así como as baixas por incapacidade temporal ou outras causas sobrevidas que poidan xurdir. Os chamamentos faranse mediante notificación ao interesado. No caso de rexeitamento ao posto ofertado a persoa deberá manifestalo por escrito presentado no Rexistro de Entrada no prazo de tres días. Neste suposto pasará ao último lugar da bolsa de emprego, agás que concorra algunha das seguintes circunstancias e sempre que se xustifique documentalmente: • Se atopen traballando nese momento ou estean en situación de activo. • Por parto, baixa por maternidade ou situacións asimiladas. • Que acrediten situación de baixa médica. • Por enfermidade moi grave de cónxuxe ou familiar até o 2º grao de consanguinidade, acreditada por certificado ou informe médico e libro de familia. A vixencia da presente bolsa non se verá afectada pola constitución das distintas bolsas creadas con motivo de programas de emprego. 16. RÉXIME DE IMPUGNACIÓN. As bases xerais e específicas da convocatoria e cantos actos administrativos deriven delas e das actuacións do tribunal poderán ser impugnadas nos casos e na forma establecidos pola Lei 39/2015, de 1 de outubro, do Procedemento Administrativo Común das Administracións Públicas. A Administración municipal tamén poderá, no seu caso, revisar as resolucións dos tribunais segundo o previsto na citada Lei 39/2015, de 1 de outubro. PROGRAMA Tema 1. A Constitución Española, estrutura. Dereitos e deberes fundamentais. Tema 2. O Estatuto de Autonomía de Galicia. Tema 3. O Municipio. Territorio, poboación, organización e competencias. Coñecemento do termo municipal de Fornelos de Montes. Tema 4. Coñecemento xeral dos bens e servizos municipais e da organización do traballo no Concello de Fornelos de Montes. Tema 5. O servizo de recollida de lixo. Normativa e coidados do camión de recollida de lixo. A organización do servizo eu Fornelos de Montes. Tema 6. O servizo municipal de abastecemento de augas e rede de sumidoiros. O mantemento e reparación das redes de augas e sumidoiros do Concello de Fornelos de Montes. Tema 7. O parque móbil municipal do Concello de Fornelos de Montes. Tema 8. Coñecementos básicos dos traballos que realiza un operario nos distintos oficios e servizos municipais. Descrición, características e aplicacións das distintas ferramentas, maquinarias e demais utensilios que se utilizan nos distintos oficios e servizos municipais. Tema 9. Principios básicos de seguridade e riscos máis habituais dos operarios de servizos varios. Tema 10. Mantemento e conservación de parques e xardíns, espazos naturais e mobiliario urbano, rúas, prazas e estradas.